Thursday, July 05, 2007

سرقة مشروعه

كانت سائره فى الشارع حين وجدت سياره تتعمد مضايقتها
لحظات وخرجت يد من السياره و تعلقت بحقيبة يدها
لم يكن امامها سوى ترك الحقيبه بعد مقاومه قليله حتى تتخلص من ذلك الموقف
و فكرت ان تلتقط رقم لوحة السياره
و لكن بلا جدوى. فالسياره كانت بلا لوحه من الأساس

هذا ما حدث لأحدى قريباتى
و ارجو الا يتسائل مغرض كيف تسير سياره بلا لوحه فى شوارع القاهره
و لا يتسائل مغرض آخر اين ذهب الماره
لحد هنا عادى جدا و مفيش مشكله
ايوه المشكله مش فى حادث السرقه لأنه قد يحدث فى اى مكان
المشكله فى اللى جاى
التفكير المنطقى انها تذهب لعمل محضر و هذا ما حدث
فى البدايه رفض الضابط المسئول عمل محضر
و لكن بعد الحاح منها و تمسكا بحقها القانونى
رضخ الضابط لها و فتح محضر
و للعلم فقد احضرت معها واسطه لعمل ذلك المحضر
المهم ان اثناء حديثها مع الضابط اكد لها ان هذا الموضوع انتشر
فأخبرت الظابط انها تعتقد ان هناك مجموعات من الشباب التى تتعاطى المواد المخدره تقف وراء ذلك!!!!!!
و لكنه قاطعها قائلا و كمان بيضربوا حقن يا مدام!!!!!!!!!!!!!!!!!!!
الله طيب لما انت عارف مستنى ايه.....................ما علينا نرجع لموضوعنا
الأفدح انه اكد لها انهم غالبا سيتركوا الشنطه- بعد سرقة ما بها بالطبع- على الطريق الدائرى.
و هذا ما حدث بعد يومين
حيث فوجئت بشخص يتصل بها تلفونيا موضحا انه وجد الشنطه على الطريق الدائرى و بها بطاقتها و اجندة تليفونات و من هنا اتصل بها!!!!!!!!!!!!!
يعنى هما عارفين ادق التفاصيل. طيب باقى ايه
الأهم انها عندما طالبته بصوره من المحضر . طلب منها المرور عليه بكره لأسباب واهيه
رضخت لمطلبه و عاودت الذهاب فى اليوم التالى. و حين طالبت بصوره من المحضر. تعللوا بأن المأمور المسئول عن الختم لم يحضر
وهكذا...........
و طبعا انا هنا مش بشكك فى كفاءة جهاز الشرطه المصرى لا سمح الله
و لا قصدى اقول انه كسول و مطنش
لأن دى مش اخلاقى
و لأن الشرطه بتسهر على راحة الشعب . و الشعب فى قلب الشرطه. و هما الأتنين فى خدمة الوطن زى ما حضراتكوا شايفين
و فى هذا الصدد يقول المطرب خالد الذكر سعد الصغير
كل حاجه هتبقى تمام سمعونى بأه احلى سلام
و لا عزاء للمواطنين

34 Comments:

At 5/7/07 9:01 AM, Blogger sarah la tulipe rose said...

مش عارفة اقول ايه و الله ..حاجة مستفزة جدا ..عارفة من تلات سنين شقة خالي اتسرقت و لما كلموا الضابط و جه بعد معاناه و فحص و محص و بصمات و ..اكد ان الحرامي دةمعروف و متسجل عندهم و مشهور بنفس طريقة السرقة ..طب يجيبوه لا!!و الله مش عارفة هو فيه ايه
الظاهر بقي ان الموضوع بقي اجتهادي و ال عاوز يقبض علي حرامي يستخدم جهوده الذاتية..ما هو الشرطة مش في خدمة الوطن ..مالك انت و مال الوطن؟!

 
At 5/7/07 12:09 PM, Blogger شـــــهــــروزة said...

