Thursday, October 12, 2006

موكب الوزير


لم أتخيل أن أقضى أكثر من ساعة ونصف على محور ستة وعشرين يوليو. والذي يعد طريق سريع، لا توجد به إشارات، و بالتالي لا تتوقف عليه السيارات.
ظلت السيارات متوقفة أو تتحرك ببطء شديد، رغم أن الوقت المتبقي على المغرب كان اقل من ساعة.
و رغم وجود عساكر مرور كثيرين ظننت أنهم يحاولون تنظيم المرور، قبل أن اعرف أنهم يؤمنون مرور موكب احد الوزراء. و بالتالي عليهم إيقاف المرور تماما................. و رغم وجود احد سيارات الإسعاف التي ظلت متوقفة أكثر من ساعة، إلا إن ذلك لم يحرك لهم ساكنا.
و بالفعل مر الموكب المكون من بضع سيارات مر سيدس و عدة موتوسيكلات.
و بعدها وجدنا الطريق قد سلك تماما و انطلقت السيارات.
و رغم اننى لم اعرف من هو ذلك الوزير، و لكنني لن أستطيع وصف شعوري........فهو عبارة عن غضب و استفزاز ممزوج بقهر و ظلم.
ذلك الموقف الذي يتكرر عشرات المرات يوميا في جميع أنحاء القاهرة، جعلني أتسائل عن أهمية المواكب التي لا مثيل لها سوى في مصر المحروسة.
كيف يتم تعطيل مئات بل و أكثر، من اجل أن يمر شخص ما. و ماذا عن الذاهبين لأشغالهم، و ماذا عن المرضى.
و فيها إيه لو مر هذا الشخص بدون تعطيل المرور، و لا مانع من أن يصاحبه الموكب-لو كان دة هيفرحه-.
و لماذا لا يوجد أدنى احترام للشخص العادي؟.
اعتقد إن هذا الموضوع إن دل على شيء إنما يدل على عقد دفينة لهؤلاء المسؤلين الذين هم غالبا بلا إنجازات.
و لكن الذي جعلني اشعر ببعض الهدوء هو كمية الدعاء التي حطت على رأس هذا المسؤل في وقت أبواب السماء فيه مفتوحة
.

45 Comments:

At 13/10/06 3:16 AM, Blogger rony said...

يابنتى انت تحمدى ربنا وتبوسى ايديك شعر ودقن ان الموضوع خلص على وقفه بس طولت شويه بس متحرمتيش من امتحان ولا لاقدر الله حاجه حصلتلك فى الطريق
الريس كان فى زياره قبل امتحانات الترم التانى ده لمحافظتنا الموقره مش عايزه اقولك وقفوا العربيات على الطريق والطلبه مرحتش امتحاناتها وطبعا ضاعت عليهم ده غير طبعا واحد اعرفه معرفه شخصيه كان رايح فى شغل واتوفى والحمد لله فلوسه اتسرق وكل اوراقه واهله داخوا السبعه وسبعين دوخه علشان يعرفوا هو فين
يلا انا برضه مش هاضايق نفسى وبقول لسه عندى امل وعمر الحمد لله

 
At 13/10/06 9:34 AM, Anonymous Anonymous said...

ما ينفعش يكون من غير موكب ...إزاي ؟
تخيلي لو وزير من الشرفاء بتوعنا نزل الشارع بدون موكب أو حراسه ......طبعا هيكون في موقف لا يحسد عليه

 
At 13/10/06 1:08 PM, Blogger كلمه said...

looooooool .. wla yehemak ya m3lm ... be2olek kol t25eera w feha 5era :D

 
At 13/10/06 2:39 PM, Anonymous Anonymous said...

لا اجد رد اكثر من ابيات النجم احمد فؤاد نجم

هما مين و إحنا مين

هما الامرا و السلاطين

هما بيلبسوا أخر موضة

و إحنا بنسكن سبعة في أوضة

هما بياكلوا حمام و فراخ

و إحنا الفول دوخنا و داخ

هما بيمشوا بطيارات

و إحنا نموت بالاوتوبيسات

هما حياتهم بامب جميلة

هما فصيلة و إحنا فصيلة

حزر فزر .. شغل مخك

شوف مين فينا حيغلب مين

 
At 13/10/06 8:18 PM, Blogger sherif gharib said...

