Wednesday, March 14, 2007

عذرا...ايها الشهداء





لا يمكن قطع علاقتنا بإسرائيل بسبب فيلم
هكذا جاءت كلمة النهاية على لسان وزير الخارجية احمد ابو الغيط
و كأن هذا الفيلم ليس دليلا على قتل مائتي و خمسين جندي مصري عزل في حرب سبعه و ستين
بالتأكيد عندما ذهب هؤلاء الجنود للحرب كان إمامهم احد أمرين
إما العودة بالنصر و العزة
و إما العودة بالشهادة
و في كلتا الحالتين تصوروا أن وطنهم سيكون فخورا بهم
بالتأكيد تصوروا أنهم لو انتصروا سيذكرهم التاريخ
و لو استشهدوا ستحفر أسمائهم في وجدان وطنهم






و لكن جاءت النهاية تحمل أمرا ثالثا
فقد كان لبلدهم رأيا آخر
فقد لفظهم الوطن و أهدر دمهم و نسى أنهم أبنائه
هكذا ضاع دم الشهداء. و لكنه ضاع بأيدينا
هكذا أذاع التليفزيون الأسرائيلى فيلم وثائقي يوضح مقتل أسرانا العزل بمنتهى الوحشية بدم بارد على يد الجنود الإسرائيليين
و هكذا استقبلنا الأمر بمنتهى الهدوء و كأن شيئا لم يكن




نعم المصري دمه رخيص
إسرائيل تلك التي نرفض قطع علاقتنا بها بسبب فيلم
دمرت هي بلدات كاملة في الجنوب اللبناني من اجل مقتل جنديين اسرلئيليين و اسر آخرين على يد حزب الله
و لم تقل لن اخسر لبنان من اجل جنديين
إسرائيل التي دمرت فلسطين من اجل جندي واحد أسرته حماس
و لم تقل لن اخسر علاقتي بفلسطين من اجل جندي واحد أسير
بينما تنازلنا نحن عن دم عشرات الشهداء
و الغريب أن بعض المسئولين في وزارة الخارجية يؤكدون بمنتهى الحماس أن التحقيقات مستمرة منذ سنة 1995
إذن إلى ماذا توصلتم أيها السادة على مدار اثني عشر عاما متواصله من التحقيق
اخبرونا بنتيجة كل هذه السنين من التحقيقات
اى زمن هذا الذي نعيشه؟

89 Comments:

At 14/3/07 1:44 AM, Blogger bluesky said...

نعيش زمن العجائب
نعيش زمن اهلهه بلا شهامة بلاكرامة
ناس اتعوتت تضرب على قفاها من القريب فمهمهاش تاخد بالقلم من الغريب
تحياتي مانو..موضوع ممتاز

 
At 14/3/07 8:11 AM, Anonymous Anonymous said...

يافندم القرار مش قرارنا
مش بأيدنا احنا ان نقطع العلاقات مع اسرائيل
القرار بيتعمل فى أمريكا وعلى الرئيس ان ينفذ فقط لاغير
وعلشان خاطرى ماتعتيبيش على الزمن
الزمن مظلوم معانا

طبعا أى مقارنة بينا وبين اسرائيل ظالمه
أى جندى يتجرح عندها تموت قدامه عشرة
احنا بقى للأسف
:(
للأسف اتأخرنا كتير
ربنا يلطف بينا فيما جرت فيه المقادير

ودمتى بخير وصحة وسلامة

 
At 14/3/07 11:44 AM, Blogger يا مراكبي said...

لكنه وطني الذي أدمي فؤادي من سنين

ما عاد يذكرني .. نساني

كل شيء فيك يا مصر الحبيبة سوف ينسى بعد حين

أنا لست أول عاشق نسيته هذي الأرض

كما نسيت ألوف العاشقين

أهواك يا وطني ... فلا الأحزان أنستني
هواك ولا الزمن

الآن يا وطني أعود إليك ... توصد في عيوني كل باب؟

لم ضقت يا وطني بنا؟

فاروق جويدة

 
At 14/3/07 2:22 PM, Blogger ody911 said...

حسبنا الله ونعم الوكيل

 
At 14/3/07 3:50 PM, Blogger SomeOne said...

انا حاسس ذي ما يكون الفيلم ده معمول مخصوص عشان يقولو لنا انتو ولا حاجة وانتو بق وخلاص

 
At 14/3/07 5:07 PM, Blogger david santos said...

Hello!
The american terrorism is bad. Crininal!

InzyaAllah

 
At 14/3/07 6:35 PM, Blogger محمد مفيد said...

نحن في زمن التخاذل والتنطع والهوان

زمن بقي في كل مسئول بتهون عليه اي حاجه حتي الشرف حتي العزه
لما ييجي سفير اسرائيل ويهين كل الشعب قدام الاعضاء المبجلين في المجلس ولا احد يجيب
ادعوكي لقراءه قصيده فاروق جويده
ماذا اصابك يا وطن

 
At 14/3/07 8:49 PM, Blogger Abd El Rahman Magdy said...

والله الواحد ما بقاش عارف هي دي بلدنا ولا بلد مين بالضبط
احنا التراب عند حكومتنا خسارة فينا
عشان كده بيدوروا على أي طريقة يخلصوا بيها مننا
ربنا يخلصنا منهم قبل ما يخلصوا علينا
قولوا آمين

 
At 14/3/07 9:13 PM, Blogger mariam said...

bluesky
للأسف زمن العجائب فعلا
تصدقى كلامك رغم انه مؤلم لكن صح جدا
منورانى دايما
و شكرا على رأيك يا جميله



-----------------------------------
حسن محمود
انت عندك حق
خلاص مفيش اى حاجه فى ايدينا
لكن انا صعبان عليا الوضع المزرى اللى احنا فيه
الجنود اللى قتلوا هما اهلنا
و طبعا لا يمكن مقارنة افعالنا باسرائيل
لأن مواطنيها غاليين جدا عندها
شكرا لزياراتك و ارائك
و شكرا ليك بجد على متابعتك و تشجيعك

 
At 14/3/07 9:16 PM, Blogger mariam said...

