Thursday, June 28, 2007

لعن الله من ايقظها


لا يمكن لعاقل ان ينكر حالة الأحتقان بين المسلمين و المسيحيين فى مصر
حاله مستعده بشده للأشتعال فى اى مشكله عاديه بين اى مسلم و مسيحى, حينها سينضم كل فرد الى المنتمى لدينه دون النظر حتى لأصل المشكله
اى ان اشعال فتنه اصبح اسهل من اشعال البوتجاز
تؤرقنى جدا تلك الفتن الطائفيه التى تشتعل من حين لآخر فى مناطق مختلفه
و يلح على بالى دائما سؤال لماذا؟
فى حصر سريع لأسباب الفتن الطائفيه على مدار العام الماضى
وجدت ان الأسباب متشابهه فى كثير من الحالات
فمثلا يثور المسلمين فى مكان ما بسبب وجود نية بناء كنيسه
او يثور المسيحيين من اجل اعتناق احد افرادهم الأسلام
و السؤال هنا هل لا يؤمن كل طرف بعقيدته حق ايمان؟
او هل يعتقد كل طرف ان دينه ضعيف و لن يتحمل اى شىء؟

فما الذى سيضير المسلمين من بناء كنيسه؟ و هل يعتبربناء كنيسه اساءه للأسلام؟
الجابه قطعا لا
على الصعيد الآخر هل ستتأثر العقيده المسيحيه من تحول احد افرادها للأسلام؟
اعتقد لا
اذن لماذا هذه المغالاه من الطرفين؟ لماذا يتصور البعض ان العداء للأديان الأخرى نوع من التقرب الى الله
اتكلم هنا بحياد تام لأعرض امراض تمثل خطوره شديده على مجتمعنا
فمثلا بدأت تسود فى الفتره الأخيره قصة ان المسيحيين اهل ذمه لا يجب دخولهم الجيش و عليهم دفع الجزيه
فى المقابل نسمع من الناحيه الأخرى ان المسلمين دخلاء و غزاه و لابد ان يخرجوا من مصر كما دخلوها
من الواضح هنا ان التطرف و المغالاه فى جهه تقابله فى الجهه الأخرى تطرف و مغالاه ايضا
الكارثه الحقيقيه هى بداية انتشار هذه الأفكار الهدامه فى وسط المعتدلين من الطرفين
و السؤال لمصلحة من؟
لا اريد هنا ان اعرض مواقف توضح كيف بدأت هذه الأفكار فى الأنتشار
و لكن لا يمكن حل مشاكل متغلغله و مستعده للأنفجار فى اى لحظه بصورة تجمع شيخ و قسيس و ينتهى الأمر
اخشى جدا من اطفاء نيران الفتن بالشكل الأمنى المستفز
و نظل نترك جدر المشكله يتغلغل اكثر
و لا اريد ان اتخيل ان ما يحدث من حروب اهليه فى لبنان و غيرها قد يحدث على ارض مصر
نعم مازلنا بعيدين عن هذا الى حد ما
و لكن بماذا نفسر وجود كل تلك الفتن. فلا تهدأ واحده حتى تندلع الأخرى
لماذا بدأت تنمو بداخلنا تلك النظرات الطائفيه
يعنى ليه مش كلنا مصريين. ليه نقسم ده مسلم و ده مسيحى
لازم كل واحد طبعا يحب دينه و يؤمن بيه و يدافع عنه
لكن كمان لازم كل واحد يحب بلده
و نعرف ان اللى بيحصل ده مش خدمه لأى دين. و لكنه اذى للوطن
يعنى لا افدت دينك و لا خدمت وطنك
بل على العكس اسأت لدينك و اخطأت فى حق وطنك
يا ريت نتكلم بوضوح ما الذى يدفع ابناء كل دين الى الأحتقان من ابناء الدين الآخر
فلنحاول ان نحصر بعض الأسباب لوجه الله و الوطن
و الآن مازلت غير مقتنعه بتلك الأسباب الواهيه التى تؤدى لنشوب تلك النيران الطائفيه
ما هى الأسباب الحقيقيه لهذا الأحتقان و لماذا يحمل كل طرف تلك الضغائن تجاه الآخر؟

34 Comments:

At 28/6/07 12:38 AM, Blogger Human said...

