Wednesday, December 27, 2006

عندما لا تكون الشرطه فى خدمة الشعب

الشرطة احد أهم الاجهزه في اى دولة في العالم. لأنها مرادف للأمن في ذهن المواطن. بمعنى انه يشعر بالحماية إزاء وجودها
و لكن حين ينهار كل ذلك، ليصبح ذلك الجهاز مهمته إثارة الفزع و القلق في النفوس، فإنها إشارة في غاية الخطورة
يخشى الموطن المصري الأقسام و يتجنبها بصوره ملحوظة. حتى انه على استعداد ألا يستخرج بطاقة حتى لا يدخل القسم. فهو لا يعرف إن كان سيخرج مره أخرى أم لا
ولا يشعر الناس عاده في مصر إن ظابط الشرطة في خدمتهم. بل إنهم يعرفون أن كل همه هو أن يمارس سلطته عليهم
و لذلك من الطبيعي أن يسبق اسم الظابط لقب باشا. فيجب استرضاءه بأي شكل و إلا لا احد يعرف العواقب
و من المعروف إن الظابط- بالطبع ليس كلهم- يحب أن يمارس نفوذه و يستعرضه أمام من هم اقل منه شأنا
و قد عايشت موقفا مماثل أثناء استخراجي لرخصة القيادة. حيث تصادف وجود رجل يظهر عليه بساطة الحال، و هو ما استغله الضابط المسئول جيدا. و ما استفزني حقا إن الرجل ظل ينادى الظابط بكافة الألقاب التي ترفع الشأن، في حين لم يتورع الظابط عن إهانته
و هي قصة بسيطة بل و عادية جدا. أردت فقط أن أوضح بها المعاملة الطبيعية في جهاز الشرطة. بل إن القصص المماثلة كثيرة جدا
الأخطر هنا هو الإهمال في العمل. فكما ذكرت انه احد أعمدة الأمان في الدولة
إلا أن الاستسهال الذي يتعامل به هذا الجهاز يؤدى لانهيار المعدل الطبيعي للأمان في الشارع المصري
و من الواضح الآن إن حجم الشعور بالأمن في الشارع قد انخفض. فمثلا تواجد ظباط الشرطة في الشارع لم يعد كافي لبعث الأمن
على سبيل المثال أكدت لي إحدى صديقاتي إنها لم تعد تشعر بالأمان في الشارع. و عقبت قائلة أنت فاكرة إن الشرطة اللي على باب الكلية ممكن تحمينا، دة كل همهم منع المظاهرات إن حدثت
إن نظرت لكيفية مباشرة أعمالهم، ستجد أن التعذيب هو سيد الموقف في الغالب
و الادهى أن لا احد في مصر لا يعرف إن الاعترافات تنتزع بالتعذيب الغير آدمي
فانظر مثلا إلى كم الاعترافات التي أدلى بها المتهم البريء في قضية بنى مزار. و الأشد انه قام بتمثيل الجريمة إمام كافة الصحف و وسائل الإعلام
لتفاجأ بعد ذلك أن المتهم بريء بحكم المحكمة. إذن الاعترافات و تمثيل الجريمة كان تحت ضغط و تهديد
و الأشد خطرا أن لا احد يعرف الجاني الحقيقي حتى الآن. هل هكذا يعمل احد أهم الاجهزه الأمنية
فكل همهم هو تقفيل القضايا بأي شكل و بأقل جهد
و كأن البريء متهم حتى تثبت براءته
و ما يلفت النظر هي تلك السادية التي يتعامل بها هؤلاء مع المتهمين
يكفى أن تلقى نظره على كم الفيديوهات على المواقع المختلفة،لترى كم التعذيب الذي يمارسه الظباط. بل و يتفاخروا به أمام بعضهم البعض
فكم التعذيب و المعاملة الإجرامية و عدم احترام حقوق الإنسان، يدل على سادية يتمتع بها هؤلاء
فليس من طبيعة الإنسان التلذذ بتعذيب الآخرين. بل انه مرض نفسي معروف. و قد يكون أيضا نوع من أنواع عشق استغلال السلطة
ما آثار هذا الموضوع في بالى هو تأكيد أقارب المتهم في قضية أطفال الشوارع التوربيني انه مختل عقليا. ثم تأكيد المتهم لجريدة صوت الأمة انه اعترف تحت التعذيب. ثم عندما أدلى بما يريدوا قدموا له طعام عمره ما شافه
و لا تعليق

