Sunday, January 07, 2007

ثقافة الخوف

الخوف في حد ذاته شعور طبيعي. يتملك الإنسان في مواقف أو لحظات معينه
و لكن أن يظل ملازما له دائما. هنا يتحول إلى خوف مرضى
و يكفى بنظره واحدة على المجتمع المصري، أن تدرك كم الخوف المسيطر عليه
و لا أدرى لماذا تزخر الثقافة الشعبية بأشياء تقدس الخوف
فلو نظرنا إلى الأمثال الشعبية مثلا. ستجد مثلا يؤكد إن من خاف سلم. شيء غريب جدا أن نعتبر الخوف طريق السلامة
و ستجد مثلا آخر يطلب منك أن تمشى جنب الحيط و لو قدرت امشي جوه الحيط!!!!
و لكن الأخطر هو الخوف من مجرد التغيير. و لذلك ستجد من يؤكد إن اللي نعرفه أحسن من اللي منعرفوش
طيب إيه الدليل على كدة. و بعدين أحسن ازاى و في طرف منعرفوش؟
و تلك الأمثلة تعبر بكل صدق عن الطبيعة المصرية. و تعكس ما يحدث على ارض الواقع الآن
فنحن نخشى من تغيير اى شيء في حياتنا، نريد تثبيتها بدعوى الخوف من اللي منعرفوش
ذلك الاستعراض السريع لبغض الأمثال الشعبية، التي تشكل جزء كبير من الثقافة المصرية
ربما يوضح تلك الحالة المسيطرة
فيكفى مثلا أن تطرق للتحدث في أمر سياسي. لتجد من حولك يطلبون منك خفض صوتك. و تجد آخر يستنكر إحنا مالنا و مال الحاجات دي. في حين سينصحك ثالث بالابتعاد عن الموضوع لمصلحتك
نعم المصريين مستعدين للتضحية بكل حقوقهم بدون مقابل. بسبب ثقافة الخوف التي نشأوا عليها
و بالتالي هم غير مستعدين للمشاركة في إحداث اى تغيير
و المهم أن يستكنوا في بيوتهم، و ما يحدث في الخارج لا شأن لهم به
و يمكننا هنا أن نلاحظ حالة الانفصال شبه التام بين المصريين و بين أحداث وطنهم
فمثلا قد نبرر أن لا احد قد يتوقف أمام التعديلات الدستورية مثلا. بسبب الظروف الاقتصادية الصعبة
و لكن و ماذا عن الذين يتمتعون بظروف اجتماعية و اقتصادية معتدلة. هم أيضا لا يهتمون
بل يكاد الكثير منهم لا يعرف شيء عن الأمر
حتى أن إحدى صديقاتي سألتني عن المواد التي ستعدل. و أخبرتها ببعض المواد التي اعرفها
و حين وصلت للمادة الخاصة بالإشراف القضائي على الانتخابات، وضحت لها انه من المتوقع إلغائها
فنظرت لي بكل براءة متسائلة، يعنى إلغائها دة حاجة كويسه و لا وحشه
هنا لا أستطيع أن أتكلم عن ظروف معيشية. و لكن عن ثقافة الخوف التي تسيطر على كل الطبقات الاجتماعية
فان ثقافة الخوف، التي جعلتنا نخشى التحدث في السياسة. و لا نحاول التطرق لأمور وطننا
أدت إلى انفصالنا عن وطننا و مجتمعنا. و هذا يعنى إننا لم نعد نشعر إننا جزء من هذا المجتمع
فمن الطبيعي هنا أن يعتبر المهتم بشئون وطنه خارج عن الصف. فيحاول المحيطين به إعادته للصف بأي شكل خوفا على مصلحته
بينما لن يهتم احد بمصلحة الوطن
ففي حين يعتبر الجميع التعديلات الدستورية شئون سياسية لا دخل لهم بها، هي في حقيقة الأمر تمس شأن كل مواطن
و بالتالي ستتم هذه التعديلات بدون أراده شعبيه حقيقية. و هنا أؤكد أن المواطنين مشاركين فيما يحدث
فإذا قارنت كيف استطاعت المعارضة اللبنانية إقناع عشرات الآلاف من اللبنانيين بالنزول إلى الشارع في ظرف أيام
بينما لا تستطيع الأحزاب المصرية مجمعه إقناع مائة شخص بالتظاهر
يمكنك أن تعرف إلى اى مدى وصلت بنا ثقافة الخوف

30 Comments:

At 7/1/07 3:55 PM, Blogger No Fear said...