يا مراكبي
تصدق ان قصيدة ماذا اصابك يا وطن
كانت فى بالى طول ما كنت بفكر فى الموضوع ده
لدرجة انى كنت ناويه انزلها مع الموضوع
هى فعلا كلماتها تعبر بصدق عما وصلنا له
و ده مش جديد على المبدع فاروق جويده
نورتنى




----------------------------------
ody911
هو ده فعلا اللى نقدر نقوله
و يمكن مافيش غير كده ادامنا
شكرا لزيارتك يا اودى

 
At 14/3/07 9:19 PM, Blogger mariam said...

شادي فايد
احنا فى نظرهم و لا حاجه بالفيلم او من غيره
و اكبر دليل انهم اذاعوا الفيلم و لا همهم



--------------------------------
david santos
first thanks for visiting my blog
second i completely agree with you
the american terrorism and any terrorism is bad

 
At 14/3/07 9:22 PM, Blogger mariam said...

محمد مفيد
كلامك صح و فى الصميم
تصدق انا فعلا قريت فصيدة ماذا اصابك يا وطن اكتر من مره و انا بفكر فى موضوع الشهداء
كأنها بتعبر عما يحدث رغم انها مكتوبه لضحايا العباره سالم اكسبرس
لدرجة انى كنت ناويه انزلها مع الموضوع
شكرا لزياتك



---------------------------------
عبوووووووود
للأسف دى بلدهم هما
احنا خارج كل الحسابات
و اضم صوتى لصوتك واقول آمين
شكرا لزيارتك

 
At 14/3/07 9:43 PM, Blogger saso said...

أو هل نعيشة اساسا؟

وزير خارجيتنا انضرب بالحذاء وسكتنا قلنا معلش المقاومة الفلسطينية مش سلطة شرعية ولا تعبر عن راي الفلسطينين فينا

دبلوماسي اندبح في العراق وقلنا معلش المقاومة مش سلطة شرعية برضة في العراق
المرة دي سلطة شرعية وتمثل حكومتها واتجاهاتها السياسية في ايه بقي

علي الاقل طالب بالتحقيق وهدد باي حاجة
بس هيهدد باية ..قطع انابيب الغاز ؟ ده حتي ميصحش

قفل المنفذ بتاع طابا اياة اللي كل يوم مدخل سياح ومخرج سياح ..اعوذ بالله دي القناة التانية كل يوم بتقول كلنا من السياحة بنستفيد

والمعبد اليهودي في التحرير عليه عشرين حارس ما شاء الله كانة سر حربي
والعسكري اللي ميحرسش امن السفارة يبقي مجرم زي مانتي عارفة

مقاطعة الكويز والتسعين بالمئة مكون اسرائيلي ..لا طبعا التجارة حاجة والكرامة والدم حاجة

كلها حاجات غير واردة ..يبقي الحل ايه ..نبلعها ونسكت خاااااالص

ويرجعوا يسالوا احنابنهاجم الحكومة ليه

كالعادة يا مريم هايلة وبتيجي علي الجرح

 
At 14/3/07 10:00 PM, Blogger Unknown said...

حكومة خاينة متعينة من ريس زيها

عايزين إيه أكثر من كدة

 
At 14/3/07 10:38 PM, Blogger sarah la tulipe rose said...

المصري يبقي غالي علي واحد مصري فعلا مش مجرد واحد جنسيته مصري
الاسري زي الي غرقوا في العبارة زي الي ماتوا فيمحرقة بني سويف و زي الي ماتوا في قطر الصعيد
بس حتي الكلام اياه و اللعب علي مشاعرالناس ببقين خايبين مبقوش بيفكروا انهم يتعبوا و يقولوه
احنا بقينا رخاص اوي
رخاص لدرجة الرخص ذاته يخجل منا

 
At 14/3/07 11:09 PM, Blogger ذو النون المصري said...

الانسان المصري غالي...غالي جدا
يقدس الحياه منذ الاف السنين
حتي ان صور اجداده علي المعابد كانت تشدو و تنبض بالحياه
لكن التركيبه النفسيه للمصري في هذا العصر الاعوج تغيرت
تغيرت بسبب هذا المافون الذي يحكمنا منذ ربع قرن
لقد افلح فيما فشلت فيه الاف السنين من محاولات تغيير الانسان المصري
لم يهان الانسان المصري بهذا القدر من قبل
ما العمل؟

 
At 14/3/07 11:16 PM, Blogger mariam said...

saso
ساسو العزيزه
ماذا اقول بعد كل ما قيل
حقيقى مش عارفه ارد اقول لك ايه
سؤالك هل نعيشه اساسا
عاجبنى جدا
كل الأهانات اللى انت ذكرتيها دى
افقدتنى القدره على التركيز
يمكن علشان انت جمعتيهم كلهم مره واحده
منوره و مفتقداكى




----------------------------------
IRC President
فعلا الحكومه اهدرت دم الجنود
و لا اعتقد انها قد تتخذ خطوه ايجابيه
و بعدين هو فى اكتر من كده
شكرا لزيارتك

 
At 14/3/07 11:19 PM, Blogger mariam said...

sarah la tulipe rose
يااه يا ساره
رغم ان كلامك المنى
و فكرنى بكل المآسى
لكن عندك حق
و زى ما قلتى الرخص نفسه بيخجل منا
منوره دايما



----------------------------------
ذو النون المصري
عندك حق
كل هذا الكم من الأهانه
افقدنا طعم الحياه
الأنسان المصرى فقد الرغبه فى الحياه
اما عن سؤالك ما العمل
لو كنت اعرف كنت قلت لكل الناس
شكرا لزيارتك

 
At 15/3/07 8:14 AM, Blogger No Fear said...