44 Comments:

At 28/12/06 4:14 AM, Blogger Reformer1976 said...

عزيزتي مانو

موضوعك قوي ومهم وتوقيته شديد الدلالة
ولكن في عجالة
عندما لا تكون الشرطة
في خدمة الشعب
تكون الشرطة
في خدمة العصاية
ألم يقل مثلنا الشعبي
أننا شعب
تجمعه طبلة وتفرقه عصاية؟
إننا إذن شعب من العبيد
تحكمنا العصاية
ونعبدها
ونخشاها
من دون الله
لا نعصى العصاية
والشرطة حكايتها حكاية
ماشية ورا كل مواطن
ماسكالو العصاية
ولأن الأمن في بلدنا ما هواش أمن
ولأن بلادنا أصلا
صبحت في الحقيقة عزبة
والحاكم قايم
والمحكوم نايم
والشرطة ذراعه الطويلة
وف آخرها عصايا
فاحنا يا حبيبتي
ننسى الحكاية
ونعوم على عوم القطيع
نمشي جنب الحيط
أو حتى جوة الحيط
نبوس جزمة الباشا
ونركع
ونسجد للعصاية

فاهمة حاجة؟؟؟؟
ولا أنا

شكرا
ابقي تعالي كل يوم

إمضاء
عصا مصرية محشورة في مؤخرة وطن

 
At 28/12/06 10:36 AM, Anonymous Anonymous said...

الشرطة في خدمة الشعب ده شعار قديم قوي ايام يوسف بك وهبي وحسين رياض وعماد حمدي بتاع "الى أحمد إبراهيم القاطن بدير النحاس .. لاتشرب الدواء الذي اشترته لبنتك ..الدواء فيه سم قاتل .. الدواء فيه سم قاتل ..".. بصراحة يوسف وهبي كان عامل دور الحكمدار ببراعة ...بس لأن دي كانت الشرطة زمان...

دلوقتي بقى .. هتعترف ولا لأ يا بن الــ----- .. يا بن... قووول هتعترف ولا هدخل العصايا دي في ----- حرمت يابن الــ------ ولا لسة .... انا هخليك تلبس طرحة يابن الـ-----...

طبعا انتو كلكو شفتوا اللقطات دي .. ربنا يهدك يا عادلي انت ورجالتك في يوم واحد قادر يا كريم ...

دلوقتي الشعار بقى : الشعب في خدمة جزمة الشرطة ... واللي مش عاجبه .. هيطلع ----- أمه.

 
At 28/12/06 1:10 PM, Blogger sherif gharib said...

مانو
لقد اصبحنا فى عصر امين الشرطه بيتقالوا يا باشا
يبقى احنا مستنين ايه تانى
و الله انا عايز اعمل بدل فاقد فى البطاقه و مش عايز اروح علشان مكا اضطرش انى اقول لواحد عسيكرى مالوش لازمه ياباشا لمجرد انه يقولى اعمل ايه
المشكله انى بقيت حاسس ان حتى الظباط الصغيرين بقوا بيتعلموا كده قبل ما يتخرجوا
الشرطه فى خدمه الشرطه ده الشعار الجديد
تحياتى

 
At 28/12/06 4:43 PM, Blogger كلمه said...

