Saturday, February 03, 2007

عام على غرق العباره السلام 98



في مثل هذه الأيام العام الماضي استيقظنا على الحادث المروع
حادث يحركه الفساد و يقوده الإهمال
بعد ما يقرب من عام على غرق العبارة السلام تبقى الأمور كما هي عليه
حادث راح ضحيته ما يفوق الألف شخص. و هو يقارب عدد ضحايا حرب لبنان الاخيره
اى إننا لو كنا في حرب لربما خسرنا ضحايا اقل
اعرض هذا الموضوع حتى لا ننسى. لأن دم الضحايا ضاع بالفعل. فلا يجب أن تضيع ذكراهم
بعد الحادث بدأت الملفات تفتح واحد وراء الآخر
و رأينا كم التسيب و الإهمال و التستر
إما التسيب و الإهمال فلأن الضحايا من البسطاء
فلم يكن غريبا أن نسمع من يؤكد عدم صلاحية العبارة للاستهلاك الآدمي. بل إن احد أفراد طاقم العبارة كان قد صرح أن عمال التفتيش كانوا يأتوا يأكلوا ثم ينصرفوا دون اى تفتيش على سلامة العبارة
و إما التستر فلأن المالك هو ممدوح إسماعيل

من هو ممدوح إسماعيل؟
لم يكن احد يعرف ممدوح إسماعيل قبل الحادث. و علمنا فيما بعد انه عضو بمجلس الشورى
إذن هل يعنى ذلك انه تم ترشيحه لعضوية المجلس من قبل اهالى دائرته. الأجابه لا
انه لم يدخل المجلس بأدنى أراده شعبيه، و لا حتى بالتزوير
و لكن بالتعيين المباشر من قبل رئيس الجمهورية. اى انه منح الحصانة دون اى أراده شعبيه
و حين جاء دور رفع الحصانة من اجل سير العدالة. و من اجل اهالى ألف قتيل استمات المسئولين في رفعها عنه. و ظل أسابيع داخل مصر دون اى مساس به
و حين اطمأن المتواطئين من سفره إلى لندن بسلام رفعت الحصانة
فهو ليس بخطورة ايمن نور أو طلعت السادات حتى ترفع عنه في ساعات
فأيمن نور تجرأ و رشح نفسه للرئاسة. بينما طلعت السادات تجرأ و فضح ممارسات الداخلية
في حين أن ممدوح إسماعيل لم يفعل شيء سوى قتل قرابة الألف


40 Comments:

At 3/2/07 1:18 AM, Blogger O2A said...

آه والله و مين سمعك الناس اللى غرقوا فى العبارة دول عاشوا فيلم تايتانيك بس على اسوء ده غير أن كمان اللى مغلرقش منهم كان عليه أنه يواجه اسماك القرش وفعلاً ناس كتير واطفال كتير كان السمك واكلهم (زى ماالغطاسين قالوا فى برنامج الحقيقة اللى إتذاع وقتها).

 
At 3/2/07 6:49 AM, Blogger albida said...

عمار يا مصر!! مش عارفة ليه بتستحضرنى دلوقتى أغنية: يبقى أنت أكيد فى مصر

لو أى حد عند تظلم أو شكوى او استفسار من أى نوع يسمع الأغنية دى وهيرتاح على طول
:)

احنا وبعون الله البلد الوحيدة اللى فيها الأنسان هو أرخص الممتلكات
أنتى عايزة تقارنى جريمة شنعاء زى الترشيح للرئاسة بجريمة بسيطة- دى محصلتش حتى جريمة!!- زى قتل قرابة الألف شخص؟ أكيد بتهزرى

لا والجميل أن كل اللى فكر واتجنن واتخبط فى عقله ورشح نفسه للانتخابات حصلتله مصيبة بعد كده!!... اللى اتسجن واللى اتفضح واللى اتعزل من منصبه... سبحان الله!! صدف

manal

 
At 3/2/07 8:21 AM, Blogger frozen love said...

والله انا كل اما اجي مدونتك الرائعة..بحس اني مفيش كلام اقوله بعد الحالة اللي بتصيبني لما اقرا تدويناتك..لم اكن اعلم انه من المرشحين بامر رئاسي...وسواء كده او كده...ذكرى العبارة والقطارات لم تفارق عيني طوال هذا العام..ده انا حتى كنت كاتب عنهم...هنزل الكلام ده قريب في البلوج ان شاء الله

استمرى في كتابتك
مدونة رائعة رغم قسوة الحقائق بها

تخياتي

 
At 3/2/07 9:26 AM, Blogger No Fear said...

