Monday, October 22, 2007

الملك فاروق و الملكيه و التوريث


لأول مره يتناول مسلسل الملك فاروق حياة الأسره المالكه بشكل مختلف عن الذى اعتدنا عليه
فدائما و لابد ان يظهر الملك فاروق على وجه التحديد بأنه فاسد الى اقصى درجه و لا يفكر الا فى نزواته فقط
و ربما لهذا السبب تابع عدد كبير مسلسل الملك فاروق رغبة فى التعرف عليه بدون زيف
بدون انحياز معه او ضده فعهده عهد قد انتهى و لن يعود. و هناك رغبه فى التعرف على تاريخ مصر

الغريب هنا هو ذلك الرعب الذى اصاب بعض رموز الحكم و صحفيى الحكومه من تعاطف الناس مع الملك فاروق
لدرجه جعلت روزا اليوسف تقدم عدد كامل عن مميزات العهد الجمهورى
الى جانب عدد من المقالات لكتاب مختلفين عن هل ستعود الملكيه
و الخوف من الملكيه و ما الى ذلك

لدرجة انى كنت قد قاربت على الأقتناع اننا فى جمهوريه بجد


الحقيقه فى كلا العهدين الملكى و الجمهورى لم يتدخل الشعب لأختيار رئيسه او ملكه
الفرق ان فى الملكيه بنكون عارفين ولى العهد
لكن فى الجمهوريه بتفاجئنا الأقدار

تماما كما اننا رهن اشارة الرئيس كما اننا كنا رهن اشارة الملك
مع الأخذ فى الأعتبار ان الملك كان يقيم حسابا للقوى المعارضه و على رأسها حزب الوفد القديم
فى حين لا يقيم احد حسابا لأى شخص فى العهد الجمهورى






الخوف الحقيقى فى رأيى مش من تعاطف الناس مع الملك فاروق
لأن اكيد الناس مش هيصحوا الصبح يقولوا عايزين مصر تكون ملكيه لأن مش بأرادتهم طبعا و الا كان زمانهم غيروا شوية رؤساء على الماشى
لكن لماذا الذعر من الملكيه رغم مرور ما يزيد عن نصف قرن على الثوره التى اطاحت بها؟

تذكرت فجأه حوارا صحفيا كان قد تم مع الملك احمد فؤاد ابن الملك فاروق من قرابة عام. و كان يتحدث عن المضايقات التى تواجهه فى الدخول الى مصر و ما الى ذلك


الخوف هو من زيادة العقبات فى طريق توريث الحكم
بحيث اذا تم التوريث فى العهد الجمهورى ستظهر تساؤلات من نوعية لماذا اذن قامت الثوره
لماذا اذن الأنقلاب على الملك و يبدأ البحث فى الملفات القديمه
و بالتالى قد يصل البعض ان بما انه كده توريث و كده توريث فليسلم عرش مصر الى الملك احمد فؤاد ابن الملك فاروق بأعتباره الوريث الشرعى للعرش
.
.
.
.
.
.
خارج النص
محمد على ابراهيم يحرض على استخدام القوه مع الأضرابات
اقتباس من الجمهوريه:
الناس تتصور أنها تتحدي الدولة. والحكومة لاتستطيع في وقت سمحت فيه بالديموقراطية والحراك السياسي أن تتعامل بعنف شديد مع هذه الإضرابات. وإن كان من حقها حماية العدالة وترسيخها والحفاظ علي حقوق المواطنين
.
.
ربنا لا تؤاخذنا بما فعل السفاء منا يا رب العالمين

30 Comments:

At 22/10/07 3:04 AM, Blogger درش said...

مش عارف ليه حاسس إن المسلسل دا معمول بتوجيه من الحكومة ذات نفسها عشان تهيأ الناس لتقبل فكرة الملكية.
لأ و كمان دا مسلسل مخرجه سوري ، من البلد الذي تحكمه سلالة بشار الأسد. ( نظرية المؤامرة )

و على أي حال ، أنا ما بأحبش الملك فاروق حتى لو كان ملاك ، أولاد محمد على كانوا بيحكموا مصر و هما معتبرين نفسهم مش مصريين و حتى شرعيتهم إنتهت بعد سقوط الخلافة العثمانية سنة 1914. و كان لازم يبقى فيه شرعية جديدة تحكم مصر و كانت أفضل شرعية هو حكم البلد بحكام يعتبروا نفسهم مصريين.

أساساً كان مفروض حكم محمد على ينتهي بعد 1840. ماكانش ليها لازمة إنه سلالته تمسك في الحكم بعد ما خسر حربه مع الأوروبيين.

