Wednesday, February 07, 2007

من ينقذ ايمن نور؟



لا يهم الآن أن نتفق أو نختلف مع ايمن نور
لا يهم أن نقتنع أو نرفض برنامج حزبه
لا يهم تقييمنا له. فهو لم يعد ايمن نور الذي عهدناه
فهو الآن ليس السياسي المعارض الذي يجمع حوله المؤيدين
ليس نائب مجلس الشعب الذي يفضح سياسات الحكومة
ليس رئيس الحزب الذي يحاول أن يتواصل مع الشارع
و ليس رئيس التحرير أو الصحفي الذي يسعى لزيادة توزيع جريدته بالبحث عن الأخبار
لم يعد ايمن نور أيا من هؤلاء
تحول ايمن نور إلى شخص يواجه التهديد بالموت كل لحظه
و لعله يتساءل وحيدا إذا كان سيكتب له رؤية أبنائه مره أخرى أم لا
لا أدرى هل كان نور حقا مقتنعا بقصة الديمقراطيه.
هل كان يتصور و هو يعرض برنامجه بكل جديه انه يمكن ان
يكون رئيسا
شعبيه حقيقية حققها ايمن نور. و لا يمكن لأحد أن ينكر أن العديد من الشباب التف حوله
و خاصة بعد أن فقدنا الرمز و البطل منذ سنوات
لعلنا فقط استمعنا في قصص التاريخ عن التفاف الناس حول سعد زغلول. أو حبهم لأحمد عرابي و غيرهم
و لكننا لم نعرف هذا المعنى في الواقع. و لهذا التف العديدين حول نور


كان من المتوقع أن يدفع ايمن نور الثمن. و لكن أحدا لم يتصور أن الثمن قد يكون حياته
فظهور ايمن نور أربك حسابات كثيرة
أهمها تصدير الأخوان المسلمين كبديل وحيد و يتيم. و لست هنا بصدد معارضة أو تأييد الأخوان
و لكن وجود نور نسف ما يروج عن غياب البديل المدني
و لا أتصور إمكانية عودة ايمن نور للحياة السياسية. و لكنى فقط أتمنى له العودة للحياة الطبيعية
مرت قصة ايمن نور كشريط بذاكرتي عند رؤيتي لإعلان قدمه أهله في الصحف أملا في الرفق به كمريض
فهو يعانى من الضغط و السكر إلى جانب مشاكل في القلب
أهكذا يستريحوا بعد أن أذلوه بكل الطرق

42 Comments:

At 7/2/07 2:16 AM, Blogger Dananeer said...

ضريبه الحريه و التعبير عن الرأى فى بلدنا
رقبته و حياته خلوها ثمن انه بقى رمز و انه وقف حاول يقف فى وش الطغيان
عشان يخلوه عبره

انا لا من حزبه و ل حاجه برضه
بس حسيت بالذل و انا باشوف الالتماس

مش عارفه لحد امتى حنلعب دور عرايس الماريونيت
على راى بلوجاوى

 
At 7/2/07 5:07 AM, Blogger frozen love said...

معاكي تماما..مش مهم موقفنا ناحيته..لكن كل اللي نتمناه العدالة تسري في بلد تاه في مجرى العدالة

 
At 7/2/07 7:56 AM, Blogger sarah la tulipe rose said...

ايمن نور عاوزينه يكون رأس الذئب الطائرة ليتعظ و يعتبر كل من تسول له نفسه المعارضة او الاعتراض بكلمة يتيمة او حتي يتلفظ بلا حرة قوية
ايمن نور النظام مش عاوز يصفح عنه رغم انه بيصفح عن مجرمين حقيقين و ليس شخص تم تلفيق قضية واهية له و ذلك لانه جرؤ علي انتقاد النظام و هو بذلك يعاقب علي موقفه الحر
و بما ان هناك قضاة اساسا هم من سهلوا دخول ايمن نور السجن ليتعامل بتلك الطريقة الحيوانية بلا اي رعاية علي الاطلاق فربنا يستر رغم ان القضاة مازالوا علي وقفتهم الشرريفة الا انهناك منهم من هو بوق اخر للنظام
تزوير العضوية و ليس تزوير البطاقات هي سبب سجن نور من يصدق كدة كان اكتر حزب له شعبية و جماهيرية حزب الغد و الي كان بيروح باب الشعرية كان بيلاقيها برتقالي يبقي حيزور توكيلات ليه؟
اه يا بلد

 
At 7/2/07 9:38 AM, Blogger mano said...

