Friday, December 15, 2006

عندما يتوقف معنى الانتماء عند الأهلى و ستار اكاديمى


يقولون هذا الشعب فقد الانتماء و الإحساس ببلده. قد يكون كذلك بالفعل
ساعات اقتنع بهذا الكلام. و لكن قد نكون مخطئين
فقد يكون ناقم على وضعه المتدهور و هذا حقه. و لكنه لا يعرف كيف يوجه انتماءه في الطريق الصحيح
و إلا لماذا يفكر دائما في اسم مصر. صحيح انه يفكر فيه بشكل سطحي جدا. و لكنها علامة صحية
فلننظر مثلا حين يلعب الأهلي في الخارج أو في الداخل
استمع إلى تلك الصيحات و التهليلات مع كل هدف. و الحق أنها تثير اعصابى و استفزازي- هذا الكلام على الزمالك أيضا لكن الأهلي في بالى لأنه كان بيلعب قريب
و لكن هذا يعطيني أمل انه ربما يعطى هذا الشعب لمصر مثلما يعطى للأهلي
استمع إلى كلاكسات السيارات المهللة بالنصر بعد الماتش. اشعر وقتها بالضيق لما يحدث
فأجد من حولي يسألوني، أنت مش مبسوطة، أنت مش فرحانة لمصر؟
افرح بماتش!!!! هل هذه هي مصر؟ هو دة اللي هيرفع اسم مصر
مصر المريضة، المذلة، المهانة التي يلتصق الصفر باسمها في كل مكان، سيرفع اسمها ماتش؟
هو دة حب مصر؟!!!!!!
هل الانتماء هو تشجيع مصر كرويا، و الاحتفاء بمرشح ستار اكاديمى وفقط؟
ما يحدث سنويا في تلك المسابقة، التي يتبارى الجميع في التصويت فيها للمتسابق المصري أيا كان من اجل إعلاء اسم مصر
لم يتوقف رنين التليفونات في بيتنا العام الماضي من اصدقائى و أصدقاء اخى يوم إعلان النتيجة النهائية للمسابقة
الجميع متأثر إن هاني لم يحصل على اللقب
و إن تسائل احد و إيه يعنى؟
ستكون الإجابة ازاى هاني دة مصر، ازاى لبناني ياخد اللقب من مصر. مش مصر هي اللي تستحق.
و ماذا لو فاز المتسابق المصري؟!!! هو دة اللي هيرفع اسم مصر؟.........ثم نرى الاستقبالات الحافلة في المطار
و الاحتفالات التي لا حصر لها احتفاء بالمتسابق العائد
و قد يتساءل البعض و ما الذي يثير ضيقي فكل الدول تشجع لاعبيها و متسابقيها بحفاوة؟
و أنا لا مانع عندي من تشجيع فريق ما أو متسابق. و لكن هناك اولويات حين نهتم بها، نفكر وقتها في الأمور الفرعيةإنها أشياء تثير الحزن. و لكن لعل هذا الانتماء المراق يحسن استعماله يوما ما

36 Comments:

At 16/12/06 1:49 AM, Anonymous Anonymous said...

3ndk 7a2 ya bnty wallhy..e7na b2ena tafhen awe..3arfa byb2o hay2t3o b3d law feh 7ad mn elfre2 el7'sran m3a elkasban..w y7'sho 3al chatting yeshtmo felblad el3rbyya 3shan 7ad 7'esr..mas7'ra..

 
At 16/12/06 2:39 PM, Anonymous Anonymous said...

السلام عليكم
أزيك Mano شكرا علي السؤال
عندك حق في كل اللي تقوليه
عارفة كمان في حاجة لسه كمان منكدة علي بالظبط زي اللي بتقوليه المدير بتاعي في الشغل تخيلي بياخد أيام الماتشات دي أجازة علشان يتفرج عليها لحد كده عادي
اللي يضايقك انه كان قاعد مع واحد يوم الخميس المهم كان بيفرجه تقريبا علي المهازل بتاعت الشرطة و التعذيب اللي أنتشرت اليومين اللي فاتوا كانوا بيتكلموا و يضحكوا علي الموضوع ده كأنه عادي جدا
عارفة أنا مش بقولك أنا بطل و لا حاجة بس بجد لما بشوف الحاجات دي بتضايق و بحس إني خلاص عاوز أموت أو أكسر الدنيا
أة مش بعمل حاجة بس كفاية بتعب
مش بضحك و أتريق
ربنا ينصرنا بالرغم من إني مش حاسس بنصر قريب خالص

علي فكرة كنت مستني حد يسأل ليه مش بكتب بوست و كنت زعلان قوي إن محدش سأل بس ربنا يكرمك رفعتي من روحي المعنوية و هأكتب قريب إن شاء الله بس تقريبا نكد علشان حاسس بحالة إكتئاب بتلف حوليا دلوقتي
سلام

 
At 16/12/06 4:56 PM, Blogger sarah la tulipe rose said...

