رموز................و مثل عليا
الرموز........... لا تخلو بلد من الرموز
و وجودهم يدل على جو صحى لا شك
بمرور سريع على حقب التاريخ المصريه المختلفه يمكننا ملاحظة رموز مصريه مشرفه
منذ فجر التاريخ حين وحد مينا قطرى مصر مرورا بأحمس طارد الهكسوس
و بأنتقالنا الى التاريخ الحديث سنمر على احمد عرابى و مصطفى كامل
و ليس انتهاء بسعد زغلول زعيم الأمه
و لكن من هم رموزنا الآن؟
من فى رأيك يمكن ان يصبح مثلا اعلى لك؟
و ليس بالضروره ان يكون سياسى
فلنتعرف على رموز الشباب و مثلهم العليا
و وجودهم يدل على جو صحى لا شك
بمرور سريع على حقب التاريخ المصريه المختلفه يمكننا ملاحظة رموز مصريه مشرفه
منذ فجر التاريخ حين وحد مينا قطرى مصر مرورا بأحمس طارد الهكسوس
و بأنتقالنا الى التاريخ الحديث سنمر على احمد عرابى و مصطفى كامل
و ليس انتهاء بسعد زغلول زعيم الأمه
و لكن من هم رموزنا الآن؟
من فى رأيك يمكن ان يصبح مثلا اعلى لك؟
و ليس بالضروره ان يكون سياسى
فلنتعرف على رموز الشباب و مثلهم العليا
الصوره من مكتبة المفيد
posted by mariam @ 12:19 AM
66 comments
66 Comments:
انا اسف ولكن ه>ه هى الحقيقة مثلى الاعلى هو شعبولا لان هده البلد لا ينفع بها الا الاستهبال والاستعباط
السلام عليكم
فكرة رائعة يا مانو
أنا حاليا في مرحلة البحث عن الرمز بس للأسف بفشل في إيجاده
ماذا تقولون أيها السادة..!!!!؛إن كلامكم هذا غير صحيح من الإلف إلى الياء..!!!!البد مليئة بالرموز. مش شرط يكونوا كلهم عبد الناصر أو السادات بس كلهم ناس رموز :كل موظف بيشتغل بما يرضى الله وبيحاول يأكل ولاده من حلال (أنا عارف حد هيقوللى دول قلة مندسة، بس الإجابة لاء...دول كثرة بس ماحدش حاسس بيهم)؛أيضا كل عامل بيتقن صنعته علشان ياكلها بالحلال ؛كل فلاح بيتقن زرعته علشان ربنا يباركله فيها. كل طالب بيجتهد فى المذاكرة؛وغيرهم كتير كتير كتير.
لاء ياخواننا برغم كل شىء والسواد الحالك اللى إحنا فيه مصر لسه مليانة رموز كتير بتحب بلدها وبتخلص له قولاً وفعلاً
مريم مانو
الرموز
الرمز الاكبر فى حياتى والقيمه العظمى الاولى هى
امى
التى ربتنى وربت اخوتى ووقفت بمنتهى الصلابه فى وجه الظروف التى حا ولت اعاقتها عن استكمال مهمتها التى نذرت نفسها من اجلها وكانت مثال لااجد مثيل له الافى النادر
مش شرط الرمز يكون ظاهر
عن نفسى
اعتبر امى من رموز مصر الحقيقين
لانها تمثل الام المصريه والمراه المصريه الحقيقه ليست امهات التكيف والكلا م الفارغ
امى علمتنى كيف اما رس الحب لكل الناس
علمتنى ان اكون مسئولا عن حياتى وقر ارتى وان اتحمل مسئوليتها بشجاعه\
وفى التهايه اجدها بجو ارى ايضا؟
فيه مصر رموز كتير مش ظاهره
بس منها ممكن نستمد القيمه يا مر يم
تحيا تى
ندعوكم لزيارة العدد الثالث من مجلة نفسنا
عمرو خالد
الراحل عبد الوهاب مطاوع
عمرو خالد رمز كبير
وأبو تريكة بقى رمز
وتامر حسني بقى رمز
الموضوع بس اختلاف شخصيات أما بالنسبة ليا عمرو خالد رمز لا يستهان به0
فاروق جويدة
عمرو دياب
فكرة الرمز تتلخص فى كونها فكرة انتقائية يستطيع الانسان من خلالها تحديد معالم استحقاق ما يجب ان نفتخر به من عدمه واعتقد ان زمننا اصبح يخضع لفكرة الرمز الغير واقعى اما انه لا يصلح ان يكون رمز او اختياره يكون على اساس معايير جماعية بدون وجود
فكرة او اختيار فردى
أحنا فى زمن المسخ ..
