Saturday, January 26, 2008

عيد الشرطه و معبر رفح و اشياء اخرى

1

احتفالا بأعياد الشرطه. وايمانا منى بالدور العظيم للشرطه المصريه على قفا المواطنين المصريين
قلت ارجع علشان نحتفل بعيد الشرطه القومى الوطنى. و بالمناسبه دى نهنىء الشرطه
و بما ان الشرطه فى خدمة الشعب و طبعا الخدمه هنا شىء نسبى بدون تعريف محدد
و كل واحد بيحدد الخدمه من وجهة نظره
فالشعب لازم يصبح على الشرطه فى عيدها و لازم نسمع سلام يا ظالمنى
و بهذه المناسبه نذكر اجهزة الشرطه المصريه بأنجازاتها فى العام المنصرم
و اهمها الفشل الذريع فى القبض على سفاح بنى مزار
و فشلها الأذرع فى القبض على سفاح المعادى الى غير ذلك من الأنجازات
و بعد التحيه و الذى منه اهدى الشرطه المصريه هذه الفيديوهات
لكى تتذكر ابداعاتها التى لا مثيل لها فى التعذيب و التى من المنتظر ان تدرس فى العالم
بس يا ريت يسجلوها براءة اختراع. رغم ان كده الأختراع هيفقد برائته

فيديو 1

فيديو 2

فيديو 3


2

بدايه لابد منها لازم اقول انى كنت سعيده جدا بفتح معبر رفح للفلسطينيين. لدرجة انى بكيت تأثرا بمشهد تدفق الفلسطينيين على رفح.
لكن – استدراك لا بد منه – هل تفجير جزء من سور معبر رفح بهذا الشكل يمكن السكوت عنه؟
هل ده مش عمل اجرامى؟
اعترض على اغلاق المعبر لا مشكله فى ذلك.
بل و اتمنى ان يظل المعبر مفتوح دوما لكل من يريد شراء احتياجاته و عودته مره اخرى.
فغلق المعبر بالشكل المتعنت غلط بل و عمل لا آدمى.
لكن مش معنى كده تفجير المعبر و محاولة الدخول بالقوه.
هذا التصرف مرفوض و قد يؤدى هذا الى فقدان الكثير من التعاطف مع الفلسطينيين
فلينضم هذا الموقف الى اشقائه من المواقف المخزيه من الشعب الفلسطينى فى حق مصر
و لعل ابرزها ضرب وزير الخارجيه السابق احمد ماهر بالأحذيه
بصرف النظر عن اختلافنا مع اى وزير فهو فى النهايه يحمل اسم مصر. و اهانته اهانه لمصر
و ارجو من اى شخص يغضب من هذا الكلام ان يلقى نظره على
هذا المقال




3

اشعر احيانا بل و كثيرا انى بكتب بدون فائده. لذلك فكرت القيام بعمل هادف يكون له فائده.
بدايه منطقيه و استلال لابد منه. و بعدين؟

عندك بطاقه انتخابيه؟
طيب لسه عندك وقت تطلع بطاقه انتخابيه. صدقنى بلاش تقول انها من غير فايده
هى ممكن يكون ليها فايده
انا كواحده من حزب الجبهه الديمقراطيه عاصرت تجربه مريره للحزب فى انتخابات دائرة المنيل لمجلس الشعب
انتهت بأنسحاب مرشح الحزب قبل اعلان النتيجه
اللى كانت بالطبع لصالح مرشح الوطنى
لو انت عندك بطاقه انتخابيه اكيد مش هتمنع التزوير بس على الأقل هتمنع ان حد يزور بأسمك
و ممكن ترشح الشخص اللى انت عايزه و يكون ليك رأى
فى الأول هيكون صعب بس لما كلنا يكون معانا بطاقه مش هيقدروا على التزوير بدرجه عاليه.
بلاش سلبيه..........فكر بأيجابيه.

20 Comments:

At 26/1/08 10:20 AM, Blogger يا مراكبي said...

أولا كل سنة ومصر كلها طيبة بمناسية عيد الشرطة .. مصر اليوم في عيد

ثانيا .. كل سنة ومصر كلها طيبة وهي بتستدرج من غير ما تآخد بالها .. وأهو سيناء بقى لها معانا ربع قرن وسايبينها فاضية .. عملنا بيها إيه يعني؟

ثالثا وده الأهم .. هو فيه بجد حد ممكن ينتخب بإسمي وأنا مش موجود أو حتى ماليش بطاقة إنتخابية؟ بلاش كلام مغرض

 
At 26/1/08 12:09 PM, Blogger حسام مصطفي إبراهيم said...