الإحتقان
حالة عامة سواء في مصر او في الوطن العربي عموما ...الموضوع بيسوء اكتر في مصر من ناحية الفتن الطائفية
في حديث رائع للرسول يقول ان الفتنة أشد من القتل ..لأنها تضرب المجتمع الإسلامي في الأعماق ..ولأن خطرها مستمر ومتزايد كما ان السيطرة عليها تحتاج الى عقول حكيمة من كلا الطرفين وهذا غير موجود بالطبع
الفتنة تنتشر كما قلتي كانار في الهشيم سريعة جدا..وللأسف المستفيد واحد وهو من يراقب وينتظر للوثوب

 
At 28/6/07 12:52 PM, Blogger The Alien said...

أنا رأيي إن الموضوع سياسة وملوش علاقة بالدين
اللي برة من مصلحتهم إنها تولع
وبيعملوا أي حاجة عشان دا يحصل

المشكلة إننا فعلا رايحين ناحية الدمار وبسرعة
فتلاقي الثقافة دي بقت موجودة حتي عند المتعلمين
الناس اللي المفروض تكون بتفكر

تحياتي

 
At 28/6/07 2:29 PM, Blogger 0xDEADBEEF said...

ربما تستطيعين أن تجدي الإجابة و تطرحي رؤيتك
هنا

 
At 28/6/07 2:45 PM, Blogger micheal said...

عوده قويه ببوست مميز يا مريم...في رايي للاسف أن هنالك بعض المغاهين المغلوطه لدي الطرفين هي التي تأجج النيران زي ما أنتي قلتي منها أنهم يعتقدوا بأن التقرب الي الله لن يكون الا بمعاداه الاهر
تحياتي لكي

 
At 29/6/07 11:57 AM, Blogger sarah la tulipe rose said...

هي مش موضوع فتنة اد ما هو تفريغ لحالة كبت نفسي شديد عند المصريين
احساس انهم بيقدروا يغضبوا و يعملوا حاجة بس عشا يبتوا لنفسهم انهم لسه عايشين ماماتوش ..و التفريغ زي ما انتي شايفة بيجي في المصريين بينهو بين بعض
انا لحد دلوقتيمش لاقية سبب عقلاني يخل يفيه اصلا فتنة بين اي انسان و التني غير انه استعجال للنهاية
حمد الله علي السلامة يا جميلة

 
At 29/6/07 6:41 PM, Blogger ألِف said...

في رأيي أن جزء من المشكلة سببه هو استصعاب الاعتراف بالخطأ.

المشكلة لم تبدأ مؤخرا، المشكلة بدأت منذ عقود و تجاهلناها - و كذلك منعتنا الدولة من طرقها و هي لا تزال جديدة.

ما أقصده باستصعاب الاعتراف بالخطأ و هو أنه حتى الذين يعترفون بوجود المشكلة - و هم بهذا يتقدمون خطوات عن آخرين لا يعترفون بوجود مشكلة من الأصل - حتى هؤلاء لا يحب المسلمون منهم الإقرار بأن المشكلة حلها في يدهم كما كانت بدايتها من طرفهم، بل يلجؤون إلى لوم كلا الطرفين بالتساوي.

المسلمون هم من بدأ بتكفير المسيحيين. يجب أن نعترف بهذا. هم من بدأوا بإثارة فكرة الذمية و الجزية، هم من بدا متطرفوهم سباب غير المسلمين من على المنابر و في الأشرطة و الكتيبات و دروس الدين.

طبعا المسيحيون تجاوبوا بعد فترة مع الضغط و الهجوم، و ردوا بما لديهم إلى أن وصلنا إلى ما نراه اليوم، لكني أرى أن ذلك كان رد فعل.

أنا فعلا أعتقد أن سلامة الأقلية مسؤولية الأغلبية، بما لدى الأغلبية من تفوق و عمق استراتيجي معنوي و مادي.

و في ذات الوقت أنا لست مع اصطناع/افتعال تقبل الآخر خشية أن يستغل اعداؤنا تفرقنا، لأن هذا لا يؤدي إلى وحدة وطنية حقيقية، بل إلى تغطية مؤقتة للفتنة كما تسميها، و يتركنا جميعا عرضة لبطش الشمولية و البوليسية.

 
At 29/6/07 7:03 PM, Blogger No Fear said...