أحنا فى زمن أنعدام القيم
انا لسه كنت بافكر في حاجة: بعد خمسين سنة هل هيكون عندنا حد نعمل له تمثال؟ صعب قوي. عارفة ليه؟ جو البلد الطارد وعوامل الانتماء السلبية. كل هذه من شأنها أن كل من يستحق أن نصنع له تمثال هو يرفض ان يحيا في هذا البلد
وداعا عصر الناس النضيفة
Dear mariam, indeed egypt has a lot of sumpols in it,s history but i think everybody who doing his job well and fair must be a good exampel for the others, for me i think people like Ahmed Zeuil and Mohamed Al baradi and Alaa Al aswani is a ympol for me, Alaa al aswani is a wonderful writer and he wants the same egypt i want to have tolerant and take care of it,s people, Amar khaled and such a people are for me not honest and not to trust. have a nice day my dear Sherif
أنا عايز أوضح حاجة
مش شرط مثلي اﻷعلي يكون رمز للبلد
يعني لو حد مثله اﻷعلي أمه دا مش معناه إنها لازم تكون من رموز البلد
بلدنا حاليا بتمر بفترة من اللي التاريخ هينساها
بقينا بلد بلا رموز
أنا مثلا بفكر ف أي شخصية ع الساحة تقدر تمسك البلد ومش لاقي
عارفة يعني إيه بلد حوالي 80 مليون ومفيهاش حد
تحياتي
عندما يعود لنا الانتماء نفكر نبحث عن رمز
واحد من الشعب
اولا اهلا بيك
يمكن ده بسبب الأحباطات المتواليه اللى بنعيشها
لكن هدا لا يعنى عدم وجود رموز محل فخر
اتمنى تكرر الزياره
---------------------------------
No Fear
و عليكم السلام يا محمد
اكيد هتلاقى الرمز
بس ابقى قىل لى عليه
منور
O2A
فينك مختفى ليه
و ليه قافل التعليقات عندك؟
انا متفقه معاك ان رغم كل شىء مازال عندنا رموز و شخصيات تستحق الأحترام
منور دايما
--------------------------------
االجحيم هو الحقيقه
تصدق انى من يومين كنت
بتكلم مع واحده صاحبتى عن عظمة المرأه المصريه
انا احييك جدا و انا فعلا مؤمنه ان المرأه المصريه من اكثر النساء على استعداد للضحيه من اجل ابنائها
بدون مثيل فعلا
رأيك سليم و شكرا ليك
و نورتنى جدا يا محمد
نفسنا
شكرا للدعوه الجميله دى
انا عديت على المجله و هشوفها تانى
الفكره حلوه جدا
بالتوفيق
----------------------------
Anonymous1
عمرو خالد من الشخصيات المؤثره جدا على الساحه
رمز يحترم طبعا
كنت اتمنى تترك اسمك لكن اهلا بيك فى كل الأحوال و اتمنى تعيد الزياره
Anonymous2
الراحل عبد الوهاب مطاوع من الشخصيات المحترمه فعلا
انا كنت من متابعين بريد الجمعه و كنت بحب آرائه و حلوله
اختيارك حلو احييك
شكرا لزيارتك و يا ريت تتكرر
--------------------------------
أحمد المصري
عمرو خالد رمز و هو من الشخصيات المحترمه
لكن اكيد لما نختار رمز او مثل اعلى بيكون حد بيأثر فى حياتنا
و اعتقد ان ابو تريكه و تامر حسنى مشاهير و نجوم فى مجالهم و ليهم جمهور طبعا لكن لا اعتقد انهم بيأثروا فى حياتنا لو ليك وجهة نظر تانيه احب اسمعها
منور
Anonymous3
انا مش عارفه انت شخص تانى و لا نفس الشخص اللى علق قبل كده
فى كل الأحوال شرفتنى بزيارتك
على فكره انت اخترت اكتر شاعر بحب اقرا له فعلا فاروق جويده اختيار فى الجون احييك عليه جدا
يا ريت تشرفنى دايما
-----------------------------
Anonymous4
عمرو دياب مطرب ليه جمهور كبير و اغانى كتير حلوه
و ممكن نقول انه رمز فنى
لكن ازاى هو رمز او مثل اعلى لينا طبعا انا مش بقلل من وجهة نظرك ابدا
لكن يا ريت لو تزضح لى سبب اختيارك ليه و انا بحترم اختيارك بدون شك