السلام عليكم
حسبنا الله و نعم الوكيل
أحسن حاجة في البوست ده إننا مش لازم ننسي كفاية بقة بجد التوهان اللي إحنا فيه
ياريت الواحد يلاقي حاجة يقدر يعملها
سلام

 
At 3/2/07 1:05 PM, Blogger micheal mohsen said...

أحييكي يا مريم علي هذا البوست لان أكتر حاجة بتفرسني في بلدنا أن اننا بننسي اي حاجة حتي و لو كانت مصيبة كبيرة زي دة بمرورر الوقت و عشان كدة حكومتنا الرشيدة بتعتبر ان أي أزمة أو مصيبة تحصل حتسقط بالتقادم...علي فكرة انا عامل بوست شبة بتاعك في مدونتي التانية اللي انا باكلمك منها..لو تحبي تنوريني و تشوفية حكون سعيد و دة برضة العنوان
michealito.blogspot.com

 
At 3/2/07 3:01 PM, Blogger tota said...

مانو

هو الكلام حقيقى ويوجع لكن ببساطة ما هو احنا كبشر ليس لنا اهمية اساسا عند الحكومة ولا ابن من ولادك يا بلد غالى علشان تخاف او تحزن او يتعمله اى حاجة
السياسة كلها مصالح فى مصالح ولان الحكومة ملهاش مصالح عند الشعب مش مهم بقى الشعب الف او عشرة متفرقش معاهم لان الملايين مش فارقة من اصله

حكومة هم
تحياتى

 
At 3/2/07 6:25 PM, Blogger Dr. Tantawy said...

ربنا ياخده
االهي يجحمه مترح ما راح
الهي اتوبيس سياحي فاخر يدوسه جتته و يفرتكها ميت حته
اللهي اشوفه متشحتف على المشارح مفيش مشرحه تلمه
الهي يجيله ملاريا و ييجو يعالجوه يجيبوله شلل رعاش و سرنجه تدخل ف عينه يموت بالحصبه

آمين

 
At 3/2/07 8:36 PM, Blogger مـحـمـد مـفـيـد said...

ازيك يا مريم
كل سنه والشعب ي تحسر
ستمر الاعوام والسنين ولن يحاسب احد
قد كتبت بوست بهذه المناسبه اسمه
ماذا اصابك يا وطن؟
قريبا
الله معنا
فهذه هي مصر

 
At 3/2/07 9:18 PM, Blogger يا مراكبي said...

فعلا مش لازم ننسي .. برافو عليكي

ويحضرني هنا آخر جزء من قصيدة فاروق جويدة في نعي ركاب العبارة التي سبقت هذه العبارة على لسان أحد البسطاء قائلا

الآن يا وطني أعود إليك
توصد في عيوني كل باب
لم ضقت يا وطني بنا

قد كان حلمي أن يزول الهم عني عند بابك
ورجعت كي أرتاح يوما في رحابك
وبخلت يا وطني بقبر يحتويني في ترابك

فبخلت يوما بالسكن
والآن تبخل بالكفن
ماذا أصابك يا وطن؟

 
At 3/2/07 11:49 PM, Blogger Human said...

أولا تعليقا على الموضوع...ممدوع اسماعيل واحد من ملايين اللي الماسك وقع من عليهم ..في أكيد غيرهم كتير في البلد ولكن ماحدش واخد باله
.........................
والله عيب عليكي يامريم يكون عنده الأسم الجميل ده ويسمي نفسه مريم
.............................واضح طبعا ان الصحافه مأثره عليكي جد في طابع المدونة العام
.........................
أول مره (على حد متابعتي)تتكلمي عن نفسك

 
At 4/2/07 7:20 AM, Blogger smraa alnil said...

يا بنتي نفسي اجي عندك مرة ومش اتغم

بجد بتنكد يا مانو

دي اول مرة اعرف انه متعين بتكليف رئاسي
حسبي الله ونعم الوكيل
فعلا زي مانتي قلتي هو لو كان بخطورة ايمن نور ولا طلعت السادات
كانوا موتوه علي طول
انما دة هياخد نياشين لانه ادي الي نقص التعداد السكاني لمصر
عمار يا مصر
الفساد ورانا ورانا

 
At 4/2/07 7:34 AM, Blogger sarah la tulipe rose said...