This comment has been removed by the author.

 
At 7/2/07 12:41 PM, Blogger micheal said...

و أدي جزاء اللي ميسمعش كلمة ماما تقولها..و طبعا معروف مين هي الانسة ماما هنا
أشارككي الرأي يا مريم بالرغم من عدم اقتناعي بأيمن نور كشخصية

 
At 7/2/07 2:41 PM, Anonymous sa3ed al masry said...

ayman nour kan allah fe 3ono we fe 3on masr kollaha al ragel kol ally 3amlo ano fakar yewsal ll 7okm betare2a mashro3a
we laken ally na3rafo a7san men ally mane3rafosh

 
At 7/2/07 4:53 PM, Blogger مـحـمـد مـفـيـد said...

لا نتحدث عن اننا متفقين او مختلفين معه
ولكنه الان يدفه فاتوره الحريه والاصرار علي وجود معارضه حقه
اعتقد ان المسلسل الجديد الذي سننشغل به قريبا قد بدأت حلقاته من الان

 
At 7/2/07 7:27 PM, Blogger sherehan84 said...

للأسف مفيش في ايدنا أي حاجه نعملها
قلبي معاه ومع اسرته


سايبالك تاج عندي في المدونه ابقي تعالي خديه :)) وآدي جزاتك علشان اديتيني تاج

 
At 8/2/07 1:07 AM, Blogger Epitaph said...

لا
كنتي تقري الاهرام و هي بتكذب و تقول انه عال العال وصحته بمب
ناقص يقولوه انه بياكل كنتاكي و ماكدونالدز

ااااااااه يا بلد

 
At 8/2/07 8:33 AM, Blogger smraa alnil said...

امتي بجد بقي نشوف الحق ظاهر
انا بحب ايمن نور جدا بس الظلم والغدر وحشين
ربنا علي الظالم بجد
ويشفي ايمن نور
سواء الناس اتفقت عليه او لا
بس هو يبقي انسان له كيان وحقوق

ودي مجرد البداية يا مريم

وربنا يستر علينا

 
At 8/2/07 9:30 AM, Blogger Reformer1976 said...

عاجبني جدا طرحك للموضوع وطريقة طرحك الموضوعية ليه... أكبر ضربة وجهها نور للنظام فعلا هي تكذيبه للطرح بأن لا بديل عن مبارك سوى الإخوان الكخة المتطرفين... أيمن قال للكل إنه فيه بديل مدني ليبرالي وفيه بديل اسمه الحرية... بس مين يسمع... ودلوقت أيمن بيدفع التمن غالي من عمره ومن حياته... يا ريت بس البغبغانات اللي بيتهموه بالعمالة لأمريكا يقولولنا فين أمريكا اللي بيدعوا إنه بتاعها وهي شغالة ترستق مبارك وغاضة البصر خالص عن استبداده اللي جزء منه دبح أيمن نور... حسني مبارك معدوم الإنسانية وهيسيبه يموت بجد... وساعتها هنعرف قيمته ونقول إيه دا دا كان محترم بجد ومات عشان المبدأ... آه يا بلد

 
At 8/2/07 3:49 PM, Blogger شــهــروزة said...

شفتى الاعلان؟؟
بلغ اذلالهم له ولعيلته انهم ينشروا اعلان توسل للرئيس صاحب القلب الكبير
انه يصفح عنه
انه يرحمه

مش عارفة فين المنظمات المدنية دلوقتى
خرست ألسنتها لية

حتى التوسلات دى
لم تشفع له
ولم ترقق قلب فرعون الكبير
على من فكر ان يناطحه
رأسا برأس

بس أرجع وأقولك
أحنا اللى نستاهل

يلااا بالشفاا

 
At 8/2/07 4:12 PM, Blogger whyme said...

