Monday, January 22, 2007

الدستور دستورهم

غريب حقا ذلك البرود الذي قوبلت به التعديلات الدستورية
و كأننا مللنا من تمثيل دورنا في مسرحيه معروفه نهايتها
فحين أعلن الرئيس المواد التي بصدد تعديلها. قابل ذلك أعضاء الحزب الوطني بالتصفيق
و قابله كتبة الصحف الحكومية بالتهليل و التعظيم. و أكد الإعلام الحكومي الحكمة المباركة
و لكن الشارع كان له رأى آخر. فقد قابل تلك التعديلات ببرود قاتل
و كأنه يقول لهم لقد سئمنا منكم. افعلوا ما تريدوا بعيدا عنا
ففي حين يتغنى صحافيي الحكومة بالغزوة الدستورية. حتى إن البعض لم يتورع عن وصفها بثورة
قوبل ذلك بالصمت التام من المواطنين مع عدم محاولة معرفة ما يجرى
فلماذا نستفز أنفسنا و نفكر في شيء معروفه نتيجته مسبقا
فحينما يجلس المشاهد لمتابعة فيلم، يكون شغوفا لمعرفة النهاية
و لكنه حين يعرف النهاية مسبقا يكون فيلما محروقا، و ربما لا يكمله للنهاية
و أظن أن هذا هو حالنا بالضبط. نحن نعرف نهاية الفيلم و لسنا بحاجه لمشاهدته
لذلك انسحبنا في صمت. و لم نعر للأمر اى اهتمام
و لكن إذا القينا نظره سريعة على ما يحدث. سنجد إن هناك تعديلات ترغم على الضحك
مثل إزالة كل كلمات الاشتراكية من مواد الدستور. و كأن المهم ألا نجد كلمة اشتراكيه
إذا كان الأمر كذلك فبماذا نفسر إذا نسبة الخمسين بالمائه عمال و فلاحين في مجلس الشعب
أليست من صفات الاشتراكية؟
و كأنهم يريدون فقط ترقيع الدستور ليتناسب شكله مع ما يريدون. بينما لا يهم مضمونه
و لكن فلننظر إلى النتيجة
لقد انسحب الشعب و كأن الموضوع لا يمت له بصله. إذا لقد أدى ما يحدث إلى انفصالنا عن مجتمعنا
و كأننا لسنا جزء منه
هنيئا لهم فليفعلوا ما يريدون

41 Comments:

At 22/1/07 1:30 AM, Blogger Mohammed Gamal said...

This comment has been removed by the author.

 
At 22/1/07 1:31 AM, Blogger Mohammed Gamal said...

المصيبة في البرود الذي تتحدثين عنه أنه ليس ناتجا عن نوع من الرفض السلبي لما يراد لهذا الوطن بقدر ما هو برود ناتج عن عدم وعي (بجد جربي اسألي أي حد في الشارع يعني ايه دستور؟ و ايه لازمته؟ و استعدي لفاصل من الكوميديا السوداء).

الناس - حتى هؤلاء الذين نالوا حظا من التعليم و العيش الكريم - في واد و شؤون الوطن في واد آخر كما أشرتي هنا من قبل و النظام فهم اللعبة جيدا بعد أحداث يناير 77.

و النتيجة أنه بعد ثلاثين عاما من سياسة افراغ العقول و تغييب الوعي و الإلهاء في شؤون المعيشة الملحة تم اضعاف هذا المجتمع الى الدرجة التي أصبح فيها لا يملك أي قوة أمام السلطة الحاكمة و بالتالي اختل التوازن الضروري في أي مجتمع بين الحكام و المحكومين. أما ان اخترت أن تتمرد فالعصا لمن عصى.

ربنا يتولانا برحمته

 
At 22/1/07 5:02 AM, Blogger ody911 said...

أيوة

الشعب بحالو قال

عادى بقة
الشعب المصرى

على رأسهم
أودى

 
At 22/1/07 10:38 AM, Blogger مـحـمـد مـفـيـد said...

والله دي مسرحيه هزليه واستمرار لمسلسل استغفال الشعب
لازم تقابل ببرودج انها ما هي الا دوشه للتغطيه علي احوال البلد

 
At 22/1/07 5:08 PM, Blogger tota said...