السلام عليكم
مانو مش هتيجي علي إسرائيل ده هي حتي عندها حق شايفة إننا أعدائها المشكلة في الإسرائليين اللي في الداخل يعني اللي دخلوا المبيدات المسرطنة اللي مش فيها شك لا متأكدين إنها مسرطنة و لا النجم الكبير صاحب العبارة
مجتيش علي بن أليعازر اللي هنزعل منه يعني
صح و لا أية؟
حسبنا الله و نعم الوكيل

 
At 15/3/07 9:47 AM, Blogger The Alien said...

إحنا ملناش تمن جوه بلدنا
وهما عارفين ده وشايفينه
يبقي إيه يخليهم يخافوا

هي جت علي أسري ماتو من 30 سنة
طب ماهما بيموتوا فينا وف جندنا ع الحدود
كل يوم ومفيش حاجة بتحصل

وإجابة علي شؤالك
إحنا عيشين ف زمن المصالح

تحياتي

 
At 15/3/07 11:48 AM, Blogger تعتعة أزهرى said...

اولا,السلام عليكم ورحمة الله وبركاته ومدونتك شيك بجد يا من يقولون لكى مريم..
لم كل هذا الهوان الذى نحن فيه؟
لأن كرامتنا أهدرت ؟ أما ماذا؟.
إن كانت على الكرامة وحسب فمتى شعرنا انها موجودة كى نحزن على ضياعها وعدم القدرة على استردادها؟ متى؟
يا اخوانى الكرام النظام المصرى لا يقدر الا على استرداد كرامتهم التى لن تعود على حساب الشعب المصرى الطيب الذى يعانى ويعانى ويعانى وفى النهاية يذق منهم أمر العذاب, لكن إن كان احدا منا ينتظر أن يقف هذا النظام ويقول لهم (لاااااااا) فهذا محال ومن الأجدر لنا عدمن التفكير فيه من الأصل..
من بعد ثالث للموضوع اقول.. لا نحزن عليهمن ولا يجوز لنا الحزن هذا,إنهم احياء عند ربهم يرزقون,وكما قال الله تعالى( ولا تحسبن الذين قتلوا فى سبيل الله اموات بل احياء عند ربهم يرزقون فرحين بما آتهم الله من فضله ويستبشرون بالذين لم يلحقوا بهم الا خوف عليهم ولا هم يحزنون) قال الله فيهم هذا, فما واجبنا الا أن نفرح بهم ونحزن على انفسنا لأننا فى قاع النهر وهم يعلونا بمراحل ..
وفقنا الله الى ما يحب ان يرانا عليه دائما.. اللهم آمين..
قبل أنت نبحث على حل لخلع النظام المباركى, فلابد أن نبحث عن حلول أجدر وأهم لخلع الإنحلال الذى اصاب شعبنا المبجل, فواحد من وسط مائة هو من تطلقين عليه لفظ (انسان) ويكون حقا هكذا, كما قال عادل إمام(إحنا فى زمن النسخ).
معلش طولت شوية..
لا تنسوا الدعاء لى بالتوفيق اذا تكرمتهم لأنى شهادة ثانوية أزهرية.

 
At 15/3/07 12:57 PM, Blogger O2A said...

طب دلوفتى ياشباب كلنا شايطين من الغضب ....طب وبعدين فى حاجة عملية نعملها؟؟؟؟؟ ولا هنقضيها كلام وطاقتنا تروح فى الغضب والإعلان عنه فقط لا غير؟؟؟؟

 
At 15/3/07 4:27 PM, Blogger Dr. Tantawy said...

والله يا مريم انا مستغربتش

اذا كان حق المصري دلوقتي اللي عايش و بيتنفس محدش بيدور عليه .. عايزاهم يدورا على حق ناس ماتت من كام سنه

المصري اللي اتقتل في افريقيا عشان كشف قضيه فساد في وزاره الري .. و الشيخ اللي اتخطف في ايطاليا و اترحل زي الدبيحه في طياره المخابرات الامريكيه .. المصريين اللي اتمسح بيهم الارض في الكويت .. و اللي مسجونين في جوانتانتامو و ابوغريب

بلاش .. العساكر اللي انضربوا بالنار على حدودنا مع اسرائيل بدون حتى ما اسرائيل تعتذر .. دول مين ياخد حقهم بس

اقولك :) سيبي الحكومه تتصرف .. همه كبار و عارفين بيعملوا ايه هههههه

 
At 15/3/07 5:25 PM, Blogger micheal said...

تصدقي يا مريم أنا طول عمري و الله من قبل ما الفيلم ده يتذاع و أنا بسال نفسي احنا ازاي ساكتين طول الفترة دي عن دماء جنودنا الاسري في 1967 بينما الصهاينه مازالوا يبتزون العالم بتعويضات ضحايا النازي الي ربما يكون مبالغا فيها بشده...لكن تفولي ايه
قد أسمعت اذ ناديت حيا...و لكن لا حياه لمن تنادي
تحياتي لكي

 
At 15/3/07 5:53 PM, Blogger mariam said...

