آدى التاج التالت
جالى تاج تانى من المدونه العزيزه
Write down the three lines after the first five lines on page 123 from any book u're reading now
نعم لم تكن بحال من الأحوال نتاج المناقشات و الجدل و المبارزات الكلامية البرلمانية، لقد جاءت الفكرة أثناء قصف المدفعية الألمانية لباريس في الحرب السبعينية و استوت الفكرة في النفوس فقرر الألمان أمراء و شعبا تأسيس إمبراطوريه على أن يكون التاج الأمبراطورى يمثل رمز الوحدة المقدسة.
السطور السابقة من كتاب كفاحي لأدولف هتلر
و الثلاث سطور السابقين من صفحة125 لأن 123و 124
فيهم اسم الفصل الثامن
شكرا يا شيرى و احب اهدى التاج الى
و يا ريت اى حد بيقرأ كتاب حلو يجاوب على التاج
شكرا شيرى
posted by mariam @ 7:43 PM
23 comments
23 Comments:
بس دول خمس سطور مش تلاتة
:)
غبي مش كدة
:)
انتي اظاهر فيرس التاجات مش عايز سيبك
دول تلات سطور فى الكتاب
لكن بما ان صفجة الكتاب اكبر من صفحة البلوج فالكتابه خدت خمس سطور
ايوه يا شادى فيروس التاجات مش راضى يسيبنى
الاقى عندك انتيفيروس كويس
نورت يا شادى
هو اية حكاية التاجات .. عطلت الحركة التدوينية .. بس اشطة .. بتخلينا نعرف بتفكروا ازاي
مريم
طيب أنا مبقراش كتب
أعمل إيه ؟؟؟
أحلى هدية للمدام فرخة وجوزين حمام
وعادى بقة
أودى
مريم
هوا أنتي كمان جة عندك الفيروس بتاع التاج...أنا كل ما أفتح مدونة بدور دلوقتي علي التاج...بس قوللي أنتي جيبتي الكتاب دة منين..اصلي نفسي اقراة من زمان
تحياتي
This comment has been removed by the author.
LAMIA MAHMOUD
حلوه عطلت الحركه التدوينيه دى
ده تالت تاج فى اقل من شهر يا بنتى
منوره يا لمى
و شكرا لزيارتك بجد
-----------------------------------
ody911
خلاص ولا يهمك
بلاش كتب
و معفى من التاج
حلو كده
منورنى دايما
---------------------------------
micheal
التاج خلاص بقى رمز المدونين
شوف الكتاب ده حاليا ممكن تلاقيه فى اى مكان
و لو بتروح وسط البلد
هتلاقى ناس بتفرش على الأرض و بيبيعوا كتب
كلهم عندهم الكتاب ده
و طبعا ممكن تدخل اى مكتبه و تسأل عليه
و آخر معلومه ان المكتبه اللى بتطبعه اسمها النافذه
و بصراحه معرفش فين دى
شكرا لزيارتك
سؤال غريب شويه معلش
ممكن اعرف ايه اللى خلاكى تقرى لهتلر؟
وبالمناسبة الصورة اللى انتى حاطها فى المدونة بتاعت انقذوا الأقصى
الصورة دى بتاعت قبة الصخرة مش المسجد الاقصى خالص
حسن محمود
اولا اهلا بيك
و اشكرك لزيارتك مدونتى
ثانيا
انا شفت الكتاب و لفت نظرى قوى
فجبته و بدأت اقرأه
يمكن لأن الكلام على هتلر متضارب
يعنى اليهود لا يكفوا عن الكلام عن الهولوكوست و المحارق النازيه
فى حين ان هناك العديد يؤكد ان هذه الأقوال بها مبالغات
على فكره الكتاب لا يوجد به اى ذكر للهولوكوست او المحارق
لكن تقدر تعرف منه ليه هتلر كان بيكره اليهود
و فى نفس الوقت استطيع التعرف على شخصيته
و بالنسبه للصوره انقذوا الأقصى
انا اكتشفت مؤخرا انها لقبة الصخره
و هذا البانر صممه المدون العزيز
جرجس
و هو مشكور طبعا على اهتمامه بالموضوع
و ان شاء الله ابحث عن صوره اخرى للأقصى
شرفتنى بالزياره
اولا انا مش ناويه اتكلم عن الباشا الكبير(هتلر)لان الراجل ده سره باتع قوي وعمري ماقريت كتاب ليه وكمل معايا مش عارفه مين النحس فينا
اما بالنسبه لانفلونزا التاج الي مأزمه معاكي دي مش مشكله خالص انت بس خدي اي دواء لانفلونزا الطيور وهو هينفع معاه وبعدين شوفي الملوك الي فوق السطوح لانهم احيانا بيكونو حاملين لمرض انفلونزا التاجات
يريت بعد ماتخفي تيجي تزوريني في المدونه بتاعتي وهي
http:\\nourinour.blogspot.com
وشكرا..نوري
كفاحي حته واحده
:)
الكتاب ده جامد فعلا و نفسي اقراه علي بعضه بأه
تحياتي
أنا بقول يا مريم
أكتب أغنية بمناسبة عيد الحب يعنى
وكل سنه وإنتى طيبة
وكمان أهديلك الأغنية دى
ممكن تعدى علشان تقرى الأغنية علشان بجد مش لاقيها علشان أسمعهالكوا
بس متقيقلى هتفتكروها
وكل سنة وإنتى طيبة كمان مرة يا جميل
ومعلش بقة على التاج
وعادى بقة
أودى
happy valentine's
كل سنة و انتي طسيبة يا جميلة عيد حب دائم متواصل طول التلتمية خمسة و ستين يوم و ربع!