ازيك يا مانو ايه اخبار الامتحانات ؟ ابتديتو زينا؟
بصي يا ستي الموضوع مش موضوع انتماء خالص بالعكس انا شايفة ان دة التهليل و الهتاففي الناتشات مجرد حالة بنقولب فيها نفسنا عشان نحس بانتصار و لو انتصار وهمي من كتر المصايب و الكوارث و الانهزامات الشخصية و الرسمية و خصوصا الرسمية و الحكمومية بقينا بنتمسك باي حاجة تحسسنا بالنصر ماتش كورة ..ستار بتاع دة الي الحمد لله ماشفت و لا حلقة لدرجة اني بقيت من الديناصورات وسط اصحابي بس المشكلة ان كالعادة المصرية الرغبة في الشعور بالنصر تتقلب لتعصب اعمي شوية زمالك علي اهلي و الصراحة انا الكورة دي مافهمش و محبش افهم فيها و يبقي الموضوع يتطور لخناقة بعد ماتش
و لمااقول كدة لحد ان الفرحة بالنصر الرهيب في ماتش نوع من الضعف يتقال اني غريبة
دة شيء اصبح من الموروثات الظاهر
تحياتي يا مانو و شدي حيلك و ربنا يوفقنا جميعا في اامتحانات الكابوسية

 
At 16/12/06 6:09 PM, Anonymous Anonymous said...

والله متفق معاكى

مع انى اهلوى متعصب
بس يعنى ايه ننتمى لمصر؟
مش فا هم
ومتقوليليش
متقولش اه اديتنا مصر قول حندى اه لمصر
هم نزعوا مننا شعور الانتماء
خلونه نسب ف مصر ليل ونهار
مصر بتا عتهم هم يا ما نو هم اللى بينهبوها
ولحد زينا حب يشل ركهم فى حبه

انتى عا رفه ايمن نور وعصا م العريا ن فين؟

 
At 17/12/06 5:17 AM, Anonymous Anonymous said...

أنا معنديش مانع أننا نشجع مصر سواء فى الرياضة أو فى (الهلس!!) بس مش بالشكل ده!! ده أكننا يا بنتى داخلين حرب وعايزين نفوز بيها!! فعلا هى السياسة الحالية قدرت تقتل وتقصر معنى الانتماء لدى الشباب عند الماتشات والرقص... بلا وكسة
بجد حاجة تكسف.. لما تلاقى عيلة مصرية محترمة قاعدين قدام برنامج كله رقاصين ورقاصات وبيشجعوا مصر!! يا ريت الموضوع على كده وبس.. ده بقى حديث الناس فى الشارع كمان

manal

 
At 17/12/06 5:26 PM, Anonymous sa3ed al masry said...

ma3aky 7a2 wallahy bas alnas 3ayza tefok 3an nafsaha we mafesh 7aga 3edla fel balad 3'er keda al kabt betla3 fi al 7agat di we ba3den fi kol al 3alam fi al 7agat di we aktar we ana 3shan wa7ed metabe3 3ayez akolek an fi euro aktar men keda we 3andek englang we italy we soain bas almoshkela an homa 3andohom 7agat tanya we a7na 3andena al 7agat di bas
thank u

 
At 17/12/06 7:09 PM, Anonymous واحد من الناس said...

بعد ان فشل الناس في تحقيق اهدافهم الخاصه
و في ظل حالة الأحباط العام الذي اصاب الغالبيه العظمى باليأس من المستقبل
لا ينبغي لنا ان نمنعهم متعة مشاهدة الأخرين في تحقيق اهدافهم

واحد قال لصاحبه انت دخلت جيش قاله لأ شفته فيديو

رغم ان الموضوع لا يحتاج للتنكيت لكن للأسف نحن نعيش هذه النكته كلنا نشاهد فيديو ودش وانترنت بلا ان نحرك ساكنا

والسلام عليكم

 
At 17/12/06 7:25 PM, Blogger smraa alnil said...

