تاجين مره واحده

تحديث:
الى الساده البلوجرز اللى ضايقهم عدم اجابتى عن بعض الاسئله
احب اعتذر لأن الاجابات مكانتش عاجبانى انا كمان.
لذا قمت بتغيير بعض الاجابات السابقه
يرجى مطالعة الاجابات الجديده



لأول مره يتبعت لى تاج. لأ تاجين مره واحده.

مررهم لى المهندس/ احمد ثروت القاضى صاحب مدونة يا مراكبى.



خدوا عندكوا
التاج الأول


اية اللي حيحصل لايميلك لما تموت؟
اكيد مش هيتوزع مع التركه. غالبا سره هيموت معايا


اديت الباس وورد لحد قبل كده؟
لأ مفتكرش انى اديته لحد قبل كده


لو اه كانت طبيعة علاقتك بيه اية؟
صحيح مفتكرش انى اديته لحد. بس لو كان حصل يبقى اكيد لصاحبتى الانتيم


اسمك؟
لحد فتره بسيطه مكنتش عارفه اقول اسمى
لكن اسمى مريم. و معرفش ايه علاقته بمانو
بس هو ده الاسم اللى جه فى بالى اثناء انشاء المدونه


اسم الدلع المشهور وسط اصحابك؟
خلتونى آخد بالى ان اصحابى مبيدلعونيش. مع انى بدلعهم كلهم
يمكن علشان ساعات بكون جد شويه



عمرك؟
19 سنه


برجك؟
برج العذراء


مجال دراستك؟
بدرس الصيدله
و لمن لا يعرف هى كوكتيل من كل انواع الكيمياء

شخصيتك نوعها ايه؟
يمكن صعب شويه احدد نوع شخصيتى.
قصدى اقول انى مبعرفش اتكلم عن نفسى
بس متهيألى انى خجوله و انطوائيه شويه
لكن بكون مرحه مع الناس اللى اعرفهم


السفر بالنسبة لك؟
السفر بالنسبه لى تغيير. و خروج من مود الزهق


المود بتاعك؟
ساعات بكون هاديه جدا و ساعات بكون نشيطه على حسب الاحداث و الاجواء المحيطه
يعنى يمكن مودى بيتغير بسرعه


وقت فراغك بتعمل فيه ايه؟
احب انام فى وقت فراغى لأنى بحب النوم جدا
و بحب اقرأ كتير يعنى كل ما أكون فاضيه امسك اى حاجه اقراها. كتاب، جرنال و يا حبذا لو معارض يبقى فى الجون


الاكلة المفضلة؟
البيتزا، المكرونه، البطاطس المحمره
و اى اكل من بره، و ممكن شوية حاجات من جوه مفيش مانع


الصفات اللي خدتها من بابا؟
معظم صفاتى من بابايا
زى حب القراءه و الاطلاع
عدم مقاطعة الآخرين اثناء الكلام
الهدوء و الاجتهاد


الصفات اللي خدتها من ماما؟
مش عارفه متهيألى مخدتش من مامتى حاجات كتير
بس يمكن العصبيه و الطيبه


اكتر 6 حاجات بتكرهها؟
النفاق و التملق
التعالى و الغرور
الحقد
ان يظهر الانسان عكس ما يبطن
الجرائد الحكوميه
التليفزيون المصرى

اكتر 6 حاجات بتحبها؟
الكتابه
الناس الطيبين
القراءه
الاصدقاء
الخروج فى الصباح الباكر
الاستماع للموسيقى



الشغل بالنسة لك؟
لحد دلوقتى لسه طالبه. بس اكيد الشغل هو كيان الانسان
و على العموم لما اشتغل هقولكوا رأيى


ايه الكمبيوتر والانترنت بالنسبة لك؟
مهمين جدا مقدرش اعدى يوم من غيرهم
و خصوصا الانترنت لانها وسيلة اطلاع سريعه. و طبعا بعد التدوين اصبحت جزء اساسى من اهتماماتى



التاج التانى


الخمس حاجات اللي ماحدش يعرفها عني هي

انى بحب الصحافه جدا مع انى مبدرسهاش
انى مش هاديه قوى زى ما الناس فاكره

ميتهيأليش ان فى حاجه تانيه محدش عارفها


شكرا جدا مهندس/ احمد ثروت القاضى على التاجين. ....... و ده شرف ليا

و بما انى عارفه ان التاجين راحوا لمعظم المدونين همررهم للذين اتذكر انها لم تمررلهم
Sarah la tulipe rose
saso

We2am
د.طنطاوى
شريهان انا و اللى حوليا
memo