Friday, January 12, 2007

بلا ثمن

هناك أشياء لا تقدر بثمن. اى لا يمكن شرائها بالمال
مثل صحة الإنسان. فهي هبه من الله. و لا يمكن شرائها و لو بملايين
و لكن حين يستكثر على البسطاء صحتهم تكون كارثة
منذ أيام تفجرت كارثة توريد أكياس دماء غير مطابقة للمواصفات. و ذلك عن طريق شركة هايدلينا التي يمتلكها النائب هاني سرور
و لأننا لا نعرف الشفافية، تضاربت الأقوال و انتشرت الشائعات
و بالطبع خاف الجميع و لم يجدوا احد يطمئنهم.
اختفاء النائب من وسائل الإعلام وكأن الموضوع لا يخص شركته، أمر يدل على الاستخفاف بالناس
و الأخطر وقوف د.حمدي السيد نائب الحزب الوطني و رئيس لجنة الصحة بمجلس الشعب مدافعا، متهما الإعلام بأنه ضخم القضية على الفاضى. و كأن حياة الناس بلا ثمن. و كأن الصحة التي وهبها الله لنا لعبه
حتى أن الموضوع وصل إلى تهديد السيدة سهير عبد القادر التي بلغت النيابة عن الموضوع
و كأن المفروض ألا تبلغ. و كأنهم كانوا ينتظروا موت العشرات أو المئات
لا يهم المهم الصفقة تتم. لا تهم حياة الناس المهم الأرباح
و لكن هل هاني سرور أول واحد لا يهتم بحياة الناس؟
فعلها الكثيرون قبله
الم يتورط وزير الزراعة السابق يوسف والى في سرطنة آلاف و لم يستطع احد إيقافه أمام المحكمة؟!
الم يغرق ممدوح إسماعيل أكثر من ألف شخص و دمر ألف أسره، و ها هو ينعم بحياته في لندن؟!
الم يحرق مصطفى علوي رئيس هيئة قصور الثقافة السابق، قرابة خمسين شخصا أو يزيد و لم يقترب منه احد؟!
لا انتظر و لا تنتظروا محاكمة هاني سرور أو محاسبته
بل لا تتوقعوا حتى أن ترفع عنه الحصانة التي رفعت عن ايمن نور و طلعت السادات في ساعات
و ها هي القضية قد أحيلت للجنة تقصى الحقائق. لكي تقتل و تدفن داخل الأدراج
يا الله حتى الصحة يستكثروها علينا!!

41 Comments:

At 12/1/07 1:41 AM, Blogger IRC President said...

ضاقت الدنيا بالفساد فلما ضاقت واستحكمت حلقاتها
فرجت وكنت أظنها لا تفرج

 
At 12/1/07 2:58 AM, Blogger albida said...

محاكمة ايه بس؟!! ده لو طالوا يدولوه نياشين هيعملوها بدون تردد

الدولة دلوقتى بقت تتفنن فى زيادة نسبة الوفيات بين المواطنين... حوادث قطارات وعبارات وطعام فاسد ومياه ملوثة وأمراض منتشرة وأدوية بايظة ورعاية صحية زى الزفت.. لو فاضيين ممكن أكمل

بجد أرخص حاجة هنا فى مصر هيا حياة المواطن!! مش هقولك بيعملوه كسلعة.. لأنهم بيحافظوا على السلع أكتر منه!!

الجميل بقى أن زمان كان فيه فساد برضه, بس لو حد عرف عنه حاجة.. يقلبوا الدنيا ويطلعول نفسهم غلابة ويخترعوا كبش فدا!! دلوقتى بقى الفساد بقى على عينك يا تاجر!! أكنهم بيقولونا مطرح ماتحطوا رأسكم حطوا رجليكم

manal

 
At 12/1/07 3:56 AM, Blogger sarah la tulipe rose said...

اصلي الانسان المصري رخص نفسه لدرجة الرثاء هو الي خلي نفسه في هذا الوضع
هاني سرور مش ابن فتحي سرور برضه؟ يبقيمحاكمة ايه بقي
والحصانة اصلها ماتتشالش الا عن ايمن نور و طلعت السادات و ف لحظتها
عارفة خلاص قربت اوي اصلي الفساد لما ينخراوي كدة و الظلم يشتد اوي كدة تعرف انه خلاص هانت

 
At 12/1/07 7:17 PM, Blogger No Fear said...