والنبي خليني ساكتة احسن
وفي نفس الوقت مش عارفة اقول ايه
بس فعلا مش دي مصر
مصر مش كورة للاهلي او لستار اكاديمي
او اي لعبة
يا فرحتي
واللي هيقعد يقول ان مصر دي حضارة وفراعنة وحاجات كتير كدة يعني
اقوله تعالي شوف مصر في مناطقها العشوائية
وشوفها علي حقيقيتها
دة لو جماهيرالاستاد ولا المستقبلين بتوع استار اكاديمي اتجمعم وقوال لا بصوت مش هقولك عالي
بس قالوا لا هتتزلزل الارض
لنا الله في مصرنا

 
At 17/12/06 11:28 PM, Anonymous Anonymous said...

الاخطر هو ان تختزل علاقة الناس بالرياضة في تشجيعها وتعاطيها من الخارج، اي بدون اي اهتمام حقيقي بممارسة الرياضة، نفس الجنون بالرياضة موجود في أوروبا لكن في كل حي ساحة للمارسة الرياضة ومساحات عريضة للماؤستها في المدارس إلى جانب المبادرات الفردية

حكاية الانتماء من خلال تشجيع الفريق القومي مثلا هو انتماء مزيف وهذا ما تريده السلطة بالضبط في حين ان الناس لا تشعر بهذا الانتماء امام اطفالنا اطفال الشوارع، ولا امام الجنود الذين قتلوا على الحدود مع فلسطين

اي تفريغ الانتماء من محتواه الحقيقي وحصرة وتزييفه

 
At 18/12/06 12:04 AM, Blogger sherif gharib said...

و الله انا مش شايف ان ده تفاهه و لا حاجه انا شايف ان الشعب ده بقى مش لاقى حاجه يتلف حوليها غير كده
يعنى ده مش ذنبه و اكيد كلنا عارفين ده ذنب مين
بدليل ان احنا بنبقى ملهوفين على اى حاجه
و الله الشعب ده غلبان حتى بالرغم انه مالوش اى ذنب فى اللى بيحصل برده بيجى اللوم عليه
يا ريت بجد يحصل اللى كلنا مستنينه علشان نشوف الشعب ده بجد معدنع عامل ازاى تحياتى

 
At 18/12/06 12:47 AM, Blogger mano said...

we2am
منوره يا وئام
انت عارفه هى حكاية سطحية
يعنى نفسى نركز شوية فى اللى بيحصل




No Fear
اولا متشكرنيش على السؤال
طبعا احب اقولك ان اللى حصل من المدير بتاعك دة بيحصل كتير جدا من كل الموظفين
و حكاية ان موضوع التعذيب شايفينه عادى للاسف دة دليل اننا مبقناش نحس
و على العموم فى انتظار البوست الجديد

 
At 18/12/06 12:50 AM, Blogger mano said...

sarah la tulipe rose
اهلا بيكى يا ساره
ايوة ابتديت امتحانات و مقولكيش ربنا ما يوريكى شكرا على سؤالك و ربنا معاكى ويعدى الامتحانات دى على خير
انت عارفة انا اللى مضايقنى اننا عايزين نحس بالنصر بس فى الحاجات دى اما الحاجات المهمة ولا كأننا نعرفها
ربنا معاكى و ابقى طمنينى عليكى

 
At 18/12/06 12:53 AM, Blogger mano said...

الجحيم هو الحقيقه
اولا اهلا بيك
بس كويس انك اهلاوى متعصب لكن متضايق من الموضوع
للأسف هما فعلا قتلوا فينا الانتماء مقدرش الومك
بس مقولتليش هو ايمن نور وعصام العريان فين؟!!!



albida
اهلا بيكى يا منال
انا كمان معنديش مانع نشجع مصر فى الكوره بس يا ريت نكون عندنا اولويات
انا متفقة معاكى

 
At 18/12/06 12:57 AM, Blogger mano said...

sa3ed al masry
يمكن فعلا الناس عايزة تفك عن نفسها
لكن مينفعش نقارن الوضع عندنا باوروبا لأن انت قلت بنفسك ان عندهم حاجات تانية يهتموا بيها
شكرا ليك



واحد من الناس
كلامك منطقى بس مش عارفة ليه عندى مشاعر سلبية عن الموضوع دة
كلنا نعيش فى هذه النكته فعلا
شكرا ليك