على فكره
انا كنت فى القاهره من اسبوع تقريبا و حصلت معايا نفس المشكله بالظبط فى نفس المكان
بس المره ديه كنت راكن العربيه و قاعد فى كافيه فى شارع الهرم و بعدين كانت فيه جنازه لاحد ما يقال عنهم مهمين فى البلد وجدت عربيتى محاطه باكثر من خمس صفوف من السيارات لدرجه ان الشارع كله وقف و الكل بيقولوا لما الجنازه تخلص طب انا مالى
هوه اللى مات مهما كان صفته انا مالى بيه
عمار يا مصر و لو كان اى حد تانى راكن عربيته لاى سبب ممكن يكون طارىء بالنسباله كان دور عليها فى كل مكاتب المرور و شكرا بقى لو لاقاها تانى بسهوله
و الله حران اللى بيحصل ده
تحياتى

 
At 13/10/06 10:30 PM, Blogger mano said...

rony
القصة اللى انت حكتيها استفزتنى مش هقول غير حسبنا الله و نعم الوكيل.
و شكرا لتشريفك ليا


human
صح مينفعش يمشى من غير موكب. هو الوزير عندنا اية غير موكب و شوية حراسة.
شكرا لتعليقك


كلمة
شكرا ليك. بس المشكلة لما يبقى كل يوم من دة شوف بقى كام تأخيرة


واحد من الناس
شكرا لأنك رديت بأبيات الشعر دى .بجد اختيار موفق و ابيات جميلة


sherif gharib
عندك حق حرام و اللى بيحصل دة كتير. يكفى اننا بلا قيمة عندهم.
شكرا لتشريفك لمدونتى

 
At 14/10/06 1:32 AM, Anonymous sa3ed al masry said...

kolna (al sha3b) fi khedmet al wozra2 we ra7thm lanhm ta3banen awy 3ashana we ma3 kol dah 3aysheen 7ayat motawad3a we moratabhm 3ala ad al 7al lazem nera3ehm dol a3'lab men al 3'alaba we kol hadafhm masla7et al nas
الهم لا تؤاخدنا فيما فعلة ال سفهاء منا

 
At 14/10/06 4:22 PM, Blogger salateenoo said...

ياما حصلت ...ويا ما ناس ماتت جوة عربيات الاسعاف

 
At 15/10/06 11:46 PM, Blogger أبو أمل said...

تعرضت لموضوع المواكب
فى قصيدة لى من الشعر الخفيف
بعنوان بالروح بالدم نفديك يا شعبولا
طالعها

 
At 16/10/06 12:21 AM, Blogger karakib said...

حدث من فرط تكراره اصبح عااااادي من العاديات المستحيلات في وطن غريب اهله به
انتوك

 
At 16/10/06 12:37 PM, Blogger المواطن المصري العبيط said...

الموكب ده بتاع احمد نظيف رئيس الوزراء .. بيته في جاردينيا في طريق 6 أكتوبر .. أي خدمة

 
At 16/10/06 3:16 PM, Blogger mano said...

sa3ed al masry
واضح انهم تعبانين. ربنا يعينهم


salateenoo
للأسف بتحصل كتير فعلا. شكرا ليك و شكرا للزيارة


أبو أمل
لقد طالعت القصيدة. جميلة ومعبرة وادعو الجميع لقرائتها

 
At 16/10/06 3:21 PM, Blogger mano said...

karakib,انتوك
كلامك منطقى و فى الصميم. للأسف لقد اصبحنا غرباء فى اوطاننا.
اشكرك على تشريفك لى


المواطن المصري العبيط
شكرا على المعلومة الجامدة دى. كان نفسى اعرف هو مين.
شكرا على زيارتك لى

 
At 16/10/06 8:12 PM, Blogger القادم من الريف said...

بوست حلو يا مانو
العالم دى عامله البلد بلد ابوه الوسيه بتاعة
المازر والفا زر
نفخونه والله
تحيا تى

 
At 19/10/06 5:10 AM, Blogger sarah la tulipe rose said...

يا مي ياما و لسع يا ما حانشوف من حكمومتنا و الي عين الحكومة و عيالهم يا مانو الطوابير سمة عامة في الشعب المصري طوابير علي العيش علي الجمعيات و علي البطايق و في المصالح الحكومية يبقي لازم يكون في طوابير في الشارع كمان اشمعني يعني الشارع مالوش نفس!!
و المسؤلين دول الواحد دعواته رايحة عليهم و قاعدين برضة!!ايه الناس دي؟!