السلام عليكم
أزيك مانو
أنا معاكي في كل اللي قلتيه و بصراحة ممكن أكون أنا شخصيا من الناس اللي بتخاف جدا
أنت عارفة المشكلة أية المشكلة في قذارة الطرف الأخر يعني مثلا أناممكن بجد مش كلام و خلاص أموت علشان البلد دي أو علشان الإسلام بس بجد الحاجات و الطرق اللي الواحد متأكد منها و أية ممكن يحصل للأهل مثلا تخليني أتراجع بدون تفكير و المشكلة كمان في سكوت الناس يعني زي ما قلت في بوست عندي قبل كده الناس أتفرجت علي كليبات التعذيب بضحك و تريقة و نفس الكلام بالنسبة لموضوع التحرش اللي حصل في وسط البلد
و بصراحة بدون زعل مني
أنا مش مستعد أضحي بنفسي علشان الناس تقعد تمصمص شفايفها علي بعد كده و بعدين يشوفوا هيتغدوا أية النهاردة
أرجو محدش ياخد فكرة غلط عني
سلام

 
At 7/1/07 4:26 PM, Blogger karakib said...

من أشهر الأمثله المصريه .. من خاف سلم
مثل يعمق ثقافه الخوف و مشهور بشده

 
At 7/1/07 4:52 PM, Blogger tamer said...

الخوف شعور انسانى لاغبار علية


لكن لو زاد عن حدة يبقى مرض

تحياتى

 
At 7/1/07 5:46 PM, Blogger smraa alnil said...

بصي مش هقولك غير اننا غصب عننا بقي الخوف جزء لا يتجزء من حياتنا
بس مش هي قاعدة
لانك بتتكلمي براحتك من غير خوف ومعظمنا كدة
يبقي الخوف مش قاعدة

 
At 7/1/07 6:36 PM, Blogger أنـــا حـــــــــرة said...

لمشكله لو انتى مش عايزة تخافى و تواجهى بتلاقى ميت واحد بيهبطوكى كانك انتى الغلط

اعتقد الفعل السليم هو المقاومه قبل ترسيخ معتقدات جوانا

 
At 7/1/07 8:15 PM, Blogger ذو النون المصري said...

فعلا كلامك سليم ثقافة الخوف للاسف صار لها عمق في نفسية المواطن المصري ربما ميراث من الاف السنين من الذل و الاستبداد
اعتقد ان النظم الحالي ايضا ربما سعي نحو تعميق الخوف في نفوس المصريين لاغراض و مصالح شخصيه خوف من التغيير و خوف من ما لا نعرف الخ
موضوع جيد لك تحياتي

 
At 8/1/07 1:08 PM, Blogger يا مراكبي said...

على فكرة .. الموضوع ده جميل إننا نتكلم عنه دلوقت بالذات .. أحييكي على إختيار التوقيت

نوفير قرب جدا من حقيقة الموضوع .. إحنا شعب يسهل تفريقه ويصعب تجميعه جدا .. وده اللي بيخللي الواحد يقول إنه أصبح شعب لا يستحق أن يضحي الواحد من أجله إذا كان جزاؤه إنه هايلاقي الضرر منفردا والباقي هايتفرج ويسكت

لكن لازم يكون فيه تغيير .. لازم نكون إيجابيين .. لازم كل واحد في مكانه يعلم اللي حواليه ترك السلبية ونتعود بقى إننا لما نتحرك ضد أي حاجة غلط .. نتحرك في جماعات علشان يروح مننا الخوف .. ونتعود على الإيجابية العامة

الكلام ده مش سهل .. مقاومة الناس للتغيير دايما بتبقى عالية .. لكن في النهاية لا يصح إلا الصحيح .. ويد الله مع الجماعة

واللي شايف إن مافيش فايدة من الكلام ده .. يبقى عايش ليه أصلا؟ ما يروح يقعد في قبره من دلوقت .. لازم يكون فيه أمل

 
At 8/1/07 9:56 PM, Blogger Malk Almasria said...

