Friday, February 16, 2007

صوره و فزوره







اعزائى المشاهدين- عفوا- اعزائى القراء
اعرض عليكم صور هذا الإنجاز الحضاري الغير مسبوق بدون تعليق
سؤال الحلقة قصدي سؤال البوست بيقول الصور المعروضة دي تفتكروا موجودة فين؟
خرابه
لأ أجابه غلط
مزبلة
أجابه خاطئه
مكان بعيد عن التجمع العمراني
غير صحيح

واضح إن محدش هيكسب معانا النهاردة

الأجابه:
الصور المعروضة أمامكم موجودة في اكبر مكان يرتاده الناس
و بلا فخر موجود في أهم مشروع في السنوات الماضية. في الصرح العملاق مترو الأنفاق
و بالتحديد في محطة الدمرداش
و لكي أكون واضحة هي موجودة على الخط الذي لا يمشى عليه المترو
و لا ادري هل هذا سبب كافي لهذا المنظر البديع
و كل ما أستطيع قوله هو لا تعليق

54 Comments:

At 16/2/07 12:35 AM, Blogger O2A said...

طب إسمحيلى اعلق انا : ياترى يا هل ترى هل الزبالة دى بتترمى برضه فى محطة المترو بتاعة رمسيس(المعروفة أيضاً باسم: محطة مبارك) ولا ايه ..... مش كدة ولا ايه...!!!!!!

 
At 16/2/07 2:07 AM, Blogger Dr. Tantawy said...

هههههههه

ابتسم انت في مصر

يعني الزباله تروح فين لو مدفنوهاش تحت الارض .. بطلوا تلاكيك بقه .. الحكومه هتقطع نفسها يعني

 
At 16/2/07 5:23 AM, Blogger frozen love said...

يبقى انت اكيد..اكييييد في مصر

انا هلاقيها منك ولا من تامر حسني بقى
lol

هاتنضف...والله هاتنضف

 
At 16/2/07 12:50 PM, Anonymous ماشي صح said...

بس بصراحه
أعمال إبداعية
صور تحفه

 
At 16/2/07 2:40 PM, Blogger bluesky said...

انتي مش بتسمعيهم بيقولوا ان مصر كانت هضيع بدون ما الريس يفكر في المشروع العظيم دة
و طبعا عندهم حق تخيلي كدة كانوا هيحطوا الزبالة دي كلها فين؟؟؟
لازم تبقي فخورة ببلدك و مشورعها العظيم الذي لم تجرأ دولة تعلمه
تحياتي مانو

 
At 16/2/07 5:38 PM, Blogger شادي فايد said...

نبتسم
؟؟؟؟؟؟

اه يابلد

وكل حاجة نقول الحكومة والحكام

هي الحكومة برده اللي رمت الزبالة دي

ولا برده ح نتحجج
ونقول ما شالوهاش ليه
؟؟؟؟

 
At 16/2/07 11:48 PM, Anonymous واحد من الناس said...

للأسف الشديد دي ثقافة شعب
ده حتى وجدوا بواقي اكل مدفونه قرب الأهرام كانوا بناة الأهرام بياكلوا و يسيبوا البواقي
وكمان احمدي ربنا ان القضبان لسه موجوده ومتسرقتش
يا شعب انضف بقا بلا قرف

 
At 17/2/07 7:06 AM, Blogger albida said...

يابنتى ده جزء من الخطة الخمسية بتاعت الحكومة علشان يفتتحوا مدينة ترفيهية جديدة ويسموها (زبالة بارك) على غرار كوكى بارك ودريم بارك, ومفيش حد احسن من حد

كمان السياحة يامريوم هتزيد... السياح بيجوا مخصوص علشان يتفرجوا على المعالم الزبالية بتاعتنا.. عايزة تقطعى مصدر دخل مهم كده على الدولة؟


manal

 
At 17/2/07 1:22 PM, Blogger Sampateek said...

الزبالة اصبحت جزء من اثار مصر
السائح بقى يجي مخصوص يتفرج على الزبالة
نشيلها يعني و السياحة تتاثر
؟

!

 
At 17/2/07 2:06 PM, Blogger mano said...