مانو
كما قلتى انه يشبه الفيلم
اما ان المُشاهد يعرف جيدا النهاية فالفيلم محروق
او ان المُشاهد لا يبالى بالنهاية طالما لن تغير سعر البصل والطماطم
او انه فقد الامل فى المطالبة برفع ايديهم عن الدستور وتعديله حسب ما يلائم الحكومة بغض النظر عن مدى استفادة الشعب
وفى النهاية الفيلم هابط من اساسه ولا يستحق المشاهدة فكل الممثلين حرقوا انفسهم منذ زمن بعيد والمشاهد مكررة
والنتيجة الحتمية هى السقوط عاجلا او اجلا
تحياتى

 
At 22/1/07 9:54 PM, Blogger Memo said...

المهم ان احنا عارفين الارف ده ومبنعملش حاجه واللهي انا اصلا ما قريت عن التعديلات عشان عارفه الكوسه و الي بيتبخوها قال 1500 مواطن تكاتفو معا لتعديل الدستور
بلا نيله
تحياتشي

 
At 23/1/07 6:17 PM, Blogger SomeOne said...

أنا للاسف من اللي ريحو دماغهم.


وقلت يلا اهي خربانة خربانة

هنيئا لهم

بس تريح الدماغ انا عارف انه مش الحل بس لما الاقي حل غيره اكيد هعمله

 
At 23/1/07 7:55 PM, Blogger albida said...

وهو ده اللى هما عايزينه بالظبط!!! الشعب يشيل ايده من الموضوع ويسبهلهم مخضرة... يعدلوا بقى الدستور, ولا يسرقوا وينهبوا, ولا حتى يولعوا فى البلد... مش فارقة كتير
كله دلوقتى بقى يدعى على مصر ويتمنى يسيبها فى أقرب فرصة

manal

 
At 24/1/07 9:59 AM, Blogger يا مراكبي said...

مقالك جميل بس أحلى جزء فيه هو .. العنوان .. خير الكلام ما قل ودل

ملخص المقال هدية مني للقراء: القافلة تعوي .. والكلاب تسير

تحياتي للجميع

مغترب من قبل ما يسافر

 
At 25/1/07 4:47 PM, Blogger saso said...

حلقة من نفس المسلسل زي الايام دي كانت اخر مرة اعترضنا فيها علي اي نظام مجتمعي في انتفاضة من باب التحقير سموها انتفاضة الحرامية
يمكن قصدهم الانتفاضة علي الحرامية بقي..من يومها شفتي اي حركات مماثلة-طبعا مش قصدي الحداشر معتصم في التحرير اللي غالبا بيبقوا هما هما في كل اعتصام- لحد مابقيت اسأل ايه اللي بينرفز الناس دي ويخليهم يطالبوا ببيان لاوجة الدعم والانفاق الحكومي


مـفـيـــش

اربعة وثلاثون مادة دستورية عرضة للتغيير بمناقشات وهمية..عارفة المادة الوحيدة اللي عليها جدل ايه..ماده الفصل السابع علشان تخص الجيش الراعي الرسمي للمصريين
بلاش انا علشان لو قعدت اكتب عن ماده ماده هنحتاج بلوج جديد

بقينا منزوعين الإرادة تمامااا ..ومش عارفة ايه اللي ممكن يغير ده بالذات واحنا في الظروف دي ربنا يسترها يا مانو..وميرسي علي البوست الهايل زي ما بتكتبي دايما

 
At 25/1/07 10:31 PM, Blogger mariam said...

0xDEADBEEF
اولا اهلا بيك
ثانيا انا متفقه معاك فى اللى قلته
فعلا انا لما اتكلم مع حد فى موضوع الدستور بسمع كلام عجيب
كأن محدش عايش فى البلد و لا حد شايف اللى بيحصل
و اظن ان آخر مره الشعب حاول يعترض كان فى انتفاضة 77
و بعد كده محدش سمع لهم صوت


------------------------

ody911
عندك حق
كل الناس قالت عادى
بس معاهم حق هيعملوا ايه يعنى
نورت

 
At 25/1/07 10:31 PM, Blogger mariam said...

