Monday, October 08, 2007

محمد على ابراهيم........... مش هتقدر تغمض عينيك


رغم انى و الحمد لله لا اقرأ الصحف الحكوميه الا قليلا. الا انى تصفحت مقالات محمد على ابراهيم رئيس تحرير جريدة الجمهوريه طيلة عدة ايام ماضيه.
و الحقيقه لا اعرف لماذا اصريت على قراءة تلك المقالات
و تعجبت جدا من عدة نقاط و رؤى استعرضها هو


سأستعرض بعض مما جاء بكتابات محمد على ابراهيم معكم
و ارجوكم رجاء خاص بلاش حد يعدى عليا


الكلام المنقول من كتاباته بالأحمر
و تعليقى بالأسود


دلوني علي إضراب واحد في العالم كله من شرقه إلي غربه يطالب فيه العمال بحضور رئيس الجمهورية ورئيس الوزراء ليحلوا أو يسمعوا لمشاكلهم؟

والله عنده حق . اتفق جدا ان الكلام ده صحيح
لأن ببساطه دول العالم من شرقه لغربه لا تعتمد كل احوالها و تعقد كل آمالها على رئيس الوزراء و رئيس الجمهوريه
و الحقيقه الكلام ده اكبر دليل ان مصر مش دولة مؤسسات


لو فكرت الدولة بمنطق من الذي سيخسر ومن سيفوز؟ فإنها ستكون عفواً قد تنازلت عن هيبتها ومكانتها وأصبحت في موقف تنتصر فيه مرة وتنهزم أخري. ومصر لن تنزل لهذا المستوي أبداً.. والحكومة لن تترك قراراتها واصلاحاتها رهنا لرضا الشعب أو غضبه. فساعتها لن تكون دولة.
متحدثا عن ازمة عمال المحله

ايه المكتوب ده؟
ازاى بس الكلام ده
يعنى الدوله لو سمعت كلام الناس و حققت مطالبهم تبقى فقدت هيبتها؟
و نعم الديمقراطيه. لأ طبعا مش معقول الحكومه تترك قرارتها رهنا لرضا الشعب
شعب ايه؟ و هو الشعب ماله اساسا
يمكن يقصد ان الدوله لو رضخت للشعب ستصبح دوله محترمه
و الدوله المحترمه تعتبر فى رأيه مش دوله


ودعوني اسأل هؤلاء العمال. هل هذا التصرف الذي أقدمتم عليه هو المثال الذي ستتركونه لأولادكم وعائلاتكم؟ لقد كان عمال المحلة وغيرها من القلاع الصناعية الضخمة في مصر يسعون ويجاهدون كي يلتحق ابناؤهم بتلك المصانع بعد تقاعدهم. بل انهم يفضلون الخروج علي "معاش مبكر" حتي يحصل أولادهم علي فرصة سريعة للعمل.. ماذا حدث لهذا المفهوم؟ هل سيتركون لأولادهم خرابات وأطلالاً تنعق فيها البوم والغربان؟ هل هانت "العشرة" علي العمال الذين كانوا يرتبطون بعلاقات نفسية مع ماكيناتهم وأماكن عملهم؟

لا والله عندك حق العشره متهونش يا راجل
دول عشره مع المكن و اماكن العمل
و علشان العشره مفيش داعى يأكلوا العيال و لا حتى يربوهم
و لا فى داعى للعيال اساسا



قرأت كتاب د.سيار الجميل المؤرخ العراقي الأشهر الذي يعيش ويعمل في كندا
من خلال قراءة سريعة لفصول الكتاب عرفت لماذا انتشر هيكل؟ وهذا هو أول سؤال يجيب عنه الكتاب.. انتشر لأنه كان الكاتب الأوحد. ولأن الناس أحبت عبدالناصر وصدقته. فقد أحبت صديقه وصدقته
..

لا اعرف لماذا يتصيد محمد على ابراهيم الأخبار التى تكتب ضد هيكل
و هل كان سيتخذ نفس الموقف لو كان هيكل يدعم نظام مبارك؟


الرئيس مبارك حارب معركة أكتوبر والعالم تتنازعه قوتان. فلما أفل نجم الاتحاد السوفيتي وانتهي وتفكك عرف الرئيس حسني مبارك كيف يعيش بعدها مع قوة عظمي وحيدة. ولم تنحرف قيادته للسفينة بوصة واحدة أيام كانت هذه القوة تتحسس طريقها وتحاول تجميل صورتها في أعين العرب.