 
At 22/10/07 3:22 AM, Blogger الأستاذ said...

والله أنا عن نفسي مؤيد لفكرة الرجوع للملكية
وموافق إن "تيم حسن" هو اللي يمسك العرش
لأني مضمنش أحمد فؤاد هيبقى عامل إزاي ولأن الناس كلها أجمعت إن تيم حسن عمل دور الملك أحسن من الملك فاروق نفسه
شكراً لحسن إستماعكم

 
At 22/10/07 9:13 AM, Anonymous Anonymous said...

Dear Mariam,

Of course histroy has never been objectief, it depends on who write it, it is in every country the same not only in egypt, here in Holland they write their history from their point of view,that is logical.teh winner is writnig alwys the histroy acoording to his way of thinking. I do not like to have a king agian in egypt, monaric is something who belongs gto the middelage, being prsident must be because you are good enough for the job, and not because your parents were a president. The revoluation in egypt has done a lot of bad things but also a good things. it is a long story we need days to talk about it dear. Have a nice day

Sherif

 
At 22/10/07 11:59 AM, Blogger The Alien said...

المنتصر يكتب التاريخ

الناس بدأت تفهم دا
وهي دي الفايدة الحقيقية اللي إستفدناها من المسلسل
سيبك من موضوع هو كان كويس ولا وحش مش دا المهم
المهم إن الناس دلوقتي شافت الملك فاروق من وجهة نظر مختلفة غير اللي كانوا متعودين عليها
ودا خلاهم يفكرو وبعدين يسألوا و أكيد مسيرهم يفهموا

المسلسل خلا ناس كتير تعرف إن مش كل اللي بيتقال حقيقي و مش كل اللي درسوه ف المدارس صح


أنا رأيي إن زمان كانت الظروف صعبة
البلد محتلة وتحت الحماية
وأكتر من 90% من الشعب مش متعلميين
ومع ذلك كان فيه بوادر ديمقراطية وتبادل للسلطة
يعني لو كنا كملنا عليها كان زمان الوضع مختلف تماما
لكن الإنقلاب العسكري اللي حصل شال كل القديم
بدأ من تحت الصفر وياريته مشي لقدام
دا إحنا لسه تحت الصفر للنهاردة

تحياتي

 
At 23/10/07 10:31 AM, Blogger Mirage said...

إنتى معاكى حق فى الكلام ده كله بس النقطة انه مستحيل طبعا شعب مصر يقدر يختار رئيسه لأن الشعب خد خلاص على الإنبطاح والإستسلام للأمر الواقع

وكده كده السيد جمال مبارك هو رئيسنا القادم بلا ادنى منافسة

ريما يكون الإخوان المسلمين لهم دور فى النزاع على السلطة ولكن سوف تكون المعتقلات فارغة فى هذا الوقت انتظارا لهم جميعا

 
At 23/10/07 3:30 PM, Blogger أحمد المصري said...

مش لازم يطلع الملك على طول فاسد و ظالم ماهو انسان و اكيد فيه خير ولو قليل..بس محدش ينكر إنه برضه ملك منيل بستين نيلة..المسلسل حاسس انه تعاطف معاه زيادة عن اللزوم..معلش انا جاي صلالا اعتذر غني منتش باجي عندك من زمان ..آآآسف..كان عندي ظروف0

 
At 23/10/07 11:53 PM, Blogger يا مراكبي said...

حلوة قوي قوي قوي حتة توريث الحكم للأمير أحمد فؤاد دي .. حقيقي ملاحظة قوية جدا جدا .. وممكن فعلا دماغ الناس دي توصل لأنها تخاف من كده

فكرة عجبتني كتير

 
At 23/10/07 11:59 PM, Blogger يا مراكبي said...

حلوة قوي قوي قوي حتة توريث الحكم للأمير أحمد فؤاد دي .. حقيقي ملاحظة قوية جدا جدا .. وممكن فعلا دماغ الناس دي توصل لأنها تخاف من كده

فكرة عجبتني كتير

 
At 25/10/07 1:35 AM, Blogger micheal said...

لمعرفه ردي و تعليقي علي هذا البوست ...زوري مدونتي و اقرئي اخر بوست
:)
تحياتي لكي

 
At 25/10/07 9:26 AM, Blogger اسامة يس said...

لدرجة انى كنت قد قاربت على الأقتناع اننا فى جمهوريه بجد

تصفيق حاد.. ههههههههههههههههههههه
وبالنسبة للمسسل لان المخرج حاتم علي مخرج رائع متميز مش غشاش وعايش دور السبوبه ...
من صقر قريش لملوك الطوائف وربيع قرطبه.. مخرج فعلا رائع...