 
At 19/10/06 12:02 PM, Blogger we2am said...

ya bnte (e7na wlad elkalb elsha3b)
3la ra2y elabnode..embare7 ana kont felhussin w harkab taxi..ya3ni m3aya feloos aho w hadfa3 fe taxi mesh autobus aw 7aga..enma t2ole eh..sa3a mesh rady yo2af 7aga..w bto3 el mror 7atten 7awagez tefsel elrasef 3an elshare3..w mesh 3arfen nemshe wla newa2af taxi..habal habal..w2ft aktar mn sa3a w fel a7'er etslt b7ad yege ya7'odne bel3arbay..ma2sah e3'reqqya..

 
At 20/10/06 12:23 AM, Blogger توتة توتة said...

مش عارفة اقةل ايه بصراحة الموقف ده اتكرر كتير اوي لدرجة اني بقيت احسه عادي

 
At 20/10/06 1:59 PM, Blogger mano said...

القادم من الريف
شكرا ليك وثكرا للزيارة



sarah la tulipe rose
اهلا بيكى يا سارة. يظهر انهم محصنين ضد الدعاء
شكرا ليكى

 
At 20/10/06 2:02 PM, Blogger mano said...

we2am
اللى انت قلتيه دة بيتكرر كتير. و على العموم المواصلات كلها اصبحت لا تطاق



توتة توتة
الموقف فعلا بقى عادى بل و اقل من العادى كمان
شكرا للزيارة

 
At 21/10/06 4:49 AM, Blogger ÙˆØ§Ø­Ø¯ من الناس said...

فاكره مشهد محمود يا سين ومديحه كامل لما قالها هى دى مصر يا عبله

 
At 21/10/06 9:55 AM, Blogger littilemo said...

دنيا
اللى ماشى هايفضل ماشى ولا اللى قلعد هايفضل قاعد

 
At 22/10/06 2:14 PM, Blogger Sampateek said...

اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين يا رب العالمين و كل عيد و انتم من السعداء المغفور لهم
تحياتي

 
At 23/10/06 1:08 AM, Anonymous Anonymous said...

مش هاقول غير حاجة واحدة
يبقى انت أكيد اكيد فى مصر
بس هى الشوارع زحمة من غير حاجة
فما بالك بقى
الحمد لله

 
At 23/10/06 1:12 AM, Anonymous Anonymous said...

كنت عاوزة اقولك حاجة مالهاش دعوة بالموضوع ده

التعليق اللى تحت العنوان رقيق و معبر قوى و مكثف جدا
انا اصفق لك تصفيق حار

 
At 23/10/06 2:24 AM, Blogger mano said...

واحد من الناس
انا فاكرة المشهد فعلا وهو منطبق على الموقف تمام



littilemo
هى الدنيا كدة. شكرا ليك

 
At 23/10/06 2:28 AM, Blogger mano said...

كلبوزة لكن سمباتيك
كل سنة وانت طيبة يا كلبوزة. و اشكرك على الكلام الرقيق دة



لحظة صدق
اشكرك على زيارتك لمدونتى. و مش عارفة اقولك اية بجد شكرا ليكى على الكلام الحو دة

 
At 23/10/06 5:39 AM, Blogger sarah la tulipe rose said...

mano
كل سنة و انت طيبة يا جميلة وعيد سعيد انشاء الله

 
At 24/10/06 2:38 AM, Blogger saso said...

كل سنة وانتي طيبة يا جميلة
:)

 
At 24/10/06 4:38 AM, Blogger مفلس افندى الرايق said...

ياعم جت ع المحور ما البلد كلها واقفه وما بيتحركش فيها الا العالم اللى واصله وياريتهم بيتحركوا لصالح البلد كل بيدور على نفسه ويلا السلام

كل سنه وانت طيب وحور سته وعشرين يوليو طيب هو كمان
وتحيا مصر

 
At 24/10/06 4:48 AM, Blogger مـحـمـد مـفـيـد said...

ارجو من الله عز وجل ان تكوني من عتقاء شهر رمضان
كل عام وانت بخير

 
At 26/10/06 3:40 PM, Blogger mano said...

sarah la tulipe rose
كل سنة وانت طيبة يا جميلة ويا رب كل ايامك تبقى اعياد ان شاء الله



saso
عيد سعيد عليكى ان شاء الله و شكرا ليكى

 
At 26/10/06 3:42 PM, Blogger mano said...

مفلس افندى الرايق
كل سنة و انت طيب و عيد سعيد ان شاء الله



مـحـمـد مـفـيـد
كل سنة و انت طيب و عيد سعيد عليك
و شكرا لتشريفك ليا

 
At 26/10/06 6:54 PM, Blogger tamer afify said...