السلام عليكم
الجهل بصفة عامة و الجهل بالدين بصفة خاصة من أهم أسباب الفتنة و العنف عموما
و البطالة و عدم وجود هدف للشباب فالبتالي بيحاول كل إنسان إيجاد شئ يخرج فيه قوته و إيمانه مش بلاقي غير الحوادث دي
و طبعا هناك من يزيد من إشتعال هذه الفتن بطريقة مدروسة و لأسباب الله اعلم بها لكنها ضد الدين و البلد

 
At 29/6/07 10:03 PM, Blogger أحمد المصري said...

الإحتقان ؟
همممم..اعتقد أن سببه أشخاص من الطرفين اعطوا الإختلاف الديني حجم أكبر مما هو عليه بحيث يطغى على مفهوم الوطنية00الموضوع مسيس ومدين وكل حاجة 00والمشكلة إن احنا بقى عندنا استعداد لده00معدناش طايقين حد فبقينا نفش غلنا في الآخر المختلف دينيا000ولا انتي رأيك ايه؟
مع تحياتي00
والسلام عليكم0

 
At 29/6/07 11:21 PM, Blogger يا مراكبي said...

لا تأتي معالجات الدولة لهذه المشكلة إلا بحلول واهية لا تتعمق أبدا إلى جذور المشكلة

ولا أجدني أرى الدولة تعتني لا بالأكثرية المسلمة ولا الأقليات .. وإن كنت أمقت هذا اللفظ لأني تربيت على وحدة وئام بيننا وبين أعز الأصدقاء من الأقباط .. وهم يعرفون ذلك .. أحييهم جميعا

الفتنة دائما تجدين وراءها من يخطط لها ومن يستفيد منها .. وهو في حالتنا هذه يكون طرفا خارجيا .. وهنا يأتي دور الدولة في أن تعي وتحمي البلاد مما يهدد أمنها من الخارج .. لكنها تنشغل بأمور أخرى وليس هذا هو موضوعنا الآن

 
At 30/6/07 1:49 AM, Blogger mariam said...

Human
فعلا الموضوع بيسوء اكتر
اصبت فى نقطة اننا نقتقد العقول الحكيمه
اتمنى ان نفيق قبل ان يأتى وقت لا ينفع فيه الندم
نورتنى



---------------------------------
The Alien
اتفق معك يا بشوى لكن لا افضل ان نلوم اللى بره فقط
لأن اللى جوه يتحملوا قدر اكبر من المسؤليه
للأسف فعلا انتشرت هذه الثقافه عند المتعلمين لذا اره انه دورنا كمعتدلين من الطرفين و كأشخاص يعرفون خطورة ما يحدث ان نحاول انقاذ ما يمكن انقاذه

 
At 30/6/07 1:53 AM, Blogger mariam said...

0xDEADBEEf
اشكرك على هذه الدعوه
و اشكرك جدا للمرور



----------------------------------
micheal
شكرا ليك يا مايكل
دايما بتحرجنى بذوقك
المشكله هنا ان هذه المفاهيم المغلوطه بدأت تنتشر بين المعتدلين
طيب تخيل اذا كان المعتدلين كده طيب المتشددين ازاى؟
يكفى مثلا ان تستمع لعبارات مثل عدوك عدو دينك
كلمه زى دى نتيجتها ايه
الموضوع وصل للعداء فماذا بعد؟
منورنى دايما

 
At 30/6/07 1:59 AM, Blogger mariam said...

sarah la tulipe rose
ساره العزيزه
كلامك مهم و بيوضح وجهة نظر اخرى كنت مش ملاحظاها
فعلا قد يكون الموضوع تفريغ كبت
لكن للأسف ده ممكن يؤدى الى كوارث مستقبلا لا قدر الله
الله يسلمك يا ساره و بجد كلك ذوق
منوره



--------------------------------
ألِف
من الصعب الا نعترف بوجود مشكله و الا نكون بنضحك على نفسنا
قد يكون كلامك صحيح و لكن اعتقد ان المتشددين من المسلمين و من يفهمون الدين من منظور ضيق هم من كفروا المسيحيين و ليس عامة المسلمين
خاصة و ان هذا لم يكن يحدث فى الماضى البعيد نظرا لعدم وجود تلك الأفكار الهدامه بعد
اتفق معك ان التجاهل سبب تفاقم الأزمه
شكرا جدا لزيارتك

 
At 30/6/07 2:02 AM, Blogger mariam said...