كل فترة من الزمان لابد ان تأتي مراحل انتكاس وانكسار فتدفع بالناس الى التدقيق في اعماقها بحثا عن الخلاص
واشد ساعات الليل ظلمة هي الساعة التي تسبق طلوع الفجر مباشرة
لسه فيه امل ... ما تقلقيش .

 
At 26/1/08 1:13 PM, Blogger nonoymm said...

هرد على حاجة واحدة بس في البوست بتاعك
تخيلي معي ابنك يأن من الجوع والعطش وهي على بعد خطوة منك
بينك وبينها سور ومدفع في وشك
هتعملي ايه
لو انتي ام هتعرفي الاجابة بسهولة
بلاش كلام منمق اللي ايده في المية مش زي اللي ايده في النار
على بال ما يستنوا كلمة من البيه المسئول ولا الصمت الدولي يطلعله لسان
يكون الاف الاطفال ماتوا من الجوع والعطش
ايه رايك اقتحام السور فظيع ولا الابادة الجماعية افظع
كل عيد شرطة وانت بخير

 
At 26/1/08 2:12 PM, Blogger No Fear said...

السلام عليكم
حمد لله علي السلامة
و يارب تكون الإمتحانات تمام
أولا
يعني أنت سايبة سيادة اللواء يتسأل كل الفترة اللي فاتت دي و لما رجعتي قلتي له الإجابة بس كا ن لازم تقوليله كل سنة و حضرتك طيب بردوا ده واجب يعني
:)
بالنسبة لموضوع غزة
معرفش مش متفق معاكي بالرغم من إني قريت المقال اللي أنت قلتي عليه
حاسس يعني أنه نوع من أنواع التجني علي حماس بطريقة غير مباشرة و الله أعلم بصرف النظر عن إختلافي إو إتفاقي معها
ليه يعني مصر قفلت المعبر و شاركت في حصار الشعب الفسلطيني مصر أضعف من إسرائيل هم أتشطروا علي البردعة لا مؤاخذه يعني
و عاوزك تحسي بهم كويس
الضربة لما بتكون من عدو بتوجع و لو من اخ بتوجع أكتر بكتير
ثالثا
البطاقة الإنتخابية
و الله مرة رحت أطلعها الرجل ضحك علي و قالي لا لازم تقدم طلب في وقت محدد بالرغم من إنا مواليد 82 يعني مش محتاج طلب للتسجيل أتسجلت أوتوماتيك بس مش مشكلة
و مش هأروح تاني ليه بقة
علشان كده كده واحد بلطجي اللي هيكسب بس الفرق هو بلطجي مع الحكومة ولا ضدها بس هي دي الفكرة ده أنا بتكلم بالنسبة للدائرة الإنتخابية بتعتي بس علشان محدش يفهمني غلط
معلش طولت عليكي بس أنت غيبتي كتير و لازم الرد يكون كتير
:)

 
At 27/1/08 9:46 AM, Blogger Innocent said...

أولا كل سنة وانت طيبة ويارب الشرطة بتاعتنا زي السنادي تكون في الجحيم

أنا متفق معاك تماما في إن تفجير الفلسطينيين لمعبر رفح هو أمر لا يجب السكوت عليه ولا يجب أن نتعامل معه بعواطفنا. هذا هو الإجرام والإرهاب. وحين يؤيدهم مصري في شيء من هذا فأنا أرى أنه يعاني من إزواجية معايير. موقفهم غير مبرر.

تحياتي

 
At 27/1/08 10:08 AM, Blogger The Alien said...

كل سنة وإنتي طيبة
وأتمني تكوني عملتي كويس ف إمتحاناتك

موضوع غزة دا محيرني
أنا شخصيا معنديش تعاطف مع القضية الفلسطينية بشكل عام لإنها صراع ديني
بس أنا مع الإنسانية وضد تجويع الناس
وكمان أنا ضد إن أي حد يتعدي علي حدود مصر بالشكل دا

الناس كانت جعانة ومحدش قادر يعملهم حاجة
حماس لبسوهم وسابوهم جعانين ولسه بيعاندوا ومش عايزين يمشوا غير لما الناس تتصفي
إسرائيل اسلوبها معروف ومحدش بيقدر يكلمها
مصر موقفها محرج عشان الإتفاقيات
عشان كدا أنا محتار

تحياتي

 
At 27/1/08 4:26 PM, Blogger Dr-Online said...