شكرا لزيارتك و اتمنى تكررها
MoHaMeD HoSSaM
اهلا بيك ازيك
طبعا كلامك منطقى
و خاصة انه لم يتم الأتفاق على رمز معين
لكن كنت احب اعرف رأيك ومين هو الرمز فى نظرك
نورتنى
--------------------------------
Mohamed Hamdy
اهلااا بيك
احنا فى زمن المسخ فعلا
لكن اكيد فى ناس تستحق تكون رموز
كنت احب اعرف يا ترى مين فى رأيك يصلح لده و لا انت شايف ان لا احد يصلح
رأيك يهمنى يا محمد
نتورتنى
Samir
مش هقدر الومك ابدا
للأسف الجو فى مصر اصبح طارد لكل المواهب و الأشخاص اللى عندهم حاجه يقدموها
اما بالنسبه للتماثيل فطول ما النفاق موجود التماثيل هتكون موجوده بلاش تقلق من الموضوع ده يا سمير
نورتنى
---------------------------------
Sherif
welcome again and again
of course their are lots of good sympols
i agree with you about all the sympols you have chosen
especially alaa el aswany
i like his way of describing the egyptian life it seems to be an anatomy
thank you for commenting and thank you for encouraging me
always waiting for your feedbacks
The Alien
لا يا بيشوى
واضح انك متضايق و زهقت
موافقه ان دى اسوأ حقبه فى تاريخ مصر
و موافقه ان الرموز مش ظاهرين قوى
لكن مش موافقه ان 80 مليون مش لاقى فيهم حد ينفع
اكيد فيهم بس مش واضحين
لأن بيتم التعتيم عليهم
شوف مثلا ايمن نور بصرف النظر اتفقنا او اختلفنا عليه
شوف اول ما بدأ الناس يستمعوا له و يحبوه حصل له ايه
اكيد شايف البهدله
اكيد فى ناس كتير مش عارفه تظهر و اللى بيبدأ يظهر مصيره معروف
يبقى العيب فى مين
مش فى الشعب
رغم انه مشارك اكيد فى الخطأ
و لا ايه؟
منورنى دايما
---------------------------------
الطائر الحزين
عندك حق
غياب الأنتماء له
يد كبيره فيما نحن فيه
شرفتنى بالزياره
al masal wal al kdwa la 7akekya llmasryen fe kafat al magalat hwa al khalok al mawhob m7amad abou treka rasm al basma al wa7eda 3ala shfat al masryeen fhwa mtwade3 wa khalok we rady bma katabo allah lah
صدقيني مبقتش عارف العيب ف مين
Exactly my dear lady the taht Al Aswani egypt is discreibing looks anatomy, you can see the pictures of what he is dicreibing, a dutch friend of mine i give him the novel of yacobiansbuilding as a presen for his birthday, he said to me Sherif i have never been in cairo butafter reading the story i have a picture about how some live in such a city, he compares Aswani with Machfus, i think that they have the same way of writing you do n0ot only read what they write but you see it also.when i come to cairo i visit some places in teh novels of machfus , they are the places i also alwys visited when i lived in cairo during my study in Al Alsun faculty, Al hossein, helioplis, Down town cairo, felfela and somking Shisha in al fishawi or going to roxy sequire shopping it was the most wonderful periode in my life. have a nice day my dear
mariam i forget to write my name under my comment
SHERIF
وانا في اعدادي
كان رمزي هو سميرة موسى
عالمة الذرة المصرية التي قتلت في امريكا من اكثر من 50 سنه وعمرها كان 35 سنه
وانا في الجامعة
كان رمزي هو تشيكوف الكاتب الروسي الكبير