اصبح الخوف جزء لا يتجزء منا فكل شيىء يخيفنا الماضى والحاضر والمستقبل واعتقد انه اصبح سمة لاجيالنا السابقة والقادمة ونحن بالطبع
تحياتى

 
At 9/1/07 5:53 AM, Blogger tamer afify said...

الخوف هو السلاح الذاتي اللي بيقتل بيه الإنسان نفسه لما ميلاقيش قاتل

تحليل رائع
تحياتي

 
At 9/1/07 7:00 AM, Blogger we2am said...

اعتقد اننا نفسنا مش ثوار اصلا..جوانا بنخاف..لرغم اننا بننتقد ثقافة الخوف..بس وقت الجد..كله يهرب.
معلش يا بنتي باتأخر علشان الامتحانات..ادعيلي :)

 
At 9/1/07 3:37 PM, Blogger Dr. Tantawy said...

الخوف ببساطه هو السور اللي بيحوط اي حاجه نفسك فيها .. و بنفس البساطه بمجرد ما تحاولي تعدي السور ده و تنجحي الخوف بينتهي و بتوصلي لهدفك

لكن المشكله ان في محاولات عبور السور ده ممكن تقعي و تتعوري اكتر من مره .. لكن في النهايه هتعدي السور و هتكتشفي الحاجه اللي كنتي عايزاها و توصليلها

فلسفوووف صح هههههه

 
At 10/1/07 1:04 AM, Blogger yuri said...

niceeeee

 
At 10/1/07 2:15 AM, Blogger albida said...

مش عارفة أقولك ايه؟ أنتى قولتى كل حاجة ممكن تتقال عن الموضوع ده

ثقافة الخوف دى أنا بسميها سياسة الترهيب, ودى جزء من نظرية المؤامرة اللى بتخططها الحكومة ضد الشعب كله
كل حاجة حوالينا بتعلم المواطن من وهو طفا أن السلبية افضل وأنه يمشى جوه الحيط لو ينفع زى ما قولتى!! حتى الاستثنائات لو اتغلبت على المقاومة النفسية بتقابلها المقاومة الاجتماعية يعنى من الأشخاص اللى بيعيشوا معهم فى المجتمع

مش عارفة والله حل الموضوع ده ايه؟ احنا عايزين نغير فكر مجتمع بحاله وده شىء مش سهل

manal

 
At 10/1/07 11:45 AM, Blogger tota said...

العزيزة مانو

اعترف بشدة بصحة توغل الخوف داخل المجتمع المصرى بصورة مفزعة

الخوف نتيجة القهر المحدث لكل من تسول له نفسه محاولة التمرد

الخوف الطبيعى لان كل شخص يكّون هالة حوله يحتفظ بها ويستقر فى وجودها ومحاولة التغيير تمثل له عدم استقرار لا يرتاح له ويفضل عدم المجازفة بمحاولة التغيير

الخوف من عقاب لا يستحقه لغياب العدالة واحلال الظلم فى كل مكان فى مصر
الخوف المولود نتيجة زرع الاهالى لبذوره داخل الابناء

الخوف الناتج عن الانشغال بالرزق ولا مجال لتضييع قوت يوم فى محاولة عبثية غير مضمونة النتائج بالمقارنة لنتيجة الجوع المعروفة

الخوف وليد مليون سبب وسبب لكن يحتاج وقفة لان التغيير هو الوسيلة الوحيدة للتخلص من حالة الخوف والا سوف نبقى الدائة مستمرة وغير قابلة للكسر

تحياتى

 
At 10/1/07 11:01 PM, Blogger mano said...

no fear
اهلا بيك
انا فاهمه اللى انت بتقوله و عندك حق
الناس فعلا ممكن يسمعوا موضوع
يتكلموا فيه شويه و يرجعوا يكملوا حياتهم عادى
و لا كأن الموضوع يمسهم
اكيد محدش هيفهمك غلط لأن كلامك منطقى




karakib
اهلا بيك
للأسف ثقافة الخوف متعمقه فى المصريين

 
At 10/1/07 11:03 PM, Blogger mano said...

tamer
اولا اهلا بيك
طبعا زى ما انت قلت الخوف شعور انسانى
لكن المشكله لما يزيد عن حده
اشكرك للمرور




smraa alnil
ازيك يا جميله
بصى متفقه معاكى انها مش قاعده
بس للأسف الاغلبيه كده

 
At 10/1/07 11:06 PM, Blogger mano said...