السلام عليكم
أنا أول أما بدات في قرائه الكلام كنت ناوي أكتب في التعليق الحوادث اللي أنت بنفسك بعد كده قلتيها
اللي يخليهم يلعبوا بأكل مش جيلنا بس لا ده كل الأجيال الجاية كمان و تخريب الأرض سهل عليهم يوردوا أكياس دم مش مطابقة
و اللي يخليهم يطلعو قرار رفع حصانة في يوم أجازة هو اللي يخليهم يطلعوا قرار رفع الحصانة بعد التأكد من سفر المطلوب القبض عليه
مش قضية
لكن نعود للحلقة المفرغة
الناس أية رد فعلهاغير مصمصة الشفافيف
سلام

 
At 12/1/07 7:18 PM, Blogger ody911 said...

مانو

صدقينى الناس دى عاوزة الحرقة

 
At 12/1/07 10:10 PM, Blogger الدرويش المرووش said...

ليه الغلط ده

خدى الحكمه دى من سواق تاكسى أربعينى ركبت معاه من مده مش فاكرها

قاللى: يا بيه (اللى هو أنا) أنا أبويا كان بيقوللى يا إبنى إمشى جنب الحيطه. دلوقتى أنا بأقول لإبنى يا إبنى إمشى جوه الحيطه

إيه رأيك فى النظام (قصدى الكلام يعنى) مش حاجه تانى

 
At 13/1/07 1:52 PM, Blogger sherif gharib said...

و انتى مستغربه قوى ليه كده
ما كل يوم بنشوف جرايم بترتكب فى حق الشعب ده و تكون نتيجتها ملفات فى ادراج الحكومه
مش المهم ان اصحاب السلطه و ملاعب الجولف يبقوا ميه ميه
يبقى خلاص طظ فى حياه المواطن المسرى و طظ فى اى فرد يعكر صفو اخوانا الوزراء و النواب
و البقيه تاتى
ربنا يولع فيهم بجاز
تحياتى

 
At 13/1/07 9:30 PM, Blogger واحد من الناس said...

بعد ان كان التعليم كالماء والهواء اصبح الفساد مالماء والهواء
مازلنا نعيش في عصرالجاهليه

 
At 13/1/07 11:45 PM, Blogger يا مراكبي said...

اللهم لا تسلط علينا بذنوبنا من لا يخافك ولا يرحمنا .. آمين

 
At 14/1/07 11:32 AM, Blogger smraa alnil said...

مانو
انا مش عارفة انتي ليه مستغربة مع اني مش مستغربة خالص
دي كانت حاجة متوقعه
البلد عايزة تخلص مننا
عايزة تعيشنا في صفح الزباله
ولو مات مننا مليون ايه المشكلة ماحنا 75 فيها ايه لما نبقي 74
ولا حتي 70 طوز
المهم ان حكومتنا النجيبة العجيبة
هي اللي تعيش وتتبغدد
اطفال مريضة ايه ومسنين ايه وسرطانات ايه ممايا ايه وكهربا ايه وتعليم ايه
الحاجات دي مش ليها اساس من الصحة واتشالت من قاموس الرحمة المصري
اوعي تستغربي عشان مش تتعبي
بس تفتكري هنلاقي الحق
انا عن نفسي بسأل لاني بجد مش لاقية اجابة
وجعتيني يا مانو

 
At 14/1/07 12:09 PM, Blogger Memo said...

الانسان بقا ارخص حاجه في الدنيا دي بقينا ملناش تمن
ان مع العسر يسرا

 
At 14/1/07 11:40 PM, Blogger saso said...

لا انتظر المحاكمة ولا رفع الحصانة، فذلك ترف لا نستحقة
مادام مفيش خطر سياسي يبقي اي حاجة تهون ومفيش حد هيتحرك
نحو المزيد من الاصلاحات يا مانو دة شعار المرحلة..عاوزة اكتر من كده اصلاح

 
At 15/1/07 1:15 PM, Anonymous sa3ed al masry said...

7asbna allah wa ne3m al wakeel al nas 7'alas maba2sh 7ad yefakar fehom we ba3den al mawdo3 da lazem manetkalemsh fe 3ashan al 7ekoma matez3alsh we ba3den da tasrof fardy lol

 
At 15/1/07 9:23 PM, Blogger مـحـمـد مـفـيـد said...

لجنه وبعدبن تقييم وبعدين مشاورات
وبعدين ............والاخر
لاشي هي دي النتيجه والضحايا تتساقك ولا احد يعلم
ما هو المصير

 
At 15/1/07 10:18 PM, Blogger mano said...