يااااااااااه رغم ان انا اعرف حرب اكتوبر من 20 سنه
لكن الحقيقه اول مره اعرف ان الرئيس مبارك هو اللى حارب المعركه. حتى ان الرئيس نفسه لم يقل هذا الكلام
كنت فاكره ان السادات هو اللى خاض المعركه
مفيش مشكله نكتب التاريخ من الأول
و لا تزعل نفسك


عذراً يا سادة لم يشعر أحد بالاحتجاب ليس لأن اليوم أجازة رسمية. ولكن لأن الاحتجاب خاص بعلاقة الصحافة الخاصة بالحكومة وبعض مشاكلها الأخري. وأعتقد أنكم مازلتم بعيدين عن الارتباط الحقيقي بالجماهير

متحدثا عن احتجاب الصحف احتجاجا على حبس الصحفيين

و بما ان احدا لم يشعر بالأحتجاب فلم يكتب عنه سوى معظم رؤساء تحرير الصحف القوميه ان لم يكن كلهم
و خاصة ان محمد على ابراهيم كتب عنه اكثر من مقال
واضح انه لم يشعر به مطلقا


إن الصحافة الخاصة احتفلت بيوم كيبور دون أن تدري لأنه وافق هذا العام يوم العاشر من رمضان لأول مرة بعد 34 عاما. والمعروف أن إسرائيل كلها تأخذ إجازة في عيد الغفران أو "يوم كيبور". فهل أرادت الصحافة الخاصة أن تحتجب في ذكري يوم النصر العظيم أو قبله بيوم وذلك لتشترك مع الصحافة الإسرائيلية في شيء؟! ولم لا فكثير من تقارير الصحف الخاصة مستمدة من المواقع الإلكترونية الإسرائيلية أو المعلومات والأبحاث التي تنشرها الصحافة الإسرائيلية عن مصر وحكومتها ورئيسها

ايضا يتحدث عن يوم احتجاب الصحف


واضح انه لم يشعر بالأحتجاب لدرجة انه يكتب عنه لليوم التالى على التوالى
و الأهم انه يلصق صفة الخيانه بالصحف المحتجبه




استاذ محمد على ابراهيم يمكن نكون بحسب رأى رئيس الوزراء الفاضل شعب غير ناضج
و لكنى لا اعتقد بأى حال اننا يجب ان نعامل معاملة الأطفال

53 Comments:

At 8/10/07 10:26 AM, Blogger مـحـمـد مـفـيـد said...

الله يكون في عونك يا مريم

قدرتي تستحملي تقري الجمهوريه وكمان لمحمد علي ابراهيم

ده جرنان ينفع لمطبخ بس والله

 
At 8/10/07 11:02 AM, Anonymous Anonymous said...

Dear Mariam,
First i want to say Aid Moubarak ,oh no, no moubarak please hhhaaaa, Aid Said and best wishes cause of Aid AL fiter after a few days. This njournalist is a perfect exampel of the third world journalist. he is doing and saying everything to protect people who payed him, hs is doing the same as the police officiers in egypt, he is using teh newspaper to public his stuped words and they usen power and foltering people to protect teh goverment. I am wondering you because you read such a things, i hope that we shall ahev a free pers one day in Egypt. Aid Said we kul sen we enta taiba, mybe see you once in december

Sherif

 
At 8/10/07 1:44 PM, Blogger Darsh said...

ههههههههههههههه.
حلوة النكت بتاعت الكاتب دا.
بس عمره ما هيكون أحمد رجب أبداً.
أحمد رجب هو عبقري الكوميديا السوداء.
إنما محمد علي دا الصورة الباهتة.
ما أظنش إن فيه حد بياخد الكاتب دا جد يعني؟
أكيد إنت عاوزة تضحكينا صح؟

 
At 8/10/07 4:16 PM, Blogger Monzer said...

رغم حسم الموقف فى البوست السابق :))
جيت أغتت تانى وازور
ولا وشوفى البجاحة وأعلق كمان ههههههه

طبعا متفق مع اخويا محمد مفيد
وازيد عليه
ان الكلام ده، يبعث غلى الانفجار من الغيظ، والتلكم بلغة غير الى رديتى عليه بيها
بجد صبوووووووووووووورة جدا

بس برده حاجة منحطة، انه يخون، وتلفيق وكذب ، متخيل منين ممكن يقرا لكلام ده ويقتنع بيه
حاجة تفقع المرارة صحيح

 
At 9/10/07 9:56 PM, Anonymous Aigle2207 said...

Très joli blog, bravo

 
At 10/10/07 12:24 AM, Anonymous Désirée said...

Un petit bonsoir amicale depuis la suisse.
Désirée

 
At 10/10/07 5:04 PM, Blogger رئيس جمهوريه نفسى said...

انا بقرى مقال محمد على ابراهيم تقريبا كل يوم بس علشان حاجه وحده بس اضحك

 
At 10/10/07 7:17 PM, Blogger micheal said...

ربنا يحرقه هو و أمثاله بجاز...ده ميفرقش عن الششتاوي الواطي_ اللي رفع قضايا علي الصحفبيين_ في حاجه
تحياتي لكي
و كل سنه و أنتي طيبه

 
At 11/10/07 8:44 AM, Blogger Amr Ahmed said...

محمد علي ابراهيم
طزززززززززززز

ايه القرف ده

انا مش عارف مالهم ومال هيكل

وبعدين هو حسني اللي حارب
سبحان الله

ربنا يستر وميطلعش هو اللي طرد الهكسوس

 
At 11/10/07 11:47 PM, Blogger bluesky said...