عارفة يا ميريم انا قريت الموضوع اول ماكتبتيه كنت داخلة اعلق بس عارفة مالقيتش حاجة اقولها و مازلت
الموضوع اكبر من اي كلام و الاحساس بالخزي لسه عندي لاني اكتفيت بالترحم علي ارواح الضحايا انا في كليتي واحدة من دفعتنا كانت في العبارة ماعرفش عنها اي حاجة من بعد ما رجعت البنت اكيد اتحطمت فقدت عيلتها كلها في لحظات
طول ما القاتل حر طليق و طول الحكومة بتدافع عنه و حامياه و طول ما احنا مكتفين نفسنا بنفسنا يبقي الكلام مالوش لازمة و
الصراحة انا شايفة اننا المفروض نتكسف نبص في المراية
تحياتي يا مريم ..حد يبقي اسمه جميل كدة و يخبيه! انا باعشق اسم مريم

 
At 4/2/07 7:52 AM, Blogger Sharm said...

جيتي على الجرح

بلاش تفكريني ان مفيش حد اتحاسب لغاية دلوقتى


اه يا بلد

 
At 4/2/07 9:14 AM, Blogger صياد said...

مع ان الموضوع فات عليه كتير لكن الجرح لسه بيزف ومحدش قادر يطيب الجرح دم الغلابه اللى ماتو وغرقو وكلهم سمك القرش لسه سخن بيغلى رغم بروده البحراللى هما فيه
حسبنا الله ونعم الوكيل

 
At 4/2/07 5:35 PM, Blogger شادي فايد said...

This comment has been removed by the author.

 
At 4/2/07 5:56 PM, Blogger شادي فايد said...

انت غاوية تقلبي في الاحزان

عموما انا أؤمن بضرورة وجود من يذكرنا بالألام

وانا
في الحظة اللي انت بتسألي فيها انت فين
انا كنت نزلت بوست جديد
:)

 
At 4/2/07 8:39 PM, Blogger Memo said...

lih ya benty elzekriat elmnila dih da7na masd2na nsina
rbna yg3lha a7'er ela7zan
tahiatshy

 
At 4/2/07 9:01 PM, Blogger Amr Ahmed said...

والله هي دي بلدنا
حسبي الله ونعم الوكيل

فين ممدوح باشا

في لندن

فين الضحايا

في بطن السمك

في وعد الريس في البرلمان
انه هيحاسب المقصرين

في البلالا

وسلملي علي البتنجان

 
At 4/2/07 9:06 PM, Blogger sherehan84 said...

قلبتي عليّه المواجع يا مريم

 
At 4/2/07 10:24 PM, Blogger mano said...

o2a
انا شفت برنامج الحقيقه ده
و سمعت مآسى
ناس راجعه لأهلها تواجه الموت
و بعد كل ده المسئولين عن الحادث ميتحاسبوش
لنا الله
شكرا لزيارتك


-------------------------------
albida
منوله و حياتك انا الاغنيه دى فى بالى على طول
و بعدين انا متجرأِش انى اقارن الترشح للرئاسه بقتل يا دوب الف واحد
ايش جاب لجاب يا بنتى
و بعدين بالنسبه لمرشحين الرئاسه اللى حصلهم طبعا صدف انت عندك شك و لا ايه
ده قضاء و قدر
اعترضى بأه على القضاء و القدر
نورتى يا منوله

 
At 4/2/07 10:42 PM, Blogger mano said...

frozen love
صدقنى انا نفسى بكتئب لما اقرأ تدويناتى
و كل مره اقول لنفسى كفايه نكد اكتبى عن حاجه كويسه
ادور يا ابنى عن حاجه كويسه اكتب عنها مش لاقيه
اعمل ايه مش عارفه
على العموم فى انتظار البوست بتاعك عن الموضوع
شكرا لزيارتك
و شكرا على كلامك الجميل



-------------------------------
No Fear
و عليكم السلام
مفيش حل تانى
دم الناس راح
على الاقل نفتكرهم
نقرالهم الفاتحه
ندعى على الظلمه
اى حاجه كده
نورت بجد يا محمد

 
At 4/2/07 10:42 PM, Blogger mano said...

micheal mohsen
احنا فعلا بننسى كل حاجه
مش عارفه ليه
انا قلت بما ان دم الناس راح
على الاقل نفتكرهم
انا قريت البوست بتاعك وعجبنى المقارنات اللى انت عاملها
و مدونت حلوة قوى
شرفتنى بالزياره


-----------------------------------
tota
توتا العزيزه
و حياتك الشعب كله مش فارق معاهم
و زى ما قلتى مفيش واحد بس ممكن يفرق معاهم
احنا شعب بلا تمن
و على العموم متتوقعيش حاجه من حكومتنا الجميله
نورتى

 
At 4/2/07 10:43 PM, Blogger mano said...