المواطن مدان حتي تثبت برائته

و طبقا لتوجيهات سياده الوزير سيتم القبض علي الشعب كله و هنشوف بعد كده مين يستحق يعيش و مين لازم ندبحه عالعيد

كل سنه و انتم نايميين

 
At 29/12/06 8:03 AM, Blogger sarah la tulipe rose said...

مانو
ازيك يا جميلة عاملة ايه؟ اخبار الامتحانات ايه؟
اولا هو من امتي كانت الشرطة في خدمة الشعب؟!!دة غالبا كان في الاربعينات الله يرحمها بقي
بقدرة السادة الافاضل الذين ابتلينا بهم و الذين ادمنا وجودهم علي مناصبهم تحولت الشرطة الي عقاب مظهري و مادي انا عن نفسي باخاف لما امشي جنب اي مظهر من مظتهر الشرطة خصوصا بملابسهم السوداء التي لا تختلف كثيرا عن الداخل المفروض ان اصحاب السواسق و عناة المجرمين هما الي يخافوا لكن الحمد لله مصر اخدت براءة اختراع في قلب الايه و اصبح الموطنين في خطر من ارباب السجون و ممن يشرف عليها ايضا!بالنسبة للتعذيب مافيش فرد في اولي ابتدائي الا و عارف ان اي اعتراف لا ينتزع الا بجرعة تعذيب محترمة و كأن التعذيب صار لازمة لاكمال طقوس المحضر حتي يتم الاستغراب لو اعترف المتهم بلا تعذيب فيعذبوه لانه اعترف قبل ان يسمحوا بذلك!!و بالنسبة لحرس الجامعة العظام ف ..بلاش احسن
احنا الي عملنا كدة في نفسنا احنا الي سمحنا بالمهزلة دي مانلومش الشرطة لاننا الي رضينا بكدة

في النهاية كل سنة و انتي طيبة يا مانو و عيد اضحي سعيد و هابي نيو ييير و يارب السنة الجاية احلي
تحياتي يا جميلة

 
At 29/12/06 8:15 PM, Anonymous Anonymous said...

مانو

زى ما إنتى قلتى الموضوع بيتكرر كل يوم وكل ساعة
ودة نتيجة خوف المواطن البسيط من إستخدام العنف الناتج من الباشا فلان ولا البية علان
وحسبنا الله ونعمل الوكيل
وعادى برضوا
أودى


صحيح المدونة هايلة وإستمرى

وهتلاقى نفسك فى يوم من الأيام

 
At 30/12/06 10:14 AM, Anonymous sa3eed al masry said...

al mawdo3 da asba7 montasher we al shorta fe khdmet al sh3b b2et al shorta torheb al sha3b kol al nas ba2et tekhaf men al shorta da al wa7ed bykhaf yero7 ye3mel beta2a fe al asm
7asby allah wa ne3m al wakel

 
At 30/12/06 11:54 AM, Blogger saso said...

مانو كل سنة وانتي طيبة يا جميلة

 
At 30/12/06 10:21 PM, Anonymous Anonymous said...

لقد تحول رجال الأمن في مصر من محافظين على امن الشعب الى محافظين على امن الحاكم
والدليل على ذلك لاحظي صفحات الحوادث في الجرائد المختلفه وكيفية تنفيذ هذه الجرائم التي تدل على عدم الخوف من القانون او الأهتمام به

 
At 30/12/06 11:48 PM, Blogger smraa alnil said...

كل سنة وانتي طيبو وبجد بقي قلبي وجعني ومش قادرة اعلق علي حاجة تنكد عليا تاني
هههههههههه
بس لينا ربنا
وربك علي المفتري

 
At 31/12/06 10:44 AM, Anonymous Anonymous said...

السلام عليكم
هو كلام مالوش علاقة بالموضوع
بس
كل سنة و أنت طيبة

 
At 31/12/06 9:01 PM, Anonymous Anonymous said...