موضوع مهم
بس تفتكري لأدعية اللي حطت على راس الوزير اياه
هتجيب نتيجه؟

تحياتي

 
At 26/10/06 7:14 PM, Blogger mano said...

tamer afify
ان شاء الله تجيب نتيجة
يلا همتك معانا

 
At 26/10/06 10:13 PM, Blogger حالة حب said...

كويس انها جت علي نص ساعه بس قولي الحمد لله وكل سنه وانتي طيبه شكرا

 
At 26/10/06 10:55 PM, Blogger mano said...

حالة حب
لأ ماهى مجتش على نص ساعة انا كاتبة ساعة ونص. كل سنة وانت طيب

 
At 27/10/06 6:44 PM, Blogger nor said...

الكلاب تعوي القافلة تسير
رغماً عن انفكم جميعاً
معذرةً!!

 
At 27/10/06 10:23 PM, Anonymous sa3eed al masry said...

asdak 2eh ya a7' nor

 
At 6/11/06 6:22 PM, Blogger nor said...

بصوا يا جماعة أحنا فالحين بس نقول اننا طهقانين طب وبعدين هنخبط راسنا في الحيط ومش هنعمل حاجة

هما هيوقفوا الميه والهوا كل مايعدي موكب منهمواحنا هنفضل نشتم ونلعن سلسفيلهم واحنا واقفين من غير منقدر نتحرك شبر لقدام

يعني أحنا "هنعوي " ذي الكلاب والموكب السامي "يسير" من غير ميحسوا بالرعاع اللي واقفة متأخرة

يبقى " الكلاب تعوي و القافلة تسير" ولا لأ؟!!

 
At 6/11/06 9:22 PM, Anonymous Anonymous said...

كتب الراحل يوسف عوف قصة ساخرة عن موكب شهير لوزير تسبب في كوارث بالجملة في الشارع.. ورغم فانتازية أسلوب عوف إلا أن سوء الواقع يضيق الفرق بين الواقع والفانتازيا السوداء!

 
At 7/11/06 6:29 PM, Blogger mano said...

nor
شكرا على تفسيرك لكلامك اللى للأسف صحيح. علشان كدة انا نفسى نعمل حاجة او ناخد موقف بس ازاى؟



قلم جاف
للأسف الجميع يعرف ما تسببه المواكب من اذى و تعطيل للناس لكن لا احد يتحرك

 
At 7/11/06 11:40 PM, Blogger nor said...

انا بفكر اننا ممكن نحاول نكون حملة هدفها ارغام المواكب الرسمية إذا مكانش ينفع انها تقل الزفة دي حبتين على الأقل متكونش بأي حال من الأحوال
وممكن نعمل بوسترات بالمعنى ده ونوزعها على الناس أثناء مرور المواكب ديا ونتفق في الأول على شعار معادي واضح يواصل للمواكب دي وبعد المرحلة دي ممكن نعمل من الناس اللي غاضبة و اللي فاتها مظاهرة تطلع في في ميدان التحرير وتشل الحركة هناك برضه في وقت الذروة وقدام أي هيئة حكومية عشان نعلموهم أننا برضه ممكن نعطل الدنيا برضه
مجرد فكرة
فكر فيها ونحاول نعممها في البلوجات برضه
سلام

 
At 10/11/06 12:30 PM, Blogger mano said...

nor
اقتراحك حلو و انا اتمنى نعمل حاجة ايجابية

 
At 14/7/16 10:46 AM, Blogger Fangyaya said...

timberland boots
adidas trainers
louis vuitton handbags
kate spade handbags
oakley outlet
coach outlet
coach outlet online
air jordans
kobe 9
adidas yeezy
giuseppe zanotti sneakers
jordan 8s
ralph lauren polo outlet
coach factory outlet
celine outlet
jordan 3 infrared
jordan 4 toro
coach outlet online
coach factory outlet
tory burch sale
toms outlet
coach outlet
oakley vault
ray-ban sunglasses
louis vuitton
nike trainers
rolex watches
louis vuitton handbags
louis vuitton outlet
christian louboutin outlet
nike sb shoes
true religion outlet
michael kors outlet
kate spade outlet
north face outlet
ralph lauren uk
vans shoes
coach factory outlet
air jordans
gucci outlet
20167.14chenjinyan

 
At 3/8/17 1:29 AM, Blogger roba. gad2 said...


Very nice post. I definitely appreciate this site. Stick with it!
http://www.kuwait.prokr.net/
http://www.emirates.prokr.net/

 

Post a Comment

Links to this post:

Create a Link

<< Home