انتى معرفتيش الشعار الجديد؟؟

الشعب فى خدمة الشرطة
والشرطة فى خوزقة الشعب

متعرفيش كمان؟؟؟
مش الشرطة بتحمى اللصوص دول علشان بيشتغلوا معاها بعد الضهر مرشدين لقضايا كبيرة شوية؟؟؟

وكمان وقت حصول شغب فى مناطقهم بيسيطروا على الشغب وبيريحوا دماغ الباشا المعاون والباشا رئيس المباحث؟

حتسألينى عرفت كل دة منين

أحب أقولك وبكل ثقة
أن قسم الشرطة عندنا بيعمل كل دة بحذافيره وكل المواطنين عارفينه
بس محدش راضى يتكلم

ولو حد بلغ عن حادث او مصيبة
المبلّغ هو اللى بيتسحب على القسم
واسألينى أنا
أخويا اتسحب عالقسم لما بلغ على هجوم بلطجية هجموا على الشارع فى نص الليل بانابيب البوتاجاز واشعلوها وهددوا الشارع بتفجيره ومفيش بيت واحد سلم منهم...بسبب خناقة بينهم وبين بلطجية آخرين والسكان مالهمش لا ناقة ولا جمل فيها
منابناش الا تكسير نوافذنا واحتراق احبال الغسيل باللى عليه بفعل الأنابيب وذعر الأطفال واصحاب الأمراض

ولما اتصلنا نبلغ الضابط سأله سؤال
حد من المتشاجرين وقع قتيل او مات؟؟
رد اخويا قال له لسة لكن متوقع لأن الموضوع صعب جدا تحت
الضابط : طيب مللينى بياناتك كاملة

كل دة والقيامة قايمة برة الساعة اتنين بعد نص الليل

ولما البوليس والمطافى جات
سألوا عن صاحب البلاغ بس
وتركوا كل شيء
وشدوا اخويا على القسم أنه أزعجهم فى الوقت دة طالما موقعش قتيل ولا أنبوبة من الخمسة انفجرت فى الشارع
لولا ان محامى الشركة اللى اخويا بيشتغل فيها تدخل والموضوع خلص على خير


وقتها أمى أقسمت أغلظ الأيمان ان لو الدنيا ولعت نار

ملناش دعوة ونمشى جنب الحيط واللى عاوز يبلغ يبقا يبلغ هو

دى هى الحالة اللى عاوزين الناس توصل لها

اللامبالاااااة والرعب من المطالبة بالحق


تبقا الشرطة فى خدمة الشعب ولا لاء؟؟؟؟

 
At 5/7/07 1:10 PM, Blogger Amr Ahmed said...

هما اهم حاجة عندهم

يقبضوا علي المتظاهرين


لكن يحموا حد

لا
شرطة وظيفتها

فقط
حماية النظام

 
At 5/7/07 1:20 PM, Anonymous Anonymous said...

Dear Mariam,

First i want to thank you for your nice anwser,of course it wil not be the last tim that i visite your blog, please call me just sherif, no mr sherif, i do not like it we are all the same. i hope the golden age of tolerance wil be back in egypt, it is only one way to do that, all well educated ,young bouys and girls in egypt must be unifeid to face all the fanatisme and intolerance at both sides, christen or muslim. radicals are the same, it does not matter where they come from or what kind of releigion they have.

About the egyption police i recognaize all what you write, i have verey bad experince with police when i was living in geypt, one police officer ahs arrested me and my friends only because he thought taht we are staring him unfriendly, he hide us and folterd us for nothing and after that we must say soory to him, i have never hated anybody in my life but i hated him i wished him the death. it is mybe not nice to say it but that is what i feelt at the moment.The egyption police officers are thinking that they are the owners of the country, they learn it in the police academy. Anyway good bless you and sorry for writing you in english because i have no arabic program on my pc. it wil be my pleasure if you want to join me on messenger msn.

sherifanwarahmed@hotmail.com

have a nice day Sherif

 
At 5/7/07 2:25 PM, Blogger micheal said...

الحكايه يا مريم ببساطه أن البهوات مبقوش فاضيين غير للتعذيب و الضرب بعصا المقشه و مطارده الاخوان و حركه كفايه
:)
أكتر من كده يبقي بنتقل عليهم
تحياتي لكي

 
At 6/7/07 2:24 AM, Blogger يا مراكبي said...

الشرطة ياعزيزتي بتهتم بأمور أخرى الأيام دي بتدور حوالين حماية أركان النظام .. أما الأمور اللي إنتي بتتكلمي عنها دي بتعتبر من توافه الأمور بالنسبة للمهام الجسيمة اللي وراهم .. سالفة الذكر

والبلطجية دلوقت بقوا في أمان في كل مكان .. لما بأروح مصر بألاقي في منطقتنا موضوع تجارة البانجو والحقن ومهما الناس بلغت الشرطة فلا حياة لمن تنادي إلا لو فيه واسطة .. والتجار معروفين ومش هاممهم ومحميين

الشرطة وراها ما هو أهم دلوقت

إسمعي سعد الصغير أحسن لك

 
At 6/7/07 5:27 AM, Blogger عازف الناى said...