 
At 18/12/06 1:04 AM, Blogger mano said...

sherif gharib
انا مكنش قصدى ان دى تفاهه
انا كان قصدى انه انتماء موجه غلط
و من حق الناس يلتفوا حول الحاجة اللى يحبوها
و بعدين انا فاهمة اللى انت بتقوله
و مقدرة انك مش عايز تلوم الشعب
انا متفقة معاك ان فى ناس هى اللى وصلتنا لكدة
بس احنا بسلبيتنا ساعدناهم
شكرا ليك

 
At 18/12/06 1:05 AM, Blogger mano said...

smraa alnil
اولا اهلا بيك
انت قلت حاجة كنت عايزه اقولها ان لو الجماهير دى اتجمعوا و قالوا لأ الدنيا هتتهز
بس فعلا مش هى دى مصر



سردية
اهلا بيك
ممارسة الرياضة فى مصر قليلة جدا يمكن دة بسبب عدم توفر اماكن ممارستها لناس كتير
لكن فعلا دة نوع من الانتماء المزيف
و دة اللى هما عايزينه

 
At 18/12/06 9:46 AM, Blogger مـحـمـد مـفـيـد said...

في ظل القهر والضياع والاهمال والتهمييش الذي يعاني به معظم الشباب
ماذا تنتظري ان يفعلوا
هوليس مبرر ولكنه واقع

 
At 19/12/06 6:25 PM, Anonymous samar said...

تشجيع مصر في مباريات الأهلي و مسابقات ستار أكاديمي و غيرها هو شكل بسيط من أشكال الانتماء يقدر عليه كل واحد و ممكن يتعمل بمجهود بسيط و لو متعملش هوه ده اللي يحزن لأن معناه إن التبلد وصل بالناس لدرجة إن حتي الفرحة لرفع اسم مصر بأي شكل ممكن مبقتش موجوده و ده معناه قمة التبلد و هوه ده بجد اللي يجيب يأس من احتمالية انصلاح الأحوال في يوم ما

 
At 20/12/06 2:36 PM, Anonymous Anonymous said...

خلصت قراية كل مواضيع المدونة .. حاجة محترمة جدا .. مواضيع جادة وسلاسة في التعبير .. تحياتي ليكي .. طبعا بقيتي في الفيفوريت عندي

بالنسبة لموضوع البوست ده فطبعا تعليقات الزملاء غطت أغلب نواحي الموضوع وبالذات أسباب إنحسار الإنتماء لهذا الحد الضيق جدا

وأحب أضيف إن تصنيف إحتياجات الإنسان بيبدأ بالإحتياجات الفسيولوجية زي الأكل والشرب وخلافة، يليها الأمن وبعدين الإنتماء إلى شىء ما

لو في بلادنا لسة ما ضمناش أول حاجة للشعب .. يبقى مين اللي هايفكر في تالت حاجة؟

 
At 20/12/06 4:42 PM, Anonymous Noheal said...

مقال جميل شكرا لك

 
At 20/12/06 11:17 PM, Anonymous Anonymous said...

عاوز/ة كل الناس تعرف مدونتك
اشترك في مشروع الغريب لارشيف المدونات
http://elgharep.blogspot.com/2006/12/blog-post_15.html
............
المدونات العربية
http://arabblogs.blogspot.com/
........
بدل لما تحط لستة طويلة باسماء المدونات
عندك في مدونتك
حط اسم مدونة واحدة تحتوي على اسماء كل المدونات
........
عاوز اسمك يضاف الى قائمة المدونات
ارسل لنا اسم مدونتك وعنوانها و اسمك
على
za_shady@yahoo.com
...........
لو عجبك المشروع أخبر به كل اصدقائك لكي ينجح


امضاء
أعضاء مشروع الغريب لارشيف المدونات

 
At 20/12/06 11:51 PM, Blogger mano said...

مـحـمـد مـفـيـد
اهلا بيك
ما تقوله صحيح لأنه واقع فعلا
و رد فعل طبيعى



samar
اهلا بيكى يا سمر
يمكن يكون اللى بيحصل دة دليل على وجود مشاعر متبقية زى ما قلتى
و يمكن العكس يدل على التبلد
يعنى معنى كدة ان لسه فى امل
نورتينى

 
At 20/12/06 11:56 PM, Blogger mano said...