No Fear
و عليكم السلام و رحمة الله
كلامك منطقى جدا و بيلخص المشكله كلها
فعلا الجهل بالدين واضح هنا
و طبعا الظروف المعيشيه القاسيه ادت الى هذا الكبت الرهيب
فينك يا محمد مختفى فين؟


---------------------------------
أحمد المصري
رأيي ان كلامك صح
و فعلا واضح جدا اننا بنرفض الآخر المختلف دينيا
اما الوطنيه فقد اصبحت من الماضى
منورنى

 
At 30/6/07 2:04 AM, Blogger mariam said...

يا مراكبي
انا احسدك فعلا لأنك نشأت فى جيل لا يعرف تلك التفرقه العنصريه
و لم يفرق بين الناس على اساس دينهم
انتم جيل التسامح
و للأسف طبعا حلول الدوله الأمنيه من الصعب ان تأتى بأى نتيجه
و طبعا حاليا لا فى حقوق اقليه و لا اغلبيه
و هو ده اكبر دليل على المساواه
شرفتنى بالزياره

 
At 1/7/07 8:31 AM, Blogger Mirage said...

ياجدعان من الآخر المسيحيين مالهمش مكان فى البلد دى خلاص
ولا المسلمين كمان

البلد للحكومة واعوانها

اللى يلحق يقدم على هجرة يلحق من دلوقتى عشان كده العملية ماشيه ناحية انهيار كلى وشلل تام

 
At 1/7/07 11:12 AM, Blogger عمرو غريب said...

والله ما عرفش اية الي حصل احنل طول عمرنا اخوات بل واكتر من الاخوات

 
At 1/7/07 2:14 PM, Blogger momken said...

اتفق معاكى جدا بس عاوزين نيجى للاسباب
اولا الاعلام وخصوصا القنوات الفضائيه
بيشاهد القنوات دى انصاف المثقفين وكتير من الجهلاء بيفسروا البرامج والكلمات على مزجهم ومنهم من لا يتابع حتى نهايه البرنامج لا بيقوم بعد مايسمع الى يسخنه ويصهر فى داخله نهار الطائفيه والعنصريه الكلام للمسلمين والمسحين
البرامنج كتير اوى منها برامج قناه الجزيره
والحقيقه بتاع وائل الابراشى
وبرامج كتير جدا
حتى القنوات الارضيه لما بيتكلموا عن النصارى بيقولوا ايه (
الاخوة الاقباط)
كلمه الاخوة دى فيها تفرقه اصلا
كمان كتير من اهل المهجر من المسحين بيشحنوا الموجودين فى الداخل نتيجه ماايسمعوة من اضطهاد ومش عارف ابصر ايه انا روحت هولندا من حوالى سنه قالولى هناك انتوا بتذبحوا المسحين ليه
ومتصورين ان الصعيد منطقه حقيره ومبنى حوليها سور حديد وجواها المسحين
الناس وخده فكره غلط واحنا معندناش اعلام
ربنل يسترها معنا ومهاعم
البوست جميل جدا
تحياتى

 
At 2/7/07 1:40 PM, Blogger Mohamed Hamdy said...

هو انا شايف ان كل ما الامن يضعف وتتحول مسئوليته لمجرد حمايه النظام الحاكم كل ما البلد هتتقسم .. سنه وشيعه .. مسلم ومسيحى .. علمانى و ليبرالى

وكل يوم تزيد التقسيمات والتصنيفات

تحياتى ليكى وياريت تبصى بصه على مدونتى

 
At 2/7/07 8:26 PM, Blogger ibn nasser - ابن ناصر said...

نعم الفتنه قائمه والنظام هو المتسبب
تحياتي

 
At 3/7/07 2:22 AM, Blogger ياسمين said...

انا شعارى دائما

انا أعبد الله ولا أعبد الدين

مش عارفة ساعات بحس ان التعصب دة آفة
عنصرية
قبلية
كراهية
شىء مزروع جوة البشر
كلنا عنصريون يا عزيزتى بنسب مختلفة
تحياتى

 
At 3/7/07 3:27 AM, Blogger mariam said...