تصدّقي لسة شايفة فيديو على
You tube
ضابط من اللي لسة عايشين في زمن الأسياد والعبيد، بيضرب واحد على وشه ضرب متواصل، استعراض هستيري للوحشية وكيفية إذلال الغير
أنا نفسي اتوجعت، اتوجعت من ناس بتضرب ولاد بلدها، وترجع تنعى ظلم الأغراب
مرة قرأت تعبير
إن قوات أمن الدولة مهمتها الحفاظ على امن رجال الدولة دون أمن الشعب

 
At 1/1/07 3:08 PM, Blogger وله نهايه said...

This comment has been removed by a blog administrator.

 
At 1/1/07 4:44 PM, Blogger mano said...

This comment has been removed by a blog administrator.

 
At 1/1/07 5:57 PM, Anonymous Anonymous said...

مانو
كل سنة وإنتى طيبة
وعادى بقة
أودى

 
At 1/1/07 11:28 PM, Blogger Human said...

أولاً : أهنيكى على المدونة الجميلة بتاعتك
ثانياً : الشرطة فى خدمة ناس تانين غير الشعب خااااالص

 
At 2/1/07 3:02 AM, Blogger elgharep said...

أحييك على أختيار هذا الموضوع بالذات لأن بالفعل البلد والناس نسيوا الأمان تقريبا
من فترة حاولوا يغيروا شعار الشرطة فى خدمة الشعب لكن القضاء المصرى وقف لهم بالمرصاد
ربنا يهديهم
الغريب

 
At 2/1/07 12:37 PM, Blogger mano said...

reformer1967
العزيز جرجس
للأسف مشكلة الشعب المصرى انه يعبد الخوف
لدرجة لا تصدق
و هو ما جعله فى هذا الوضع
فتجد الناس يؤكدون ان من خاف سلم
لكن انت قلت المفيد
و تعبيرك حلو قوى
شكرا لزيارتك




Slateeno
اهلا بيك
مش عارفه ليه الاسم اختفى
بعد ما شغلت
الversion
الجديد
المهم
مش عارفه اقول ايه
للأسف كل اللى قلته صحيح

 
At 2/1/07 12:37 PM, Blogger mano said...

Sheriff gharib
واضح انهم بيتعلموا كدة فعلا
مش مجرد كلام
حلو قوى الشرطة فى خدمة الشرطة
شعار مناسب




كلمه
اهلا بيك
مش عارفه اسمك مش ظاهر ليه
بعد ما فتحت version
الجديد كل حاجة اتلخبطت
المهم عجبتنى قوى حكاية انهم هيقبضوا على الشعب كله
مش بعيد

 
At 2/1/07 12:38 PM, Blogger mano said...

Sarah la tulipe rose
ساره العزيزه
منوره
انا متبهدله فى الامتحانات يا ساره
ربنا يستر بقى
انا كمان بخاف لما امشى جنب الشرطه
و للأسف التعذيب دة بقى منهج
بس عندك حق ان احنا اللى عملنا كدة فى نفسنا
كل سنه و انت طيبه يا جميله





Ody911
اهلا بيك
سعيده بزيارتك
مش عارفه الاسم مش ظاهر ليه
الversion
الجديد لخبط لى الدنيا
المهم زى ما انت قلت استخدام العنف
سبب ان كل الناس بقت تخاف
اشكرك على ذوقك

 
At 2/1/07 12:38 PM, Blogger mano said...

Sa3eed al masry
اشكرك على الزياره
فعلا الشرطه ترهب الشعب
شعار مناسب





Saso
كل سنه و انت طيبه
و عيد سعيد و سنه سعيده
اشكرك على ذوقك يا جميله

 
At 2/1/07 12:38 PM, Blogger mano said...

Anonymous
انا آسفه الاسم مش ظاهر
الversion
الجديد لخبط كل حاجة
اعتذر مره اخرى
كل اللى انت قلته صحيح
و فعلا محدش بقى يهتم بالقانون





Samara alnil
كل سنه و انت طيبه يا جميله
شكرا على ذوقك
للأسف كل حاجة بقت تنكد علينا
بس لينا ربنا زى ما قلتى

 
At 2/1/07 12:39 PM, Blogger mano said...

