Wednesday, November 07, 2007

اللواء احمد ضياء الدين يتسائل الرأى العام مخنوق من الشرطه ليه؟


ليه ......ليه؟ يا ترى ليه؟
تفتكروا ليه؟

الحقيقه استفزنى جدا تساؤل -مساعد وزير الداخليه للشئون القانونيه -احمد ضياء الدين فى مداخله تليفونيه فى برنامج العاشره مساء. عن سر توجه الرأى العام ضد الشرطه. مستنكرا
الفرحه الشديده

التى سادت
بسبب الحكم بسجن المجرم اسلام نبيه



كيف يتعاطف الرأى العام مع من يرفض معاملته بطريقه انسانيه؟

من الأولى ان يتسائل سيادة اللواء لماذا ينادى معظم الظباط على اى متهم او مشتبه فيه او حتى شخص عادى
بكلمة يالا

فليتسائل لماذا يجب مناداة ظابط الشرطه بكلمة باشا

فليتسائل عن حالات الوفاه الناجمه عن التعذيب التى من الصعب حصرها ليس آخرها
قتيل شها


و امام كل
حالة وفاه

نتجت عن التعذيب هناك على الأقل عدة حالات لم تنتهى بالوفاه

الم يسمع او يشاهد كليبات التعذيب
الم يتصفح جرائم ظباط الشرطه على صفحات الجرائد

الا يعرف ان كلمة ظابط مرتبطه فى ذهن المواطن البسيط بالضرب على القفا

تساؤل اللواء لا يدل الا على شيئين. اما انه يحاول تجميل صورة جهاز الشرطه.
او انه لا يعرف حقا حجم الأنتهاكات

فلو انه يحاول تجميل صورة الجهاز. فمن الأسهل اصدار قرارات للظباط بعدم انتهاك القانون و حفظ كرامة المواطنين. و الألتزام بمواثيق حقوق الأنسان.
لا سيما ان مصر عضو فى مجلس حقوق الأنسان. مع انى مش عارفه تيجى ازاى دى بس اللى حصل
اما لو انه لا يعرف و هو مساعد الوزير. فتلك كارثه اكبر. لأن ذلك يعنى انهم بعيدون كل البعد عن المواطنين. و لا يعرفوا شيئا عن شكواهم و ما يحدث فى حقهم
لهذه الأسباب و غيرها لا يمكن انكار فرحتنا الشديده بحبس اسلام نبيه
و يا ريته كان خد حبس ستين سنه مش بس تلاته
و ان شاء الله دى تكون نهاية اى حد بيستغل سلطته ضد الناس
المهم ان نفس اللواء ظهر مره اخرى على برنامج 90 دقيقه بقناة المحور
بسبب حالة وفاه جديده لمواطن بقسم العمرانيه
ليؤكد انه لا يوجد خلل او ظاهره
و لكن المشكله فى رأيه هى العولمه التى ادت لظهور تلك القضايا
و تفسير الكلام ان مش مشكله ان فى قضايا تعذيب لكن المشكله ان الناس بتعرف اخبارها
و لا تعليق


40 Comments:

At 7/11/07 10:05 AM, Anonymous Anonymous said...

Dear Mariam,

The stuiped fucking general must go once to one of teh policestation, he must not go as a general but as a normal citizen and then he wil findout by his fucking stuiped eys what happend nin those stations. I know generals like this man, i told you before that my friends and i have been folterd by a stuped botcher like Islam nabih a years a go in my city hoem in AL minia, his name was Osama Nassar i am stil wishing him death. We complaind him by the big boss, als a b great general with a big body and a fet one, he says teh same as this general he is just ine officer of thouands the majorty is oke and forget it. This people must retire and they called themself Muslim, just in name , God help us my dear, sorry agian for using such a bad words

Sherif

 
At 7/11/07 10:10 AM, Blogger The Alien said...

كدب
الناس وأنا معاهم زهقنا من كتر الكدب

تحياتي

 
At 7/11/07 7:30 PM, Blogger Bella said...