عن البلطجيه حدث ولا حرج
معظم ضباط المباحث يتخذون البلطجيه مرشدين لهم وما ادراك ما المرشد
المهم ضابط المباحث عنده استعداد تام لحمايه مرشده فى اى وقت ومن اى محضر

 
At 6/7/07 10:30 AM, Blogger semsem said...

هههههههههههه
الشعب فى خدمه الشرطه

شر البليه ما يضحك
احيكى على البوست

 
At 6/7/07 11:32 AM, Blogger بيجاسوس المصرى said...

الله اكبر
بقى علشان اعمل محضر لازم يبقى معايا وسطة
و علشان اشترى عيش لازم يبقى معايا وسطة
و علشان احجز فى الاتوبيس لازم يبقى معايا وسطة

و على رأى المثل
الشرطة فى خدمة المدمنين

اه يا بلد

 
At 6/7/07 2:20 PM, Blogger ellithy said...

http://aglocohits.blogspot.com/

المدونة بها :


زيادة الريفيرال
وبناء شبكتك
وبناء مدونتك واشهارها
وكيف تجعل موقعك اول نتائج بحث جوجل
وتصفح متخفي وراديو نجوم اف ام
nojoom FM
والان خدمة الرد المباشر على جميع اسئلة اجلوكو في اول غرفة دردشة مختصة باجلوكو

 
At 6/7/07 11:49 PM, Blogger mariam said...

sarah la tulipe rose
حلوه جهود ذاتيه دى
يبقى كل واحد فى خدمة نفسه
و القانون لا يحمى المغفلين
و بعدين كفايه ان الحرامى معروف و متسجل عندهم
لكن يقبضوا عليه كمان
لأ كتير
منوره


--------------------------------- شـــــهــــروزة
يا الف مرحب
طيب مش تقول ان فى شعار جديد
و سايبانى كل ده فاكره ان الشعار القديم موجود
و اظلم الناس
للأسف يا شوشو انا مش مستغربه من الكلام اللى قلتيه
و لا مستغربه من اللى انا كتبته
كلنا عارفين و كلنا اتعرضنا لمواقف زى دى
و رغم كده كلنا ماشيين جنب الحيط
مفيش حل تانى و لا حتى اولانى
منوره جدا

 
At 6/7/07 11:58 PM, Blogger mariam said...

Amr Ahmed
اهلااااااااا عمرو
ايه كل ده مش بتكتب ليه
و الله انا عارفه ان الشرطه و الأمن و كل حاجه فى مصر مش فى خدمة الشعب
و ان الشعب مش فارق مع حد
بس قلت اكتب احسن ما يحصلى حاجه
منور



--------------------------------
sherif anwar ahmed
thank you very much for visiting me again
i think that the well educated youth of egypt are realizing the dangerous of the intolrance
and you can notice that by visiting the other blogs
they may be dicussing this subject better than me.
but the problem is that more than 50% of the egyptians are not educated at all.
about your bad experince with the egyptian police i think that 90% have bad experiences too.
the problem is that they feel they are the owners as you have said.
no problem writing in english you are welcome any way.
and thank you for leaving your e_mail

 
At 7/7/07 12:02 AM, Blogger mariam said...

micheal
ما انت قلت بنفسك يا مايكل
انهم بيعملوا حاجات تانيه اهم
عايزهم يسيبوا التعذيب و كفايه و الأخوان و يحموا الشعب؟
لأ انت غلطان
احنا نحمد ربنا قوى
ايه الطمع ده
منور


-----------------------------------
يا مراكبي
كفايه عليهم يحموا النظام
مش معقول نطلب منهم يحمونا و يسيبوه
ده حتى عيب
و بعدين هيعملوا ايه ولا ايه
انا هروح بقى اسمع سعد الصغير
منورنى

 
At 7/7/07 12:04 AM, Blogger mariam said...