No fear
مش عارفة ليه الاسم مش ظاهر
كله بسبب
ال version
الجديد
كل سنه و انت طيب
و شكرا على ذوقك





Dodo
معلش الاسم مش ظاهر بسبب
الversion
الجديد لخبط الدنيا
انا شفت الفيديو دة
للأسف ساديه مفيش بعد كدة
كلامك مظبوط
اشكرك على الزياره

 
At 2/1/07 12:39 PM, Blogger mano said...

Ody911
كل سنه وانت طيب يا اودى
شكرا على ذوقك





Human
اهلا بيكى
اشكرك بجد على ذوقك و رقتك
و عندك حق الشرطه فى خدمة ناس تانيين
نورتى

 
At 2/1/07 12:39 PM, Blogger mano said...

elghareep
اشكرك جدا
مبقاش فى امان خلاص
المشكله مش فى الشعار
لأنه كدة كدة مبيطبقش
المشكله فى المعامله

 
At 2/1/07 11:10 PM, Blogger Mamdouh Dorrah said...

الشرطة و الشعب و مصاصو دماء الشعب و ترزية قوانين مجلس الشعب في خدمة الباشا الكبير و ابنه

 
At 3/1/07 10:15 AM, Blogger albida said...

مانو… تصدقى ان مواضيعك بجد فى الجون
وبالنسبة لموضوع الشرطة ده فأنا مبقوقة منه واسمحيلى اتكلم فيه شويتين…. قصدى 900 شوية

أنتى اتناولتى فى البوست بتاعك موضوعات كتيرة أوى محورها الشرطة- اللى هيا فى خدمة الشعب!!- نبدأ أولا بموضوع نظرتنا لرجال الشرطة. والله أنا مش عارفة بيعملوا ايه فى كلية الشرطة للعيال علشان يخرجوا بالمنظر ده!! مثال على كده كان فى واحد جارنا قمة فى الأدب والأخلاق… دخل كلية الشرطة!! وبعديها عينك ماتشوف الا النور… بقى فرعون زمانه, طول النهار شخط وزعيق, وحيوان مين اللى يقدر يقوله تلت التلاتة كام؟ مش عارفة هما بيعلموهم ايه؟… السفالة وقلة الأدب وأنهم أسياد الكون؟!! ازاى بقى واحد بالأخلاق دى يتوقع أنه يكسب ثقة الناس؟

أما الموضوع التانى فهو شعورنا بالأمان… بلا نيلة!! سورى يعنى- ده احنا عايزيين اللى يحمينا منهم. أنا ساكنة جنب وزارة الداخلية وكل يوم رايحة وجاية من قدامها, مش عايزة أقولك كمية المعاكسات والكلام السافل اللى أنا بسمعوا من العساكر والظباط اللى واقفين هناك! زى ما تكون واحدة يهودية معدية قدامهم, تخيلى أنى بقيت اتجنب اعدى من الحتة دى خالص بسببهم

وبالنسبة للفيديوهات.. فبجد معنديش كلام أقوله!! كفاية اللى شفته. أنا الفيديو بتاع الراجل اللى بيتهكوا عرضه ده-عماد- مش قادرة اطلعه من دماغى!! هو احنا فين هنا.. أبو غريب؟

اما للتوربينى ده… فأنا ليا رأيى الخاص. لو حتى كل الكلام اللى بيقولوه عليه ده صح, فهو فوجهة نظرى هيفضل ضحية للأهمال والتسيب والسرقة اللى بيمارسها المسئولين عينى عينك كده

مش بقولك أنا رغاية, يالا… مكعلش صدعتك على العيد ورأس السنة كده
:)
كل سنة وأنتى طيبة يا جميل


manal

 
At 3/1/07 8:04 PM, Blogger Amr Ahmed said...