O2A
مش بعيد كل شىء جايز
على فكره انا كل ما ادخل البلوج بتاعك و افتح التعليقات
الصفحه تهنج
و تقفل لوحدها
؟؟؟؟!!!!




----------------------------------
Dr. Tantawy
طنطاوى باشا
واضح انك مش من رواد المترو
محطة الدمرداش من المحطات اللى فوف الأرض على الخط القديم
يعنى الزباله فوق الأرض
ايه رأيك بقى؟

 
At 17/2/07 2:09 PM, Blogger mano said...

frozen love
عندك حق يبقى انا و تامر حسنى عليك
عجبنى جدا موضوعك عن تامر حسنى

و كمان انت على طول بتينى امل
ان الدنيا هتنضف
يا ريت


------------------------------
ماشي صح
الأعمال الأبداعيه دى
تستحق التحيه عليها
الحكومه النظيفه مش انا
شكرا جدا لزيارتك

 
At 17/2/07 2:12 PM, Blogger mano said...

bluesky
دلوقتى بس فهمت ليه كانوا بيقولوا ان البلد هتضيع
بصراحه مش هيلاقوا مكان احسن من كده لرمى الزباله
منورانى


--------------------------------
شادي فايد
شادى معاك حق ان احنا اللى رمينا الزباله
طبعا الغلط يقع علينا
ماشى
بس برضه مشالوهاش ليه؟؟؟

 
At 17/2/07 2:18 PM, Blogger mano said...

واحد من الناس
عندك حق مش عارفه ليه الناس بتحب ترمى الزباله فى الشارع
يمكن مش لاقيه مكان تانى ترمى فيه؟
لكن حكاية الأهرام دى حقيقه؟
حاجه غريبه قوى
شكرا لزيارتك



-------------------------------
albida
منوله كل ما اشوف اسمك بفرح
ايوه كده
بقى كنتى عايزه تسيبينا
حلوه زباله بارك دى
تغتكرى التذكره هتبقى بكام؟
تعرفى كان عندى مدرسه بتحكيلى انها بتشوف سائحين
بيتصوروا جنب الزباله فى الشارع
و بتتكلم بجد



---------------------------------

Sampateek
الزباله عندنا بقت اشهر من الأهرامات
و بعدين السياحه تتأثر؟
لأ ميرضينيش
خلاص بلاش نشيلها
و احب اطمنك انهم مش هيشيلوها
نورتينى

 
At 17/2/07 4:03 PM, Blogger micheal mohsen said...

تصدقي يا مريم انا كنت لسة بتكلم مع واحد صاحبي امبارح في موضوع الزبالة و بسألة هوا لية من رابع المستحيلات تلافي شارع في مصر مافيهوش زبالة مرمية علي الارض و أنك تلاقي شوارع مش مكسرة و مفيهاش بلاعات مكشوفة
تحياتي لكي

 
At 17/2/07 9:36 PM, Blogger saso said...

وانا رايحة الشغل باعدي علي شارع بين جوامع كتير ويفترض انها منطقة آثار قرب عيد الاضحي شارع ضيق تحول لمزرعة خرفان والناس متعايشة عادي بيرفعوا طرف الهدوم كاننا علي الترعة علشان الارض مليانة ميه وبرسيم وحاجات من دي
المهم سياح كتير وقفوا وفضلوا يشاوروا علي الارض وانا عماله ابطأ مشيتي وباختصار باتصنت حبه ولقيت الحلوين طلعوا الكاميرات وتك تك تتك تك

عسكري المرور معدي تفتكري زعل؟ وقف يبتسم وعادي جدا وسألهم ان كانوا عاوزين تاكسي

عارفة نفسي بجد في قانون رخم زي بتاع حزام الأمان صحيح محدش بيطبقة بس اهو قانون يجرم رمي الزبالة ومصيبة البصق في الشوارع والمعاكسات بالذات للسياح والشتايم يبقي تحفة
تفتكري ممكن يطلع قانون زي ده فضلا عن ان يحترم؟

 
At 18/2/07 7:18 AM, Blogger sarah la tulipe rose said...