انا من اشد المعجبين لايمن نور
بسبب بسيط لانه قدر يتكلم و يفتح كل المواضيع الى احنا كنا شايفنها و مش قادرين نتكلم

بس للاسف هوه كان معتمد على الناس تقف جنبه و محسبش كويس انه فى مصر المخروسه الى شبابها اتعلموا الخوف كويس و بقى فى دمهم لدرجة انهم خلاص اصبحوا لسوا اشخاصاً و انما ظلالاً للخوف

ايمن هيضيع بسبب سكوتنا و احنا مبنعرفش اصلاً نتكلم

تحياتى
واحد اخرس

 
At 8/2/07 9:56 PM, Blogger mano said...

Dananeer
انا كمان مش من حزبه و لا دائرته الانتخابيه
و حسيت زيك بالظبط
نفسى نتوقف عن دور عرايس الماريونيت
نورتينى
و شكرا للزياره


----------------------------------

frozen love
تمام موقفنا ناحيته مش هيفرق دلوقتى
بس المهم العداله تاخد مجراها
مش عارفه ده هيحصل و لا لأ
منورنى على طول

 
At 8/2/07 10:01 PM, Blogger mano said...

sarah la tulipe rose
ساره العزيزه جدا
انت عارفه ان كل مره بتقولى اللى انا عايزه اقوله
ايمن نور فى نظرهم اخطر من ممدوح اسماعيل و من ناس تانيه كتير قوى
الغريبه فعلا رغم شعبية ايمن نور يسقطوه فى انتخابات مجلس الشعب
طيب معقول حد يصدق كده
مش عارفه اقول ايه
نورتى و منوره على طول يا ساره


---------------------------------

micheal
تمام يا مايكل
القضيه اكبر من ايمن نور كشخص
ممكن اى حد تانى كان يبقى مكانه
القضيه قضية ديمقراطيه وهميه
شكرا لزيارتك

 
At 8/2/07 10:04 PM, Blogger mano said...

sa3ed al masry
اللى نعرفه احسن من اللى منعرفوش طريقة تفكير مصريه صميمه
و ايمن نور دفع التمن غالى قوى
شكرا لمرورك


----------------------------------
مـحـمـد مـفـيـد
انت جبت المفيد
و القضيه اكبر من ايمن نور كشخص
القضيه هى انسانيه مفقوده
و هو ده التعامل الحقيقى مع المعارضين
ديمقراطيه بقى
شكرا لزيارتك

 
At 8/2/07 10:07 PM, Blogger mano said...

sherehan84
احنا على طول مفيش حاجه فى ايدينا يا شيرى
كده يا شيرى تاج
دى آخرتها
شكرا يا جميله و ان شاء الله ارد عليه قريب


---------------------------------
Epitaph
ايوه يا بنتى شفت الاهرام
حلوه قوى حكاية كنتاكى و ماكدونالدز دى
مقالوش بيجيبوا ديليفرى و لا تيك اواى؟

نورتى جدا يا ايبى

 
At 8/2/07 10:16 PM, Blogger mano said...

smraa alnil
الظلم وحش قوى فعلا يا انجى
و المشكله ان الراجل كان بيمارس حقوق قانونيه
دى آخرة المحترمين فى البلد دى
ربنا معاه و معنا
نورتى يا انووج


----------------------------------
Reformer1976
العزيز جرجس
و لهذه الأسباب تم تدمير نور
حتى يعيدوا البدائل القديمه مره اخرى
بس اهم حاجه انت قلتها حكاية امريكا
طيب بما انه عميل امريكى
امريكا ليه سايباه متبهدل
شكرا جدا لزيارتك

 
At 8/2/07 10:16 PM, Blogger mano said...