شعب مين اللي الشرطة في خدمته

الكلام ده كان زماااااااااااااااان

دلوقتي الشعب في خدمات باشوات الداخلية

والشعب والشرطة معا في خدمة جزمة النظام

شرطة مين

كنت قاعد امبارح مع حد كان بيشتغل في العراق ايام صدام

وكان بيقولي ان الشرطة بتاعتهم بتحترم المواطن جداجدا

وان واحد عراقي-والعهدة علي الراوي-قاله انا هاوريك الشرطة في بلدنا

وخلي عربية بوليس معدية ونادي عليهم

جاله الظابط

الراجل قاله هاتلي الجزمة بتاعتي

تتخيلي رد فعل الظابط

قاله انت سكران ولا ايه

وسابه ومشي

لو الباشا امين التورتة - عفوا الشرطة-كان سحل الراجل هو وامه وابوه واخواته البنات
ومراته ولو مش متجوز هايجوزه علشان يسحل مراته

وسلميلي علي الداخلييييييييييه

 
At 4/1/07 2:13 AM, Blogger rony said...

ايه يامانو الكلام الكبير اوى ده والناس كلها دخلت خطبتت فى الظباط مع انى شايفه ان كل مجال فيه الكويس وفيه الوحش يعنى مثلا وكلاء النيابه حضرتك دلوقتى بيعملوا اكتر من الظباط بمراحل ...أذا كان الظباط بيعذبوا المواطنين المستشاريين مثلا والموظفين الكبار فيهم اللى بينهبوا البلد وبياخدوا رشاوى وكل اللى قلبك يحبه
بس مش معنى كده انهم كلهم وحشين او ان الظباط كلهم حلوين ...بس الامانه هنا تقضى انى اقولك كل مجال فيه الكويس والمنيل بس المهم الناس شايفه مين وحاسه بافعال مين
وبعدين اللى بتشوفيه قدام عينيكى احسن من اللى بيحصل من وراء ضهرك
انا مش بدافع عن التعذيب واللى بيحصل فى الاقسام علشان محدش يفهمنى غلط...انا بدافع عن فكره ان مش كل الظباط وحشيين وبجد انتى متتخيليش قد ايه احساس قاسى لما تلاقى حد قريب منك قرابه جامده وبيتشتم او حد بيدعى عليه وهو كويس والناس عارفه كده لمجرد انه بينتمى للمهنه دى
معلش طولت عليكى
كل سنه وانتى طيبه

 
At 4/1/07 2:17 AM, Blogger frozen love said...

كله يندرج تحت السبية الرهيبة اللي سبنا نفسنا نوصلها..دي نتيجة طبيعية للسلبية دي..مفيش فعل عشان يبقاله رد فعل اصلا..."الباشا"..هو اللي يامر واحنا ننفذ...عماااار

 
At 4/1/07 2:41 AM, Blogger القادم من الريف said...

الشرطه؟

خدمة الشعب؟

عذر ا مش فا هم
الشرطه هنا لاذلا ل الشعب لمحق هوية الشعب لنفخ الشعب لخصيا ن الشعب الشرطه هنا للتحرش الشر طه
؟؟؟؟؟؟
اريد المحا فظه على احتر امى فى بيتكم العا مر!؟

تحيا تى


الجحيم هو الحقيقه

 
At 4/1/07 6:23 AM, Anonymous كبير المتشردين said...

والله بجد ابتديت اتعاطف واحب ظباط الشرطة جدا من الي انتوا بتعملوه ليه دايما بتبوصوا علي جانب واحد مش بتبصوا علي الجانب الاخر
ما كمان في مدونين زبالة وفي صحفين زبالة الجهاز الامني بشر يصيب ويخطأ فلا تعمموا القول

 
At 4/1/07 10:07 PM, Blogger يا مراكبي said...