لا اظن اني ابتعدت كثيرا عن السياق ... فأحيانا الصمت ابلغ وسيلة للتعبير
دمت بكل ود..

 
At 25/10/07 9:20 PM, Anonymous Anonymous said...

السؤال الى بيتبادر لذهنى فى متابعتى للمسلسل بتاع الملك فاروق التاريخ بتاع مصر بيتكتب ازاى فى اى دوله التاريخ بيتكتب على يد مورخين بمنتهى الحياديه الا فى مصر يطبق شعار عاش الملك مات الملك
الملكيه كان عهد زال وملك فاسد ونظام كله فاسد قامت الثوره اتربينى على كده وعرفنا ده والمسلسل غير فكره ناس كتير
محمد نجيب اختلف مع الثوره ناس كتير متعرفش انى هو اول رئيس لجمهوريه مصر العربيه
جمال عبد الناصر كان يمشى فى الشارع يتشال على الاعناق مات اتحمل غلطات نظام كامل وفساد بعض رجال السلطه وحجات كانت بتحصل من وراء ظهره
محمد انور السادات هو وعايش بطل الحرب والسلام وهو قاد نصر اكتوبر مات اختزلت حرب اكتوبر فى اول ضربه جويه فتحت باب الحريه واتنسى دور السادات وبطولات شباب مصر ودمها الى غرق سيناء
اعتقد انى التزيف الجاى انى جمال مبارك هو الى اوحه للوالد بالضربه الجويه هو وبيلعب بالطياره الورق فوق سطوح البيت ده على اعتبار انو الرئيس القادمن
احياكى على استمراك فى متابع الاخ الصحفى ترزى التفصيل محمد على ابراهيم

 
At 26/10/07 1:59 PM, Blogger Layla said...

المسلسل دراميا كان ناجح جدا...اما تاريخيا فعليه علامات استفهام كبيرة جدا مثل تهميش بعض الشخصيات وتجاهل بعض الاحداث

اعتقد ان اعجاب الناس وانا منهم بالمسلسل كان بسبب درامية القصة التي ذكرتني بحيرة هاملت وخجله من والدته وغفلة الملك لير عما يدور حوله من مؤامرات تهدد عرشه

اما رد فعل مجلة روز اليوسف فليس غريب...ولكنه رد الفعل الطبيعي من مجلة بدأت بتوجهات يسارية...ولكن الغريب هو محاباتها للسلطة وللحاكم هذه الايام

 
At 26/10/07 7:47 PM, Blogger mo'men mohamed said...

انا واحد ميهمنيش هل الملك كان كويس ولا وحش
يكفينى شىء واحد يخلينى اكره أكتر من أى شىء احتفظ به لنفسى
اما عن مسالة ليه قامت الثورة
فالإجابة ببساطة خالص
عشان الحكم ينتقل من شخص مستبد الى آخر خائن
السلام عليكم

 
At 26/10/07 11:11 PM, Blogger bluesky said...

ازيك يا مريومة ازي اخبارك؟؟
بالنسة لموضوع الحكم انا عن نفسي طول عمري بحاول أعرف اية الفرق بين الملكية و الجمهورية و للاسف ما لقيت غير اختلاف الالقاب ..بس على الاقل ايام الملكية كان الناس عرفه مين اللي هيحكمهم بعد الملك الحالي ..اما دلوقتي اخنا عرفين برضه بس بنستهبل و نعمل انتخابات

 
At 27/10/07 7:37 PM, Blogger أحمد المصري said...

ليكي تاج عندي خديه..انتي اتاخرتي في الردود كده ليه..ده واحد
اتنين كل سنة وانتي طيبة بمناسبة عيد ميلادك ..جاية متأخرة بس معلش لسة عارف من يومين بعد مارجعت0

 
At 29/10/07 12:05 AM, Blogger إنسان || Human said...

إزيك يا مريم عامله إيه ..؟
المهم انا كنت مشوش في بداية الموضوع ..شفت حلقة أو حلقتين من المسلسل ..والصراحة رد الفعل كان التعاطف التام من الملك
والحنين ..ولكن
؟؟؟
سمعت تعليق في العاشرة مساء
بيقول ان الملك فاروق عبارة عن الصورتين الصورة السابقة مع وجود مبالاغات
وصورة المسلسل مع وجود مبالاغات أيضا ً
..
ولكن لكل حاكم إيجابيات وسلبياته

 
At 29/10/07 3:12 AM, Blogger انحلت سيور العربه وسقط المهر من الاعياء said...