هم كلهم بيتبعوا سياسة واحدة عقيمة وهي الانكار التامي
وكأن انكارهم بيلغي الحقيقة

بالضبط زي مااي مسؤول يروح يزور منطقة يقوموا مجملين له المنطقة ويخفوا تلال الزبالة بوضع سواتر تخفيها قال يعني كده خلاص ابقاش فيه زبالة

نفس المنطق العقيم يتعامل به السيد اللواء ومن هم على شاكلته
اصلا هم مش عايزين يلغوا التعذيب لان ده وسيلتهم لقمع المواطنين

وحتى الراجل المحامي اياه محامي الننوس ابن نبيه قال ان الشرطة عصا النظام

هو فاكر انه بيتندر بالكلمة دي ولو ان الوصف صحيح
الناس تكرخ الشرطة لانها عصا النظام التي يقمع بها المواطنين وليست عصا النظام التي يحمي بها المواطنين

هذا هو الفرق

ولن يغير جهاز الشرطة من طريقته مهما حصل لانهم يرون انهم الاقوى وتربوا على ذلك وكل اجيال الشرطة الجديدة تربيتها في الكلية قائمة على قهر وقمع اي مواطن واعتباره مجرم حتى يثبت العكس او يموت في ايديهم من التعذيب

وساعتها مافيش اوسع من الشوارع يترمي فيها اي مواطن اتعذب

ومش عاجبه يشرب من اقرب ترعة

 
At 7/11/07 8:43 PM, Blogger mohamed said...

بصراحة معرفش الناس دى بتقدر تكدب بالشكل ده ازاى انا احساسى انه من كتر ما بيكرر الكدبة بيصدقها

 
At 7/11/07 10:44 PM, Blogger Monzer said...

انا باه متغاااااظ زيك ويمكن أكتر
ان البيه المحترم .. مش عاجبه اننا فرحانين فى واحد هتك عرض واحد تانى .. طب لو كان اسلام ده مواطن عادى كنا هانفرح برده .. وكانت العقوبة هاتبقى أشد وماكانش هايبقى فيه حد فى ظهره وماكناش هايطلع هو يدافع عن إسلام او ظباط الشرطة .. طب يا عم اعتبره مواطن زيه زينا .. معلش تعالى على نفسك وابقى زينا كده جرب بس والله معلش احنا ماجبناشخمسين فى المية بس نجيبها بعد كده ان شاء الله
ما بالك ان ان ابن نبيه ده ظابط . يعنى المفروض انه يحمينى ويحميك ويحمى عماد الكبير .. مافيش حاجة فى القانون بتقول لو حد عمل قتل واحد بسكينة .. هات السكينة وحطها فى تيييييييت .. مافيش مادة فى القانون بتقول كده
ما بالك لو حد اشتكى ظابط انه زعقله أو قاله زي ما بتقولى كده يالا وطلع فى برنامج فى التيفزيون بيقول أنا زعلان ان فيه ظابط زعق فى وشى وشخط فيا وقالى يالا او شتمنى .. ماحدش لان ده بأه حاجة ممنهجة ..بمجرد انك تدخل أي قسم شرطة المفروض تدخل معاك كل معاناى الاستسلام واانهزام والذل والركوع والهوان .. ويخرج منك كرامتك وحقوقك وكل حاجة حلوة كانت فيك بس وانت خارج هاتفقد أشياء كتيرة جدا أهمها الغربة والخوف وفقد الاحساس بالأمان

ىسف لقد اطلت .. بس بجد متغاظ منه وادينى فشيت عندك اهو تحياتى

 
At 7/11/07 11:11 PM, Blogger ذو النون المصري said...

هيفضل كده طول عمره مش هيتغير الا اذا تغير النظام كله
في هذه الحاله فقط ممكن يعيش اجواء تانيه تغير من مفاهيمه للمواطن و حقوقه و حقوق الانسان بصفه عامه

 
At 8/11/07 3:48 PM, Blogger Innocent said...

يامريم النوعية دي من البشر يمكن أن يوصفوا بالبجاحة أو الغفلة وأرجح الأولى. المصيبة الأكبر هي ان الشعب يكون لسه ممكن يصدق الكلام ده.
المسئولين عندنا بيصدمونا بتصريحاتهم لانهم بيتعروا كتير بالليل وهذا من شأنه أنهم يحلموا كتير. يحلموا بشعب عبيط، يحلموا ببلد مفيش زيها، ويطلعوا يحكولنا الأحلام دي.

 
At 8/11/07 10:41 PM, Blogger micheal said...

عظيمه يا مصر يا أرض اللواء
حقول ايه يعني
:)
تحياتي

 
At 8/11/07 11:37 PM, Blogger على باب الله said...