مـحـمـد مـفـيـد
سواء مسرحية او غير ذلك
هينفذوا اللى هما عايزينه
و بعدين خلاص هما مش محتاجين يغطوا على احوال البلد لأن من كتر الكوارث
مش هيعرفوا يغطوا على ايه و لا ايه
شكرا للزياره

-------------------------

tota
العزيزه توتا
مفيش فايده
و التعديل هيتم حسب رغبتهم شئنا ام ابينا
اتمنى اننا نخلص بقى
شكرا للزياره

 
At 25/1/07 10:32 PM, Blogger mariam said...

memo
احسن حاجه عملتيها انك
مقرتيش عن التعديلات
يعنى اللى قروا خدوا ايه
نورتى يا جميله


--------------------------


شادي فايد
انت مش لوحدك اللى كبرت دماغك يا شادى
كلنا عملنا كده بشكل او بآخر
لما تلاقى حل تانى قولى عليه

 
At 25/1/07 10:33 PM, Blogger mariam said...

albida
و هما وصلوا للعايزينه بأقتدار
على العموم يعملوا اللى يعملوه
هنيئا لهم
نورتى يا منوله


---------------------------------


يا مراكبى
اشكرك جدا
و مفيش حاجه اقولها بعد كلامك
شرفتنى بالزياره

 
At 25/1/07 10:33 PM, Blogger mariam said...

Saso
للأسف لآخر مره عبرنا عن رأينا كان انتفاضة 77
و بعدها معرفش حصلنا ايه
انا مش عارفه ازاى ممكن يحصل تغيير
او الشعب ازاى ممكن يفوق
وبعدين اتكلمى براحتك يا جميله
و انا اللى مرسيه
على كلامك ليا و مجاملاتك الرقيقه
نورتينى

 
At 26/1/07 5:21 AM, Blogger frozen love said...

ما هو اللي مجنني هو الانسحاب ده...انا كنت كاتب تدوينة عن الدستور كان اللي دفعني لكتابتها هو الحالة السلبية دي..ربنا يستر بقى

 
At 26/1/07 5:53 PM, Anonymous Anonymous said...

ياخواننا ميبقاش قلبكو ابيض كدة...!!! لسه التقيل جاى فى الطريق ...!!!وادى عينة منه: ادخل موقع جريدة المصرى اليوم: http://12.47.45.221/article.aspx?ArticleID=45945&r=t
وأقرا و ....أستمتع

 
At 26/1/07 6:19 PM, Blogger عبدالله مفتاح said...

الناس فقدت الامل في ان الاصلاح قد يحدث على يد حزب الفساد
مازال البحث جاري عن مشروع او بطل قومي يلتف حوله المصريين
تحياتي

 
At 26/1/07 10:00 PM, Blogger nor said...

دستور ... دستور مين..
دستورهم يا سيادنا
انتى بتقولى أيه .. استغفر الله العظيم
وانتى فارق معاكى الدستور ايه
هو مش مخسر معاكى حاجة ها.....ها.... بيه أو منغيره
لكن معاهم هيفرق هيديهم بعض البرستيج الدولي,,, تتكدري انتي ليه
تزعلي لما رئيس المصونه العفيفة دولتك يبقى له برستيج دولي..دا حتى يبقى فله ويبقى شكلنا امام الامم المتحده ومجلس الأمم حلو خالص..
لا ياشيخة تفي من بقك..برود أيه!!؟..دا حتي اليومين دول الجو اتحسن كتيير
يلا متخديش في بالك وقولي يارب... يارب ياخدنا كلنا بدل القرف الي احنا عايشين فيه
تحياتي لك ولمثابرتك على الحزن والغضب على كل سهم يغرس في اقفيتنا ..!!

 
At 27/1/07 10:17 AM, Blogger No Fear said...

السلام عليكم
لما تحسي انك مش بأيدك تعملي حاجة و لا حاسة إن في حد ممكن يعمل حاجة و تحسي إن الشر له النصف و الخير النصف الأخر او أقل هتشعري بالشعور ده
أنا كمان حاسس إن الناس السيئة أضعاف الناس الكويسة يعني مثلا لو عملت حاجة علشان الناس اللي موجودة تمشي ناس ممكن تقريبا أكيد مش ممكن أسوأ منها هي اللي هتيجي
فأنا شخصيا مش شايف حل
كلامي سلبي جدا بس ده اللي شايفه و بأدعي من كل قلبي أنه يكون غلط
معلش محدش يزعل من سلبيتي

 
At 27/1/07 11:23 AM, Blogger sarah la tulipe rose said...