شهروزة
شفتى الاعلان يا شهروزه
شفتى الذل وصل لفين
و النتيجه ايه
رفضوا الافراج الصحى استمرارا لمسلسل الذل و العقاب
انا معاكى اننا نستاهل
نورتى يا شهروزه


----------------------------------
whyme
المشكله فعلا انه كان فاكر اننا سنقف جنبه
و لكن كلنا جرينا
واضح فعلا انه نسى انه فى مصر
محدش له دعوه بحاجه
كلامك تمام
نورت و شكرا للزياره

 
At 9/2/07 3:38 AM, Blogger كلمه said...

ana ba7eb ayman nor ...sa3at batefe2 ma3ah w sa3at ba5talef ma3ah bs fel 2a5er ba7taremo....

howa elwa7eed elly 2eder ye3ml 7aga odam el7okoma wel rayes w zy manty 2olty nas keteer kano warah
w elly zayo lazem yedfa3o taman elkalam da .... 3shan e7na mo3`afaleeeeeeeeeeeen :D

 
At 9/2/07 11:29 AM, Blogger Human said...

أيمن نور ....دفع ثمن كونه الثاني بعد الئيس مبارك في الإنتخابات الأخيرة بعد تزوير ورشاوي واستهبال ......ده التطور الطبيعي للغباء السياسي ..اساسيلت تلك اللعبة القذرة والتي تسمى السياسة ..أن ايمن نور اصبح شخصية عامة معروفة لدى الجميع بدلا من ان يرتكوه مع ان تركه فيه خطورة كبيرة عليهم ....رموه في السجن وخلقوا منه شهيدا مع انه أصبح كذلك بالفعل ولكن مع الأسف ليس في النظام ولا في ايمن نور ...العيب فينا نحن للأسف

 
At 9/2/07 3:02 PM, Blogger Dr. Tantawy said...

عندك حق

بس ايمن نور وقع مع الكبير و محدش يقدر ينطق بكلمه
متهيألي لولا متابعه الغرب ليه .. و مش هقول جمعيات حموم الانسان المصريه و البكش ده .. كان زمانه اتصفى من زمان
و ان كنت متأكد انه لو ايمن نور موتوه في السجن محدش هينطق و لا هيتكلم .. اخرها مظاهرتين تلاته و تاني يوم هيكون المانشيت الرئيسي في الجرايد .. اعضاء خزب الغد يتصارعون على رئاسته

طول ما حنا ماشيين بالبركه مفيش حاجه هتتعدل لوحدها

ربنا يقوينا

بسم الله الرحمن الرحيم
الم, احسب الناس ان يتركوا ان يقولوا امنا و هم لا يفتنون
صدق الله العظيم


تحياتي يا مريوووم

 
At 9/2/07 3:34 PM, Blogger tota said...

مانو العزيزة

ان النداء الذى وُجه للرئيس ليحصل ايمن نور على ابسط حقوقه كمواطن مصرى من الرعاية الطبية دليل على سوء حالته فعلا فلن تقبل اسرته ان تفعل هذا وتكسر كبريائها بدون داعى
حالة ايمن نور فعلا سيئة والحكومة تعاقب الشعب فى صورة ايمن وكأنها تقول لكل من تسول له نفسه ان يفكر فى الديموقراطية لا تقترب
هذا مصير من يبحث عنها فى بلد دكتاتورى
تحياتى

 
At 9/2/07 10:48 PM, Blogger يا مراكبي said...

الموضوع فعلا مش شخص أيمن نور .. لكن المهم هو الرمز وراء الموضوع

الغريب بقى هو الجرأة الغير عادية في اللي بيحصل ده .. يعني بيعملوا كده عيني عينك ومصرين على الخطأ ومش هاممهم إيه اللي يتقال عليهم برة وجوا ولا إيه النتايج

ده حتى إذا بليتم فاستتروا .. إختشوا شوية

 
At 10/2/07 1:41 AM, Blogger karakib said...