مريم

كتبت تعليقا طويلا ولكنه النت اللعين فعلها للمره المليون معى

ماعلينا

اعتقد ان الثوره قامت بالاساسى لكى تتزوج انجى بنت الباشا احمد ابن الفلاح او التملى ولكن قامت الثوره ولم يتزوج احمد انجى؟؟
فما مبرر قيا مها!!!!وبجد عا وز اعرف الثوره عملت ايه؟؟

لغيت البشوات! طلعلنا باشوات جدد

طلع عبد الحكيم عامر

واحمد عز!!كانوا بيضربونا زمان بالكر ابيج؟

دلوقت ببنضرب بالنار وبالجزمه كان المصرى فى الملكيه وتحت ظل الاحتلا ل مقاوما متظاهرا مطالبا بحقوقه...الان فماذا فعلت الثوره بالمصرى الذى ادعت تحريره خلقت منه انسان جبان متحرش جنسيا علمته قيم ان يمش جنب الحيط بدا بالهالك عبد الناصر وما فعله با لاحرار فى السجن الحربى وسجن القلعه
ومر ورا بالرئيس مدمن البايب

انتهاءا بالامعه المسن الذى حول مصر الى عزبه لابنه!!انتهاءا انهى كلا مى بكلام الكاتب العملاق الكبير
ابر اهيم عيسى
حفظه الله
ان مصر المحتله افضل من مصر المعتله

مصر المحتله كانت لها القدره عللى الحركه والمقاومه
اما مصر الان المعتله فهلى غير قادره على فعل شىء سوا البحث عن وحدات الغسيل الكلوى وعلا ج فيو سات الكبد بكافة انو اعه والسر طانات
والبحث عن كوب ماء معكر؟؟
للاسف الميه المعكره الناس مش لاقيها

فعلا ربنا لا يؤ خذنا بما فعل ويفعل السفهاء واعتقد انهم ليسوا منا
تحياتى

 
At 29/10/07 3:19 PM, Blogger شقاوة شعب said...

بوست جميل

وعايزة اقول ان المسلسل خلى الناس بطريقة ما تحن للملكية
لكن احنا لازم نعرف ان الملكية كارثة على اهلها
وان القرف اللى احنا عايشين فيه ده كله بسبب ان احنا قاعدين فى جمهورية نسى اللى ماسكينها انها جمهورية وافتركواه ملكية واتعاملوا على هذا الاساس
وبالتالى صاحبنا قاعد وبيجهز لابنه

 
At 29/10/07 9:22 PM, Blogger mariam said...

Darsh
و اكمالا لنظرية المؤامره
المسلسل مش بس مخرجه سورى
ده انتاجه سعودى كمان
انا مش بدافع عن الملك و لا الملكيه
انا لفت نظرى حالة الرعب اللى حصلت
منورنى بجد


---------------------------------
الأستاذ
خلاص احنا نعمل حمله دعائيه لتيم حسن فى انتخابات الرئاسه
و مصر كلها معانا مفيش قلق
بلغ تيم بكده
بجد احلى اقتراح سمعته من 54 سنه
منور

 
At 29/10/07 9:26 PM, Blogger mariam said...

Sherif
that's right. history depends mainly on the point of views.
me too don't want a king again in egypt.
i just wanted to focus on how they were frightened from the good sight of king farouk.
thank u



--------------------------------
The Alien
التاريخ وجهات نظر فعلا
واضح يا بشوى ان رأيك فى الثوره زى رأيى انها كانت انقلاب عسكرى
لأن الثوره الحقيقيه تنبع من الشعب
زى الثوره الفرنسيه كده
لكن فى نفس الوقت انا مش عايزه العهد الملكى يكفى ان حد بيملك البلد و الشعب
رغم ان ده موجود دلوقتى اكتر من زمان

 
At 29/10/07 9:29 PM, Blogger mariam said...

Mirage
الشعب للأسف مش بيفكر فى البلد و ده يمكن يرجع لظروف اقتصاديه
لكن لسه فى امل اننا نختار رئيسنا القادم
طبعا امل بسيط جدا بس مفيش غيره دلوقتى
شكرا لمشاركتك


---------------------------------
أحمد المصري
الف حمد الله على السلامه
منور بجد و المدونه افتقدت مشاركاتك
و لا يهمك يا رب الظروف تكون مرت على خير

 
At 29/10/07 9:34 PM, Blogger mariam said...