وانا في الجامعة كان رمزي هو عبد الناصر وكينيدي مارتن لوثر كينج ومالكوم اكس والشيخ الغزالي وحلمهم بعالم افضل
وبعد ما اشتغلت
ولما فهمت القصة وفتحت
وخرجت من عالم الكتب الى ظلمات الواقع
ما لقيتش اي رموز
الرموز دي في الكتب
في التاريخ
افكار نظرية
لما تيجي تتطبق
بيغتالوها
جسديا
او معنويا
طبعا مش بيأثروا في حياتنا يا ست مريم
يعني أبو تريكة رمز للي بيحبوا الكورة -الأهلاوية طبها-وانتي عارفة الناس المتعصبة للكورة عاملة ازاي بيهربوا من الحياة بالكورة والشتيمة في القهاوي,وتامر حسني له عشاقه الهايفين اللي بيهتفوا بإسمه وبيموتوا فيه برضه عشان مش لا قيين حاجة مهمة في حياتهم ,وعشان هما مقلدين وخلاص,لكن بالنسبة ليهم رمز حتى لو كان مش مأثر في حياتهم بشكل واضح أو حتى بيديهم سعادة زائفة,يمكن عشان همنا أصلا مش
عارفين ايه هوا المعنى الحقيقي للرمز وإنه لازم يأثر بجد ويبقى نقطة تحول في التاريخ..زي ما قلت اختلاف شخصيات ,اما بالنسبة لوجود الرموز فهيا كتيرة جدا وبالهبل عندك عمرو خالد-زي ماقلت-وعبد الناصر والسيد درويش والكتب العرب الكبار كلهم رموز عربية وإسلامية وفيه رموز إسلامية غير عربية تستحق الإحترام زي مالكولم اكس مثلا..مش كده المهم اللي يدور واللي عايز يكون ليه قدوة بجد0
واضح إن أنا رغيت كتير وصدعتك ..مش كده معلش بقى استحمليني0
مع تحياتي00
والسلام عليكم0
اولاً عجبانى اوى الفكره
ثانياً الرموز قيمة عظيمه بس للاسف ساعات بتتحول لظاهره لتسويف العمر فى ذكرى الرموز
ثالثاً فيه كتير نثل عليا ليا سواء فى الناحيه الدينيه او العالميه مثل غاندى و مثل الانبا اثناثيوس حامى الايمان كما نطلق عليه
تحياتى يا صديقتى العزيزه
عذرا للتحليق خارج السرب ارجو التضامن معي في حمله نقطه ماء تساوي حياه
تحياتي
يا بنتي صلي علي النبي
رموز ايه ومثل عليا
وفي وقتنا دة
بس في في كل حاجة رموز كتيرة اوي
يعني انا مثلي الاعلي عمرو خالد
وفي الشعر والقصايد نزار قباني
كدة يعني
لكن كرمز للبد
الصابون حلو اوي
الشعب المصري قرر أنه بدلا من أن يكون هناك رموز جيدة نقتدي بهم فإننا الآن عندنا رموز سيئة حتى يعرف الناس مساويئهم و يفعلوا عكسها
الحمدلله .. لسه في رموز والله :) العمليه مأفلستش دلوقتي
رموز سياسيه .. مممم .. بصراحه مفيش .. حتى اعضاء كفايه و جبهات المعارضه .. كل يغني على ليلاه .. هجاصين يعني .. ف سيبك من كل دوووول
رموز فنيه .. بصراحه فيما يخصني انا يعني .. مش لاقي واحد ينفع .. او متكامل .. لكن اقربهم للصواب يعني .. و ان كانت دماغه مزرجنه هم عمرو سليم .. اهه على الاقل بحب اشوف شغله و رسوماته .. غير كده كله هجاصين برضه
رموز دينيه .. كننننت بحب عمروخالد .. لكن دلوقتي مش بنفس الدرجه .. لكن بحب اتفرج على مصطفى حسني .. نوعا ما بيوصلى بسهوله
رياضيه .. ابوتريكه طبعا هههههه مع اني زملكاوي
رموز نتيه .. يعني من البلوجراويه .. فانا لا اخفى اعجابي الشديد بـ توتا .. البيدا .. مانو .. هشام رحمه .. وناس كتير تانيه طبعا .. لكن دول الاكتر نوعا ما
رموز ايه تاني .. خلاص كفايه عليكي كده ..وحدوووووووووه
مريم ازيك
اكتب الان وانا بمنتهى الالم شكرا لزيارتك ومتابعتك اختى العزيزه تعرضت لهجمه شرسه من رفاق الزيف اليسارى وهجمه اشد ضراوه من حاملى لواء الاسلا م وحاملى صكوك الغفران والمفوضين من قبل الله سبحانه بالحكم على الناس واخر اج من شاؤ من رحمته وادخال من شاؤ الى جنته وبالفعل اخرجونى من الاسلا م بل جردونى من الايمان كا ملا وجعلونى ملحدا!!!!!