أنا بنصح أي ظبوط صغير مش مسنود بأكثر من 3 لواءات فما فوق

أنه يتروي حبتين و يحاول يضبط أعصابه لما أيديه تبقي بتأكله و يحس أنه عايز يضرب أي مشتبه به

و بنصحه أنه يعد من واحد لعشرة بالمقلوب

و يلف له سيجارتين حشيش من الأحراز اللي عنده في القسم و يشربهم

قبل أن يقدم علي أي عمل قد يندم عليه

----

 
At 9/11/07 11:53 PM, Blogger Darsh said...

ربنا يهدي ظباط الشرطة و بشفيهم من أمراضهم النفسية و العاطفية آمين يا رب

 
At 14/11/07 12:03 AM, Blogger وينكى said...

ممكن أستغل المساحه دى واعمل اعلان صغير
نوفمبر يا جماعه16 ..مستنياكو يوم الجمعه الجايه الساعه 8 م..قاعة الحكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب

 
At 16/11/07 4:14 PM, Blogger شادي فايد said...

هما مكنوش كل ده حكموا على اسامة نبيه
!!!!!!!!!!1

 
At 17/11/07 5:19 AM, Blogger كفراوى said...

سؤال

هو سيادة اللواء بيخرج ف التلفزيون

ع يعزى و لا

يفضفض باى كلمتين و السلام؟؟؟؟

 
At 17/11/07 8:12 PM, Blogger Tamer Nabil said...

هو هيعمل فيها مش عارف

زى امريكا تعمل البلوة

وتقول هو العرب بيكرهنا لية

تحياتى

 
At 18/11/07 8:50 AM, Blogger Innocent said...

انتوا لسه بتندهشوا من الأمور دي. انا اتعامل مع تصريحات المسئولين بمصر على أنها تصريحات مسئول بجح لشعب مغفل
.

 
At 22/11/07 6:52 PM, Blogger شادي فايد said...

احنا المصريين بنعامل بعض ف الشارع معاملة غير انسانية
مستنية ايه من الشرطة
...
؟؟؟

 
At 23/11/07 4:14 PM, Blogger koukawy said...

لحقيقه هو سيادته علي طول معترض و شايف ان الشعب مالوش حق ده كده في كل مره بنسمع صوته في برنامج من البرامج الحواريه
و هو كان بيزعق في القاهره اليوم لما استضافو ناصر امين محامي عماد و عماد و اتصل سيادتة علي الهوا و هو كله ثقه و بيقول معادنا بعد الحكم
و اهو جه الميعاد و قفاه قمر توست و كرواسون مع العيش

 
At 25/11/07 1:24 AM, Blogger إسلام الحساني said...

السسسسسسسلام عليكم
انا مبسوط قوى من كلامك واستنكارك للمواقف الى بتحصل ديما من اخوانا بتوع الشرطه فى العالم الغلابه سب وشتيمه وضرب وأهانه ممكن يكون اكبر من ابوه كمان قلت ادب وقلت احترام
بس انتى عارفه ليه لآنه بقى من (عيلة النسور والنجوم) وبينى وبينك يختى دى عيله كبيره واخدين البلد عافيه بالدراع أنا ياما شفت كتير وكتير منهم بس اكتشفت ان ابن الناس فى الاصل بيكون محترم حتالو من العيله الهم والباقى على الى بيشبعو من بعد جوع ويفترو على خلق الله منهم البشوات الآمناء وباقى العرر الى فوقيهم رتب او تحتيهم يلا ربنا يصلح دى بلد
تحيــــــــــــــــــاتى

ملحوظه: كنت غايب فتره بسبب شغلى
وبدعوكى لزيارت المدونه

 
At 26/11/07 2:04 PM, Blogger A.SAMIR said...

اللواء احمد ضياء مثال جيد جدا لتوضيح الصورة السلبية للداخلية ورجالها
انا بافرح والله لوجود الشخص دة في المكان دة لانه بيسوء الصورة السيئة اصلا
وبالتالي بيزيد الاحتقان والغضب ضد الجهاز دة مما يعجل بالنهاية
شكرا وزارة الداخلية

 
At 28/11/07 10:11 AM, Blogger osama said...

لا هذا اللواء يعلم فهو الى الان ما زال يعذب .. وهذا اللواء يعلم فهو لم يولد لواءً بل تدرج .. هذا اللواء يعلم لأنه لن يكون لواء ولن يستمر في منصبة الا اذا استمر في بطشه .. فتلك هي السياسة اضرب المربوط يخاف السايب
.......
وهذه القلوب التي كالحجارة او اشد قسوة ان الله سينتقم منها وهو لها بالمرصاد..
دمت بكل ود
خالص تحياتي

 
At 29/11/07 9:21 PM, Blogger شادي فايد said...

