مدنيه ام دينيه
مصر ليست دوله دينيه بالمعنى المفهوم
و لكنها ايضا ليست دوله مدنيه ابدا
و ذلك لغياب ابسط اعمدة الدوله المدنيه من مواطنه و ديمقراطيه و حريه و غيرهم
فرغم غياب كل تلك المقومات ستجد من يزعم بمدنية مصر
و ستجد من ينفى عنها صفة الدولة الدينيه رغم تدخل المفتى و الكنيسه لتوجيه سير الأنتخابات احيانا
و رغم الجدل و الحوارات الساخنه بين مؤيدى الدوله المدنيه و مريدى الدوله الدينيه
و لكنها ايضا ليست دوله مدنيه ابدا
و ذلك لغياب ابسط اعمدة الدوله المدنيه من مواطنه و ديمقراطيه و حريه و غيرهم
فرغم غياب كل تلك المقومات ستجد من يزعم بمدنية مصر
و ستجد من ينفى عنها صفة الدولة الدينيه رغم تدخل المفتى و الكنيسه لتوجيه سير الأنتخابات احيانا
و رغم الجدل و الحوارات الساخنه بين مؤيدى الدوله المدنيه و مريدى الدوله الدينيه
يمكن بنظره سريعه و بدون تعقيد تصنيف مصر كدوله امنيه
ذلك انسب وصف لدوله تعيش تحت رحمة الأمن الذى يتحكم فى كل صغيره من شئونها
عندما تجد دوله تحكم بالأمن والعسكر لا تشك انها دوله فى العنايه المركزه
فجميع الملفات المهمه و القضايا الشائكه يتحكم فيها الأمن بدايه من ملفات الأقباط الى ملفات المعارضين مرورا ببدو سيناء
مصر الآن دوله تعيش على اجهزة التنفس الصناعى
و لكن ماذا عنا نحن
انريدها دوله مدنيه ام دوله دينيه؟
اتمنى ان اعرف آرائكم و ان كنتم تنحازوا لمدنية الدوله ام تريدونها دينيه؟
posted by mariam @ 2:15 AM
44 comments
44 Comments:
السلام عليكم
أنا شخصيا أريدها إسلامية الحقيقة
بس إزاي بالتحديد مش هأقدر أشرح بس بنظرة بسيطة كده هنلاقي المشاكل التي تقلق الغرب دلوقتي رغم تقدمه حلها في الإسلام بكل بساطة
و أسباب تقدم الغرب موجودة في الإسلام بردوا
العيب في تطبيق الإسلام مش الإسلام كمنهج
و الله أعلم
أتمني أكون صح و أتمني ده يحصل
انا كمان اظن انى اردها اسلامية
لكن للاسف الى الان من موجود تعريف واضج للدولة الاسلامية اقتنعت بيه قوى او فهمته قوى
لكن اظن انها اقرب الف مرة للدولة المدنية منها للدولة الدينية
وان كانت اكيد في اختلافات ما بين الدولة الاسلامية والدولة المدنية
على حد فهمي
اريدها دولة متقدمة حرة و مستقلة...مش هتفرق اذا كانت مدنية او دينية
ولكني افضلها مدنية...ففي ظل غياب الدول الدينية التي تطبق فعلا ما امرها دينها بتنفيذه
فايران تطبق بعض تعاليم الاسلام وتتجاهل البعض الاخر...وكذلك تفعل السعودية...حتى اسرائيل وهي دولة قائنة على اساس ديني لا تطبق تعاليم اليهودية
الدولة الدينية من المستحيل اقامتها في ظل غياب اخلاقيات الدين من نفوس البشر
على الاقل الدول المدنية كثيرة ومعظمها متقدم...بعكس الدول الدينية
إذا طبق صحيح الدين بكامل جوابنه دون الأخذ ببعض البنود وترك الآخر كما يحدث في عصرنا خذا فستجدين أن نظام الحكم الأمثل سيكون دينيا ودنيا في الوقت ذاته
ولا أظن أن هاذين التعريفين قد تم إختراعهما إلا بسبب محاولة تطبيق النظام الديني منقوصا أو النظام المدني منقوصا أيضا مع الإعتبار بأن النظام المدني ليس شاملا لكل جوانب الحياة كالدين
والله يا مريم
نريدها دوله أولا ً ثم نحدد بعد ذلك
الوضع الحالي واضح
لا دينية ولا مدنية .. زي ما قلتي .. أمنية
أنا مع الدولة المدنية
ومش فاهم يعني إيه دولة دينية
إذاي الدين ينزل ع اﻷرض ويحكم
اللي أعرفه إن الدين حاجة شخصية مابين كل انسان والهه
وحاجة متخصش حد تاني
يبقي إزاي عايزين الدين يحكم كل الناس؟
ببساطة مش كل الناس شايفين الدين بنفس الطريقة
ومش كل الناس ليها نفس المعتقدات
حكم الدين من أبشع وأسوأ أساليب الحكم
ساعتها الحاكم بيتكلم باسم الإله
ودا بيديله سلطات مطلقة وبيلغي أي نوع من النقاش
تحياتي