كل سنة و انت طيبة مريومة...و حشتيني جدا معلش عندي مشكلة غريبة في الجهاز بقالي فترة مش بيرضى اني اكمنت , عامة بخصوص الموضوع انا عن نفسي بقالي كتيييييييييير جدا ما قرأتش جرايد بكتفي بالاخبار اللى بعرفها عن طريق البلوجز و التلفزيون لان بصراحة ما لقيت صحفي احترمه بجد الحكومة حكومة و المعارضة تعارض كل شيء و الخاص صريح بس ساعات مضلل,,,اما الكلام اللي انت ذكرتيه دة كلام فاغ من راس اتسلمت مفاتحها للسلطة ...و ما اكثرهم

 
At 12/10/07 8:31 AM, Blogger sarah la tulipe rose said...

ليه يا بنتي تعملي في نفسك كدة
الجمهورية..دة جرنان حد يقراه برضه! و كمان محمد علي ابراهيم..في ميزان حسناتك انشاء الله!
كل سنة و انتي طيبة يا مريومة
عيد سعيد و كحك و بالونات و حركات !
حتعملي ايه في العيد؟

 
At 12/10/07 10:05 AM, Blogger Marvel said...

كان المفروض تكتبي تحذير لمرضى القلب والسكر والضغط قبل ما يقروا كلام الاخ محمد على هيما

بس احييكي على صبرك وهدوء اعصابك اللي خلاكي تستحملي تقري المقالات دي

كل سنة وانتي طيبة...عيد سعيد

 
At 12/10/07 4:28 PM, Blogger ذو النون المصري said...

مدهشه فعلا كلمات هذا الرئيس تحرير
مش عارف هما هيفضلوا يعتبرونا جهله لحد امتي
............ز
تقبل الله منا و منكم طيب القول و صالح العمل
كل عام انتم بخير و جميع افراد الاسره الكريمه بصحه و سعاده

 
At 12/10/07 9:12 PM, Blogger فريدة... said...

كل سنة وانت بخير يا جميلة

ربنا ياااارب يكون تقبل صيامك وقيامق فى شهر رمضان الكريم

تحياتى المحملة بكل حب وامنيات طيبة لك يا انسانة جميلة

 
At 13/10/07 2:54 PM, Blogger يا مراكبي said...

أنا أول مرة أسمع عن هذا الإسم .. لكن من الواضح طبعا أنه ينتمي إلى نفس القبيلة التي تدعي عدم نضج شعبنا وتفرض وصايتهم علينا مع إمتلاكهم الوسائل الإعلامية الحكومية المختلفة المحدودة الإنتشار بالطبع

عزيزتي .. إن مثل هؤلاء لديهم جهل مركب .. يجهلون أنهم يجهلون

 
At 14/10/07 1:10 AM, Blogger smraa alnil said...

اخس عليكي يا مريم

دة انا كان طارق هيسيبني يوم ما لاقاني ماسكة بالغلط جرنان الاهرام
وقالي خيانة انا حد من اهل بيتي يمسك الاهرام ولا المسا ولا الجمهوية

انا مش عارفة جالك قلب منين تقري الكلام دة

يا بنتي انتي ليه مستغربة من اي مقال تقريه في الصحف القومية

حرقيتلي دمي يا مرويم

كل سنةوانتي طيبة
ومش هاكل كحك سديتي نفسي
:))

 
At 14/10/07 1:15 AM, Blogger يَحيى المِصري said...

الأول كل سنة و إنت طيبة يا مريم

للأسف مضطر أقول لك تستاهلي حد يقرا لمحمد علي إبراهيم حد يعمل في نفسه كده يا بنتي

ده أنا قريت لسرايا مرة كان هايخليني أبطل قراية

 
At 14/10/07 1:26 PM, Blogger شقاوة شعب said...

فى تانى يوم العيد هقول
كل سنة وانتى طيبة ومعييدة وفرحانة وواخدة عيدية كبيييرة

شاركينى على مدونتى فرحتينى (اصلهم 2) وان شاء الله ماحد حوش

وشاركينا فى ملتقى الدفاع عن سجناء الراى وحقوق الانسان بحضور عدد كبير من المدونين والصحفيين
يوم الخميس الجاى 18/10 بنادى المحامين بالاسكندرية
كورنيش البحر- جليم
الساعة 5 مساءا

بجد اسكندرية هتنور لو جيتى يومها

 
At 14/10/07 5:18 PM, Blogger osama said...

مقال رائع .. وتحليل قيم..
وزي ما قال الاخ مفيد الله يكون في عونك انك استحملتلي الجمهورية كل دا.....
دي ابواق في يد الحكومة... وكما قال مظفر الحاكم يضرب بالطبلة .. وجميع وزارات الاعلام تدق على ذات الطبلة.. والصحفى الكبرى والوسطى وووو الخ
كله بيدق على ذات الطبلة..
وبالفعل شبعنا من ضرب الطبلة
فيا رب الهمنا الصبر
دمت بكل ود...

 
At 14/10/07 9:32 PM, Blogger mariam said...