Mirage
للأسف لم يعد هناك مكان لأحد فى البلد
هما عايزين يخلصوا مننا كلنا
لكن على مين احنا قاعدين و مش هنسيبها و لا ايه؟
نورت

-----------------------------------
عمرو غريب
عندك حق تماما
انا كمان نفسى اعرف ايه اللى حصل
شكرا لزيارتك

 
At 3/7/07 3:30 AM, Blogger mariam said...

momken
فعلا الأعلام ساعات بيؤدى لنتائج سيئه
زى ما اشرت لبرنامج الحقيقه الذى اعتقد انه فى احيان كثيره يثير مشاعر سلبيه
و طبعا اقباط المهجر
كلامك منطقى جدا
شرفتنى بالزياره



--------------------------------
Mohamed Hamdy
كلامك صحيح
و للأسف لا احد يهتم بأمن الشعب
و الخوف ان تزيد التقسيمات و احنا مش ناقصين
اشكرك على دعوتى لزيارة مدونتك و هى حقا تستحق الزياره
نورت

 
At 3/7/07 3:32 AM, Blogger mariam said...

ibn nasser - ابن ناصر
لا شك ان النظام هو سبب معظم المصائب التى تحل علينا
و لكننا بتك الفتن نؤذى انفسنا اشد الأذى
شرفت بالزياره



----------------------------------
ياسمين
طول عمرك عاقله و كلامك منطقى
ايوه فعلا التعصب آفه
و قد يكون كل منا يملك نسبة تعصب ما
و لكن المشكله حين تزيد النسبه عن حدها
طبعا نورتى

 
At 3/7/07 4:42 AM, Blogger Mohamed Hamdy said...

أنا شايف نمشى بنصيحه السادات

لادين فى السياسه ... ولا سياسه فى الدين

تحياتى لقلمك البارع

 
At 4/7/07 2:18 AM, Blogger كلمه said...

2wln welcome back :D
7amdla 3l salama ya basha ....

sanyan elly enty bet2oleh da kalam kebeeeeeeeeeeeer 2wyyyyyyyyyyyyy
y3ni maytradesh 3leh fe kelmteen
bs el2asd y3ni en elnas zaman makanosh keda .... y3ni makansh feh 3adawa ben MUSLIM w MASEE7Y le mogarad eldyana ...da 3`er en zaman kan feh yahood fe masr

el2asd y3ni eno mafeesh 7aga et3`ayaret 3`eer el7okoma
elmwdoo3 SEYASY mesh DENY
mogarad este3`lal le gahl elnas

 
At 4/7/07 11:08 AM, Anonymous Anonymous said...

Dear mariam,

It is first time for me to visite your blog, it is a great one. This post is a verey important and serieus one. I am a gree with you that last years more problems netween the moslims and christ in Egypte. How it comes ? it is a good question, i stil remember egypte 12 years ago when i left the country to teh Netherlands, it was a wonderful time, i had a lot friends who are christen, iwas no problem at all. The situation in egypt at the moment is dangrous and i am also a fraid that egypt becomes other libanon. the reason as think is:
Th fanatism at both sides, and the influence of the saudies and the egyption who come back from the golf states where no tolerance at all. the second is the poltical situation in egypt, no democracy and no freedom, third one is the situation in the all world, specially after 09/11, you see also in holland and other eroupian countries that the people go back to their relgion cause of the globalsiation, you feel unsure and the back to the basic tp protect yourself agianst the new world. Anyway Jasmien has said a great word, i am honering God and not the religion she is right. Micheal have , Mariam, all egypiton, it does not matter what kind of religion you have even if you do not have religion at all have a nice day

Sherif Anwar ahmed


The Netherlands

 
At 4/7/07 11:32 PM, Blogger mariam said...

Mohamed Hamdy
انا اتفق معك
و اقتنع انه لا دين فى السياسه و لا سياسه فى الدين
شكرا لرأيك


---------------------------------
كلمه
الله يسلمك و شكرا لذوقك
اساسا انت جبت المفيد
الحكومه هى سبب كل الكوارث
و المشكله فعلا هى استغلال جهل الناس
و الناس البسيطه لما تسمع كلام عن الدين من غير ما تفكر او تعرف مصدر الكلام تولع الدنيا
شكرا لمرورك

 
At 4/7/07 11:40 PM, Blogger mariam said...

Mr. Sherif Anwar Ahmed
first thank you for visiting my blog
and i am really happy to know your opinion
i think you have greatly analyesed the reasons of what is going around us
i think that egypt was really better
and i envy you as you lived the golden age of tolerance
we all need to feel that we worship God before any thing
thank you again for visiting me
it is a great honor
i wish it is not the last time

 
At 17/7/07 5:02 PM, Blogger مسلم said...