تفتكري الصحف الحكومية بس يا مانو هي الي طبلت و زمرت للدستور و تعديلاته؟؟ لا في صحف معارضة بتطبل و تقنع الناس احسن ان التعديلات الدستورية دي من صميم ممارسة الديموقراطية المصرية لا و بيروحوا رؤساء الاحزاب الي للصدفة اسمها احزاب معارضة يتفقوا مع كوادر الحزب الحاكم انهم موافقون و دول اخطر لان الناس فاكراهم معارضة و بيجعجعوا اوي في المواقف العربية اخرها موت صدام لما طلع الاخ بكري و اعلن انه صدام شهيد و مات بطل!! دول اخطر كتير عن الحكومة و اعلامها الموجه
تحياتي يا مانو
افراج خلاص مش كدة اجااااازة

 
At 27/1/07 12:07 PM, Anonymous Anonymous said...

walahy al dostor dotrhom we al sh3b sh3bohom we aly mesh 3agbo yemshy

 
At 27/1/07 10:47 PM, Blogger mariam said...

frozen love
النسحاب ده للأسف بقى رد فعل طبيعى
يعنى اساسا الناس مش مهتمه بالسياسه
لكن حتى المهتمين زهقوا
اصل خلاص محدش هيقدر يعمل حاجه
شكرا للزياره



------------------------------
o2a
اشكرك على عرض لينك الموضوع
انا فعلا كنت قريته و استعجبت
غريبه فعلا انهم يبرروا ان الاخوان وراء سفاح المعادى
لأنهم خلاص حرقوا كارت المختلين
على العموم نظام الشماعات ده شىء عادى
اشكرك جدا على الزياره

 
At 27/1/07 10:51 PM, Blogger mariam said...

عبدالله مفتاح
المشكله ان كلما وجد مشروع لبداية شخص نلتف حوله
يتم تدميره على الفور
و الأمثله كثيره
شكرا للمرور



-------------------------------
nor
اهلا بيك
فينك من زمان
خلاص مبقاش فى حاجه تفرق مع اى حد لا دستور و لا غيره
و كفايه يعملوا اللى هما عايزينه
بس مش قادره متكلمش
تعبت بجد
اشكرك للزياره

 
At 27/1/07 10:55 PM, Blogger mariam said...

no fear
عليكم السلام
صدقنى انا عارفه ان مفيش حاجه
هتتغير
بس مش قادره متكلمش
و فعلا كل شويه نكتشف ناس سيئه و نادر نلاقى حد كويس
المشكله ان خلاص
لكل شخص قدره على الاحتمال
شكرا للزياره

 
At 27/1/07 10:59 PM, Blogger mariam said...

sarah la tulipe rose
العزيزه ساره
انت على طول معايا على الخط
على طول بتقولى اللى فى بالى
و بالنسبه لمصطفى بكرى مقولكيش يعنى نفسى احدد له موقف
مع مين موافق على ايه
ضد ايه
انا معاكى فى كل اللى قلتيه
و الحمد لله الامتحانات خلصت
كل سنه و انت طيبه
شكرا للمرور



-----------------------------
sa3eed el masry
اللى مش عاجبه يمشى
بس يمشى يروح فين

 
At 28/1/07 2:25 AM, Blogger samvet said...

تعرف كلامك مظبوط
بس احنا خلاص الناس اتعودت
بنعرف نتكلم حلو قوى لكن ننفذ ده بقة اللى مبيحصلش
بمعنى تانى الدستور اصلا ما هو الا كلام يمكن تنفيذه ع نوعيية من الناس
واعفاء نوعية اخرى منه
يتلاعبوب ويلعبون ونحن نشاهد من بعيد
فادعو معى ان يمهلنا الله ونرى يوما ننزل ونلعب معهم ونغلبهم باذن الله

 
At 28/1/07 3:42 PM, Blogger smraa alnil said...

يا مانو احنا تعبنا والشعب بقي عنده حالة يأس بشعه
ومش بايده يعمل حاجة
اذا اتكلم واعترض يتقال عليهم ثورجة ويشفوا العصايا
واذا سكتم بياخدا علي قفاهم وقفانا
دي مسرحية يا مانو بس المشكلة اللي كتبها مش قال هيسدل الستار امتي

 
At 28/1/07 8:23 PM, Blogger yara said...

يلا خليها تولع فوق دماغنا
يعنى فارقة إيه؟؟؟؟؟

 
At 29/1/07 9:48 PM, Blogger Dr. Tantawy said...

حرام عليكي كده :) انا كرهت نفسي والله

كل ما امسك جرنان الاقي كلمه دستور يجيني اكتئاب

الأخبار دستور

الانترنت دستور

حتى مدونتك هتتكلم عن الدستور

لو انتحرت محدش يلومني :)) انا بجد كرهت الدستوووور و سيرته

 
At 30/1/07 4:17 PM, Blogger يا مراكبي said...