محمد مفيد
شفت قدرتى على الأحتمال
فين ايام سمير رجب
كان ملاك و احنا مش عارفين
لأ و لا حتى ينفع لمطبخ
لو بربع جنيه خساره فيه
انا مش بشتريه انا بقراه على النت لأنى مش هدفع فيه مليم
منورنى جدا



--------------------------------
Sherif
welcome sherif
happy feast.
i wish you happy days.
this journalist can be any thing else rather than a journalist.
i just read those things for fun not more.
3eed sa3eed kol sana wenta bse7a w 5eer

 
At 14/10/07 9:37 PM, Blogger mariam said...

Darsh
صعب قوى نقارن احمد رجب بمحمد على ابراهيم
ده كده لو احمد رجب رفع علينا قضيه يبقى عنده حق
اساسا مفيش فعلا حد بياخد كلامه جد لأن اساسا مفيش حد بيقراله
طبعا انا عايزه اضحكوا هدية العيد
منورنى


---------------------------------
Monzer
تعلق و تزور و تييجى
البيت بيتك و المدونه مدونتك
و زيارتك دى شرف ليا بدون مجامله
و أختلاف الرأى لا يفسد للود قضيه

بالنسبه لمحمد على ابراهيم اطمن مفيش حد بيصدقه لأن ببساطه مفيش حد بيقراله اساسا
منورنى و اتمنى تنورنى على طول

 
At 14/10/07 10:55 PM, Blogger mariam said...

Aigle2207
merci beaucoup
mais pardon, je ne parle pas bien le francais
je suis tres contente pour ma visite


---------------------------------
Désirée
bonsoir et merci

mais desolee, je ne parle pas bien le francais

 
At 14/10/07 10:55 PM, Blogger mariam said...

رئيس جمهوريه نفسى
طيب بجد بجد انا بقراها علشان اضحك
و بموت من الضحك على اللى بيكتبوا
انا واثقه ان هو شخصيا مش بيقرا المقال بتاعه
منورنى


--------------------------------
micheal
يااه يا مايكل اول مره تكون متنرفز كده
بس عندك حق كلهم زى بعض
كل سنه و انت طيب و بجد كلك زوق

 
At 14/10/07 10:56 PM, Blogger mariam said...

Amr Ahmed
طرد الهكسوس و حارب المماليك و وحد القطرين
اى خدمه اتصل و نحن نصل
هو ده شعار محمد على ابراهيم
لو كتب التاريخ من جديد هتشوف احلى شغل
مش عارفه محروقين من هيكل كده ليه
ناس معندهاش دم
كل سنه و انت طيب



--------------------------------
bluesky
اهلااااااااا حمد الله على السلامه
و لا يهمك المهم انت طمنتينى عليكى
احسن حاجه انك مش بتقرى جرايد لأن فى الحالتين دمك هيتحرق
لو فريتى الحكومى هتفقدى اعصابك من كتر التزييف و لو قريتى معارض هتفقدى اعصابك من كتر الفساد
كده احسن
منوره جدا جدا

 
At 14/10/07 10:56 PM, Blogger mariam said...

sarah la tulipe rose
ساره مش معقول
اخيرا و بعد ظول غياب
وحشانى يا بنتى فينك

شفتى الزمن بقرا الجمهوريه
و آدى النتيجه
بالنسبه هعمل ايه فى العيد
احنا فى العيد اهو و انا فى البيت و برد على التعليقات
ايه رأيك احسن حاجه مش كده
منوره و متطوليش الغيبه




---------------------------------
Marvel
عندك حق فعلا المفروض اكتب تحزير
المره الجايه بقى
هههههههههه
اما بالنسبه لصبرى و هدوء اعصابى
فأعصابى اتدمرت خلاص

كل سنه و انت طيب و بخير

 
At 14/10/07 10:57 PM, Blogger mariam said...

ذو النون المصري
مش عارفه ده دليل على جهلنا و لا جهلهم هما
لأن ده دليل انهم مش فاهمين حاجه
كل سنه و انت طيب و بخير
و شكرا جدا لزوقك نورتنى



--------------------------------
فريدة...
كل سنه و انتى طيبه يا فريده
و كل الأسره بخير
و ربنا يتقبل منك
كلك زوق
نورتينى و شرفتينى

 
At 14/10/07 10:57 PM, Blogger mariam said...

يا مراكبي
هههههههههههه
بجد حلوه قوى جهل مركب دى
وصف جامد جدا بجد
احسن حاجه انك اول مره تسمع الأسم
و انصحك تكون آخر مره
و اوعى تفكر تقراله علشان مصلحتك
كل سنه و انت طيب


--------------------------------
smraa alnil
يادى النوور يا سمرا
ايه طارق يسيبك علشان بتقرى الأهرام
بعد الشر
بلا اهرام بلا اخبار بلا جمهوريه
هو خايف على اعصابك يا سمرا
انتى مش عارفه حصلى ايه بعد ما قريت الكلام ده
لو شفتينى هتعرفى حصلى ايه
ههههههههههه
قومى كلى كحك بلاش دلع
و الا هقول لطارق انك بتقرى لممتاز القط
هههههههههههههههههههه
منوره و كل سنه وانتى طيبه و بخير

 
At 14/10/07 10:58 PM, Blogger mariam said...