وتلقيت سيلا من اميلا ت الطعن والسباب للنيل منى ومن شخصيتى وايمانى بدون ان اعرف ماسبب كل هذا غير انى قلت ماشعرت به وكنت متسقا مع ذاتى وافكارى ولم اكون مواربا او منافقا كما يريدون
وانتهت الحمله بنشر اجزاء من المدونه فى جريدة صوت الازهر اظن ان احد المدونين دلهم على المدونه وماتحمل من اراء ضد الدين وضد الايمان وضد الاله الحاكم بمصر الذى يعبدونه من دون الله؟ اعرفه ولكنى غير متاكد منه فلن ارميه بالتهم فهذا ضد ما امنت به لاننى تربيت الاارمى انسان كما رمونى بدون دليل صريح ومعرفه كامله بالاحوال وبالشواهد وبالموضوعيه الكامله فى الحكم
فى النهايه اصدروا حكمهم
ولم اتحمل الحكم
فاثرت الانزواء بعيدا
حتى اكون اكثر قوه لاتحمل هرائهم مستقبلا
واحتراما لرغبة اسرتى وعائلتى الاخوانيه العظيمه التى ربتنى على الحريه المطلقه فى ابتعادى عن التدوين لانهم قالوا لى يوما لن يفهمك غيرنا الاالله؟؟؟
فى النهايه لن انقطع عن زيارتكم
sa3ed al masry
اهلا بيك
بس اعتقد انك فهمت سؤالى غلط
بمعنى اننى لم اقصد من هو خلوق او من رسم البسمه
فهناك الكثير
و لكن اعتقد ان الرمز و المثل قد يكون مختلف بعض الشىء
و لاش ك ان ابو تريكه مثل كروى جميل
شكرا ليك
-------------------------------
The Alien
انا من ساعة ما قريت البوست بتاعك
كدبه و صدقناها
و انا شايفه انك متضايق
ليك حق يا بشوى
الواحد مش لاقى اى امل فى حاجه
العيب فينا كلنا
منور دايما
SHERIF
welcome back
alaa el aswany describes us exactly.
he seems to be watching and analising carefully what is going on.
i feel in your words how do you love egypt.
i will not welcome you because this is your blog.
--------------------------------
أشياء أخرى
اختياراتك لرموزك
حلو فعلا كلهم عظماء
لكن للأسف اعتقد انك وصفتى الموضوع بدقه
لما قلتى ان الرموز بيتم اغتيالها فى كل الأحوال
شرفتينى بالزياره
أحمد المصري
ايوه كده ارجع
بقى عايز تقفل البلوج
اشكرك على التوضيح
رأيك سليم جدا
و انا بحترم عمرو خالد جدا
و طريقة مخاطبة الشباب
منورنى و منور المدونات و اوعى تقفل البلوج
------------------------------
whyme
اهلا بيك يا ايلارى
طبعا لازم يكون لينا رموز دينيين لأن الدين اكيد مهم فى حياتنا
بالنسبه لغاندى هو طبعا زعيم لا يختلف عليه احد
بس كنت اتمنى تختار رمز مصرى
مع انى عارفه انه صعب شويه
لأنهم مش كتير
منور جدا
fares
لا اعتذار و لا حاجه
طبعا انا معاك و اشكرك على هذه
الدعوه
----------------------------------
smraa alnil
عليه الصلاه و السلام يا انووج
عمرو خالد رمز محترم
و معظم الناس بتحبه فعلا
بالنسبه ان الصابون رمز البلد
فيا ريت تحددى لوكس و لا كاماى
مع انى شايفه ان انسب حاجه هى رابسو
منوره يا سموره
Tarek
تعليق حلو جدا
يعنى الناس الموجوده عكس الرموز تماما
عندك حق
منور و شرفتنى بالزياره
------------------------------
Dr. Tantawy
انا معاك ان لسه فى امل
ماشى بلاها سياسه
رموز فنيه كنت عارفه انك هتختار عمرو سليم
انا عارفه انك معجب بيه من ايام خناقة الدستور على مدونتك
و على فكره الخناقه دى هى اللى عرفتنى يعنى ايه مدونات اساسا
بالنسبه لأبو تريكه فأيه الروح الرياضيه العاليه دى
مشجع الزمالك الأول فى مصر بيحب ابو تريكه
احرجتنى يا طنطاوى انا رموز
ربنا يكرمك بس ده كتير عليا قوى قوى جدا فعلا
لا الله الا الله
منورنى دايما و شكرا لرأيك