No Fear
و عليكم السلام و رحمة الله
مقدرش اقول انك غلط
لأ عندك حق
بس مش معقول يبقى جوه و بره
على الأقل نحاول نعمل اى حاجه
تحياتى ليك



-----------------------------------
The Alien
فعلا يا بشوى زمن المصالح
للأسف احنا لا لينا تمن بره و لا جوه
و كلنا عارفين ده كويس
لكن انا صعبان عليا اهدار دم الجنود دول
بس هنقول لمين
مفيش فايده
شكرا لزيارتك

 
At 15/3/07 5:55 PM, Blogger mariam said...

تعتعة أزهرى
و عليكم السلام و رحمة الله و بركاته
اشكرك جدا على رأيك و ذوقك
يمكن للأسف كرامتنا مهدره فعلا طوال الوقت
و لكن الى متى نظل نتحمل الأهانه
على الأقل ما ذنب هؤلاء الشهداء
اتفق معك طبعا انهم احياء عند ربهم يرزقون
و اكيد هما اسعد حالا منا
و لكن هذا لا يعنى ان نترك من قتلوهم ينعمون
اتمنى لك التوفيق و النجاح الدائم
و شكرا جدا لزيارتك



----------------------------------
O2A
هى دى المشكله
احنا بنتكلم وبس
هنعمل ايه بجد
مش عارفه
يا ريت تقول لى انت
منور

 
At 15/3/07 6:02 PM, Blogger mariam said...

Dr. Tantawy
و الله يا طنطاوى
مش هقدر اعترض على كلامك لأنه سليم
لكن انا فعلا صعبان عليا دم الشهداء يهدر كده
المهم انت بتقول اسيب الكبار يتصرفوا
حاضر اما نشوف هنروح على فين
و طبعا زى ما انت عارف ثقتنا فيهم عمياء
منورنى دايما




-----------------------------------
micheal
تصدق يا مايكل انا بفكر فى موضوع المحارق النازيه و الهولوكوست كتير
و بحسد اليهود على ذكائهم فى استغلال الموضوع
لكن انا شايفه ان الأهم ان الأسرائيليين غاليين قوى فى بلدهم
علشان كده غاليين جدا بره بلدهم
و العكس صحيح بالنسبه لنا
احنا دمنا رخيص بره و جوه
منورنى دايما يا مايكل

 
At 16/3/07 12:13 AM, Blogger tota said...

مانو
اتعرفين اى زمن . زمن الخزى والعار زمن جعلنا نقبل ولاية من هم ليسوا سوى جبناء يقودونا بالحديد والنار واقسى امانيهم ان ينهبوا ما تدركه ايديهم وابدا لم تكن روح اى مصرى تهم والعرض القذر لهذا الفيلم والصور ليس الا بدليل على قذارة من نتحالف معهم تحت مسمى سلام
اى سلام هذا مع من لا يحترم اى مبادىء او عهود اى سلام واى يد مدنسة بدماء ابنائنا نضع فيها ايدينا
اى انسان هذا الذى نطق بهذه الهراءات المستفزة باننا انتقمنا فى 73 يا لله اننا فى زمن عز فيه الرجال فعلا ولم يبقى فيه من اثارهم شىء
هذا هو الزمن يا عزيزيتى زمن اشباه الرجال
تحياتى

 
At 16/3/07 2:07 AM, Blogger MoHaMeD HoSSaM said...

مش حقول غير فعلا حسبى الله ونعم الوكيل

 
At 16/3/07 1:43 PM, Anonymous Anonymous said...

وهو من امتى المصري له تمن ؟؟ مش حاجه جديده يعني ..بس المره دي هي واضحه

 
At 16/3/07 2:10 PM, Blogger Amr Ahmed said...

بما اني شكل كده هافتح المدونة تاني

قلت بقي اعلق احسن من مفيش

وبصراحة البوست استفزني

بس هي كلمة للحاج الوزير
اننا مش هانقطع العلاقات بسبب فيلم

لا سيادتك ده بسبب اللي حصل بجد
واتحكي في الفيلم

وبجملة البلاوي اللي احنا فيها

لازم نتوقع اي حاجة بعد كده

 
At 16/3/07 11:33 PM, Blogger mariam said...

tota
توتا العزيزه
انه زمن اشباه الرجال فعلا
نفسى اعرف رأى مؤيدى التطبيع
و المتحججين باتفاقيات السلام
فيما يحدث الآن
هل مكتوب علينا نحن فقط تطبيق الأتفاقيات بينما الآخرون لا
سعيده بزيارتك جدا و مازلت عندى امل ان تعودى الينا مره اخرى بتدويناتك الرائعه




----------------------------------
MoHaMeD HoSSaM
للاسف كلنا لا نملك
الا ان نقول حسبنا الله و نعم الوكيل
شكرا لزيارتك

 
At 16/3/07 11:36 PM, Blogger mariam said...

sherehan84
هو فعلا مالوش تمن يا شيرى
سواء بره او جوه
لأن لو كانت بلده قدرته كان مفيش حد يقدر يهينه
منوره




-----------------------------------
Amr Ahmed
حمد الله على السلامه يا عمرو
ايوه كده بقى كنت عايز تسيبنا
المهم احب اقولك انى هوصل كلمتك للحج الوزير
و انا عارفه الرد مقدما
مفيش فايده يا عمرو
الناس دى باعتنا من زمااااان
منور بجد

 
At 17/3/07 7:07 AM, Blogger ..........tahayo2at said...

هو احنا اخدنا حق الجنود اللي لسة مقتولين السنة دي اما ناخد حق بتوع زمان؟؟؟؟؟

 
At 17/3/07 1:05 PM, Blogger smraa alnil said...