مريم انتي مش ممكن
شكلك زمل فعلا
ا بنتي و الله اول ما شفت اول صورة عرفت المشهد دة مش غريب علي
و نفس التفكر مر علي ساعتها بس السنة الي فاتت مكنش معايا لسه موبايل بكاميرا ربنا فرجها السنة دي
مش ممكن بجد يا مريم دة نفس الي كنت فكرت فيه بالظبط بس الكلام دة السنة الي فاتت و نا من ساعتهاماروحتش طب تاني بس غالبا لسه الحال كما هو عليه
بس ايه رايك و انتي بتبصي علي المشهد دة المحطة لسه مجددة و معمولة باكملها من الرخام الفخم جدا
حاجة تفرس و الله
مريم بجد انتي تجنني اول مرة اشوف حد افكاره ماشية كدة زي خط المترو معايا..بس مش المترة الي في الصورة!

 
At 18/2/07 10:14 AM, Blogger TheAlien said...

أنا عرفت الحل من أول صورة
الفرق إنك بتتكلمي عن مكان وانا عن مكان تاني
وأكيد في حد تاني عرف الحل برضه بس كان بيتكلم عن مكان تاني

تحياتي

 
At 18/2/07 4:08 PM, Blogger LAMIA MAHMOUD said...

دي بقت معالم سياحية دلوقتي والسياح بيتصوروا جنبها

 
At 18/2/07 7:17 PM, Blogger mano said...

micheal mohsen
مش عارفه ليه يا مايكل حتى الأماكن اللى مستواها بيكون اكتر من كويس
برضه فيها زباله
امبارح فى برنامج90 دقيقه كانوا بيتكلموا فى موضوع البلاعات اللى انت قلت عليه
المشكله ان كلنا بنتكلم
طيب و بعدين
منورنى دايما



--------------------------------
saso
ياااه ساسو
مش معقول
ايه الغيبه دى
مسمحاكى لأنى عارفه انك كنتى تعبانه
سلامتك يا جميله
بالنسبه بقى لموضوع السياح
اللى بيتصوروا مع الزباله
انا للأسف سمعت الموضوع ده من اكتر من حد
و بالنسبه للطريق الوعر فده
اصبح من مميزات مصر الحروسه
منوره بجد

 
At 18/2/07 7:33 PM, Blogger mano said...

sarah la tulipe rose
مش بقولك انك شبهى
من زمان وانا عندى احساس ان افكارك ماشيه معايا
و الله يا بنتى الموبايل بكاميرا ده عامل شغل
كل المصايب دلوقتى هو اللى بيكشفها
زى كليبات التعذيب كده
كان فين من زمااااان
و طبعا افكارك مش زى خط المترو ده
لأن افكارك جميله زيك


--------------------------------
thealien
فعلا المنظر ده بقى منتشر جدا
و ممكن كلنا نشوفه فى عدة اماكن مختلفه
بنفس الشكل
شكرا لزيارتك

-------------------------------
lamia mahmoud
انتى بتقولى فيها يا لمى
هما فعلا بيتصوروا جنبها
منوره

 
At 18/2/07 11:18 PM, Blogger sherehan84 said...

بصراحه انا مش عارفه المكان ومش عارفه اذا كان في صفائح قمامه ولا لأ؟ لو كان مفيش يبقى العيب في الحكومه لو كان فيه يبقى العيب في الشعب والحكومه بردو علشان عندها شعب بالمنظر ده

 
At 19/2/07 12:46 AM, Blogger tota said...

مانو
تصورت انها صورة سيريالية لاحد الفنانين العظماء المبدعين
اتضح انها فعلا صورة لفنان عظيم مسئول عن النظافة فى البلد ابدع فيها دون اى تدخل حتى تبدو بهذه الجودة
كان الله فى عونك يا بهية
تحياتى

 
At 19/2/07 7:22 AM, Blogger Sharm said...

منظر سئ جدا اشعرنى بالاشمئزاز

 
At 19/2/07 4:25 PM, Blogger يا مراكبي said...

مرة واحد بيسألني: ممكن الواحد يتصور جنب المناظر الجميلة دي للذكرى ولا لأ؟

الإجابة: مش محتاج صور للذكرى ولا حاجة .. دي مناظر ثابتة موجودة على طول

قوليلي صحيح .. المنظر كده برضه جوه المترو ذات نفسه كمان؟

 
At 19/2/07 4:57 PM, Blogger .:.-=- ELGaZaLy-=-.:. said...

هيا دى مصر يا عبلة...