اولا كل سنة ومصر طيبة ويارب الشرطة دي تكون في خدمة الشعب بجد مش في التعسير والتنطيط عليهم

علي العموم احييك علي محهودك
دي كانت اول زيارة ليا في المدونة بتاعتك

 
At 28/1/08 1:26 AM, Blogger bluesky said...

ازيك يا ميرو؟ ازي اخبار الامتحانات؟
ايه يا بنتي شدة السلخ على الشرطة لية ؟
دول الطف كائنات خلق الله ,منتهى الرقة و الشاعرية
يعني لو جيتي بصيتي لموضوع الضرب على القفا حتلاقي الموضوع عاتطفي جدا ...لان يا ستي هم بضربوا القفا الاول ..الراجل يجيلوا انفصال في الشبكية و يتعمى و مايشوفش ايه حاجة تحصلوا بعد كدة في اي حتة تانية
شفتى يا ستي ان الموضوع كله عواطف في عواطف
و كل سنة و قفاكم بخير

 
At 31/1/08 1:45 PM, Blogger qwert anime said...

كل عام و انتم مش بخير بمناسبة عيد الشرطة المبارك
ربنا
ما يعيدة علينا تانى

 
At 3/2/08 4:23 PM, Blogger nefertiti said...

ازيك يا مريومه وحشانى يا جميل
عيد شرطه مبارك:D

 
At 3/2/08 10:49 PM, Blogger mariam said...

يا مراكبي
يا خبر ايه النور ده كله
عيد الشرطه لازم يبقى عيد قومى

طبعا مش ممكن حد ينتخب بأسمك احنا بلد ديمقراطى
انا قلت كده؟
اكيد فهمتنى غلط



--------------------------------
حسام مصطفي إبراهيم
اتمنى يكون فى امل
و طبعا واضح التفاؤل فى كلامك
نورتنى جدا

 
At 3/2/08 10:58 PM, Blogger mariam said...

nonoymm
فى حاجه اسمها سياده دوله
انا ضد قفل المعبر بس حماس تقتحم المعبر و تفجره لأ و الف لأ
مصر مش دوله صغيره و اللى يحاول يتعدى على سيادتها لا يستحق اى شىء فى نظرى
انا متعاطفه جدا مع سكان غزه و ضد الموقف المتعنت للنظام المصرى
لكن تفجير و تعدى لأ لأ لأ
يروحوا يتشطروا على اسرائل اللى مبهدلاهم كل يوم
حماس مش قد مواقفها مش مشكلتنا
يا يكونوا قد مواقفهم و يحموا سكان غزه يا يرجعوا غزه للسلطه الفلسطينيه
لكن حتى دى مشاكلهم يحلوها مع نفسهم
لكن اى تعدى من حق الأمن المصرى يدافع بطريقته و مش هلومه
منورانى جدا


---------------------------------
No Fear
الله يسملمك و الحمد لله الأمتحانات عدت على خير
صدقنى يا محمد انا ضد قفل المعبر
لكن التعدى على مصر مش ممكن اقبله
يعنى هما بيتشطروا علينا احنا
حماس تتحمل نتيجة مواقفها دى مسئوليتها
لكن مصر تدخل طرف يبقى لأ

كلامك عن البطاقه الأنتخابيه ينطبق على دوائر كتير

طول زى ما انت عايز المدونه مدونتك طبعا منورنى

 
At 3/2/08 11:02 PM, Blogger mariam said...

Innocent
تقريبا متفقه معاك جدا بخصوص معبر رفح
لكن مش عارفه ليه ناس كتير مش عايزه تشوف الأمور بدون عواطف

منورنى


------------------------------
The Alien
هو موضوع فلسطين بالنسبه لى اصبح قضية امن قومى دلوقتى
بس حماس لازم تتحمل نتيجة مواقفها
و تكون قادره على حماية غزه اللى خدتها بالقوه يا اما ترجعها للسلطه الفلسطينيه لأن انا اللى يهمنى الشعب و بصراحه حماس منهم لله بهدلوا الشعب فى سبيل السلطه
دى مشكلتهم مليش دعوه لكن مصر خط احمر
منورنى جدا

 
At 3/2/08 11:04 PM, Blogger mariam said...

Dr-Online
منورنى فى اول زياره و شرفتنى جدا
اتمنى تكرر الزياره تانى


--------------------------------
bluesky
ازيك يا جميله عامله ايه
انا مش ممكن اغلط فى الشرطه ابدا
ده حتى البوست ده مخصوص علشان اقولهم كل سنه و هما طيبيبن
شتى انا طيبه ازاى
منوره جدا

 
At 3/2/08 11:06 PM, Blogger mariam said...

qwert anime
كل سنه و انت طيب
بس ارجوك بلاش مبارك قول اى حاجه تانيه حرام

منورنى جدا


------------------------------
nefertiti
ازيك يا نيمو و ايخ اخبارك
منوره يا قمر

 
At 19/2/08 9:58 PM, Blogger كريم عاطف said...