مش عارف أقول ايه
ايمن نور عايزين يغتالوه معنويا قبل ما يكون جسديا
عايزين راجل مجنون الناس تضحك عليه
لكن
جمر الهوي جوا القلوب والع
لو غاب قمر مليون قمر طالع
مليون قمر طالع طالع طالع

 
At 10/2/07 3:30 PM, Blogger Amr Ahmed said...

اللي هينقذ ايمن نور

ينقذ مصر معاه

اصل النظام مش عاوز نور

يبقي اكيد هيموتوه

واديهم خدوا طلع السادات

وخيرت الشاطر

وسلملي علي ممدوح اسماعيل

بقي بالذمة مش يستحق الاعدام

 
At 10/2/07 5:17 PM, Blogger mano said...

كلمه
ايمن نور دفع التمن فعلا و لسه بيدفعوا
بس حلوه حكاية احنا مغفلين دى
عندك حق
شكرا للمرور


----------------------------------
Human
انت عندك حق فى كل اللى قلته
بس اهم حاجه اننا نستاهل
فعلا نستاهل جدا
نورت

 
At 10/2/07 5:23 PM, Blogger mano said...

Dr. Tantawy
طنطاوى العزيز
كل مره تضحكنى وانا بكون متضايقه
المهم انت طبعا اصبت فى تعليقك
و وضحت طبيعة الشعب المصرى اللى هيفضل ساكت ولا على باله مهما حصل
و من ناحيه تانيه الخلافات على السلطه فى الحزب ومتهيألى ده لأننا معندناش روح الجماعه
منور دايما



-------------------------------
tota
توتا العزيزه
للأسف واضح ان ايمن نور صحته متدهوره فعلا
و زى ما قلتى بما ان اسرته تنازلت عن كبريائها و نزلت اعلان استعطاف زى ده
ان نور حياته فى خطر
و ده مصير كل معارض حقيقى
تحياتى و شكرا لزيارتك

 
At 10/2/07 5:29 PM, Blogger mano said...

يا مراكبي
انا فعلا متعجبه من الجرأه الغريبه دى
يعنى حتى مبيحاولوش يخبوا او يجملوا اللى بيعملوه
لأ خلاص كله بقى على المكشوف
منورنى دايما


-----------------------------------
karakib
هما فعلا اغتالوه معنويا
و دخلوا فى مرحلة الأغتيال الجسدى
بس اشكرك على عرض الكلمات الجميله دى
و فعلا مليون قمر طالع
شكرا لزيارتك



------------------------------
Amr Ahmed
فعلا يا عمرو
يعنى شوف جوه السجن تلاقى ايمن نور وطلعت السادات و خيرت الشاطر
و تشوف بره تلاقى ممدوح اسماعيل و هانى سرور
يعنى الوضع معكوس تماما
شكرا لزيارتك
نورت

 
At 11/2/07 12:18 AM, Blogger Sharm said...

المشكلة دلوقتى مش في اني متفق معاه او لا , المشكلة انه انسان و ياريت يبقى في اهتمام بصحته

 
At 11/2/07 12:40 AM, Blogger raspoutine said...

موضوع اتكلمنا عنه كتير بس هنعمل ايه مش ايمن نور بس دول كتير وهربو بره بلدهم اللى عاشو واتربو فيها فى اكتر من كده بقينا عاملين زى اخواننا فى فلسطين متغربين ومش عارفين نقعد فى بلدنا
ده معقول اكون خايف من انى اكون خلف القضبام من اجل جريمه لم ارتكبها او ان استقل طائرة متجهة الى اى داهيه وابعد عن امى اللى اتربيت فى حضنها
ايمن نور ده مين
انتى لو دورتى هتلاقى مليون ايمن نور فى مصر وزيهم بره مصر
لكن الفرق بينهم وبين ايمن انهم كامو بيتكلمو عن قضياهم مش عشان السلطه وفضح الريس وبس واهو اتحبس
هما كانو بصين لاكتر من كده بصين لحال الغلابه اللى مش لاقيه تفطر او تتعشى انا شفت بعنيا


ادعو لمصر بدل من قول ايمن وياسر ومش عارف مين


فى النهايه بحييكى على موضوعك


ايمن بس مش نور

 
At 11/2/07 5:15 AM, Blogger واحـــد مـــــن الـنـــاس said...