زمن فيف عبده

لا
انتي عارفة لو كان الفيلم دة فيلم بورنو
ولا افلام حسام ابو الفتوح دة
كان يمكن الداخلية كلمت الخارجية عشان تاخد موقف
ويصادروا الشريط دة عشان يتفرجوا عليه في بيوتهم
جتهم القرف كلهم
والمصري عمره ما له تمن
ولا هيكون
مش عارفين بقي مين اللي رخصنا
احنا اللي رخصنا نفسنا بسكوتنا
ماحنا بنتكلم ولما بنتكلم ونكتب وبنحاول يكون لينا راي
العصايا في ضهرنا
والكرسي متعلقين فيه
ورايحين ورا الشمس
ولا بتفرق معاهم بنات ولا ولاد

الحكومة مرخصانا ودة صح

ايعنانا بالرخيص وبتاخد مننا الغالي
مش بعيد لما كل مواطن يسيب بلده وروح في حته تانية
ولا المواطن الي اتعذب وطلب حق اللجوء لدولة اجنبية عشان يهرب من العذاب اللي شافوا
البلد مش بلدنا
لا تعليم فيها شغال
تعليم ايه
لما واحدة زيي تتتعين معيدة في قسم مش بتفهم فيه وتصرخ وتقول انا مش بفهم في القسم دة حاجة ومش هعرف ادرس للعيال
ومع ذلك كلامي مصيره عرض الحائط ومع ذلك اتعين فيه
وكتير غيري من المعدين والدكاترة اللي بيتعينوا في الاقاسم غير تخصصهم اصلا
ومش عايزة اقولك النتيجة بتبقي عاملة ازاي من اللي طالعين تحت ادينا
بيبقي السبيل الوحيد لينا عشان يحترمونا هو كارت الارهاب
بالسقوط وشيلان المادة
تعليم ايه ومجانية ايه
الواحد خايف يعي لا يموت من الاوية اللي هياخدها
وبنقضيها لمون وينسون وكراوية زي العيال الصغيرة
طرق ايه دي للي بيبنوها ويهدموها تاني اصل واحد نسي فلنته تحت الارض وهو بيحفر

يا سيتي انتي جاية علي تمن الجنود اللي ماتوا زمان

وحياتك ودلوقتي مش لاقين حقوقنا
حسبي الله ونعم الوكيل
الواحد نفسه يحب البلد دي بجد
بس هنضفها من مين ولا من مين

 
At 17/3/07 7:56 PM, Blogger Unknown said...

للاسف يا صديقتى العزيزه انا لو كنت مكان ابو الغيط دلوقتى كنت برضه هقووووووووووووووول نفس الكلام لان الحكايه مش حكاية ابو الغيط الحكايه حكايه بلد اديلها 50 سنه بتستسلم و ماشيه بسياسه القطيع و صعب جداً بعد كل ده انها تاخد موقف فى حاجه او انها حتى ترفه راسها

الحكايه مش مشكله ابو الغيط الحكايه حكايه شعب مع الاعتذار لعبد الحليم مع ان المعنى اتغير كتير عن ايام الاغنيه


عذراً ايها الشهداء فاجركم فى السمـــــــــــاء و لكن فى وطنكم لا اجر لشهداء و لا حتى لاسرهم

تحياتى يا صديقتى العزيزه و بجد اتشرفت بمعرفتك جداً جداً جدأً و كمان جداً

 
At 18/3/07 1:30 AM, Blogger -_- said...

تصريحات سيئة لا تخرج من فم وزير وطني

 
At 18/3/07 7:52 AM, Blogger عصفور طل من الشباك said...

عارفة يعني ايه إحنا هنا على نفسنا وده مش معناه بس إنن هنا على حكامن
لا إحنا هنا على نفسنا لما سبناهم ياكلوا فينا وينهبونا ويتاجروا بينا وبقوتنا وبمستقبلنا وإذا كان ده حصل فهل ننتظر إننا نثور لدم عدى عليه سنين
لو كان كده كنا ثرنا لشهدائنا اللي ماتوا على الحدود من سنتين والاشا الكبير ما كلفش نفسه حتى يجيب سيرتهم زي ما يكون كل واحد منهم كلب وراح
في كتب التاريخ بيقولوا إن المسلم أيام غزو التتار بلغ به الجبن والتخاذل والهوان إنه كان التتري يقوله خليك هنا أروح أجيبلك حاجة أقتلك بيه ،فكان ينتظره حتى يعود ويقتله وإحنا بقينا زيهم وربنا قال إن الله لايغير ما بقوم حتى يغيروا ما بأنفسهم

 
At 18/3/07 5:31 PM, Blogger Ahmad Hegab said...

انا كل لما بحاول انسى انى مش قادر اعمل حاجة

انا كل لما بحاول انسى انى مش قادر اخد تارهم بتفكرونى

أزيك يا مريم يا رب تكونى بخير

 
At 18/3/07 7:55 PM, Blogger mariam said...