I have two tags today, I recommended you to be the next for both of them. Please see them, thanks.

 
At 30/1/07 5:56 PM, Anonymous Anonymous said...

دستور يا أسيادى
جيت الناحية دى
قلت أسلم


دة مش كلامى انا
علشان بس تعرفوا ان كلمة دستور قديمة ومتوغلة فى التراث الفلكولورى المصرى الشحط محط
يعنى بقا حاجة كدة بتتشكل حسب احتياج الشعب
ونقصد هنا بالشعب
شعب الأغلبية
شعب آل منوف وآل عز والدخيلة
وآل عبيد ومن والآهم وتبع خطاهم
ومدددد يا اهل الخطوة

وصلوا عالنبى كدة وعلى رأى جدودنا
الضرب فى الميت حرام
شعب مات من زمان
عاوزينه يا حسرة يعمل اية؟؟
شعب مبقاش يعرف من كلمة دستور غير
دستـــــــور يا أسيــــادى
وأشتاتااا أشتوت

تحياتشى

 
At 31/1/07 12:49 AM, Blogger mariam said...

mansourawy
انا متفقه معاك
و اكبر مشكله اننا مبنفذش اى حاجه بنقولها
شكرا للمرور


----------------------------------

smraa alnil
صح هى مسرحيه
بس متهيألى لسه بدرى قوى على اسدال الستار
نورتى يا جميله

 
At 31/1/07 12:50 AM, Blogger mariam said...

Yara
هى لسه هتولع
و على رأيك مش فارقه حاجه
اشكرك للزياره

---------------------------

Dr. Tantawy
هدى نفسك شويه
و هى وصلت لحد الانتحار؟لااااااااااااااء
و لا يهمك متزعلش يولع الدستور
يعملوا فيه اللى هنا عايزينه
انشالله حتى يحرقوه
شكرا للزياره

 
At 31/1/07 12:50 AM, Blogger mariam said...

يا مراكبى
و صلوا يا فندم
الف شكر ده شرف كبير ليا

-------------------------------

شهروزة
شهروزه عندى
يادى النور يادى النور
عندك حق فى كل اللى قلتيه
بس اهم حاجه قولتيها ان الشعب المصرى ماااااااات
عليه العوض يا بنتى
نورتينى بجد

 
At 2/2/07 7:13 PM, Blogger O2A said...

اللبد بقيت بلدهم وبقينا عبيد ليهم فى بلدنا ..!!!الموضوع بقى خل والحكاية كدة عايزة لها وقفة

القى نظرة على عدد الجمعة2/2/2007 بتاع جورنال المصرى اليوم

 
At 2/2/07 7:43 PM, Blogger mariam said...

o2a
البلد بلدهم من زمان
انا قريت المصرى اليوم النهارده
لأنى بجيبه كل يوم
بس انت قصدك على ايه بالظبط
اى موضوع فى المواضيع
على فكره انا دخلت على البلوج عندك
ملقتش اى ارشيف او بوست
صح و لا انا عندى حاجه غلط
شكرا للزياره

 
At 5/2/07 10:42 PM, Blogger الحصان الأسود said...

إذا لم تستحي فإفعل ماشئت

 
At 30/4/18 8:45 AM, Anonymous Tips Untuk Mengobati Kram Otot said...

Thanks For Sharing The Information

Tips Mengobati Sakit/Nyeri Pinggang
Obat Untuk Menghilangkan Jerawat Bruntusan
Cara Mengobati Luka Tanpa Bekas
Pengobatan Tradisional Sembuhkan Varises
Cara Mengobati Penyakit Kulit Lyme
Tips Untuk Mengobati Abses Anus

 
At 14/9/18 4:42 AM, Blogger Unknown said...

I can only express a word of thanks. Because with the content on this blog I can add knowledge I, thank has been sharing this information. Do not forget to visit our website to share information and knowledge about health.
agen resmi walatra capsule
obat tuba falopi
obat luka jatuh
cara mengobati sakit kepala

 
At 26/9/18 4:31 AM, Blogger Nisa Nabati said...

Thank you very useful information admin, and pardon me permission to share articles here may help :

Obat gabagen alami
Obat flek paru paru ampuh
Cara menyembuhkan radang telinga
Cara menyembuhkan jantung lemah
Obat kaki bengkak pada ibu hamil
Obat gusi bengkak ampuh
Obat katarak ampuh

 

Post a Comment

<< Home