عزيزتي مانو

لازلت أسجل إعجابي بمستوي الموضوعات التي تتناوليها وكذلك مستوي تسلسل الكتابة وترابطها

كما أسجل إعجابي بجميع المعلقين الذين تناولوا الموضوع من كافة جوانبه بموضوعية نادرة

أعزائي

رغم أن القاعدة العامة تقول أن في كل فئة يوجد الصالح والطالح إلا إنه في مصر يطغي الطالح بوضوح متزايد .. وما من أحد منا إلا وقد خاض تجربة مباشرة مع الشرطة .. أو سمع بها من شخص قريب .. أو عاصر حياة ضابط شرطة عن قرب قبل وبعد تخرجه

يعد الأمن من ثاني الأشياء التي يحتاجها الإنسان بعد الإحتياجات الفسيولوجية من طعام وشراب وخلافة .. و يأتي الإنتماء ثالثا .. ولا يخفى عليكم أننا لم نستوفي الأولى ولا الثانية لشعبنا .. فكيف نطلب من نفس الشعب أن يتحلى بالثالثة؟

أرجو أن تكون رسالتي واضحة وتحياتي لكم جميعا

 
At 5/1/07 11:47 PM, Blogger mano said...

Mamdouh Dorrah
اهلا بيك
للأسف طبعا الشرطه مش فى خدمة الشعب
و كلامك صحيح



albida
ازيك يا منال. منوره
و طبعا انتى تتكلمى زى ما انت عايزه
بالنسبه لجاركوا اللى اتغير بعد ما دخل شرطه فدة للأسف موضوع سمعت زيه كتير
مش عارفه بيعلموهم ايه
و طبعا امان مين؟ مفيش الكلام دة
و انا متفقه معاكى ان التوربينى ضحيه رغم بشاعة جرائمه
كل سنه وانت طيبه يا جميله
نورتى بجد

 
At 5/1/07 11:53 PM, Blogger mano said...

Amr Ahmed
اهلا بيك
اشكرك على القصه اللى انت حكيتها عن الشرطه فى بغداد
كويس انهم بيحترموا المواطنين
و زى ما انت قلت لو دة كان عندنا كان زمانه فى المعتقل دلوقتى
شرفتنى بالزياره





rony
فينك يا رنا من زمان؟
منوره
طبعا مفيش شك ان كل مهنه فيها الكويس و الوحش
و طبعا ليكى حق تضايقى لو ليكى قريب و الناس بتبصله وحش لمجرد انه ظابط
و طبعا انا عارفه انك مش بتدافعى عن التعذيب
بس للأسف انت شايفه الموضوع بقى عامل ازاى
نورتينى

 
At 5/1/07 11:57 PM, Blogger mano said...

frozen love
اهلا بيك
انت قلت حاجه مهمه جدا و هى ان اللى احنا فيه دة بسبب السلبيه بتاعتنا
انا اؤيك بشدة




القادم من الريف
فينك من زمان؟
اهلا بيك
انت قلت كل اللى ممكن يتقال
شكرا لمرورك

 
At 6/1/07 12:00 AM, Blogger mano said...

كبير المتشردين
اهلا بيك
طبعا احترم رأيك
و لكن للأسف الجانب الآخر بالنسبه للشرطه مش واضح على الاقل بالنسبه لى
و بعدين اتفق معك ان فى مدونين و صحفيين مستواهم مش كويس
طبيعى كل مجال فى الكويس و الوحش
بس دة ايه دخله بالموضوع
يعنى علشان فى مدونين و صحفيين مش كويسين
يبقى مش مشكله ان الشرطه مش كويسه
شرفتنى بالزياره

 
At 6/1/07 12:04 AM, Blogger mano said...

يا مراكبي
حمد الله على السلامه يا فندم
حج مبرور و ذنب مغفور ان شاء الله
دايما بتحرجنى بذوقك اشكرك على الكلام دة
انت وضحت لى النظريه دى قبل كدة
و انا فعلا اقتنعت بيها
انت عندك حق
و للأسف لا الاحتياج الاول متوفر و لا التانى
شرفتنى بالزياره

 
At 20/1/07 3:52 PM, Blogger الحصان الأسود said...