DR.SHERBO
مش عارفه اقولك ايه
واضح اننا مش هناخد حق اى حد
لا اللى ماتوا السنه دى ولا اللى ماتوا من زمان
شكرا لزيارتك



---------------------------------
smraa alnil
احنا اللى رخصنا نفسنا فعلا يا انووج
دى آخرة السلبيه
مش عارفين نعمل حاجه
تعليم؟
تعليم ايه اللى انت جاى تقول عليه
انت عارف معنى التعليم ايه
ههههههههههههههه
مفيش تعليم فى مصر يا انوج
طيب على الأقل انتى عملتى اللى عليكى و قلتى ان انتى مش عايزه القسم ده
تعالى شوفى المعيدين عندنا و هما مش فاهمين حاجه من اللى بيقولوه
و يا دوب حافظين
و لو حد سأل سؤال بره اللى هما حافظينه تعالى شوفى التوبيخ و التهزيء كأن السؤال ممنوع
و فوق كده فاكرين انهم ياما هنا ياما هناك
تعالى شوفى احنا الطلبه
و لا كأننا عارفين حاجه
اللى نمتحن فيه ننساه تانى يوم
انا ممكن اكلمك عن المأساه التعليميه 7 سنين متواصله
منوره يا انووووج

 
At 18/3/07 7:58 PM, Blogger mariam said...

whyme
ايلارى العزيز
اجر الشهداء فعلا فى السماء

و يكفى ان قاتليهم احرار طلقاء و فخورين بما فعله
بينما نحن نشاهد و لا نحاول حتى الأدانه

انا اتشرفت بمعرفتك اكتر بجد
و سعيده جدا انى اتعرفت عليك
شكرا ليك




-------------------------------
Sharm
وزير وطنى؟
هو فى وزير وطنى
اكيد اكيد مش فى مصر
و لا يمكن فى لكن قله علشان مش نظلم الوطنيين
شكرا لزيارتك

 
At 18/3/07 8:02 PM, Blogger mariam said...

عصفور طل من الشباك
اتفق جدا مع كل ما ذكرته
احنا اللى رخصنا نفسنا
و دى النتيجه
مش من حقنا نعترض
لأننا السبب
شكرا لزيارتك


--------------------------------
ahmEd_H
الحاجه الوحيده اللى نقدر نعملها
للأسف هى اننا نفتكر
اما موضوع الأخد بتارهم فده للأسف بعيد المنال

انا تمام الحمد لله يا احمد
شكرا جدا على سؤالك

 
At 19/3/07 1:31 AM, Blogger أسوور said...

طبعا المصرى دمه رخيص .. اصل فى منه كتير

انا جاية أصلا عشان أشكرك على تعليقك الأخير عندى

تحية من قلب مجروح

 
At 19/3/07 11:37 AM, Blogger Memo said...

قد أبدو ضخرة تقشعر لها الأبدان.. ولكن صدقني لقد كنت حقاً إنسان..

 
At 19/3/07 7:21 PM, Blogger الراقـــص مع الذئـــــاب said...

موضوع رائع يا daylight
فعلا لا نجد سوي العنوان....بلاغته تبتلع اي كلام يقال
عذرا أيها الشهداء

الموضوع به مادة وثائقية من الصور كنت احتاج اليها جدا
استأذنك في حفظ الصور عندي والاستعانة بها في موضوع مشابه....

 
At 19/3/07 7:32 PM, Blogger mariam said...

ياسمين
للأسف المصرى دمه رخيص جدا

طبعا مش المفروض تشكرينى يا ياسمين
يا ريتنى كنت اقدر اقدم لك حاجه حقيقيه
و ان شاء الله تكونى احسن
و تعودى قويه كما عهدناكى
نورتى المدونه



----------------------------------
Memo
ايه الكلام الجامد ده
على فكره نسيتى تسيبى تحياااتشك
منوره




-----------------------------------
الراقص مع الذئاب
شكرا جدا على رأيك ده
و بالنسبه للصور
هى ليست خاصه بى
لقد حصلت عليها عن طريق الأنترنت
يعنى طبعا تقدر تحتفظ بيها
و تستعملها بدون مشاكل
شكرا جدا لزيارتك

 
At 19/3/07 8:49 PM, Blogger الراقـــص مع الذئـــــاب said...

جزاكي الله خيرا
شرفتني زيارتك الكريمة

 
At 20/3/07 1:06 AM, Blogger الأرمـوطــي said...

الواحد مش عارف يقول ايه دى اول مره اشوف صور عن الموضوع ده بس كنت سامع عنه مفيش فى ايدى غير انى اقول حسبنا الله ونعم الوكيل وادعوا الله قائلا الهم ان كان المسلمين ليسوا اهلا لنصرك فانصر دينك الاسلام...وعلى فكره دم هؤلاء الشهداء مرحش هدر حتى لو احنا ضيعنا حقهم ربنا هيخدلهم حقهم يوم القيامة وهيعوضهم خير

 
At 20/3/07 10:42 AM, Blogger إبـراهيم ... said...

طيب ، أنا قلت أعدي برضوووو ....



بقول لك إيه يا مريم ، هوا ما ينفعش ندخل عندك نلاقي حاجة تانية :)



تحياااااااتي !

 
At 20/3/07 7:14 PM, Blogger كلبوزة لكن سمباتيك said...

التحقيقات منذ سنة 95
لازم المحقق دخل الحمام
و لسة مزنوق


ادعوله ربنا يسهله


شر البلية ما يضحك


تحياتي

 
At 20/3/07 11:12 PM, Blogger raspoutine said...

ومين قالك اننا عايشين؟

 
At 22/3/07 4:26 PM, Blogger الأباصيرى said...

عذرا ايها الشهداء
فلايوجد فى السلطة المصرية من يستحقوا لقب الرجال

 
At 23/3/07 12:28 AM, Blogger albida said...