الاصل في الكلام ده هو الشرع الاسلامي فماذا يقول لنا الدين في معاملة اهل الكتاب؟
رغم ما يقال من البعض فإن الاسلام ابح لنا طعامهم واقامة علاقات ودية بيننا وبينهم وتحيتهم وتهنئتهم بالاعياد شرط الا يشعر من كلامي اني اعترف بهذه الاعياد بل اباح الدعاء لهم والزواج من نسائهم ونهانا الدين عن القاء السلام بقول السلام عليكم ونهانا عن حبهم كطائفة وليس كافراد اكثر من محبة المسلمين كطائفة ونهانا ان نصل من يحاربوننا اذن الدين يدلنا على اقامة علاقات جيدة معهم واذا اردت الادلة على ما سبق فاخبريني على مدونتي وساخبرك بها

 
At 18/7/07 10:24 PM, Blogger mariam said...

مسلم
كلامك مستنير و يدل على فهم متغمق بالدين
المشكله اننا اصبحنا لا نأخذ الدين من الشرع
بل من الشيوخ الذين لا يعرفون سوى القشور
حقيقى كلامك عجبنى جدا و يا ريت تمدنى بالدلائل
نورت

 
At 31/5/16 10:33 AM, Blogger 柯云 said...

2016-05-31keyun
cheap toms shoes
hollister shirts
christian louboutin shoes
burberry sale
reb christian louboutin
coach outlet
cheap air jordans
michael kors outlet
ghd hair straighteners
toms outlet
celine outlet
jordan retro 13
michael kors handbags
nike roshe shoes
michael kors handbags
louis vuitton purses
ray ban eyeglasses
mont blanc pen
michael kors outlet
coach outlet
michael kors outlet online
louis vuitton outlet stores
oakley outlet
michael kors purses
cheap ray ban sunglasses
coach outlet online
louis vuitton purses
tiffany & co
retro jordans 13
michael kors outlet clearance
adidas uk
beats by dre outlet
coach factory outlet
cheap ray ban sunglasses
giuseppe zanotti sneakers
coach outlet online
coach outlet clearance
michael kors outlet
michael kors outlet online

 
At 14/7/16 10:51 AM, Blogger Fangyaya said...

jeremy scott shoes
jordan shoes
giuseppe zanotti sneakers
ray ban sunglasses wholesale
nike outlet store
timberland shoes
pandora jewelry
coach outlet
cheap oakleys
tiffany outlet
nike air force 1
adidas originals
rolex watches
timberland outlet
michael kors outlet
oakley sunglasses
coach outlet store online clearances
adidas outlet
ralph lauren polo
air jordan 13
coach outlet store online
adidas uk
nike running shoes
coach outlet
ray bans
pandora jewelry
timberland boots
cheap oakley sunglasses
nike air jordan
michael kors handbags
michael kors outlet
jordan 3
coach factory outlet
kate spade
nike air max 90
air max 90
adidas nmd r1
christian louboutin
ray ban sunglasses
louis vuitton outlet
20167.14chenjinyan

 
At 20/12/16 8:25 PM, Blogger soma taha said...

http://www.prokr.net/2016/09/cleaning-company-al-madina.html
http://www.prokr.net/2016/09/cleaning-villas-and-houses-company-in-yanbu.html
http://www.prokr.net/2016/09/cleaning-company-villas-and-houses-hasa.html
http://www.prokr.net/2016/09/cleaning-company-jubail.html
http://www.prokr.net/2016/09/cleaning-houses-and-villas-company-in-qassim.html
http://www.prokr.net/2016/09/cleaning-company-al-kharj.html

 
At 20/12/16 8:30 PM, Blogger soma taha said...

http://www.prokr.net/2016/09/cleaning-company-khobar.html
http://www.prokr.net/2016/09/cleaning-company-taif.html
http://www.prokr.net/2016/09/cleaning-company-mecca.html
http://www.prokr.net/2016/09/cleaning-company-dammam.html
http://www.prokr.net/2016/09/cleaning-company-jeddah.html
http://www.prokr.net/2016/09/cleaning-company-riyadh.html

 

Post a Comment

Links to this post:

Create a Link

<< Home