انا عاوزاها تكون..دولة!..احنااصلامش في مكان يستقر الحكم عليه بالدولة منقولش بقي مدنية و لا دينية .لما يبقي فيه دولة الاول..نبقي نختار
Dear Mariam,
If you aske me i say i want it 100% a civil state it means a state with a respected constituation, with a lows which is for everybody the same. a state where a people live with a different culture and it does not matter if you are a black or white, muslim or christian or jweish, or has no religion at all, and i am wondering mr No fear is saying that the problems in teh West can be solved by Islam, i do not know, which islam he means, is taht the islam of Khoumani, King Abdullah, Taliban,egyption islam or turkisk islam, i am a muslim living in Hollanmd and i holland you can be a muslim beter than egypt or saudia arabia, becaus here is a freedom for everybody. And mr No fear i do not know if you have been in wetern europe before or not? have you lived in one of those countries whoich different from each other also? i do not know how you based your statement? what do you mean by saying islamic state? it means no music, no films,MR no fear you are saying the same as the muslim brotherhood, islam is teh solution and if you ask them what it does exactly mean? then is it seilince. Anyway have a nice day all of you.
Sherif
اريدها دولة الامن والامان كما زكر فى القران
رمضان كريم
ملك المصرية
نريدها دولة متحضرة
ماعتقدش إن فيه حاجة اسمها دولة دينية أصلا..الفكرة في علاقة الدين بالسياسة-في وجهة نظري على الأقل-
هي فكرة تربية جيل صالح محترم يستطيع إنه لما يمسك زمام السلطة يحكم بالعدل اللي هوا الغاية من وجودنا في الأرض..ساعتها نقدر نعمر,انما فكرة الدخول في حوارات حول مدنية أو دينية..احنا عايزين العدل ..العدل في الدين اللي حيستطيع يكون الشخصيات اللي عايزينها كقادة زي ماقلت قبل كده..بس خلاص على رأي شعبولا00سلام0
انا عاوزها دولة محترمة
يكون فيها مكان للدين والعلم
لان مفيش تعارض بين الاثنين
لكن الاهم اننا يكون لينا مكان فيها
حلو قوى موضوع الناس اللى عايزنها
دولة الاول وبعدبن نشوف الباقي
والله معاهم حق
أريده وطني
أشتاق لعمله يرفرف فوق مدرستي حين أمر عليها وأتذكر برائتي التي لا أعلم مكانها بالظبط بين بقايا ذكرياتي
أريده وطني
بموسيقاه التي أسمعها وأغمض جفوني وأتذكر أرصفته وأمطاره ونيله وعواماته
أريد وطني
الذي أقف انتباها حين أسمع نشيده
الذي يربت على كتفي ويؤمن بي
الذي أدافع عنه دون سخرية أهله
الذي أشعر برقة شوارعه تحتوي قدمي
والذي لا أريده
سوى أن يكون وطني
عايزها دولة بتحترم الانسان وعلى فكره الدوله المدنيه اللى على اسس صحيحه هى مطلب الاسلامين والاسلام
يبقى الحل فى دولة مدنيه تنبع من اعتقادتنا ومبادئنا
بس الاول تبقى دوله
وبعدين هى مش مسئله عايزها بيضا ولا حمرا
الاول نطبق مبادئنا جوانا احنا ويحكمنا دينا فى علاقتنا مع بعضنا وهنلاقى الدولة قامت على ارضنا وحكمنا العدل بدل الظلم والجور والبهدلة والرشاوى والاكراميات والفساد كلها مرادفات لدوله ضايعه رايحة فى داهيه ده دولتنا اللى عايشنها دلوقتى عايزين تغيروا اتغيروا انتو الاول
انا عن نفسي عايزاها تكون دولة اصلا
لان البلد دلوقتي ما هي الي حجز كبير في أمن دولة, نص الحجز جواسيس او ضباط مدسوسين و النص التاني مش عارف هو هنا بيعمل ايه اصلا
موضوع فوق الخطير مريم
ربنا يوفقك
No Fear
و عليكم السلام و رحمة الله
انا شخصيا مش شايفه تعارض بين الأسلام و الدوله المدنيه
و مقتنعه اننا بنقصر فى فهمنا و تطبيقنا للأسلام