بصى بقى يا مريوم أنا هقول رأيى بصراحة ومحدش يزعل
الغلط غلطنا من الألف للياء.. يعنى اسرائيل طلعت الفيلم ده افتخارا بقوتها وبجنودها زى كل البلاد ما بتعمل فى أفلامها وبتصور جنود الأعداء بالشكل ده!! الدور والباقى علينا بقى
احنا اللى سمحنا للمذبحة دى أنها تحصل فى المقام الأول وده يرجع لرخص قيمة الأنسان عندنا سواء جندى ولا مدنى.. لفة السيجارة أهم دلوقتى
والمهم أننا لسه بنفرط فى كرامتنا من خلال التصريحات العجيبة اللى بتطلع عن الفيلم دى!! أنا مش بقول نقتل المخرج مثلا او نطلب بمنع عرضه.. لكن على الأقل نبدى اعتراضنا

لكن للأسف بتكلمى مين!!

المهم أنتى عاملة ايه؟ وحشتينى بجد
:)


manal

 
At 24/3/07 12:17 AM, Blogger رحلة said...

لا تحزن
نحن واليهود اولاد عم
ثصور ان هناك خطر على اسرائيل والعرب معا....فماهو العمل

مافات انتهى....؟! وما عرفته فقط فيلم
ما رايك فى قيام القومية العبرية العربية
مصر اقامت سلام مع اسرائيل
الفضل طبعا للمرحوم محمد انور السادات
لم نفهم ولم نستطع القيام بالتطبيع!!!!


خلى بالك الجندى المصرى عندة انيميا
مابياكل كويس

فكر شوية عن معاير قيام القومية العبرية العربية

المعاير.. المفاهيم...المقومات
الدستور العظيم الذى يوحدنا

 
At 24/3/07 2:04 AM, Blogger -_- said...

على رأيك .. مفيش وزير وطني .. ممكن يكون قصدي وزير تبع الحزب الوطنى

 
At 24/3/07 3:46 PM, Blogger No Fear said...

السلام عليكم
مانو
أنت فين بتغيبي ليه؟

 
At 26/3/07 1:00 AM, Blogger كلمه said...

زمن البتنجان

 
At 26/3/07 11:49 AM, Blogger sarah la tulipe rose said...

مريم انتي فين اختفيتي يعني
طمنيني عليكي

 
At 26/3/07 4:13 PM, Blogger micheal said...

تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا 22 ش سوريا المهندسين..الدور ال8 ..عماره جريده الوسيط بالقرب من جامع مصطقي محمود..و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد
متخافوش مفيش حد مننا متراقب

 
At 28/3/07 11:35 AM, Blogger smraa alnil said...

انتي ما تغيري الموضوع دة بقي
اكتبي عذرا ايها المواطنون
عايزة اقرلك جديد يا بنتي

 
At 31/3/07 9:56 AM, Blogger sarah la tulipe rose said...

صباح الخير يا مريم
فينك يا بنتي؟
ايه الاختفاء دة؟
يارب يكون المانع خير
و تكوني بخير
كل سنة و انت طيبة و كل مولد نبوي و انتي بخير
اخبر الدراسة ايه؟ بدأتم النكد زي عندنا؟!
تيك كير و يارب تكوني تمام التمام

 
At 31/3/07 2:14 PM, Blogger koukawy said...

سؤال 00 هو ليه الفيلم ده مظهر غير دلوقتي؟
و لا هو كان ظاهر و احنا كنا عاملين نفسنا مش هنا ؟

 
At 31/3/07 8:12 PM, Blogger مـحـمـد مـفـيـد said...

مريم
كل عام وانتي بخير الاسره الكريمه بالف صحه وسعاده وطاعه والي الله اقرب واوع
لبقد طالت الغيبه؟
اين انتي؟ اتمني ان تكوني بخير

 
At 1/4/07 6:17 PM, Blogger micheal said...

أنتي مهتفيه فين يا مريم..مستنيينك

 
At 2/4/07 3:21 PM, Anonymous Anonymous said...

آآآه ، وأنا كمااان داااخل أقووول فيينــك يا مانو فيييـــنـــك ؟؟؟


فيه حد يسيب مدونته ده كللللللله ؟؟؟؟

 
At 2/4/07 6:09 PM, Blogger واحـــد مـــــن الـنـــاس said...

انتي مختفية فين يا مريم ؟؟؟

لعل المانع خيرا ان شاء الله

 
At 6/4/07 12:20 AM, Anonymous Anonymous said...

يستهلوا اللي جرالهم

دول كانوا شوية عساكر جبناء استسلموا للعدوا مش فاهم كانوا مستنيين اية يشربوهم تانج ساقع و ياكلوهم جاتوة

اللي انا اعرفة وافهمة ان الجندي والضابط اتعلم انة يقاتل لغاية اخر نفس

مش ان يستسلم ويسلم سلاحه

حارب لغاية الرصاصة قبل الاخيرة وخللي الرصاصة الاخيرة ليك تموت بيها شهيد

لكن تستسلم وتقع في ايد العدو يعذبك و يخليك تعترف بكل ما تعرفة من اسرار عسكرية ومواقع وفي الاخر يعدمك زي الكلب دة مش وارد في حرب

في حرب السويس كان الجندي بيرمي نفسة بحزام ناسف او قنبلة يدوية ويفجر نفسة تحت دبابة اسرائيلية

علشان كدة انتصرنا

لكن لما كان الجنود جبناء وبيستسلموا اتهزمنا

انا عارف ان رأيي مش حايعجبكم و حاتنتقدوة بس اقولكم انا بحكم عسكريتي واللي اتعلمتة وعشتة يمكن قبل ما معظمكم يتولد يخليني اقول كدة

مع خالص احترامي لكم بس الموضوع مش محتاج ضجة فعلا

 
At 6/4/07 6:33 PM, Blogger saso said...