يَحيى المِصري
كل سنه و انت طيب و بخير يا يحيي
آدى اخرة اللى يقرا لمحمد على ابراهيم
و اسامه سرايا
الحمد لله اننا مش بنقرا لممتاز القط



-----------------------------------
شقاوة شعب
كل سنه و انتى بخير
فين العيديه بتاعتى؟
ربنا يزيد و يبارك و يبقى عندك 10 مدونات
اسكندريه منوره بيكى و بأهلها
حقيقى كلك زوق
و بشكرك جدا على الدعوه الغاليه دى
هحاول اشارك بس مش وعد لأنى مش عارفه ان كنت هقدر آجى اسكندريه و لا لأ
منورانى جدا

 
At 14/10/07 10:58 PM, Blogger mariam said...

osama
اهلا بيك اولا
سعيده بزيارتك

كلامك كله صحيح
يكفى انهم مش بيحترموا عقولنا و ده شىء يدل على جهلهم
ربنا يرحمنا برحمته

 
At 15/10/07 1:28 AM, Blogger nefertiti said...

ازيك يا مريوم معلش بقى ملحقتش اقرا البوست هقراه قريب و اعلق اكيد
انا بس جيت علشان اقولك كل سنه وانتى طيبه وعيد سعيد

 
At 15/10/07 9:58 AM, Blogger altwati said...

كل عام وأنتم بخير

 
At 15/10/07 5:56 PM, Blogger وينكى said...

مريومه
كل سنه وانتى طيبه
ماما بتسلم عليكى وبتقولك مين العبيط ده؟؟

 
At 15/10/07 6:50 PM, Anonymous E7na said...

السلام عليكم. العدد الثالث من مجلة طراطيش كلام نزل بفضل الله, منتظرين زياراتكم و تعليقاتكم.
Trateesh Kalam

 
At 15/10/07 11:59 PM, Blogger امام الجيل said...

السلام عليكم
عيد سعيد
مكنتش احب ابدا ان ينتهى كلامنا باتهام جديد يعنى مزيدا على كل الاتهامات اللى حضرتك اتهمتيها للجماعة فى الاخر وجه الاتهام ليا انى بقول كلام الصبح واغيره بالليل
جزاكى الله خيرا
هاتكلم بموضوعية والكلام والاتهامات مش هتعصبنى ان شاء الله
بس اللى يتابع كلامنا من اوله يلاقى حضرتك عكس ما ذكرتى فى البوست عن تعاطفك مع الاخوان ومع كل هذه الاتهامات كيف يأتى التعاطف لاادرى وهل يعقل ان يكون جميع الاخوان بيقولوا كلام الصبح ويغيروه بالليل كده يسموهم جماعة الاخوان المنافقين مش المسلمين
وجينا للنقطة الاساسية فى الحوار وحضرتك قولتى عليها ده اى كلام
كان بوسعى انهى الحوار بعد هذه الكلمة لانها تهدم كل ما قبلها تهدم كل كلام عقلى ان يتم الحكم سواء بالانكار او بالاستنكار لشئ مستقبلى ولكنى احتراما للحوار استكملته وتعرفى حضرتك كل ما تتهمى اتهام وابينلك انك فهمتيه غلط ولما اوضحه تلاقيه عكس كلامى الاول ده بسبب الرواسب اللى عند حضرتك من الاخوان انا مش بهاجم والله بس بحلل الموقف بطريقة عقلانية
اصل الواحد اذا نبت فيه حب شئ او كره شئ عاش هذا الشعور معه زى ما بيقولوا الانطباع الاول يدوم ومهما جئت له بما يفند ذلك سوف يكذبك ولن يتقبل ذلك الا بصعوبة بالغة ممكن حضرتك تقولى لا انك مش بتكرهى الاخوان ومين قال ان ده عندى بس ده ممكن يكون فى اللاشعور واللى يتعاطف او يحب حد مش يوجه ليه كيل من الاتهامات بل بالعكس يحسن الظن بيه مش كمان يحكم على شئ غيبى ويصفه بالكذب يعنى لو قلت كلام وحضرتك اقتبستيه ووجهتى منه اتهام ولما اجى اوضحه المفروض نقول بقى لا صحيح والله كنت غلطانة يبقى الرد انى بقول كلام الصبح وبليل اغيره سبحان الله العظيم طب قوليلى حضرتك كنا ازاى هنوصل لاى نقطة اتفاق فى كلامنا اذا كان كلامى اما يوصف بالكذب او التبرير باى شكل حتى بضد كلامى يعنى لو الكلام معجبش يبقى فيه اتهام ولو عجب يبقى كذب وتغيير للكلام لتجميل الصورة بفضل الله الصورة مش وحشة عشان تتجمل وابشرك ان فيه من قيادات الاخوان من انتقدوا هذه النقطة والبرنامج لسه اصلا فى ظل الاعداد وليس نهائى يعنى ممكن النقطة دى تتبدل اصلا شفتى حضرتك الاخوان ازاى بنشوف ده فى اى حزب غير الوطنى حتى بس اللى ضايقنى ذلك الكيل من الاتهامات وفى الاخر اتهام شخصى
سامحك الله
ومش هقول الا
عيد سعيد عليكى
وكنت مستنى تهنئة بالعيد
ولا الكلام ده هيقطع التواصل
ده مكنش عيش وملح بقى :)

 
At 16/10/07 12:08 AM, Blogger mariam said...

nefertiti
يا نيمو انتى تنورى
فى اى وقت
كل سنه و انتى طيبه و بخير يا جميله



---------------------------------
altwati
كل سنه و انت طيب
شكرا جدا لزوقك

 
At 16/10/07 12:10 AM, Blogger mariam said...