ربنا معاك يا دكتور ايمن
راجل في زمن ندر فيهلا الرجال

 
At 11/2/07 5:56 PM, Blogger egyptiankangaroo said...

nI have a video I would like you to see and hear. i am also interested in hearing your feedback on my blog.
http://egyptiankangaroo.blogspot.com/

 
At 12/2/07 1:44 PM, Blogger وجع دماغ said...

أنا شخصيا أختلف مع أيمن نور فى الكثير والكثير
لكن ما يحدث هو سقطة بشعة لنظام فاشل
خشى من وجود شخص قد يمثل عليه خضرا فى وقت ما فزج به فى السجن
حسنى مبارك لا يتحمل المنافسة حتى لو كانت مع أيمن نور

 
At 12/2/07 7:16 PM, Blogger mano said...

Sharm
هو ده بالظبط اللى كنت عايزه اقوله
مبقتش تفرق نقتنع بيه او لأ
لكن صحته حرام
شكرا لزيارتك



---------------------------------

raspoutine
ايمن بس مش نور
انا متفقه معاك فى اللى بتقوله
و للأسف فى مليون ايمن نور لا نعرف عنهم شيئا
و لكن ما جعلنى اتحدث عن ايمن نور ان صحته الآن متدهوره
و اكبر دليل هو ان اهله تنازلوا عن كبريائهم من اجل انقاذه
شكرا جدا للزياره

 
At 12/2/07 7:21 PM, Blogger mano said...

واحـــد مـــــن الـنـــاس
ربنا معاه
يعنى منقدرش نقول غير كده
شكرا لزيارتك


--------------------------------
egyptiankangaroo
thanks for visiting my blog an for inviting me to visit yours

i have seen the video
and i really liked your blog



--------------------------------
وجع دماغ
لن يفيد الآن الاختلاف او الاتفاق مع ايمن نور
لأنه صعب ان يعود للحياه السياسيه
و كان من الممكن ان يكون اى شخص فى مكان نور
اى معارض حقيقى مهدد ان يكون مكانه
شكرا لزيارتك

 
At 13/2/07 4:42 AM, Blogger Modern Pharaoh said...

Man Yankiz Masr?

 
At 13/2/07 2:34 PM, Blogger mano said...

Modern Pharaoh
للأسف عندك حق
مصر كلها فى حاجه للأنقاذ
يا ترى مين المنقذ؟
شكرا لزيارتك

 
At 21/2/07 10:00 PM, Blogger وله نهايه said...

ايمن نور هو زعيم مصر
قد نعترض لان هناك من افضل منه
لكن الزعامه هي الاسبقيه والجرئه وايمن نور جريء وسباق فيما فعله وبالتالي كان الضحيه التي لحق بها الكثير كالسادات والخوان والله اعلم من تبقي

 
At 22/2/07 10:57 PM, Blogger mano said...

و له نهايه
ما حدث لأيمن نور
متوقع حدويه لأى معارض حقيقى
لذلك لحق به السادات
و ها هم الأخوان
و للأسف اعتقد انه مصير كل المعارضين الذين يرفضون الأدوار الديكوريه
شرفتنى بالزياره

 
At 23/2/07 11:41 PM, Blogger koukawy said...

اكيد طبعا ارتاحوا لأنه بقي عبره لكل اللي يحاول يعمل زيّه 00 القلوب و الانسانيات و المشاعر ملهاش مكان قدام الكراسي

 
At 24/2/07 12:41 AM, Blogger mano said...

koukawy
كلامك عبر عن الموضوع كله
انتى قلتى المفيد
كله يهون قدام الكراسى
نورتى بجد

 

Post a Comment

Links to this post:

Create a Link

<< Home