اسف ..ااقصد يعنى ان دة الطبيعى ..يا جدعان انتو لية بتقسو على الحكومة الامورة

بصو للجانب المشرق
جنب بيت الريس مفيش زبالة ...جنب بيت علاء وجمال؟...

اه يا شعب يا وحش...

بوست هايل وصورك جميلة بجد.,وانا بردة عرفت من الاول لانى بركبة علطول..

 
At 19/2/07 8:26 PM, Blogger mano said...

sherehan84
شوفى يا شيرى متهيألى كان فيه صفائح قمامه
و مش عارفه العيب من مين
الناس مش حاسين ان دى بلدهم
علشان كده مش مهتمين بيها
منوره يا شيرى


----------------------------------
tota
هو فى فن اكتر من كده يا توتا
هو ده الفن الواقعى اللى بيقولوا عليه
كان الله فى عونا كلنا
منوره يا توتا

 
At 19/2/07 8:31 PM, Blogger mano said...

Sharm
حقك طبعا تشعر بالأشمئزاز
لأنه منظر مالوش حل غير كده
شكرا للزياره


---------------------------------
يا مراكبي
صدقنى فى سائحين بيتصوروا جنب الماظر دى فعلا
بس عندك حق دى مناظر موجوده على طول

و بالنسبه لسؤالك
الوضع داخل المترو سىء
بس طبعا مش بالشكل ده
منورنى على طول



--------------------------------
ELGaZaLy
اشكرك جدا انك وضحت لى الجانب المشرق
انا كده اطمنت
و شكرا جدا للزياره

 
At 19/2/07 8:45 PM, Blogger الوردة السوداء said...

فعلا

لا تعليق

 
At 19/2/07 10:23 PM, Anonymous حسن محمود said...

شوفى ياستى دى ادانة للحكومة ولينا احنا كمان

طيب الحكومة حتى لو مش عاملة صناديق زباله ينفع احنا نعمل كده

دى مشكلة الثقافة والوزير الفنان المثقف
ويمكن برضه مشكلة التعليم بس هانقول ان البلد مش كلها متعلمين

عارفه
بالظبط زى المنور بتاع كل عمارات مصر
لازم هاتلاقيه مش نضيف الا من رحم ربى

يلا ربنا يهدينا
سلام

 
At 20/2/07 12:44 AM, Blogger محمد ياسر said...

الصورة ممكن يتقال عليها انها فى اى مكان فى مصر لان الزبالة عندنا كتير اوى وفى كل مكان والحمد لله

تحياتى

 
At 20/2/07 1:40 AM, Blogger O2A said...

اسف يا مانو الموقع كان واقع
وعلى ذكر الزبالة انا خدت بالى من حاجة غربية:قبل ما يبقى فى رسوم نظافة الشوارع كانت انظف من كدة و الزبالين شايفين شغلهم كويس،بعد رسوم النظافة ما فرضت؛ القذارة والزبالة فى الشوارع زادوا بشدة.طب دلوقتى رسوم النظافة اللىكل بيت بيدفعها إجبارى ضمن فاتورة الكهربا (مع ان الزبالة بيشيلها الزبال وبرضه بياخد فلوسه) بتروح فين ولمين؟؟؟؟؟

 
At 20/2/07 1:39 PM, Blogger أحمد المصري said...

حسبي لله ونعم الوكيل00
ماحنا اصلنا لا فالحين في نضافة ولا أي حاجة 00ومتلوميش الحكومة 00لو كان الشعب نضيف ماكنش ده كله حصل0

 
At 20/2/07 4:10 PM, Blogger ody911 said...

مريم

مصر هيه أمى نيلها هوة دمى


يا ستى هيه جت على دى

قلنا إيه أحنا


عادى بقة
أودى

 
At 20/2/07 4:19 PM, Blogger mano said...

الوردة السودة
انا زيك كده
لقيت ان افضل تعلق هو لا تعليق
نورتى



---------------------------------
حسن محمود
انا اتفق معك تماما
بس متهيألى النظافه
مش محتاجه تعليم
المفروض انها بالفطره
و اتفق معاك اننا مشاركين فى الخطأ
و الحكومه ايضا لأنها لم توفر صناديق القمامه
بس انت اشرت لنقطه حلوه
هى فعلا المناور ليه على طول
مليئه بالقمامه
دى ثقافة شعب
اشكرك جدا على متابعتك
و شاكره لزيارتك



----------------------------------
محمد ياسر
عندك حق
المنظر ده ممكن تشوفه فى اى مكان
على ارض مصر
شكرا لمرورك

 
At 20/2/07 4:24 PM, Blogger mano said...