Dr. Tantawy
يا نهار ابيض
كل ده
ضحكتنى يا طنطاوى و انا مكنتش ناويه الصراحه
على العموم آمين
يا رب بقى عريضه الدعاء دى تجيب نتيجه
نورت


---------------------------

مـحـمـد مـفـيـد
اهلا بيك
للأسف مفيش امامنا حل تانى
غير الذكرى و الألم
انا قريت بوست ماذا اصابك يا وطن من فتره
و هو فعلا مناسب للموقف
شكرا للزياره

 
At 4/2/07 10:49 PM, Blogger mano said...

يا مراكبي
اشكرك جدا على عرض قصيدة فاروق جويده
انا بحبها جدا
و هى فعلا تعبر عن الوضع الذى نمر به بكل صدق
شكرا لزيارتك


--------------------------------

Human
عندك حق اكيد فى كتير جدا
احنا مش شايفينهم
اشكرك جدا على ذوقك
و شكرا على متابعتى
دى فعلا كانت اول مره اتكلم عن نفسى
على فكره ليه بقالك فتره مبتكتبش فى بلوج وشوشه من القلب
شكرا للزياره

 
At 4/2/07 10:55 PM, Blogger mano said...

smraa alnil
انووجى مش عارفه اقولك ايه
انا كل مره اقول بلاش نكد هكتب عن حاجه كويسه
بس و حياتك مش لاقيه
مش لاقيه غير حاجات تغم
انا نفسى تعبت
بس حلوه حكاية نياشين دى
انت بتقولى فيها مش بعيد
نورتى يا نوجى


----------------------------------

sarah la tulipe rose
ساره العزيزه جدا
دايما يا ساره بتقولى اللى فى بالى
انا و انا بكتب الموضوع ده مكنتش عارفه اكتب ايه و لا ايه من البلاوى و الفساد اللى كشفه الحادث
و مكتبتش كل حاجه
قلت المهم على الأقل نفتكر الناس دى
كلنا اكتفينا بالترحم عليهم
انا عارفه يا ساره انك شايفه اننا سلبيين
و انا موافقاكى جدا
احنا اللى مكتفين نفسنا زى ما قولتى
نورتى

 
At 4/2/07 10:57 PM, Blogger mano said...

Sharm
و مفيش حد هيتحاسب بعد كده
خلاص القاتل سيظل حر طليق
شكرا جدا على زيارك


---------------------------------

صياد
مفيش كلام اقوله بعد اللى انت قلته
و للأسف لا احد سيحاسب
شكرا لزيارك

 
At 4/2/07 11:01 PM, Blogger mano said...

شادي فايد
انا مش بقلب فى الاحزان
هى اللى بتيجى لوحدها
على العموم هحاول الاقى حاجه كويسه اكتب عنها
انا قريت البوست بتاعك
و احلى حاجه فيه انه فكره جديده وحلوه قوى
شكرا لزيارتك


----------------------------------
Memo
اعمل ايه يا بنتى مش لاقيه حاجه كويسه
و حرام ننسى الناس دى
يا رب تكون آخر الاحزان و لو ان الحكومه النظيفه مش ناويه تسيبنا فى حالنا
نورتشى

 
At 4/2/07 11:04 PM, Blogger mano said...

Amr Ahmed
شوف يا ابنى كل اللى انت قلته ده متوقع
انت فى مصر
محاسبة مقصرين مين و قبض على قتله ازاى
احنا نحمد ربنا قوى على كده
و هو بيسلم عليك
شكرا لزيارتك


--------------------------------

sherehan84
هى متقليه جاهزه يا شيرى
يلا هنعمل ايه
كفايه علينا نفتكر
نورتى يا شيرى

 
At 4/2/07 11:16 PM, Blogger أحمد المصري said...

أنا كتبت في الوضوع ده برضه ..الموضوع محزن إلى أقصى درجة وفي بعض الأحيان مبكي
..مضحك أيضا فشر البلية مايضحك ..رحمهم الله جميعا0

 
At 4/2/07 11:25 PM, Blogger ody911 said...