عازف الناى
للأسف كل اللى قلته صحيح
و المشكله ان كل الناس عارفه
لكن لا حياة لمن تنادى
اشكرك جدا على هذه الزياره


---------------------------------
semsem
واضح جدا ان الشعب اصبح فى خدمة الشرطه
اشكرك جدا على ذوقك
بجد نورتينى

 
At 7/7/07 12:06 AM, Blogger mariam said...

بيجاسوس المصرى
يا افندم لا حياه فى مصر بدون واسطه
و دلوقتى الناس بتجيب واسطه بفلوس
و هى دى مصر
شكرا جدا لزيارتك


--------------------------------
ellithy
اشكرك جدا على هذه الدعوه
و ان شاء الله هشوف التفاصيل

 
At 7/7/07 12:45 PM, Blogger أحمد المصري said...

اللي يعر يقرا يروح لليمين ..اللي ميعرفش يروح للشمال00اللي واقفين في النص دول بقى هما ضباط الأمن المركزي وأمناء الشرطة00مستنية ايه منهم يعني؟
حسبي الله ونعم الوكيل0
مع تحياتي0
والسلام عليكم0

 
At 7/7/07 12:48 PM, Blogger أحمد المصري said...

الظاهر إن ضابط الشرطة بيتخرج عشان يشرب شاي في القسم ويهزأ في الناس00
يريح دماغه برضه هوا فاضي للمواطنين00فيه حاجات أهم0

 
At 7/7/07 1:28 PM, Blogger No Fear said...

السلام عليكم
يا ستي هو ده اللي مضايقك
ما ظهر أعظم

 
At 7/7/07 10:14 PM, Blogger whyme said...

أنا ألبي دليلي, سألته, أولت همه الهجامين بيبيعو البضاعة بتاعنهم فين؟

أللي يا في عرب المحمدي عند زلطة
أو في سوء السلاح عن أم رفعت
أو هنا عن سيدة أم العيال


المرحومة سعاد حسني بفيلم المشبوه

10- كفاءة السلطة تقاس بهيبه اصغر فرد فيها الى هوه ممكن يكون عسكرى متطوع و كان فى الاصل بلطجى ) من فيلم مواطن و مخبر وحرامى


دى مقاطع من افلام بحبها اوى بيتهيئلى كده مش محتاج اعلق

تحياتى و الف مبروك على عودة الشنطه

 
At 8/7/07 9:38 AM, Anonymous محمد said...

يا دى القرف
امتى البلد هتنضف بقى
شعار الشرطه المفروض يخلوه الشعب فى خدمة الشرطه و يريحوا نفسهم

 
At 8/7/07 10:52 AM, Blogger The Alien said...

يعني هي الشرطة فاضية للسرقة
يعني يسيبوا اﻷمن والأمان ويجروا ورا الحرامية
ماهو لازم يكون فيه أولويات
يعني شنطة مسروقة ولا مظاهرة ف التحرير؟
أظن الإجابة واضحة

مبروك رجوع الشنطة
تحياتي

 
At 8/7/07 4:03 PM, Blogger امام الجيل said...

ده كمان فيه الاكتر من كده يعنى ممكن واحد يعمل بلاغ يلبسوه قضية وبتحصل كتير اوى يعنى انت وحظك بقى اذا قربت ناحية القسم وعايزين يقفلوا محاضر ممكن الواحد يلبسها بدون ادنى ذنب نقول ايه ما احنا فى خدمة الشرطة صحيح

 
At 8/7/07 4:24 PM, Blogger The Alien said...

مريم لو سمحتي هطلب منك طلب
ممكن تغيري اللينك بتاعي عندك
وتخليه TheAlien
thanks

 
At 9/7/07 1:21 AM, Blogger mariam said...

أحمد المصري
طبعا مش معقول ظابط الشرطه يتفرغ للمواطنين
زى ما نت قلت فى حاجات اهم
منورنى


---------------------------------
No Fear
و عليكم السلام و رحمة الله
صدقنى يا محمد انا مش متضايقه
لأنى مش اول مره اسمع عن الموضوع ده
و ما خفى كان اعظم
نورت

 
At 9/7/07 1:24 AM, Blogger mariam said...

whyme
المقاطع اللى انت اخترتها حلوه فعلا يا ايلارى
و منطبقه على الموقف
الله يبارك فيك
كويس الشنطه رجعت اى حاجه احسن من و لا حاجه
نورت


----------------------------------
محمد
عندك حق هو قرف فعلا
اما من جهة تغيير الشعار فهما بيطبقوه على طول
شكرا جدا لزيارتك

 
At 9/7/07 1:27 AM, Blogger mariam said...