أنـــا حـــــــــرة
ازيك يا ياسمين منوره
انا نفسى اننا نقاوم فعلا
لأن المشكله ان الثقافه دى مرسخه
فتغييرها مش سهل للأسف



ذو النون المصري
اهلا بيك
كلامك سليم
اكيد طبعا كل اللى بيرسخوا الثقافه دى ليهم مصالح
شكرا لزيارتك

 
At 10/1/07 11:10 PM, Blogger mano said...

يا مراكبي
اشكرك بجد على مجاملاتك
انا متفقه معاك ان المشكله اننا مبنعملش فى جماعه
و دى مشكله كبيره
بس اهم حاجه انت قلتها هى اهمية التمسك بالأمل
شكرا ليك





Malk Almasria
ازيك يا ملك
للأسف الخوف فعلا بقى بيشكل وعى كل الاجيال
يا ريت نقدر نتخلص منه
نورتى

 
At 10/1/07 11:12 PM, Blogger mano said...

tamer afify
حلو قوى الجمله اللى انت قلتها
الخوف سلاح يقتل به الانسان نفسه
اشكرك للمرور



we2am
ازيك يا وئام
احنا فعلا بطبيعتنا مش ثوار
و لا يهمك يا جميله
و ربنا يوفقك فى الامتحانات
معلش يا بنتى كلنا لها
ربنا معاكى

 
At 10/1/07 11:15 PM, Blogger mano said...

Dr. Tantawy
نورت البلوج كله
ايه التحليل الجامد دة
انت سبت الطب و حولت فلسفه و لا ايه
بس كلامك منطقى فعلا يا ريت بقى نعدى السور
شكرا للزياره




yuri

اشكرك على زوقك
وشكرا للمرور
شرفتنى بالزياره

 
At 10/1/07 11:19 PM, Blogger mano said...

albida
منوره يا منوله
انت عندك حق صعب نغير فكر المجتمع
بس مش ممكن نستمر كده
و زى ما قولتى ساعات المشكله بتكون فى اللى حوالينا




tota
اهلا بيكى يا توتا منوره
بصى انت عندك حق
و كل اسباب الخوف اللى ذكرتيها منطقيه
بس الحل فى تغيير نفسنا زى ما قلتى
اشكرك

 
At 11/1/07 12:28 AM, Blogger مـحـمـد مـفـيـد said...

والخوف متأصل جوانا ولازم نجعله دافع للتخلص منه

 
At 11/1/07 2:52 AM, Blogger الجحيم هو الحقيقه said...

مانو
للاسف اكثر شعوب الارض جبنا وخوفا
هم المصرين بدون منا زع
شعب لا يريد ان يعيش حرا صا حب راى
يريد ان يعيش كا لبهايم
فقط للاكل والشرب
لا اعرف لماذا نعتز بمصر يتنا؟
اعذرينى لم اجد سبب مقنع
لا سياسى
لا اقتصا دى
لا علمى
لا حتى على مستوى البشر

اسف
الشعب دا الف الذل
التا ريخ كله بيقول كده
فرنسا احتلتنى واحنا ولا هنا
انجلتر ا
قعدت عندنه ما شا ء الله ان تقعد وطلعت بمز اجها مش با را دتنا

حرب اكتوبر
لم نفعل جديدا
ارض فقدنا ها واستر ددناها

وعملنه افلام كاننا حرر نا الاقصى وازلنا اسر ائيل

عذر ا ما نو لا اجد سببا واحدا يجعلنا نحب الانتماء لهذا الشعب ولهذه البلد

لو لم اكون مصريا لوددت ان اكون موريتا نيا

فهم يحترمون شعبهم والشعب يحتر م نفسه
اما هنا هر اء لعين
اسف
تحيا تى

 
At 11/1/07 5:02 PM, Blogger sarah la tulipe rose said...