شدي حيلك ف الامتحانات يا مريم
:)

 
At 2/12/07 11:36 PM, Blogger يا مراكبي said...

ما هو ده العادي دلوقت .. ممكن تبقى السماء لونها أسود من العوادم ويقولوا الجو صافي أهو .. ممكن يكون تلات أرباع الشعب بيشحتوا ويقولوا إن أغلب الشعب في مارينا

بيقولوا الكدبة ويصدقوها .. بيصدقوها جامد جدا .. وتلاقي فس وشهم الدهشة من إننا مش مصدقينهم

سبحان الله

 
At 5/12/07 7:43 PM, Blogger صاحب البوابــة said...

يحق له ان يظل يتساءل ما دمنا مصرين على عدم اجابته !!!

تحياتي لكل حر

 
At 12/12/07 5:45 PM, Blogger No Fear said...

السلام عليكم
هو لسه بيتسأل
أنا حفظت البوست ده
عارف أيام أمتحانات
ربنا معاكي
كل سنة و أنت طيبة

 
At 14/12/07 5:22 AM, Blogger الجحيم هو الحقيقه said...

ايه مريم فينك يابنتى؟ابقى طمنينا عليكى


كل ماادخل الاقى البوست دا ومفيش جديد؟
لعل المانع خير ان شاء الله


طمنينا عليكى بالله عليكى

سلام

 
At 14/12/07 7:12 PM, Blogger mariam said...

اشكر جميع المعلقين و اعتذر انى لم ارد على التعليقات منفرده
و اشكر من سأل عنى بجد شكرا محمد نوفير
و محمد الجحيم
شكرا ليكم
مشغوله شويه فى الأمتحانات كده
شكرا ليكم فعلا

 
At 20/12/07 4:38 AM, Blogger saso said...

ربنا معاكي اولا

كل سنة وانتي طيبة ثانيا

:)
يلا خلصي امتحانات وارجعي نوري

 
At 22/12/07 6:13 AM, Blogger أخ جامعة said...

ولماذا نتعجب عزيزتي ! ألسنا مؤمنين منذ البداية أنه بعيشون في دولة غير التي نعيش بها ؟
وأنهم لديك تلك البلد "اللي بتتقدم بيهم" !!!! وأنهم وصلوا لمرحلة من السلطة نسوا فيها معنى المواطنة !! وانهم وصلوا لمرحلة من الذل من اجل المنصب والمال نسوا فيها معنى الكرامة !! حقا هذا ما حدث صدقيني
وصدقيني حين أقول لك أنه يتعجب بصدق
وصدقيني حين أقول لك أنه يعتقد أن ما يحدث للمواطنين أمر عادي لا يستدعي الاحساس بالضيق أصلا
لقد سمعت من الاستاذ سيد بسيوني مدير حزب الغد بالاسكندريه موقفا غريبا رآه في أحد الاقسام هنا بالاسكندرية حيث انهال الضابط والأمناء بالضرب على أحد اللصوص وبعد أن انتهوا منه قالو له
انت تحمد ربنا ان ما اتعملش فيك غير كده !! انت في الشرع المفروض إيديك تتقطع !! انما احنا ما قطعناش ولا حته منك ؟؟
انه الجنون يا عزيزتي

اول مرة لي على مدونتك ولن تكون الأخيره
حقا اعجبتني

 
At 24/12/07 4:20 PM, Blogger نوري said...

مش عارفه ارد عليكي
اقولك ايه بجد
بس كل الي في وسعي اني اقول
فوق كل جبار جبار منتقم
والاهي كل الي بيعملوه ده
يطلع في اولادهم
عشان يدوقو طعم الي عملوه
في الناس واهاليهم
وربا يرجعلنا نصرتنا تاني
* * * *
وحشتيني قوي والله
وبجد ببقا كتير نفسي ادخلك
بس مبيبقاش عندي وقت خالص
يلا بقي(بست وشز فور يو )ياجميل

 
At 8/1/08 11:42 PM, Blogger فريدة... said...

فينك؟

 
At 9/1/08 1:43 PM, Blogger وينكى said...

كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا

 
At 9/1/08 10:54 PM, Blogger raspoutine said...

اكيد سيادة اللواء مبشوفش كويس
ربنا يشفيه

 
At 13/1/08 10:29 PM, Blogger saso said...