Irc president
يا رب تفرج
اتمنى ان يتحقق ما تقول
اشكرك للزياره

albida
انا واثقه ان نفسهم يدوهم نياشين
و بعدين يا منوله كملى انا فاضيه
مفيش ورايه حاجه
و بعدين كمان السلعه ليها فايده على الاقل ممكن يبيعوها وياخدوا تمنها
لكن احنا ملناش تمن
و خلا ص يا بنتى مفيش حد بيخبى الفساد
دة فى منافسه دلوقتى بينهم مين الاكتر فسادا
نورتى يا منوله

 
At 15/1/07 10:18 PM, Blogger mano said...

sarah la tulipe rose
انا متفقه معاكى جدا يا ساره اننا السبب فى اللى احنا في ده
بس انا مش عارفه هانى سرور ابن فتحى سرور و لا لأ
مسمعتش الموضوع ده قبل كده
يا رب يا ساره تكون قربت
و الفساد خلاص جاب آخره
اكتر من كده مش عارفه هيبقى فى ايه
نورتى يا جميله
و ربنا يوفقك فى الامتحانات




No fear
و عليكم السلام
اهلا بيك يا محمد
مش عارفه ارد عليك اقول ايه
للأسف مفيش اى رد فعل
و مقدرش احدد الاسباب

 
At 15/1/07 10:19 PM, Blogger mano said...

ody911
صدقنى انا مصدقاك من غير ما تقول
شكرا للزياره





الدرويش المرووش
للأسف ثقافة الخوف من كتر ما سيطرت علينا
اصبحت جزء منا
و النظام(الكلام يعنى)
اصبح شىء عادى حاليا
شكرا للزياره

 
At 15/1/07 10:19 PM, Blogger mano said...

sherif gharib
صدقنى انا مبقتش استغرب خلاص
زى ما انت قلت المهم هما يبقوا مستريحين
و على العموم ربنا يسمع منك
نورت




واحد من الناس
مفيش حاجه اقولها بعد اللى انت قلته
تقريبا لخصت الموضوع كله فى جمله واحده
اشكرك للمرور

 
At 15/1/07 10:19 PM, Blogger mano said...

يا مراكبى
بجد الدعوه دى حلوه قوى
ربنا يسمع منك
شكرا للزياره




Samara alnil
صدقينى يا انجى انا مبقتش استغرب خلاص
بس تقدرى تقولى انه موضوع استفزاز
و بعدين انشالله نبقى عشره مليون حتى
هما خسرانين حاجه
انا زيك مش لا قيه اجابه
و سامحينى ان كنت وجعتك يا جميله

 
At 15/1/07 10:20 PM, Blogger mano said...

memo
الانسان المصرى مش بقى رخيص
ده بقى بلا تمن
شكرا للزياره يا جميله





Saso
ساسو العزيزه
انا كمان و اظن كل الناس لا تتوقع رفع الحصانه
و بعدين طالما هما مستريحين
يبقى مش مهم احنا
و بصراحه لو طلبنا اكتر من كده اصلاح يبقى طمع
نورتى يا جميله

 
At 15/1/07 10:21 PM, Blogger mano said...

Sa3eed al masry
صح هو فعلا تصرف فردى
و الحاجات دى فى مصر تعد على اصابع اليد الواحده
زى ما انت شايف
كفايه بقى علشان محدش يزعل




محمد مفيد
مفيش نتيجه
و للأسف منتوقعش حدوث شىء ايجابى و طالما لا رادع للفساد
هنيئا للفاسدين
شكرا للزياره

 
At 17/1/07 3:17 AM, Blogger albida said...

على فكرة انا عنوان البلوج بتاعى اتغير الى

albidalife.blospot.com

لظروف خارجة عن ارادتى الصراحة
:)

manal

 
At 17/1/07 5:54 PM, Blogger ادم المصري said...

هي دي بلدنا .. وهي دي مصر وهما دول حكامها
وهما دول ناسها ما تغيروش من ساعة ما ربنا خلق النيل وخلقنا جمبيه


لكن ياستي ادي الحصانه اترفعت وقال ايه علي طلب النائب نفسه

لكن ايه اللي هيحصل ياعني

ماكان حصل مع غيره اولي ولا غيره ولا غيره
ربنا يستر ع البلد دي



سلاماتي

 
At 18/1/07 3:37 AM, Blogger frozen love said...