محمد البرلسى ووالله مسلم
الجحيم هو الحقيقه
من غير ما تحلف انت مسلم
غصبا عن اى حد
مش من حق حد يكفرك
او يدعى خروجك عن الأسلام
و يكفى انك مصر على اسلامك
و تشهد ان لا الله الا الله و سيدنا محمد رسول الله
اتعجب من هجمة اليساريين و الأسلاميين لمجرد انك نقدت سلوكهم
فين بقى الديمقراطيه اللى بيدعوها
و هل وصل بهم الأمر لتكفيرك لمجرد ان رأيك لم يعجبهم
هو اى حد يكفر اى حد؟
طالما انك لم تخطأ فى الدين فلا تهتم بكلامهم
فالأيمان محله القلب
و قد تكون اكثر ايمانا عند الله من مكفريك
لكنى اعتقد انك تسرعت بأغلاق المدونه
و انا مش بتدخل فى قرارك
بس ليه تديهم الفرصه ينتصروا عليك
صدقنى لما اللى زيك ينسحبوا
تبقى بتديهم الفرصه انهم يهيمنوا
ارجوك فكر تانى
My dear it is very kind of you, i feel also at home in your blog, i have never loved someone or something like i love Egypt, i loved it more than my self, i stil remember the moments in teh schol when we song the national song everymorning, Beladi, beladi laki hobi we foudi, Egypt must be given back to the egyption , egypt must be toelrant agian, no difference between moslim or christian, no for the influence of the saudies and the the beduienen from the golfstates, but because of their money they have a lot of power, they are creating jobs and helping egyption economie and teh price we pay is much heigher tahn we got from them, it is a job of the egyption goverment to make egyption economy strong and to keep the egyption valaues, anyway it is along story my dear
have a nice day and mybe we talk to each other when i come to cairo next time
Sherif
و ده سؤال برضه يا مريم
طبعا ملك الجيل تامر حسني
:)
بس انا عن نفسي بصراحه و بدون تهريج شايف أنه محمد أبو تريكه
تحياتي لكي
Mohamed Abou treka micheal i do not know how you can take him as a symbol, this youn man can not ply footbal he is onlt try to show teh people how he nice and polite and religous such a people i do not trust them, they are trading with their faith and religion, have a nice day mairam and Micheal, Micheal i am now on line, come to me dear
Sherif
sherif
With my due respect 2 ur opinion..I c tht Abu treka as a player is soo good and talented..may be u can say : he is the best egyptian player now
as a human, I feel he is very kind and polite..I never saw him agressive, always smiling, donated 2 the 53757 hospital so tht was enough 4 me 2 respect him and consider him as a model 2 be followed by egyptian youth
:)
best wishes 4 u
byeeee
ايه الاحراج
اعتقد لو تقصدى حد يتاخد رمز وقدوة
يبقى مافيش افضل من رسل الله
يعنى ناخد المسيح عيسى بن مريم فى التسامح وناخد امه فى الشرف والطاعه
وناخد سليمان للطاعه مع الغنا والتواضع مع العظمه
وناخد محمد بن عبد الله فى الصدق والامانه وناخد موسى فى الاصرار
وطبعا كل الانبياء
لكن لو تقصدى رمز معاصر
انا اعتقد ان الافضل اننا ناخد مبادىء ونعتقدات يعنى يكون رممزنا الصدق رمزنا العمل والاجتهاد والتقدم
مش لازم يكون رمزنا اسم شخص بعينه
البوسط من اجمل ماقراءت
تحياتى
مانو.......