أولا وحشتيني
ثانيا ليه كاتبة عند ابراهيم انك متوقفة عن التدوين
ثالثا كل سنة وانتي طيبة متاخرة حبتين بس معلش
رابعا مستنيينك

 
At 7/4/07 4:29 PM, Blogger ody911 said...

مريم فى تاج ليكى تعالى خدية بقة


وعادى بقة
أودى

 
At 7/4/07 9:32 PM, Blogger -_- said...

يا مريم مفهمتنيش من كلمة وزير وطني

!!

الحزب الوطني دايما بياخد الناس بالسياسة ده قال البوقين في وش الناس زي الجزمة على القفا

!!

 
At 13/4/07 8:38 PM, Blogger نوري said...

جري ايه ياقمر
غايب عننا اكتر من شهر اه
ولا حتي بتيجي تزوريني
انا كده ياإما هقلق عليكي
أو هزعل منك
بس يارب تكوني بخير وسلامه
بست وشز فور يو

 
At 16/4/07 10:11 PM, Blogger sarah la tulipe rose said...

بجد قلقتيني عليكي
ليه ممتنعة عن التدوين
يا رب ييكون خير
و تكوني انتي بخير

 
At 19/4/07 9:56 AM, Blogger The Alien said...

فينك يا مريم؟
بعيدة من فترة
أتمني تكوني بخير وترجعي بسرعة

تحياتي

 
At 1/5/07 10:05 AM, Anonymous Anonymous said...

مانو حبيبتى
انتى فين من زمان؟؟؟؟
اكتر من شهر انقطاع عن التدوين؟؟؟
لعل المانع خير

 
At 2/5/07 4:15 PM, Blogger yara said...

حرام عليكى ليه حرقة الدم؟

 
At 13/5/07 10:20 PM, Blogger SomeOne said...

أنا مررتلك تاج
:)

 
At 15/5/07 3:38 AM, Blogger micheal said...

طمنينا عليكي يا بنتي..ليكي وحشه كبيره
تحياتي لكي

 
At 19/5/07 8:07 PM, Blogger tamer afify said...

هندما لا تكون هناك قضية
ولا يكون هناك هم ورسالة

لا يكون هناك انسان

هكذا كتبنا على انفسنا اننا نموت مبكرا في المراحل الاولى من حياتنا

تحياتي

 
At 20/5/07 9:41 AM, Blogger LAMIA MAHMOUD said...

زمن العجائب .. زمن المصري فيه بلا كرامة

 
At 20/5/07 9:41 AM, Blogger LAMIA MAHMOUD said...

انتي فين؟؟!!!

 
At 25/5/07 5:05 PM, Blogger أحمد المصري said...

نعم 00عذرا للشهداء00لكن لم الإعتذار وهم -إن شاء الله- منعمون؟
الإعتذار للوطن00الذي لنم نستطع أن نحفظ كرامته00حكومة وشعبا0
سلام0

 
At 26/5/07 4:04 PM, Blogger حقى اهرتل said...

شكرا على اهمامك بدمائنا
بس دى مش اول مره
فى مدينه كامله فى لاس فيجاس اسمها الاقصر واسوان والشركه اللى عاملاهم هيه اللى عضت ان الحكومه المصريه تاخد نسبهمن دخلها كحق ملكيه فكريه
قام الوزير بتاع مظاهرات الشواذ اياه رفض وقال مش مهم
دا كلام فارغ مش احنا اللى نتكلم فيه عموما هوه برضه المبلغ مش مستاهل دول كلهم 125 مليار دولار

 
At 26/5/07 4:04 PM, Blogger حقى اهرتل said...

يا مجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر

 
At 13/6/07 12:36 AM, Blogger Dr. Tantawy said...

اخبارك ايه :) طمنينا عليكي و عودي للحياه مره تانيه

 
At 14/6/07 2:05 PM, Blogger منة الله said...

مريم

ادعوك للمشاركة في استطلاع راي

عن اكثر عشرة مدونات تاثيرا في قرائها

عل مدونتك واحدة منهم

اليك الرابط

http://www.6ef.blogspot.com/

 
At 14/9/07 5:51 AM, Blogger درش said...

This comment has been removed by the author.

 
At 14/9/07 11:05 AM, Blogger درش said...

و إنتوا زعلانين قوي كده ليه على 250 مصري؟ الوطن كله بيتهان و المصريين كلهم بيتهانوا من ساعة ما أتعمل علم اسرائيل الخطين الزرق اللي على العلم يعني إيه؟؟
و بعدين في التوراه فيه أيات و سور تشتم و تسب في المصريين و مافيش حد في أي منظمة موقرة بتدافع عن المصريين بجد في الخارج " يا تري مين هي المنظمة ديه؟؟ " طالبت اسرائيل إنها تحذف الآيات ديه من التوراه زي ما كان اليهود بيطالبوا بحذف آيات من القرآن.

 
At 28/11/07 11:57 AM, Blogger walaa said...

بجد حسبنا الله ونعم الوكيل بس احنا اللى نستاهل علشان كلنا واقفين نتفرج ونقول حنقدر نعمل ايه يعنى وسيبين حكم ظالم ذى ده يتحكم فينا لازم يبقى عندنا عزه وكرامه بقى حنفوق امتى ؟؟؟؟؟؟؟؟؟؟؟؟؟

مدونhttp://mawgoda.blogspot.com/تى

 
At 9/7/18 10:25 AM, Blogger Unknown said...

www0709
true religion outlet
jimmy choo sunglasses
pandora charms sale clearance
keen shoes
air max uk
canada goose outlet
true religion jeans
canada goose parka
ugg outlets
ysl outlet




 

Post a Comment

<< Home