اترى..تلك دماء تشترى

والله ماجتش على دي...دي حتى ابسط من البلاوي التانية....هانت...هانت قوي

 
At 18/1/07 4:51 AM, Blogger mansourawy said...

رفعوا عنه الحصانه يحلاوة
يويمن كدا وهيعملوا اكياس دم للمواطنين اللى زى حالتنا
وازايز ميا معدنية للناس الهاى لايف
مهو لازم معاك قرش نشيلك ع كفوف الراحة
ممعكش..........ايه اللى جايب هنا انت اللى غلطان من الاول
فساد ملأ وضحايا كثر واناس صامته

 
At 18/1/07 3:41 PM, Blogger tota said...

العزيزة مانو

عندما ترخص ارواح الشعب على حكوماتها فما ترينه هو اقل القليل

عندما تقوم حرب على لبنان بسب اثنين اسرى
ويستمر القتل فى فلسطين بسبب جندى واحد اسير
فبرغم سوء الحجة الا ان مواطنهم يعنى شيئا لهم
عندما تكون الرؤية للانسان المصرى بهذا الشكل ومع غياب الضمير والبحث عن المال يصير الانسان عبدا للمال و يصير الوطن غابة يقتل فيها القوى الضعيف بدون اى شعور بألم او ندم

هذا هو ما وصلنا اليه يا عزيزتى

تحياتى

 
At 19/1/07 12:09 AM, Blogger mano said...

This comment has been removed by the author.

 
At 19/1/07 12:10 AM, Blogger mano said...

albida
شكرا انك قلتيلى على العنوان الجديد
انا هجيلك يا منال لو رحتى فين



آدم المصرى
فعلا الحصانه اترفعت
و قال ايه بناء على طلب النائب
و ده طبعا مش هيغير كتير
لنا الله
شكرا للزياره

 
At 19/1/07 12:14 AM, Blogger mano said...

frozen love
فعلا مجتش على دى
انا ملاحظه ان كل الناس عماله تقول هانت
يا رب يكون دة حقيقى
شكرا للزياره






mansourawy
للأسف مع ان الحصانه اترفعت
بس مش متفائله
و بكره نشوف اللى هيحصل
وانت طبعا عندك حق
شكرا للزياره

 
At 19/1/07 12:16 AM, Blogger mano said...

tota
توتا العزيزه
اللى انت قلتيه كله سليم
و فعلا احنا ملناش تمن فى بلدنا
و زى ما انت قلتى الناس بره بلادهم بتقدرهم ازاى
علشان كده انا اخترت عنوان البوست بلا تمن
تعبيرا عن الوضع اللى وصلنا له
نورتى

 
At 19/1/07 2:08 AM, Blogger Carmen said...

حقهم يعملوا فينا كده


ماهو بيقولك يا فرعون أيش فرعنك ...قال مالقتش حد يردنى


واحنا بيتهيالى ضربنا دلوقتى الرقم القياسى فى السكوت

الموت بقى حوالينا بسبب الفساد فى كل مكان.. فى اكلنا ..فى شربنا.. فى الادوية ..فى المواصلات..فى المستشفيات ..فى الشوارع ..فى اقسام الشرطة .. فى الجو.. فى البحر ..فى كل حاجة


وده كله واحنا برضة قاعدين نتفرج


وحيفضل الوضع قائم ومتردى من سئ الى اسوا ...


الا اذا ادركنا ان التغيير مش هايحصل الا بادينا


وحسبنا الله ونعم الوكيل

 
At 20/1/07 12:59 PM, Blogger mano said...

carmen
انا معاكى فى كل اللى قلتيه
و انا مقتنعه ان التغيير مش هيحصل و احنا قاعدين
لازم يكون بادينا
نورتى

 
At 20/1/07 3:57 PM, Blogger الحصان الأسود said...

فرجة قريب إن شاء الله

ولن ينتهي عام 2007 إلا وقد تغير ما نمر بة ورفع الله عنا الغمه

مجرد احساس

ويارب يكون احساسي صادق كعادتة بي

 
At 20/1/07 5:02 PM, Blogger raspoutine said...

على رأى الاغنيه الشعبيه
احنا فى زمن الوحوش
لازم النائب يكسب امال مين اللى هيكسب احنا
دول شويه كلاب سعرانه
ربنا يسترها

 
At 21/1/07 11:22 AM, Blogger No Fear said...