طيب تصدقي انا عجبتني جدا حكاية العراقي اللي وقف عربية الشرطة وقال للضابط هاتلي الجزمة

وتصدقي نفسي في اية

نفسي نلم فلوس نعمل تمويل لبرنامج الكاميرا الخفية

وننزل نصور نفس الموقف

ونشوف ضباط الشرطة في بلدنا حايعملوا اية في المواطن "السكران" اللي بيوقف عربية "الأتاري" وبيقول "لسلاحف النينجا" هاتولي الجزمة بتاعتي

ولو اني كلي ثقة في الجهاز الأمني بتاعنا انة حايجيبلة الجزمة

ولسبب واحد فقط

انة ينضرب بيها

 
At 21/1/07 3:48 PM, Blogger mano said...

الحصان الاسود
انا كمان عجبتنى القصه
بس متهيألى لو نزلنا نصور الكاميرا الخفيه مش هنرجع تانى
و على العموم احنا عارفين النتيجه مسبقا
شكرا للزياره

 
At 31/5/16 10:27 AM, Blogger 柯云 said...

2016-05-31keyun
toms shoes
michael kors outlet
rolex watches
true religion jeans
louis vuitton purses
adidas wings
jordan retro 4
jordan 11
concord 11
nike roshe run
hollister clothing store
instyler
coach outlet store online clearances
coach outlet canada
coach factory outlet
adidas outlet store
air jordan shoes
michael kors outlet
air jordan homme
cheap air jordans
christian louboutin sale
michael kors outlet online sale
adidas trainers
air max 95
air jordan shoes
tory burch sandals
cheap oakleys
tods sale
nike air max 90
coach outlet
tory burch flats
true religion outlet
hollister clearance
nike sb dunks
gucci handbags
michael kors outlet
timberlands
toms shoes outlet online
fitflop sandals

 
At 14/7/16 10:49 AM, Blogger Fangyaya said...

jeremy scott shoes
jordan shoes
giuseppe zanotti sneakers
ray ban sunglasses wholesale
nike outlet store
timberland shoes
pandora jewelry
coach outlet
cheap oakleys
tiffany outlet
nike air force 1
adidas originals
rolex watches
timberland outlet
michael kors outlet
oakley sunglasses
coach outlet store online clearances
adidas outlet
ralph lauren polo
air jordan 13
coach outlet store online
adidas uk
nike running shoes
coach outlet
ray bans
pandora jewelry
timberland boots
cheap oakley sunglasses
nike air jordan
michael kors handbags
michael kors outlet
jordan 3
coach factory outlet
kate spade
nike air max 90
air max 90
adidas nmd r1
christian louboutin
ray ban sunglasses
louis vuitton outlet
20167.14chenjinyan

 
At 21/4/17 11:29 PM, Blogger khaled ali said...

لاشك ان شركه الحورس تعد افضل شركه خدمات منزليه التي منها (التنظيف/رش مبيدات/مكافحه حشرات/تسليك مجاري/كشف تسربات المياه/تنظيف خزانات..)وعديد من الخدمات التي تلزم البيت او الفله نحن بخدمتك عزيزي العميل.
شركه رش مبيدات بالطائف
شركه نقل اثاث وعفش بالطائف
شركه تنظيف بالطائف
شركه مكافحة حشرات بالطائف
شركه كشف تسربات المياه بالطائف
شركه تنظيف خزانات بالطائف
نحن افضل شركة خدمات وصيانه منزليه

 
At 21/4/17 11:30 PM, Blogger khaled ali said...

شركة تنظيف وصيانة مسابح بالجبيل
شركة تنظيف وصيانة مسابح بالدمام
شركة مكافحة حشرات بالخبر
شركة مكافحة النمل الابيض بالدمام

 

Post a Comment

Links to this post:

Create a Link

<< Home