حسبنا الله ونعم الوكيل

 
At 4/2/07 11:46 PM, Anonymous sa3ed al masry said...

al mawdo3 da al kalam feh keter we al fe3l mafeesh. lledragady damena re7'ese 3andhm
7asby aalah wa ne3m al wkeel fek ya mamdo7 ya asma3el ya reet kol al ye2ra al ta3lek da y2ra al fat7a l da7aya al 2hmal we ye2ol 7asby allah wa ne3m al wakeel fek ya mamdo7 ya 2sma3el donia we a7'ra la2n howa da bas ally nmloko

 
At 5/2/07 1:01 AM, Blogger mansourawy said...

مش هقدر اقول الا ربنا يرحمهم ويدخلهم فسيح جناته
ويصبر اهاليهم
اما بخصوص ممدوح وغيره فالزمن والقادر والعادل هو الكفيل بيهم

 
At 5/2/07 10:53 PM, Blogger الحصان الأسود said...

هوة كل ماخش المدونة دي الاقي نكد

هيه ناقصة

مش كفاية اللي شايفينة في كل حاجة في الدنيا

يظهر انا حابطل اجي هنا تاني

محدش يعرف فين مدونة الحزب الوثني الديموعراسي؟؟

الجو هناك اكيد مزهزه و الحياة بمبي و المشاريب عالحزب

دة غير ان رواد القهوة بيتمتعوا بالحصانةولافيش هناك بوكس بيخش بضهره يكبس عالقاعدين

 
At 6/2/07 7:01 AM, Blogger Utopian said...

للاسف الغلابه كله بيدوس عليهم
و محدش بيسأل

اللهم ولي امورنا خيارنا

 
At 6/2/07 8:48 PM, Blogger rony said...

بصى يا مانو انا بفكر انتحر بقى وخلاص علشان الواحد زهق من الدنيا فعلا
بس انا مش عارفه اخره كده ايه يعنى
بس عادى فى المعادى دى مصر بكل حاجه ماشيه فيها
اعترضى بقى

 
At 6/2/07 10:41 PM, Blogger mano said...

د/أحمد المصري
انا قرأت الموضوع بتاعك
كويس انك افتكرت
ربنا يرحمهم جميعا
شكرا لزيارتك


----------------------------------
ody911
ايوه يا ابنى ادعى
و كلنا معاك
نورت بالزياره

 
At 6/2/07 10:43 PM, Blogger mano said...

sa3ed al masry
للأسف نحن لا نملك فعلا غير الكلام
و الدعاء
و شكرا لرأيك
و شكرا للزياره

--------------------------------

mansourawy
كلنا مفيش فى ايدنا غير كده
و اتمنى ان ينتقم لنا الزمن
منهم
شكرا لزيارتك

 
At 6/2/07 10:47 PM, Blogger mano said...

الحصان الأسود
صدقنى كل مره ادور على حاجه كويسه اكتبها مش بلاقى
و بعدين انت طلبت مشاريب و انا قلت لأ
تعالى تانى و المره الجايه هتلاقى المشاريب جاهزه
نورت

----------------------------
Utopian
انت قلت المفيد
الغلابه بيدوسوا عليهم
شكرا لزيارتك



-------------------------------
rony
لأ لأ لأ تنتحرى ده ايه
احنا مش ممكن نسيبهالهم
و بعدين يا بنتى انا مقدرش اعترض
اعترضى انت بقى
نورتى

 
At 20/3/07 2:45 AM, Blogger O2A said...

يا شباب حد شاف برنامج العشرة مساء يوم الاثنين 19/3/2007فى تطور قوى فى موضوع العبارة ان عرفت انزل جزء من الحلقة و بعض الصور يمكن تهمكم

 
At 14/7/16 10:46 AM, Blogger Fangyaya said...

timberland boots
adidas trainers
louis vuitton handbags
kate spade handbags
oakley outlet
coach outlet
coach outlet online
air jordans
kobe 9
adidas yeezy
giuseppe zanotti sneakers
jordan 8s
ralph lauren polo outlet
coach factory outlet
celine outlet
jordan 3 infrared
jordan 4 toro
coach outlet online
coach factory outlet
tory burch sale
toms outlet
coach outlet
oakley vault
ray-ban sunglasses
louis vuitton
nike trainers
rolex watches
louis vuitton handbags
louis vuitton outlet
christian louboutin outlet
nike sb shoes
true religion outlet
michael kors outlet
kate spade outlet
north face outlet
ralph lauren uk
vans shoes
coach factory outlet
air jordans
gucci outlet
20167.14chenjinyan

 

Post a Comment

Links to this post:

Create a Link

<< Home