وينكى
كل سنه و انى طيبه
يا ميرو
سلميلى على طنط كتير
و قوليلها مريم بتقولك ده مصيبه من مصايب الزمن
منورانى



-------------------------------
E7na
مبروك العدد التالت
انا جايه فى الطريق

 
At 16/10/07 12:25 AM, Blogger mariam said...

امام الجيل
و عليكم السلام و رحمة الله
عيد سعيد عليك
انا كنت مش ناويه ارد على التعليقات النهارده بس الحقيقه مش هينفع اتأخر بعد التعليق بتاعك
اولا اعتذر ان فهمت منى اى تجريح لشخصك

انا هتكلم بالقرائن اللى عندى

حضرتك قلت بالحرف

واختلف مع حضرتك انه لايوجد فكرة واحدة تمتلك الصواب المطلق لا بالطبع فكيف نقارن فكرة ابتكرها انسان بفكرة من صنع البشر


ثم عدت و قلت بعد ذلك
اولا بس انا مكنش قصدى مدام ان قولت ان المقارنة متصحش بين نظام وضعه ربنا ونظام بشرى ان الاخوان بيرفضوا الافكار المضادة ومش هيتيحوا لها فرصة ده اذا وصلوا للحكم اصلا ازاى والاخوان عايزين يعملوا حزب وهيتنافسوا مع احزاب تانية اللى يرفض الفكر الاخر يبقى يتنحى عن الدخول معه اصلا ويعتبره كأن لم يكن

ارجوك اليس هذا الكلام منافى لبعضه
ام انى اقذفك بالباطل

ثانيا لا يوجد عندى رواسب من الأخوان
و لو وجد عندى فهى فى صالحهم
فمعظم من اتعامل معهم فى الكليه لمعرفة شئون ما يحدث هم من الأخوات و علاقتنا اكثر من طيبه
الى جانب انى تضامنت مع الأخوان فى كليتى العام الماضى بعد التعسف ضدهم فى انتخابات اتحاد الطلبه
بل و قمت بترشيحهم فى الأنتخابات الموازيه
و ده اكبر دليل انى لا اكن شىء ضدهم
لأنهم مثل اى فصيل سياسى على الساحه بالنسبه لى
فلست اخوانيه و لكنى لا اضمر شيئا للأخوان
تماما كما انى لست يساريه و لا اضمر شيئا لليسار
و للعلم سأذهب لمراقبة الأنتخابات الطلابيه هذا العام لأسجل اى ظلم قد يقع على الطلبه و فى الغالب يقع على طلبة الأخوان

اعرف جيدا ان هناك عديد من قيادات الأخوان انتقدوا النقطه التى اشرت اليها مثل د. ابو الفتوح و د. عصام العريان بعد خروجه من السجن و آخرين
الى جانب عديد من شباب الأخوان مثل المدون الأخوانى عبد المنعم محمود
و هذا ان دل على شىء يدل على ان تلك النقطه لفتت نظر الجميع بما فيهم الأخوان
و هذا يعنى انى لم اقصد الهجوم من البدايه

و بعدين انا هكره الأخوان ليه
هما كانوا عملوا لى ايه
بالأولى اكره الحزب الوطنى اللى هو سبب كل البلاء اللى احنا فيه

اذا ازعجك الحوار اعتبره كأن لم يكن
و اذا بدر منى اى تجريح شخصى تأكد انى لم اقصده و اعتذر عنه ايضا

و كل سنه و انت طيب
و سأظل سعيده بتواصلك معى

 
At 16/10/07 2:56 AM, Blogger saso said...

تابعت اوي نقاشك مع امام الجيل البوست اللي فات
مكنش عندي حاجة تتقال فسكت.. بس لازم اقولك ما شاء الله مريم عليكي
:)
مقلتش كومينت .. مقولكيش برافو يبقي باهرج بقي
كل سنة وانتي طيبة مانو

عن محمد ابراهيم
ثقافة الاضرابات عموما غريبة عننا.. طبيعي انها تتقابل كده واكتر كمان
انا بقيت حاسه اني في روسيا ايام المرحوم بتاع البروسترويكا، الكل اكتشف ان الاضرابات واوقات البلطجة واوقات العنف هو الطريقة الوحيدة للفت النظر لحق مشروع

بس كده مش هنخلص.. في يوم رعبونا وقالوا المطار عامل اضراب بحسبة بسيطة انا كشركة علي قد حالها كنت هاخشر اربعين الف دولار تمن تيكتس الخارجي والكونكشن اللي هتروح
العمال عرفت انها ماسكه صحاب القرار من ايدهم اللي بتوجعهم.. الحكومة بقي بدل ماتحل المشكلة بتفكر ازاي تفهمهم انهم لو خبطوا راسهم في الحيطة ميش فايدة