O2A
و لا يهمك المهم ان الموقع بقى كويس

فعلا حاجه غريبه من ساعة رسوم النظافه
و الشركات الأجنبيه
و الزباله زادت قوى
يا ترى ليه؟
شكرا لمتابعتك


----------------------------------
أحمد المصري
ليك حق تضايق
احنا غلطانين
بس الحكومه كمان لا توفر صناديق قمامه كافيه فى الشارع
يعنى هى مسؤله
لكن احنا بنشاركها الخطأ
نورت


----------------------------------
ody911
اودى العزيز
انا قلت اتكلم فى موضوع نقدر نحله بنفسنا
غلى اساس انه فى ايدنا
بدل الدستور و الاعتقالات
و الحاجات اللى مش هنجيب فيها نتيجه
و اكتشفت ان مفيش حاجه فى ايدنا
و واضح انه كله عادى فعلا
نورتنى

 
At 20/2/07 6:45 PM, Blogger Amr Ahmed said...

ايه ده

ايه النظرة السوداوية

انتي من اعداء البلد

لالالالا

انتي عاوزة مصر من غير الزبالة

عاوزة تضيعي معالم سياحية

لالالالا

ايه الحقد ده

انت اكيد في مصر

تحياتي

 
At 20/2/07 7:10 PM, Blogger سمسم said...

يع

وتسلم إيديك!!!

 
At 20/2/07 11:36 PM, Blogger Human said...

الزبالة معلم من معالم مصر ....حلوة يابلدي.....ماعتقدش ان الحكومة لها دخل في الموضوع ده سلوكيات

 
At 21/2/07 2:07 PM, Blogger Egyptian Kangaroo said...

Funny or Scarey ?

Check this video and make up your mind. These guys have quite funny show on Aussie TV. Some of their clips are on YouTube or you can download some from iTunes for free. They push the limits in a funny way. Enjoy http://www.youtube.com/watch?v=HCkYfYa8ePI
let me know what you think @http://egyptiankangaroo.blogspot.com/

 
At 21/2/07 6:33 PM, Blogger شمعى أسعد said...

مش عيب يامريم
انك ترشى شوية زبالة
على السكة عشان تصوريها كده؟؟؟

عيب ولا مش عيب

انتى ليه مش عايزة
الناس تصدق

اننا بنعيش
ازهى عصور النضافة

 
At 21/2/07 6:40 PM, Blogger raspoutine said...

مش هاقول اكتر من اللى قولتهوليك ان الصور دى بتفضح اى مسئول فاكر انه انسان مهم فى البلد دى

 
At 21/2/07 7:56 PM, Blogger mano said...

Amr Ahmed
عيب انا اجروء اطلب
اننا نشيل الزباله
ده حتى خطر على الأمن القومى
انا بس بعرض معالم سياحيه
فيها حاجه دى؟
نورت يا عمرو



---------------------------------
سمسم
عندك حق
منظر مقرف فعلا
اشكرك
و شكرا للمرور


---------------------------------
Human
شوف هيا سلوكيات و مش سلوكيات
يعنى طبعا ده عيب
ان الناس بترمى الزباله كده
بس مش يمكن الناس بتعمل كده
علشان مش لاقيين حاجه يرموا فيها
منور دايما

 
At 21/2/07 8:00 PM, Blogger mano said...

Egyptian Kangaroo
thanks for telling me about this video
i watched it and i think it is funny more than scary



-----------------------------------
شمعى أسعد
طبعا انت عارف
انا اللى عملت كده
لأنى عدوه للأنجازات
اعداء النجاح بقى
لكن ده ميمنعش اننا فى ازهى عصور كل حاجه
نورت


----------------------------------
raspoutine
صدقنى هما ميهمهمش
يعنى هى جت على الزباله
ما كل حاجه فاضحاهم
و محدش همه
شكرا لزيارتك
نورت

 
At 22/2/07 11:44 PM, Blogger yara said...

ta7ya masr we ya7ya hussny mobarak
:(

 
At 23/2/07 8:32 AM, Blogger smraa alnil said...