و زى ما انت قلت ان اسباب تقدم الغرب متفقه مع الأسلام يعنى الأسلام لا يعارض الدوله المدنيه
--------------------------------
انا محمد الأنصاري
اولا اشكرك على رأيك
انا لا ارى ادنى تعارض بين الأسلام و الدوله المدنيه
لأن اسس الدوله المدنيه من حريه و ديمقراطيه اعتقد ان الأسلام منحها لنا
الدوله المدنيه لا تنص عن فصل الدين عن الحياه و لكنها تضع فواصل بين المؤسسه الدينيه و المؤسسه السياسيه
لكن على حد علمى لا يوجد دوله دينيه فى الأسلام
و اعتقد ان فصل الدين عن السياسه لا يعتبر خروج عن تعاليم الأسلام
شكرا لمشاركتك
Marvel - واحد زهقان
اشكرك جدا على مشاركتك
اؤكد ان الدوله المدنيه لا تتعارض مع الأسلام
و لكن مصطلح الدوله الدينيه نفسه مختلف عليه
يعنى لا يوجد له تعريف واضح
و بنظره سريعه سنجد ان مبادىء الدوله المدنيه تتفق مع مبادىء الأسلام
شكرا لك
--------------------------------
يا مراكبي
صدقنى الدين اهم شىء بيحرك حياتنا
لكن بالنسبه للسياسه هو ده اللى اقصده
الدوله المدنيه لا تطلب ان نتخلى عن ديننا
و لكنها فقط تطلب فصل المؤسسه الدينيه بالمؤسسه السياسيه
بمعنى آخر عدم خلط النسبى بالمطلق
مـحـمـد مـفـيـد
احلى جمله اتكتبت
و الله عندك حق
لما تبقى دوله نبقى نفكر
نورتنى
---------------------------------
The Alien
ايوه يا بشوى قول حاجه
انا مقتنعه بكلامك
المشكله هى الأعتقاد السائد ان الدوله المدنيه ضد الدين و ضد التعاليم الدينيه
و يمكن اللى بيروج لكده هم اعداء الدوله المدنيه
و المشكله الأكبر ان الحكم بأسم الدين بيعطى نوع من القداسه للحاكم و ده مرفوض
sarah la tulipe rose
جبتى من الآخر يعنى
مفيش دوله نتناقش عليها
و الله عندك حق
-----------------------------------
Sherif
i totally agree with you. i believe in the civil state.
as the civil state is not anti religion at all.
so i want to define the civil state correctly. this is our mission to prove that the civil state is the desired one. and at the same time this not against our religion.
thank you for expressing your opinion
Malk Almasria
يا رب ترجع تانى ارض الأمن و الآمان
و ترجع مصر اللى بنحبها
الله اكرم و كل سنه وانت طيبه
--------------------------------
Mirage
اكيد نريدها دوله متحضره
و لا مانع ان نبدأ بأنفسنا فنتعلم تقبل الآخر و التسامح
و نصلح انفسنا و نتعلم التحضر
شكرا لمشاركتك
أحمد المصري
انا كمان لا اعتقد بوجود دوله دينيه
و لا ارى تعارض بين الدوله المدنيه و الأسلام
و الفكره ان خلط الدين بالسياسه اى خلط المطلق بالنسبى هى خلط للأوراق ليس اكثر
--------------------------------
Amr Ahmed
حمد الله على السلامه يا عمرو
اكيد طبعا مفيش تعارض بين الدين و الحكم
و لا تعارض بين الأسلام و الدوله المدنيه
اتمنى يكون لنا مكان فيها
نورت
انا محمد الأنصاري
اهلا بيك مره تانيه
فعلا معاهم حق
لما تبقى دوله نبقى نشوف
منورنى
------------------------------
علوة
صدقنى مش قادره ارد عليك
مشاعرك اثرت فيا جامد
انت شاعر بجد
كلامك ده احسن حاجه فى الموضوع
دولة خرابستان العظمى
انا واثقه ان مفيش تعارض بين الدوله المدنيه و الأسلام
بالعكس مبادىء الدوله المدنيه متفقه جدا مع الأسلام
انا معاك اننا لازم نتغير من داخلنا
كلام سليم
شكرا لمشاركتك
--------------------------------
bluesky
اهلا بيكى يا جميله
يا ريت تبقى دوله الأول
وقتها نبقى نقرر دينيه و لا مدنيه
شكرا على رأيك و تشجيعك الدائم
انا عايزها دولة علمانيه
كل واحد في حاله
ولازم نفصل الدين عن الدولة
لسبب بسيط جدا هو ان كل فتاوي رجال الدين بقت متعلقه بمصالح الحكومة