مرة كانوا جايبين تفريق اعتصام العسكري بيحرك ايده بغباء بيهش المتجمعين كانها مظاهرة..قانون التجمهر بيجرم التجمع من ناحية.. يطلعلك واحد محترم يقولك تعطيل سير العمل ومن حقي ارفدهم او اخصم 10 ايام

يابني معتصمين مش هيعطلوا سير العمل ازاي، الناس عندها مطالب لو اتحققت يبقي الناس كسبت لا احنا نستمر في الرفض برضه وبعدين نبعت الاخ بتاع النقابة يساومهم

عارفه في كام موظف بعقد مضوا انهم ميتعينوش ابدا كانوا ف اعتصام برضه واتفرقوا مع وعد بالرفد!!! مش تحقيق مطالب بقي
وبعد العفو حصلوا علي الحق زيرو اللي هو الرجوع لنفس النقطة اللي كانوا عليها وميترفدوش وميطالبوش بالتعيين

عمار يا نقابة العمال

رغاية انا يا مانو ..معلش.. اعتبريه كومينتين في بعض

 
At 17/10/07 7:24 PM, Blogger البرديــــــة المصرية said...

نفاق كلاسيكي موجود من الاف السنين
ليه موجود ؟
ببساطة لأنه تواجد من يقرأه

حرام عليكى الجنيه اللى دفعتيه فى الجريدة , لو اشتريتى بيه لب سوبر كان أحسن

 
At 17/10/07 7:59 PM, Blogger mariam said...

saso
كل سنه و انتى طيبه يا ساسو
مش عارفه اقولك ايه على كلامك الحلو ده
بجد كالعاده بتحرجينى بذوقك

نقابة العمال!!
العمال ربنا معاهم
فعلا اصعب حاجه ان حد يكون مش عارف ياخد حقه
فعلا كلامك منطقى و تطبيق عملى على بيحصل

ارغى براحتك تنورى دى مدونتك طبعا
ده انا ما صدقت انك رجعتى
هتطولى الغياب لأمتى
انتى بتوحشينا بجد



--------------------------------
البرديــــــة المصرية
اهلا بيك
اولا منور
النفاق ده بالخصوص مش بيقرأه غير شخص واحد
اما بالنسبه للجنيه
لأ طبعا انا مش ممكن ادفع مليم فى الجمهوريه
انا قريته على النت
شفت الذكاء

 
At 18/10/07 4:59 PM, Blogger mohamed said...

للاسف رؤساء التحرير كلهم اسوأ من بعض بس دول حتى أسلوبهم ككتابه وحش مش بس المضمون وكتاباتهم غريبه تحس انة بيتكلم عن دولة تانيه خالص غير اللى احنا عايشين فيها

وادية بياكل عيش

 
At 18/10/07 6:41 PM, Blogger الشنكوتي الكبير said...

تصدقي مقدرتش اكمل الكلام المزعج ده
عموما كل سنه وانتي طيبه
سلاااااااااااااام

 
At 19/10/07 12:08 AM, Blogger nor said...

والله انت اللي غلطانه....
وبعد كده جالك قلب تكتب كل كلامه حتى ولو على سبيل التهكم والرد... ده مشوار جبار

المهم كل سنة وانت طيبة

 
At 21/10/07 11:21 PM, Blogger mariam said...

mohamed
اهلا بيك
و شكرا لزيارتك
فعلا رؤساء التحرير بيتكلموا عن دوله تانيه غير بتاعتنا



----------------------------------
الشنكوتي الكبير
عندك حق هو كلام مزعج فعلا
كل سنه و انت طيب شكرا لذوقك



----------------------------------
nor
ياااه حمد الله على السلامه
فينك كل ده
عندك حق اكيد انا اللى غلطانه

 
At 17/11/07 7:50 PM, Blogger Mina said...

This comment has been removed by the author.

 
At 11/3/09 5:12 PM, Anonymous Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

 
At 25/8/14 3:40 PM, Blogger sahar ali said...

موقع اخبارى
اخبار محلية
اخبار عربية
حوادث
اقتصاد
اخبار دولية
اخبار الاقتصاد
اخبار الرياضة
اخبار الفن
اخبار التكنولوجيا
فيديوهات اخبارية
اخبار المرأة
انتخابات مصر
مجلس النواب
فعاليات
اخبار عاجلة
قنوات اخبارية
بث مباشر
كواليس
مواقع اخبارية
اخبار
اخبار نت
اخبار السياسة
موقع اخبار
اخبار مصر
اخبار رياضية
اخبار الحوادث

 
At 12/2/15 10:32 AM, Blogger Mona News cameras said...