ازيك و ازي اخبار الامتحانات و النتيجة و الصيف؟؟؟ ما انا لازم اعوض التأخير المروع دة
وحشاني خالص هحاول اعلق على بقية المواضيع اللي ما قراتهاش
بس بالنسبة للرمز.. بالنسبة ليا رمزي ومثالي في الدنيا دي هو ست ارملة مات زوجها..سبها في عز شبابها
سبها بتلت عيال اصغرهم سبع سنين
كافحت في الدنيا و ربت العيال و خلتهم احسن ناس و حرمت نفسها من اي متعه في الدنيا
هو ده رمزي يا مانو ..رمز كفاح شرف اخلاص
انت نسيتى حاجة
نسيتى العصر الإسلامى وعصر الخلافة
نسيت الرموز التى بحق تستحق الإعتزاز بها
وكذلك هناك رموز فى العصر الحديث
هناك الشهيد سيد قطب
رمز من الرموز اللى الواحد يعتز بيها
السلام عليكم
Sherif
welcome again in your blog.
i wish that egypt restores its golden age of tolerance.
i think you are right in the points you have discussed.
but don't be optimistic as there is no hope in the egyptian government.
they only look for their benifits not ours
thank you for explaining your point of view
--------------------------------
micheal
اهلا مايكل
حد يقدر يغلط فى نجم الجيل؟
ابو تريكه اتكرر كتير فى التعليقات
ابو تريكه رمز
ماشى رمز كروى
اتفق معاك انه لاعب خلوق
اخلاقه كويسه جدا و طيب
بس احساسى ان الرمز او المثل
يعنى بيكون حد بيأثر فى الناس
و مش تقليل من ابو تريكه
لكن ايه التأثير اللى ممكن يكون بيقدمه لينا
منورنى دايما
sherif and micheal
thank you for your civilised discussion.
--------------------------------
momken
اكيد طبعا رسل الله افضل قدوه
لجميع الناس
لكن انا فعلا اقصد رمز معاصر
و بالتحديد رمز مصرى معاصر
لكن رأيك اننا ناخد المبادىء كرمز
رأى حلو جدا
يا ريت نطبقه
شكرا على رأيك
ده اكيد شرف ليا
منورنى جدا
bluesky
ازيك يا بنتى
فينك وايه الغيبه دى
طيب كنتى طمنينى عليكى
المهم تكونى بخير
اهو كله بيعدى
و الحمد لله
بالنسبه للرمز بتاعك
فأنا بحييكى على مشاعرك العاليه دى
بجد اثرتى فيا
و تحياتى للمرأه دى
و ربنا معاها
و ده عهدنا بالمرأه المصريه
منورانى
و فى انتظار بوست جديد منك يا جميله
----------------------------------
mo'men mohamed
اهلا بيك يا مؤمن
انا لم احدد رموز معينه
انا تركت لكم حرية الأختيار
بس لو تلاحظ ان الرموز اللى انا اخترتها
كنت اقصد انها تكون مصريه صميمه
تكون اثرت فى البيئه المصريه و الشخصيه المصريه بالأساس
اشخاص وحدوا مصر
و اتحد الجميع بجميع الأشكال و الأديان تحت رايتهم
زى سعد زغلول
لأن هى دى مصر اللى احب اشوفها
و لو تلاحظ انا كنت اقصد رموز مصريه
و طبعا ده رأيى
و احترم جميع الآراء الأخرى
و احترم رأيك بأن رمزك هو الشهيد سيد قطب
و زى ما انت شايف لا يوجد رمز محدد اتفق الجميع عليه
و ده شىء طبيعى فكل شخص يختار رمز تبعا لتفكيره
و شكرا ليك جدا على تعليقك و رأيك
Dear Mariam and Micheal,
Micheal i have nothing agianst Abou Treka, but ias a foorbal player mube in egypt he is good but to compare him with the international players in his position is he not very good. The way he is alwys showing how he nice and religous is i do not like it, you are doing chiarty for people who need it not for your own PR. Anyway my dear have a nice day and see you at 26 december when i come to cairo, Mariam Micheal and i have alwys civilised dialouge hhaaa, have a nice day also
Sherif
عمرو خالد وللاسف مش لاقي حد تاني
أولا لا تخلو بلادنا من الرموز أبدا في كل المجالات بلا إستثناء .. إسألي الناس في كل تخصص على حده وهما هيجاوبوكي
لكن مش دي المشكلة
المشكلة هي الطمس لهذه الرموز حتى لا يلتف الناس حول أحدهم
دي القاعدة العامة دلوقت
welcome 2 egypt, sherif
:)
السلام عليكم
فيلم الراقص مع الذئاب جاي الساعة 11 علي قناة وان
مش تفاهة بس الفيلم جامد قوي
The purchase of weapons for Mubarak to the Bush terrorist will be for making peace, or will be for taking the American terrorism for the Egipto?