نورى
منوره
و شكرا على الوصفه السحريه
و اهلا بيكى فى عالم التدوين
و بدايه موفقه ان شاء الله
----------------------------------
Utopian
الكتاب حلو
يا ريت تقراه
شكرا لزيارتك
ody911
كل سنه وانت طيب
وشكرا على ذوقك
و شكرا على الأغنيه
و لا يهمك على التاج
منور
---------------------------------
sarah la tulipe rose
ساره العزيزه
كل سنه و انت طيبه يا جميله
و شكرا على ذوقك
منورانى على طول
الله الله الله 00أنا كنت حكتب التاج ده برضه من نفس الكتاب 00كتاب جميل00
بس صفحة 122 فيها حاجة تانية كتابي
شكله طبعة تانية غير كتابك00
بلاش بقى تقطعي عليا التيجان كده00
ههههههه بهزر 00براحتك0
مع تحياتي00
والسلام عليكم0
هاااااااااى
كل سنه وانتوا جميعا طيبين
انا جايه اعزمكوا على حفله الفالنتاين وعيد ميلاد شادى وروكا عندى
ياريت تشرفونا كلكم
د/أحمد المصري
ايه الصدف السعيده دى
احنا الأتنين بنقرأ نفس الكتاب
على العموم و لا يهمك
اعتبرنى مقرتوش
و نزل التاج براحتك
منور
--------------------------------
وينكى
يا مرحبا يا مرحبا
شكرا على الدعوه الجميله دى
و كل سنه وانت طيبه
نورتينى بجد
لا مش ممكن!!!!!! والله يا مريوم انا دلوقتى برضه بقرأ كتاب كفاحى لهتلر برضه... وكمان نفس الطبعة بتاعتك!!!! مش بقولك بينا تخاطر أفكار
:) :)
وحشتينى أوى.. كل سنة وانتى طيبة وبخير وصحة وسلامة يارب
manal
بغض النظر عن حبي او كراهيتي لهتلر لكن فعلا الكتاب كتاب رائع
متهيألي الكتاب ده كتبه قبل ما يبقى مستشار لالمانيا افتكر انه كتبه و هو في المعتقل و كان ساعتها رئيس الحزب النازي و اللى نشرهوله صديق له
صح ولا ايه ؟
albida
مش قادره اصدق
منال عندى
و كمان بنقرا كتاب واحد
انتى اللى وحشتينى
و وحشتينا كلنا
كل الناس متضايقين علشان انتى قفلتى المحل
ارجعى لنا بقى يا منال
كل سنه و انت طيبه
و شكرا على ذوقك
---------------------------------
Sharm
الكتاب حلو فعلا
انا لسه مخلصتش قراءته
بس متهيألى هو فعلا قبل ما يكون مستشار المانيا
و الكتاب لا يوجد به تاريخه عند حكم المانيا و لا يو جد ذكر للهولوكوست
لأن الكتاب كان قبلهم
شكرا ازيارتك
هههههههههههههه
رابع مدونة اخشها فيها لعبة التاج..جميلة بجد...
بس جميلة اجباتك السابقة وكلامك الحالى..
ربنا معاكى
ELGaZaLy
التاج فعلا بيلف على كل المدونات
اشكرك جدا
و نورت البلوج
Post a Comment
<< Home