شركة الأنظمة الأمنية لكاميرات المراقبة
كاميرات مراقبة
ماكينات حضور وانصراف
اجهزة سنترالات
اجهزة انتركم
كاميرات مراقبة مخفية

كاميرات مراقبة لحماية محلات الذهب

التحذيرات قبل شراء كاميرات المراقبة

المسموح والممنوع من كاميرات المراقبة

أجهزة الأنظمة الأمنية

كاميرات مراقبة للقضاء على الاهمال

تركيب وتوريد وبيع كاميرات المراقبة

ماكينات حضور وانصراف تتعرف على الوجه

استفسارات ماكينات الحضور والانصراف

حضور وانصراف بالبصمة والوجه والكود

اجهزة انتركم جماعية

اجهزة سنترالات بشاشات

 
At 12/2/15 10:32 AM, Blogger Mona News cameras said...

ماسة للتجارة الخارجية
كاميرات مراقبة في مصر
اجهزة حضور وانصراف

كاميرات المراقبة المتحركة
نصائح قبل شراء كاميرات المراقبة
كاميرات مراقبة لمصنعك
شركة بيع كاميرات مراقبة
كاميرات مراقبة IP
أقل اسعار كاميرات مراقبة في مصر
كاميرات مراقبة سلكية ولاسلكية
كاميرات المراقبة المخفية
كاميرات مراقبة الصندوق
ماسة لاجهزة حضور وانصراف
تركيب وصيانة اجهزة الحضور والانصراف
اجهزة حضور وانصراف ببصمة الاصبع
اجهزة حضور وانصراف ببصمة الوجه
اجهزة حضور وانصراف بالكود الذكي

 
At 2/7/15 11:13 AM, Blogger Unknown said...

ray ban eyeglasses
michael kors uk
louis vuitton outlet
gucci handbags
michael kors handbags
chanel no 5
retro 11
soccer jerseys
pandora jewelry
coach outlet
coach outlet
cheap nfl jerseys
cheap ray bans
coach outlet
longchamp outlet
ray ban sunglasses
cheap oakleys
michael kors handbags
louis vuitton handbags
ghd flat iron
coach outlet
prada sunglasses
ray ban glasses
coach factory outlet
abercrombie kids
longchamp outlet
hollister
abercrombie outlet
www.louisvuitton.com
oakley sunglasses
louis vuitton handbags
tory burch handbags
coach factory outlet
ray ban outlet
michael kors outlet
20150702xiong

 
At 31/5/16 10:32 AM, Blogger 柯云 said...

2016-05-31keyun
cheap toms shoes
hollister shirts
christian louboutin shoes
burberry sale
reb christian louboutin
coach outlet
cheap air jordans
michael kors outlet
ghd hair straighteners
toms outlet
celine outlet
jordan retro 13
michael kors handbags
nike roshe shoes
michael kors handbags
louis vuitton purses
ray ban eyeglasses
mont blanc pen
michael kors outlet
coach outlet
michael kors outlet online
louis vuitton outlet stores
oakley outlet
michael kors purses
cheap ray ban sunglasses
coach outlet online
louis vuitton purses
tiffany & co
retro jordans 13
michael kors outlet clearance
adidas uk
beats by dre outlet
coach factory outlet
cheap ray ban sunglasses
giuseppe zanotti sneakers
coach outlet online
coach outlet clearance
michael kors outlet
michael kors outlet online

 
At 25/1/17 11:52 PM, Blogger Dalia Alaa said...


http://www.prokr.net/2016/09/furniture-moving-company-al-hasa.html
http://www.prokr.net/2016/09/furniture-moving-company-jubail.html
http://www.prokr.net/2016/09/furniture-moving-company-khobar.html
http://www.prokr.net/2016/09/furniture-moving-company-dammam.html

 
At 21/10/17 8:55 AM, Blogger نقل العفش said...

I really enjoyed reading this post, big fan. Keep up the good work andplease tell me when can you publish more articles or where can I read more on the subject?
شركة نقل الاثاث ابيات وهي من افضل الشركات التي تقدم خدمة نقل العفش في السعودية وبالتحديد في الدمام والخبر
نقل عفش بالدمام
شركة نقل اثاث بالدمام
شركة نقل عفش بالدمام
شركة نقل اثاث بالخبر
فلا تتردد بالاتصال لنقل العفش والاثاث في ابيات افضل شركة نقل الاثاث في الاحساء والخبر والدمام
ميز ارخص شركة نقل اثاث بالدمام كما ذكرنا بالاعلي باننا في المركز السعودي الخدمي بالدمام والخبر ونكون فى غاية السعادة عندما بخدمتكم دائما وفي المقابل نسعي للتميز حتي نكسب ثقتكم فالجميع يسعي دائما للتعاقد مع افضل وارخص شركة نقل اثاث بالدمام وهذا هو هدفنا ان نكون الافضل دائما من ناحية جودة الخدمات و الاسعار ايضا فاننا نقدم اليكم خدمات نقل جميع محتويات المنزل
نقل اثاث بالدمام
https://www.abyathh.com
https://www.abyathh.com/best-furniture-moving-company-in-dammam-2019.html
https://www.abyathh.com/furniture-faster-transfer-news-service-2019.html
https://www.abyathh.com/transfer-of-clothes-to-the-khaber-2019.html
https://www.abyathh.com/furniture-transfer-company-in-dammam-2020.html

 

Post a Comment

Links to this post:

Create a Link

<< Home