مريوم
انتي شكلك مهترضة علي سياسة الدولة
هو انتي معارضة ولا ايه
لالالالالا مش كنت فاكراكي كدة
مالها زبالتنا يا حاجة انتي كدة بتغلطي في الذات العليا

طب دي اجمل حاجة في مصر زبالتها بدليل وجود ريسنا
طويل العمر يطول عمره وينصره علي مين يعاديه هاي هئ

 
At 23/2/07 4:40 PM, Blogger hend said...

طب انا هقولك على اللى افظع من كده انا مش من القاهرة بس اخويا بيشتغل هناك فمره كان بيقول لنا على مكان شافه عباره عن كوم زبالة كبير جدا بمر الزمن بدا ناس يلجؤا له ويتخذوه مسكن وعاملين له باب وهو مقلب زبالة

 
At 23/2/07 8:27 PM, Blogger شــهــروزة said...

شكلك كدة من أعداء الثورة والفلكولور الشعبى؟ظ

اية اللى ربط بين الثورة وبين الفلكولور الشعبى؟
مش عارفة
بس طقت فى راسى لما شفت الصور
هى مش جديدة
أنا باشوف زيها كل يوم وباشوف كمان الناس اللى بترميها وهى شايلة الأكياس وبترميها برة صندوق الزبالة المعدنى الكبير
مع انـــــــــه موجود ومفتوح وفاضى
لكن تقولى اية بقا؟
سابو الصندوق ورموا الأكياس جنبه وحواليه لحد ما بقا هرم سابع من اهرامات مصر المجيدة بجوار مدرسة الثانوية للبنات والمنشأة على أحدث طراز معمارى وتكنولوجى
ومكتوب على الصور اللى يقع الهرم الخامس رأسيا عليه نصيحة فلكولورية كنا كلنا بنشوفها جوةاسوار المدرسة وخارجها

النظـــــافة من الايمـــــــان

وخلاص

 
At 23/2/07 11:40 PM, Blogger mano said...

yara
تحيا الوحده
و تحيا الأمه
منوره يا يارا



----------------------------------
smraa alnil
ايه يا انوج
انتى بتدبسينى و لا ايه
انا قلت انى معترضه
و لا انى معارضه
محصلش
دى حتى الزباله منظر حضارى
منوره

 
At 23/2/07 11:44 PM, Blogger koukawy said...

من كتر ما الأماكن اللي زيّ كده كترت اوي 00
كتبت بوستين يخصوا الموضوع ده
فاشون في الزياله و النضافه من الايمان
الموضوع شنيييييييييع

 
At 23/2/07 11:50 PM, Blogger mano said...

hend
شوفى يا بنتى
اللى اخوكى شافه ده شىء
عادى فى مصر المحروسه
منوره



-----------------------------------
شــهــروزة
لألألأ
انا من مؤيدى الثوره
و الفلكلور الشعبى
و بعدين ده شىء طبيعى فى مجتمعنا
و فعلا هما الناس عندنا
بيحبوا يرموا الزباله فى بلدنا
فى الشارع
دى هوايه غالبا
منوره يا شهروزه

 
At 23/2/07 11:52 PM, Blogger mano said...

koukawy
شنييييع موت
طبعا الموضوع انتشر جدا
و مش عارفه اللوم علي مين
شكرا جدا لزيارتك
نورت

 
At 9/3/07 10:32 PM, Blogger توتة توتة said...

فعلا

 
At 16/8/08 9:54 AM, Blogger عايش ومش عايش said...

لما يكون الشعب معظموا زبالة عاوزين المكان الي قعدين فية نظيف ؟؟ طبعاً حيكون زبالة

 
At 4/5/10 7:17 PM, Anonymous Anonymous said...

هو فعلن الزباله كتيره ولازم نتكلم عليها ونشوف حل بس انا رائى انو كفا يه كده كلام عن الزباله البلوج بأت ريحت تقرف
LOL maroمع تحيات

maro_98_2009@yahoo.com
maro_98_2009@hotmail.com

 

Post a Comment

Links to this post:

Create a Link

<< Home