مانو
الخوف لم يعد ثقايفة فحسب بل اصبح اسلوب حياة نعيش عليه و نتعايش به
للاسف تشربت نفوسنا بالخوف فلم يعد هناك مكانا لاي شيء اخر و لا اي شعور وحيد طيب
لا ادري هل الحياة التي اصبحت لا تطاق لما فعلناه بها من خوف و تخوف ام انها كانت هكذا منذ البداية
تحياتي ليك يا مانو و اخبار امتحاناتك ايه؟
اسوأ فترة ممكنة هي تلك الفترة
هانت
سلامي ليك يا مانو

 
At 12/1/07 12:15 AM, Blogger mano said...

محمد مفيد
يا ريت نقدر نتخلص منه



الجحيم هو الحقيقه
اعترف بصخة معظم ما تقوله
و لكن لابد ان نعرف اننا مشاركون فيما يحدث
و مهما حدث يجب الا نتخلى عن مصريتنا
اقدر موقفك لأننا نعيش اسوأ العهود
شكرا للمرور

 
At 12/1/07 12:17 AM, Blogger mano said...

sarah la tulipe rose
ساره العزيزه
كل اللى قلتيه صحيح
مش عارفه نعمل ايه يا ساره
نورتينى بجد
و شكرا على سؤالك يا جميله

 
At 12/1/07 12:44 AM, Blogger saso said...

عارفة يا مانو، حتي الشجاعة مبتبقاش مطلقة ، مش ممكن اقتنع ان اللي رايح الحرب مع انها واجب ودفاع بيكون مش خايف بس رايح يعمل فرق

no fear لكن هنا زي ماقال
الفكرة يمكن فيما بعد الشجاعة..هتعمل تغيير ولا لا.. وعلي مدي خمسة وعشرين سنة كانوا بيثبتولنا ان كل كلامنا مش بياثر علي افعالهم، اخر مظاهرات فعالة كانت ايام السادات77
من بعدها اتعلموا لعبة الالهاء المستمر علشان ماتلحقيش تبصي حواليكي،واعترف انها لعبة ناجحة
زرع وانا مالي من خمسة وعشرين سنة طلع شجرة مبقاش ينفع تتشال بالسهولة دي، الشجرة الكبيرة بيتحفر حواليها الاول قبل ماتتشال .. حفرها سهل بس هياخد وقت

بجد بهنيكي علي البوست زي العادة هايل

 
At 12/1/07 11:28 PM, Blogger mano said...

saso
ازيك يا جميله
طبعا عندك حق فى كل اللى قلتيه
و فعلا حكاية الالهاء اللى قلتيها ناجحه جدا و اديكى شايفه النتيجه
نورتى

 
At 31/5/16 10:30 AM, Blogger 柯云 said...

2016-05-31keyun
cheap toms shoes
hollister shirts
christian louboutin shoes
burberry sale
reb christian louboutin
coach outlet
cheap air jordans
michael kors outlet
ghd hair straighteners
toms outlet
celine outlet
jordan retro 13
michael kors handbags
nike roshe shoes
michael kors handbags
louis vuitton purses
ray ban eyeglasses
mont blanc pen
michael kors outlet
coach outlet
michael kors outlet online
louis vuitton outlet stores
oakley outlet
michael kors purses
cheap ray ban sunglasses
coach outlet online
louis vuitton purses
tiffany & co
retro jordans 13
michael kors outlet clearance
adidas uk
beats by dre outlet
coach factory outlet
cheap ray ban sunglasses
giuseppe zanotti sneakers
coach outlet online
coach outlet clearance
michael kors outlet
michael kors outlet online

 
At 14/7/16 10:50 AM, Blogger Fangyaya said...

jeremy scott shoes
jordan shoes
giuseppe zanotti sneakers
ray ban sunglasses wholesale
nike outlet store
timberland shoes
pandora jewelry
coach outlet
cheap oakleys
tiffany outlet
nike air force 1
adidas originals
rolex watches
timberland outlet
michael kors outlet
oakley sunglasses
coach outlet store online clearances
adidas outlet
ralph lauren polo
air jordan 13
coach outlet store online
adidas uk
nike running shoes
coach outlet
ray bans
pandora jewelry
timberland boots
cheap oakley sunglasses
nike air jordan
michael kors handbags
michael kors outlet
jordan 3
coach factory outlet
kate spade
nike air max 90
air max 90
adidas nmd r1
christian louboutin
ray ban sunglasses
louis vuitton outlet
20167.14chenjinyan

 

Post a Comment

Links to this post:

Create a Link

<< Home