يا مراكبى
اهلا بيك
اشكرك جدا على الكلام دة و شكرا جدا انك قريت المواضيع كلها
مش عارفة اقولك اية على الكلام اللى انت كاتبه لأنه كتير عليه
شكرا لذوقك
بالنسبه لموضوع البوست تحليلك حلو جدا ومنطقى، يعنى فعلا ناس مش لاقية اقل احتياجتها ازاى تفكر فى الانتماء
شكرا ليك




Nohea
اشكرك جدا
و اهلا بيك

 
At 20/12/06 11:57 PM, Blogger mano said...

Shadi
فكره حلوه جدا
شكرا لاعلانى بيها و انا فعلا عجبانى الفكرة
ان شاء الله اسجل معاكم قريب

 
At 22/12/06 11:06 PM, Anonymous Anonymous said...

عايز كل الناس تعرف مدونتك
عايز اصحابك يوصلوا لمدونتك بسهولة
ضيف نفسك في ارشيف المدونات العربية


http://arabblogs.blogspot.com/
ارسل لنا اسم مدونتك و عنوناها و اسمك
في ايميل او كومنت على
http://arabblogs.blogspot.com/2006/12/blog-post.html
ابعت نفس الرسالة دي لكل اللي تعرفهم

 
At 23/12/06 1:30 AM, Blogger saso said...

لو في اتجاة تاني يوجهوا اهتمامهمليه هيلتفوا بس للاسف دايما الاعلي صوتا هوا الفن والكورة وخناقات الاحزاب
في اول يوم للمسابقة جالي ايميل بالمتسابقين المصريين وصورهم..اصلا مكنتش اعرف انها بدأت تاني
يوم الماتش زي ماوصفتي الشوارع بتبقي زي رجوع الجيش من الحرب كده..التوجية بقي للحماس دة هوا اللي مش منظم
وعموما لو الحماس هيبقي بطريقة التعصب الغبي دي يبقي الحمد لله انه مش بيظهر

 
At 24/12/06 1:15 PM, Anonymous Anonymous said...

انت فين من زمان ليكي فترة مبعتيش بوستات...
موضوعك محزن و ان كان انعكاس طبيعي لحالة الفقر الإبداعي والثقافي و الإنحطاط النفسي اللي بنعيش فيه..
نوع من كسر قوالب الحزن.... وبعدين الحكومة فرحتها الحكاية دي و تقولك الفرح القومي والإنتصار العظيم الذي رفعنا لمستوى الثالث عالمياً... ياريت يروحوا يتلهوا.... على ايه دا احنا لحد دلوقتي معرفنش نعمل راديو معفن " صنع في مصر" مش تم تجميعه..
عندينا 39 مليون مواطن تحت خط الفقر
عندينا 8 مليون اسرة تعيش على معاش السادات ولا مبارك مش عارف (80 جنيه شهريا) وايه في خطاب رسمي على سبيل التفاخر يعني والنبي حد يقوللي 8 مليون اسرة بتعيش على 80 جنيه تبقى وكسة ايه دي....

يلا اهو لقيوا حاجة تتلهي الناس فيها

أكتر حاجة نرفزتني وانا فاتح امبارح على برنامج الا خمسة .. باين كده وبتقول المذيعه أهو الناس بتتجمع على كلمة مصر مش كلام الناس عن التحرش والكلام الفاضي ده كلام مغرض......هي هي هي لو تعرف البنت العسل دي ان أثناء مباريات الامم اللي فرحانين بيها كان في بنات بتهتك أعراضها داخل اسوار الاستاد... ايه القرف ده
يلا ... سيبك من دول وخلينا نقول....
أهلي ....أهلي ....أوأو

 
At 24/12/06 1:36 PM, Blogger mano said...

شادي سعيد
اشكرك جدا
انا فعلا سجلت معاكم خلاص
الفكره حلوة و ان شاء الله تنجح




saso
اهلا بيكى يا ساسو
يعنى انت عندك حق بس برضه ليه هما ما يبصوش حواليهم و يعرفوا ممكن يوجههوا اختمامتهم فين
لازم احنا اللى نغير من نفسنا علشان يحصل تغيير
منوره

 
At 24/12/06 1:39 PM, Blogger mano said...

nor
اهلا بيك
معلش انا مقلة فى البوست شويه لأن عندى امتحانات و مذاكره كتير
شكرا لسؤالك
بالنسبة لتعليقك انت جبت المفيد
بس الناس هتفضل ملهية لحد امتى ويفضلوا سايبين الكوارث اللى بتحصل حواليهم
واللى انت ذكرته كله صحيح بس هنعمل اية

 
At 25/12/06 12:26 AM, Blogger yara said...