مــــريــــم
مكنتش امتحانات دي
مالك في ايه
؟

 
At 25/1/08 11:15 PM, Blogger mariam said...

اشكر كل من شارك بالتعليق و اعتذر عن التأخر فى الرد

sasoooooo
شكرا ليكى جدا يا ساسو
بجد مش عارفه اقولك ايه
امتحانات بقى منهم لله

 
At 20/5/13 2:24 AM, Anonymous Anonymous said...

السلام عليكم ورحمة اللة .يمكن الاستفادة من نظرية نماذج الصفوف في اختبارات التوظيف مثلا،فمن خلال تحديد متوسط و وصول العملاء إلى مركز الخدمة، و تحديد المستوى المرغوب الوصول إليه و الذي يكون محدد أساسا من دراسة العملاء،على أن يتم قبول الموظف الذي يستطيع تحقيق تلك المستويات.

 
At 2/7/15 11:14 AM, Blogger Unknown said...

ray ban eyeglasses
michael kors uk
louis vuitton outlet
gucci handbags
michael kors handbags
chanel no 5
retro 11
soccer jerseys
pandora jewelry
coach outlet
coach outlet
cheap nfl jerseys
cheap ray bans
coach outlet
longchamp outlet
ray ban sunglasses
cheap oakleys
michael kors handbags
louis vuitton handbags
ghd flat iron
coach outlet
prada sunglasses
ray ban glasses
coach factory outlet
abercrombie kids
longchamp outlet
hollister
abercrombie outlet
www.louisvuitton.com
oakley sunglasses
louis vuitton handbags
tory burch handbags
coach factory outlet
ray ban outlet
michael kors outlet
20150702xiong

 
At 31/5/16 10:31 AM, Blogger 柯云 said...

2016-05-31keyun
cheap toms shoes
hollister shirts
christian louboutin shoes
burberry sale
reb christian louboutin
coach outlet
cheap air jordans
michael kors outlet
ghd hair straighteners
toms outlet
celine outlet
jordan retro 13
michael kors handbags
nike roshe shoes
michael kors handbags
louis vuitton purses
ray ban eyeglasses
mont blanc pen
michael kors outlet
coach outlet
michael kors outlet online
louis vuitton outlet stores
oakley outlet
michael kors purses
cheap ray ban sunglasses
coach outlet online
louis vuitton purses
tiffany & co
retro jordans 13
michael kors outlet clearance
adidas uk
beats by dre outlet
coach factory outlet
cheap ray ban sunglasses
giuseppe zanotti sneakers
coach outlet online
coach outlet clearance
michael kors outlet
michael kors outlet online

 
At 14/7/16 10:45 AM, Blogger Fangyaya said...

timberland boots
adidas trainers
louis vuitton handbags
kate spade handbags
oakley outlet
coach outlet
coach outlet online
air jordans
kobe 9
adidas yeezy
giuseppe zanotti sneakers
jordan 8s
ralph lauren polo outlet
coach factory outlet
celine outlet
jordan 3 infrared
jordan 4 toro
coach outlet online
coach factory outlet
tory burch sale
toms outlet
coach outlet
oakley vault
ray-ban sunglasses
louis vuitton
nike trainers
rolex watches
louis vuitton handbags
louis vuitton outlet
christian louboutin outlet
nike sb shoes
true religion outlet
michael kors outlet
kate spade outlet
north face outlet
ralph lauren uk
vans shoes
coach factory outlet
air jordans
gucci outlet
20167.14chenjinyan

 
At 28/12/16 12:56 AM, Blogger dalia alaa said...

http://www.prokr.net/2016/09/bed-bugs-5.html
http://www.prokr.net/2016/09/bed-bugs-4.html
http://www.prokr.net/2016/09/bed-bugs-3.html
http://www.prokr.net/2016/09/bed-bugs-2.html
http://www.prokr.net/2016/09/bed-bugs.html

 
At 28/12/16 12:58 AM, Blogger dalia alaa said...

http://www.prokr.net/2016/09/bed-bugs-11.html
http://www.prokr.net/2016/09/bed-bugs-10.html
http://www.prokr.net/2016/09/bed-bugs-9.html
http://www.prokr.net/2016/09/bed-bugs-8.html
http://www.prokr.net/2016/09/bed-bugs-7.html
http://www.prokr.net/2016/09/bed-bugs-6.html

 

Post a Comment

Links to this post:

Create a Link

<< Home