السلام عليكم
هو إحنا لازم نشحت منك البوستات يعني
لو علشان الأمتحانات ماشي بس أنت بتدخلي تعلقي يعني ممكن بوست في السريع كده
سلام

 
At 21/1/07 3:52 PM, Blogger mano said...

الحصان الأسود
اتمنى يكون احساسك صحيح
ناس كتير بتتوقع اقتراب النهايه
بس المشكله ان مفيش اى بوادر للتغيير
مره تانيه يا رب يكون احساسك صحيح
شكرا للزياره




raspoutine
والله عندك حق
يعنى طبعا مش ممكن احنا اللى نكسب
طيب ده حتى يبقى معندناش دم
كفايه هما يكسبوا
شكرا للزياره

 
At 21/1/07 3:53 PM, Blogger mano said...

No fear
و عليكم السلام
بجد مش عارفه اشكرك ازاى
بس فعلا انا عندى امتحانات و بدخل سريع كده اشوف ايه الاخبار
على العموم قريب ان شاء الله
شكرا لسؤالك

 
At 9/2/07 6:23 AM, Anonymous Anonymous said...

Ya gama3a 7aram no7kom 3al nas keda, mesh 3ashan keteer tel3o fazdeen yeb2a kol mostasmer fased, el moshkela mesh moshkelet hani sorour, el moshkela en a7na ma3andenash ai seka fil 7okouma, 7atta law kan hani sorour baree2, e7na bene3shak nodeen ai ghani aw thari aw seyasi, el ragel talab raf3 el 7asana 3ala nafso, ma32en el magles rafad lamma el na2eb el 3am talab 2abl keda. da 36,000 kees estoghdemo we ma7addesh 7asallo 7aga, en ba3d al zan ethm.

 
At 9/2/07 11:27 AM, Blogger mano said...

Anonymous
اولا اهلا بيك رغم عدم ذكر اسمك
ثانيا انا و كل البلوجرز اللى علقوا على الموضوع عمرنا ما قلنا ان كل المستثمرين فاسدين
لأن كل مكان فى الكويس و الوحش
لكن قضية هانى سرور تمس ارواح ناس
و احنا عندنا حياة الأنسان الواحد غاليه قوى
و بالنسبه لشركة هايدلينا جريدة صوت الأمه نشرت بالمستندات ان فلاتر الغسيل الكلوى الخاصه بها تسبب جلطات
ده غير ان وزارة الصحه اكدت وجود عيوب بأكياس الدم
و بعدين ايه يعنى هانى سرور طلب رفع الحصانه عن نفسه
ما ممدوح اسماعيل قال انه مش هيسيب مصر و لو مشى هيرجع و هيتحاكم و الكلام ده حد يعرف يجيبه دلوقتى
على فكره فى امثله تانيه كتير
شكرا لزيارتك

 
At 24/4/07 4:17 PM, Blogger ahmed said...

shokran leraddak. Law hani sorour kan 3awez yehrab kan hereb lamma el magles rafad raf3 el 7asana (maho kanet lessa ma3ah 7asanto we kan momken yemshi) laken howwa asar enno yerfa3 7asanto we yet7a22a2 ma3ah. We ba3den hani sorour rafa3 2adeyya 3ala sout el omma leta2deem mostanadat mozowwara. Enta 3aref kewayyes awi ad eh al garayed bet7eb tewalla3 el omour. 3ashan keda tel3et kelmet "kalam garayed". ana ra2yee en e7na beno7kom 3ala 2adeyya abl mal kada2 ye7kom 3aleha.

 
At 31/5/16 10:28 AM, Blogger 柯云 said...

2016-05-31keyun
toms shoes
michael kors outlet
rolex watches
true religion jeans
louis vuitton purses
adidas wings
jordan retro 4
jordan 11
concord 11
nike roshe run
hollister clothing store
instyler
coach outlet store online clearances
coach outlet canada
coach factory outlet
adidas outlet store
air jordan shoes
michael kors outlet
air jordan homme
cheap air jordans
christian louboutin sale
michael kors outlet online sale
adidas trainers
air max 95
air jordan shoes
tory burch sandals
cheap oakleys
tods sale
nike air max 90
coach outlet
tory burch flats
true religion outlet
hollister clearance
nike sb dunks
gucci handbags
michael kors outlet
timberlands
toms shoes outlet online
fitflop sandals

 

Post a Comment

Links to this post:

Create a Link

<< Home