ما هو الحاجات دييه هى الفرص الوحيدة اللى نقدر بيها نعبر عن إنتمائتنا
إحنا بننتمى لمصر بالأصل و المنشأ و المكان بس شعورياً ده موضوع تانى أحياناً بيختفى نتيجة الإحباطات بس عند أول فرصة و يمكن تكون فرص هايفة من وجهة نظرك بننتمى بجد بالشعور و التصرفات و على العموم ديه حاجة مبشرة لحدوث تغيير أو إنتفاضة تجمع يعنى عشان نحقق حاجة تأكد لنا شعورنا بالإنتماء

 
At 25/12/06 1:02 AM, Blogger mano said...

yara
اولا اهلا بيكى
انا مكنش قصدى ان دى حاجة هايفة بالعكس الشعور بالفرحة لفوز بلدنا شىء ايجابى
انا كان قصدى بس ان فى حاجات اولى
يعنى مفيش مانع نفرح بالفوز فى ماتش او مسابقة
بس ميكونش دة اقصى حاجة ممكن نعملها
كان قصدى ميكنش اسم مصر فى نظرنا هيترفع بالموضوع دة
يعنى مثلا اسم مصر ارتبط بالصفر فى استفتاء تنظيم مونديال 2010 ليه مفكرناش هنا فى اسم مصر
لكن اعتبرنا ان فوز الاهلى بالمركز التالت رفع اسم مصر
هو رفعه طبعا بس موضوع المونديال نزله اكتر والامثلة كتير
بس اتمنى فعلا يكون مؤشر لحدوث تغيير
اشكرك على عرض وجهة نظرك و اتمنى تكررى الزيارة

 
At 26/12/06 4:05 AM, Anonymous Anonymous said...

Mano
يعجبني هذا الحماس
هنا سردية
لقد قراءت كما هو واضح السردية السادسة فقط جربي قراءة كل السرديات سوف تجدي رؤية لعالم تشكل قبل ميلادك
لا تتقيدي بما جاء بها هي مجرد سردية

 
At 28/12/06 12:41 PM, Anonymous Anonymous said...

والله عندك حق في كل كلمة قلتيها

الناس بقت هايفة وكل همها المسابقات والكورة وزيرو تسعماية واخبار الساقطات مطربات الفيديو كليب

الحالة اللي البلد فيها سياسيا واقتصاديا وفي مزبلة التاريخ والناس فرحانة بماتش و فيديو ومطربة



حاجة بجد تنقط


لك الله يا مصر

 
At 1/1/07 10:23 PM, Blogger mano said...

سردية
اشكرك و ان شاء الله اقرا باقى السرديات



الحصان الأسود
اهلا بيك
للأسف كلامك صحيح
الناس فرحانه بماتش و فيديو كليب

 
At 20/5/13 5:24 AM, Anonymous Anonymous said...

أسعدني تجاوبك جداً يا ابن بطوطه .. هل من الممكن ان تخصص موضوع في هذا الشأن الذي قد يهم الكثيرين وانا منهم .. بالنسبة لي احتاج النصيحة من شخص له في الأسفار الكثير فمنك ننتفع .. واتمنى ان لا تمانع في مراسلتك يا صديقي .. لك باقة ورد من البنفسج

 
At 31/5/16 10:30 AM, Blogger 柯云 said...

2016-05-31keyun
cheap toms shoes
hollister shirts
christian louboutin shoes
burberry sale
reb christian louboutin
coach outlet
cheap air jordans
michael kors outlet
ghd hair straighteners
toms outlet
celine outlet
jordan retro 13
michael kors handbags
nike roshe shoes
michael kors handbags
louis vuitton purses
ray ban eyeglasses
mont blanc pen
michael kors outlet
coach outlet
michael kors outlet online
louis vuitton outlet stores
oakley outlet
michael kors purses
cheap ray ban sunglasses
coach outlet online
louis vuitton purses
tiffany & co
retro jordans 13
michael kors outlet clearance
adidas uk
beats by dre outlet
coach factory outlet
cheap ray ban sunglasses
giuseppe zanotti sneakers
coach outlet online
coach outlet clearance
michael kors outlet
michael kors outlet online

 

Post a Comment

Links to this post:

Create a Link

<< Home