The great people of the Egipto that is intent.
Of these two cannot come nothing of good.
David Santos (Portuguese)
Sherif
i am not interested at football at all.
so i can't comment on abotreka's playing level.
welcome in egypt any time.
it is your home
--------------------------------
نور
عمرو خالد
من اكتر الشخصيات اللى تم اختيارها
كرمز لينا
هو اكيد يستحق
شكرا على رايك
و شكرا لزيارتك
يا مراكبي
حمد الله على السلامه
انا متفقه معاك
و ده رأيى
ان الرموز الحقيقيه لا تجد متنفس للظهور
شكرا على رأيك و نورت
-----------------------------
micheal
شكرا لمتابعتك يا مايكل
المدونة مدونتك طبعا
No Fear
و عليكم السلام و رحمة الله
شكرا يا محمد بجد
و مش تفاهه و لا حاجه
مين يقدر يقول كده
شكرا ليك جدا
و هشوف الفيلم
------------------------------
david santos
although this is out of the subject we are discussing here.
but i agree with you.
thank you for visiting my blog
and thank you for expressing this issue
احنا مفهومنا لكلمة رمز غلط جدا يعني ونبي لما يجي واحد يطلع ويقول علي تامر حسني انة رمز دة كلام بردو
عمرو غريب
تمام يا عمرو
مش هو ده قصدى على كلمة رمز
لكن يمكن السبب يكون
قلة الرموز الجيده
نورتنى
الموضوع ده صعب عندي قوى
اكاد اجزم ان عدد الرموز هائل امامى
سبب هذا الوضع بسيط
انى اتعلم من كل واحد حاجة
يعنى
ناس كتير بموقفهم بيأسرونى فبركز عليهم
وبعد كده الاقينى مركزة على مساحة مهوله من البشر
حقا الاجابة صعبة
ولكن اكثر اتنين عينى كانت عليهم وماتزال عليهم حتى بعد رحيلهم
هما ابي رحمه الله
وعمتى من كانت رفيقة له مده طويله ورافقتنى انا ذاتى بعده
انهما يسيطران على بكل ما تركوه فى حياتى من احساس بقيمة الوفاء والحب والتعامل بحنان وقوة فى ذات الوقت والصراحة التى لا تخاف الباطل
كانا يحملان ارواح وسيمة الملامح تحملنى على ترقب كل افعالهم
الثبات عند المصيبة رقة استقبال الحزن عندما يحل بهم
الحرص على كل اخر دونهم
الثقافة والفطنه
كثير من حنان وتفهم لكل من حولهم
تمسك بكل اصيل غاب عن حياتنا
الاكتراث بكل شيء
حقا
هما اعمده مازالت روحى ترتكز على اثير تركوه حولى ورحلوا
شكرا يا جميلة
حركتى الكثير فئليك منى كل التحية والحب
أكيد فيه طبعاً مثل أعلى مصري .. مين اللي يقدر ينسي عبد المنعم رياض؟و مين اللي يقدر ينسي فاروق الباز؟ و مصطفى مشرفة و غيره و غيره..
ليه تعليق صغير على كلام شريف إنه طالما عمل دعوة للعودة للوطنية فإن أول ناس مفروض نقف ضدهم هما الأمريكان اللي عاوزين يفرضوا ثقافتهم و تقاليدهم بالسلاح و المال ( العصا و الجزرة ) مش البدو بتوع الخليج .. على الأقل ممكن يكون بنا و بين بدو الخليج تاريخ مشترك في وقت ما و مكان ما زي البدو في سينا معاهم جنسية مصرية يعني مصريين لكن مستحيل يكون في حاجة بينا و بين الكاوبويز.
فريدة
لا تشكرينى
انت مشاعرك رائعه
احييك على رموزك القيمه
و ربنا يزيد حياتك بالرموز الجميله
اللى تأثر فيكى كده
نورتينى
--------------------------------
Darsh
طبعا مصر مليئه بالرموز
انا كنت عايزه اعرف مين اللى بيأثر فى شباب مصر دلوقتى
المثل العليا موجوده
لكن انا كنت عايزه اعرف مين من الأشخاص المتواجدين حاليل يمكن ان يكون رمز
شكرا لتفاعلك و مشاركتك القيمه
Post a Comment
<< Home