أولا حماس مش هي اللي فجرت السور دي لجان المقاومة الشعبية
ثانيا لما 68 واحد يموتوا بسبب الحصار ومافيش لا وقود ولا كهرباء والأكل على القد وياما الغزاوية عملوا مسيرات ومظاهرات وقالوا افتحوا المعبر احنا بنموت وسيادته مطنش يبقى إيه الحل، هو يعني إيه حدود أصلا بين سيناء وغزة هما مش كانوا حاجة واحدة قبل كده وكانت مصر مسئولة عن غزة إداريا (ده باعتبار أن الحدود دي أزلية و مش الاحتلال والاستعمار هو اللي صنعها) وبعدين الناس كل اللي كانوا عايزينه أنهم يشتروا لا سرقوا ولا نهبوا وبيتهيألي أن المعبر ده مش بتاعنا لوحدنا مادامت نقطة الاتصال الوحيدة بينهم وبين العالم الخارجي يبقى مش من حق الحكومة المصرية تقفل عليهم بالضبة والمفتاح
كانت فين بس السيادة دي لما الصهاينة قتلوا مصريين كتير قبل كده وصاحبنا كان بيقابل شارون ولا أولمرت وياخدهم بالحضن
تحياتي

 
At 2/7/15 11:14 AM, Blogger Unknown said...

ray ban eyeglasses
michael kors uk
louis vuitton outlet
gucci handbags
michael kors handbags
chanel no 5
retro 11
soccer jerseys
pandora jewelry
coach outlet
coach outlet
cheap nfl jerseys
cheap ray bans
coach outlet
longchamp outlet
ray ban sunglasses
cheap oakleys
michael kors handbags
louis vuitton handbags
ghd flat iron
coach outlet
prada sunglasses
ray ban glasses
coach factory outlet
abercrombie kids
longchamp outlet
hollister
abercrombie outlet
www.louisvuitton.com
oakley sunglasses
louis vuitton handbags
tory burch handbags
coach factory outlet
ray ban outlet
michael kors outlet
20150702xiong

 
At 31/5/16 10:32 AM, Blogger 柯云 said...

2016-05-31keyun
cheap toms shoes
hollister shirts
christian louboutin shoes
burberry sale
reb christian louboutin
coach outlet
cheap air jordans
michael kors outlet
ghd hair straighteners
toms outlet
celine outlet
jordan retro 13
michael kors handbags
nike roshe shoes
michael kors handbags
louis vuitton purses
ray ban eyeglasses
mont blanc pen
michael kors outlet
coach outlet
michael kors outlet online
louis vuitton outlet stores
oakley outlet
michael kors purses
cheap ray ban sunglasses
coach outlet online
louis vuitton purses
tiffany & co
retro jordans 13
michael kors outlet clearance
adidas uk
beats by dre outlet
coach factory outlet
cheap ray ban sunglasses
giuseppe zanotti sneakers
coach outlet online
coach outlet clearance
michael kors outlet
michael kors outlet online

 
At 14/7/16 10:49 AM, Blogger Fangyaya said...

jeremy scott shoes
jordan shoes
giuseppe zanotti sneakers
ray ban sunglasses wholesale
nike outlet store
timberland shoes
pandora jewelry
coach outlet
cheap oakleys
tiffany outlet
nike air force 1
adidas originals
rolex watches
timberland outlet
michael kors outlet
oakley sunglasses
coach outlet store online clearances
adidas outlet
ralph lauren polo
air jordan 13
coach outlet store online
adidas uk
nike running shoes
coach outlet
ray bans
pandora jewelry
timberland boots
cheap oakley sunglasses
nike air jordan
michael kors handbags
michael kors outlet
jordan 3
coach factory outlet
kate spade
nike air max 90
air max 90
adidas nmd r1
christian louboutin
ray ban sunglasses
louis vuitton outlet
20167.14chenjinyan

 
At 21/1/17 12:36 PM, Blogger Mie Helal said...




I definitely love this site
http://www.prokr.net/2016/09/cleaning-company-villas-and-houses-hasa.html
http://www.prokr.net/2016/09/cleaning-company-jubail.html
http://www.prokr.net/2016/09/cleaning-company-khobar.html
http://www.prokr.net/2016/09/cleaning-company-dammam.html

 

Post a Comment

Links to this post:

Create a Link

<< Home