The Alien
طبعا مش مهم الشنطه
المهم يمنعوا المظاهره
و مش مهم يحموا الشعب المهم يحموا الكبير
على العموم الله يبارك فيك يا بيشوى



----------------------------------
امام الجيل
عندك حق فعلا
انا كنت بشوف برنامج التعذيب اللى عملته هويدا طه على الجزيره و شفت ناس كتير كانت رايحه تبلغ او تشهد و لبست قضيه
عادى احنا فى مصر
نورتنى

 
At 9/7/07 1:27 AM, Blogger mariam said...

The Alien
انا غيرت اللينك زى ما طلبت
تمام كده
بتشكرنى على ايه بس يا بيشوى

 
At 9/7/07 5:17 AM, Blogger صاحب البوابــة said...

يبقى انت اكيد في مصر

:)

 
At 9/7/07 4:53 PM, Blogger Dr. Tantawy said...

فعلا ليكى تحكمات غريبه يا مريم

يعني هيه الشرطه فاضيه لقريبتك دي كمان ؟؟ مش كفايه عليها سفاح المعادي و التوربيني و خط الصعيد و نواب القروض و حراميه الفرسان و .. و .. و .. قريبتك ايه دي بقه اللي طالعه ف المقدر جديد دي

لما واحده من الشعب تتسرق ياريت بعد كده تتفضل تروح على بيتها و تكشف راسها و تدعى على اللي سرقها .. و ذلك اضعف الايمان هههههه

 
At 9/7/07 8:01 PM, Blogger ابوزياد الفاتح said...

لومحصلش كده يا اختى الغاليه متبقاش مصر
دا هوده اللى يميزمصر عن غيرها
عادى بتحصل كتير
اهم حاجه انك بخير
شرفينى فى مدونتى

 
At 11/7/07 1:20 AM, Blogger mariam said...

صاحب البوابــة
هو ده احسن تعليق
احنا اكيد فى مصر
شرفتنى


-------------------------------
Dr. Tantawy
اهلااااا طنطاوى
انا مش هقدر احمل الشرطه فوق مسئوليتها
طبعا انا اللى غلطانه
هجرب الفكره بتاعتك و اقول لك رأيى
منورنى


-----------------------------------

ابوزياد الفاتح
كويس ان مصر متميزه فى حاجه
اشكرك جدا
شرفتنى بالزياره

 
At 19/5/13 7:51 PM, Anonymous Anonymous said...

لك تسلميلي احلى ماغي بالعالم امانة ديري بالك على برج الميزان

 
At 31/5/16 10:28 AM, Blogger 柯云 said...

2016-05-31keyun
toms shoes
michael kors outlet
rolex watches
true religion jeans
louis vuitton purses
adidas wings
jordan retro 4
jordan 11
concord 11
nike roshe run
hollister clothing store
instyler
coach outlet store online clearances
coach outlet canada
coach factory outlet
adidas outlet store
air jordan shoes
michael kors outlet
air jordan homme
cheap air jordans
christian louboutin sale
michael kors outlet online sale
adidas trainers
air max 95
air jordan shoes
tory burch sandals
cheap oakleys
tods sale
nike air max 90
coach outlet
tory burch flats
true religion outlet
hollister clearance
nike sb dunks
gucci handbags
michael kors outlet
timberlands
toms shoes outlet online
fitflop sandals

 
At 14/7/16 10:45 AM, Blogger Fangyaya said...

timberland boots
adidas trainers
louis vuitton handbags
kate spade handbags
oakley outlet
coach outlet
coach outlet online
air jordans
kobe 9
adidas yeezy
giuseppe zanotti sneakers
jordan 8s
ralph lauren polo outlet
coach factory outlet
celine outlet
jordan 3 infrared
jordan 4 toro
coach outlet online
coach factory outlet
tory burch sale
toms outlet
coach outlet
oakley vault
ray-ban sunglasses
louis vuitton
nike trainers
rolex watches
louis vuitton handbags
louis vuitton outlet
christian louboutin outlet
nike sb shoes
true religion outlet
michael kors outlet
kate spade outlet
north face outlet
ralph lauren uk
vans shoes
coach factory outlet
air jordans
gucci outlet
20167.14chenjinyan

 

Post a Comment

Links to this post:

Create a Link

<< Home