يا مراكبي
اى خدمه
هو الحقيقه ده المفروض يكون حق طبيعى للملك احمد فؤاد
لأن العرش اخذ منه لأن الملكيه انتهت
لكن بما ان الملكيه راجعه تانى
فهو اولى بالعرش حتى من النظره الشرعيه
نورتنى


---------------------------------
micheal
علم و ينفذ
شكرا ليك

 
At 29/10/07 9:42 PM, Blogger mariam said...

osama
انت لم تبتعد عن السياق و لا حاجه
انت تقول اللى انت عايزه
بس واضح انك متابع الدراما السوريه
انا مش متابعاها
فأول مره اعرف حاتم على من الملك فاروق
نورت جدا




-----------------------------------
رئيس جمهوريه نفسى
التاريخ فى مصر معظمه ان لم يكن كله مزور


اعتقد انى التزيف الجاى انى جمال مبارك هو الى اوحه للوالد بالضربه الجويه هو وبيلعب بالطياره الورق فوق سطوح البيت
بجد تحفه الجمله دى موتتنة من الضحك

بخصوص الأخ محمد على ابراهيم انا بينى و بينه تار بجد لأنه جابلى الضغط فمش هسيبه
هههههههههههه
منور جدا

 
At 29/10/07 9:47 PM, Blogger mariam said...

Marvel
فعلا التاريخ فى مصر غير موثوق فيه
كنت بسمع حوار مع بعض الظباط الأحرار و هما كبار جدا فى السن
و بيؤكدوا ان قصة الأسلحه الفاسده مختلقه
طيب نصدق مين

طبعا مش غريب على روزا اليوسف ده الطبيعى بتاعهم
شكرا لمشاركتك



------------------------------
على فكره انا مش مع الملكيه و لا الملك
انا بس لفت نظرى الرعب اللى حصل بعد نجاح المسلسل
على اى حال ملكيه جمهوريه
عندنا مش فارقه كتير
شكرا جدا لمشاركتك

 
At 29/10/07 9:49 PM, Blogger mariam said...

bluesky
انا تمام
انتى ايه اخبارك و عامليه ايه؟
فعلا الأختلاف الوحيد هو اختلاف الألقاب
بس حلوه قوى بنستعبل دى

منوره جدا



---------------------------------
أحمد المصري
شكرا على التاج و على التهنئه كلك ذوق بجد
انا اتأخرت فعلا بس عندى حاجات و امتحانات و ليله مش بتخلص
شكرا لأهتمامك يا احمد

 
At 29/10/07 9:55 PM, Blogger mariam said...

Human
اهلا بيك
فينك مختفى ليه
انا متفقه معاك
و الحقيقه انا مش متعاطفه قوى مع الملك فاروق بس هو مش سىء للدرجه اللى كانوا بيصوروها لينا
انا لفت نظرى الخوف اللى اصاب البعض من اعجاب الناس بالملك
نورت




-----------------------------
الجحيم هو الحقيقه
اهلا بيك بعد غياب
الحقيقه تعليقك ينفع بوست اساسا
هى الثوره دى كانت ثوره بالمعنى المعروف؟
يعنى الثوره رد فعل بيكون نابع من الشعب
لكن ما حدث كان انقلاب عسكرى
و ده مش تقليل من الثوره
لكن الظباط الأحرار انفسهم لم يطلقوا عليها ثوره فى بدايتها بل كان يطلق عليها الحركه المباركه
و الكلام ده على لسان الكتب الكبير محمد حسنين هيكل
اللى انا عايزه اقوله ان المشكله دائما فى الشعب
فهو لم يتحرك ابدا و بالتالى لا احد يعمل له حساب
سواء فى ملكيه او جمهوريه و ما الى ذلك

السفاء دول ليسوا منا فعلا
ملاحظه حلوه قوى
سعيده بتعليقك جدا

 
At 29/10/07 9:58 PM, Blogger mariam said...

شقاوة شعب
اهلا بيكى منوره
عندك حق طبعا
انا مش مع الملكيه اطلاقا
رغم اننا مش فى جمهوريه
بس طبعا يعنى يكفى اسلوب الوراثه فى الملكيه بس يظهر اننا راجعين له تانى
ربنا يستر بقى

 
At 3/11/07 9:00 AM, Anonymous Anonymous said...

لعدد الرابع من المجلة نزل, و فيه مفاجئات كتيرة و حوارات رائعة
Trateesh kalam

 
At 6/11/07 1:25 AM, Blogger كلمه said...

loool ..be2olek elly 3la raso bat7a b2a :))

2al gomhorya 2al .... ya rab tala3 3enehom zy ma tala3o 3ena :)

 
At 6/11/07 11:17 PM, Blogger mariam said...

Mohamed
شكرا ليك و هشوفه قريب
اعتذر بسبب انشغالى فى الأمتحانات


---------------------------------
كلمه
ياااه فينك من زمان

مش هقول غير ربنا يسمع منك

 

Post a Comment

<< Home