تحياتي و اتمني ان تزوريني دائما
مدنية طبعا فى غير كدة
ana sha5siyan 3ayzaha dawla madaniya,la2enaha low dawla diniya 3omr makan koul dh bye7sal we 3'er koul dh 7oukamna lel 2asaf 3agzen 3n 2enohoum ye7komou masr 3al deen
طبعاً دوله مدنيه علمانيه انسانيه بعيداً عن ان تصنيفات حتى لو كانت تصنيفات دينيه
تحياتى يا صديقتى العزيزه بس انتى مقولتيش انتى عايزاها دوله ايه
طبعا مدنيه....أنا ضد فكره الدوله الدينيه في أي مكان علي الاطلاق لان الدين مالوش علاقه بالسياسه..الدين علاقه الفرد بربه و بس...أكتر من كده يبقي لأأ
تحياتي لكي
أولا يا عزيزتي انا سعيد جدا بزيارت مدونتك القيمة
اما بخصوص موضوعك
فانا اتفق معكي تماما ان مصر ليسة دولة دينية وهذا يتضح من استخدام الاسلوب القاسي سواء في تعاملهم مع الاخوان المسلمين او مع اي جماعة سياسية دينية
فاذا كان هذا صحيحا
فالمفروض اننا دولة مدنية ديموقراطية ولا يختلف كوننا ليبراليين او علمانييين او يسارييين او اشتراكييين او حتي شيوعيين
ما يختلف هو نظرتنا لتلك الديمواقراطية
نعم مصر ليست دولة دينية ولكنها ايضا ليست دولة مدنية ولا يحترم نظامها ابسط قواعد المدنية
قلتي ان مصر دولة امنية
اتفق معكي تماما في هذا مصر دولة بوليسية يحكمها عسكر مغفل لا يجيد التفريق بين الامن العام والقسوة العامة
نعم نحن تحت رحمة عسكري امن مركزي 24 ساعة في اليوم
اما بخصوص سوالك كوننا ماذا نريدها دينية ام مدنية
فبحكم ليبراليتي طبعا اريدها دولة مدنية تحترم الاديان وتقدسها ترفع من قيمة الانسان وتقدس خرية الراي والتفكير وتعمل علي الرقي بالمجتمع
وهذا لايعني ان نلغي هوية الدولة الدينية فمصر دولة مسلمة دينها الرئيسي الاسلامي واغلبية شعبها مسلم ولكنها ليست دولة اسلامية وهناك فرق بين مسلمة واسلامية
وتحياتي
رغم اني قد "استويت " من مصادرة حقوقي .. و "نشفت " من قلة المية في حنفيات بلادي ...و "اتخنقت من "التصويت" لكن الحل مش اننا نختار الصح على مدونة....الحل ان نحنا نحاول نصحي أهل الكهف علشان يقولوا هما عايزين ايه...الموضوع رائع و محتاج رغي كتير ... "كيب ذا جوود وورك" و لو ليكو في السينما السياسية يا ريت تتفرجو على فيلم V for Vendetta
و مع السلامة للجميع
من كتر ما بالاقى العسكر حواليا فى كل ملقف
حتى انى بقيت اخاف ينطوللى من تحت غطا الحلة
يبقا أنا أؤكد انها عسكرية
لكن لو عن نفسى أنا أريدها دولة حرية
كل منا يجد حريته متاحة بدون سدود ولا سجون
حرية اعتناق
حرية رأى
حرية ملبس
حرية سياسية
تعددية حزبية حقيقية
يعنى مش لدرجة العلمانية
لكنى أريدها دولة مدنية
ولنترك الدين داخل القلب
وليكون تعاملا خالصا بيننا وبين الله سبحانه وتعالى
لكن دة ميمنعش تطبيقالتشريعات فى الميراث والزواج والطلاق والنسب فى الدولة المدنية
وليرفع كل ذو صفة دينية يديه ولسانه عن اى عقل بيحاول يفكر فى البلد دى
بس
تقريبا هى دى اللى مصر اللى بأتمناها
نريدها دوله
كيان وليس هذا المسخ
لا اعرف ما الذي يدفعنا على التحمل
اهو الخوف من الموت ام حبه
لا ادري
خواطر شاب غاضب
الدوله المدنيه احد اشكال الدوله العلمانيه
حتى ان البعض يؤكد ان الالدوله المدنيه تعنى العلمانيه
و لكن المشكله هى المعنى الغير واضح للعلمانيه و اختلاط الأمور ببعضها
شكرا لرأيك و اكيد هزورك دايما
-----------------------------------
human
اهلا بيك
انا كمان عايزاها مدنيه
بس من جهة فى غير كده
هو في بس المهم احنا عايزين ايه
شكرا لرأيك
R.O.U.R.O.U.
اهلا بيكى
اؤيدك تماما
حكامنا عاجزين عن كل حاجه اساسا
نورتينى
------------------------------
whyme
اهلا بيك يا ايلارى
رأيى يتفق معاك لأنى ضد تصنيف الدول على اساس الدين
و خصوصا انى مؤمنه جدا بمبدأ المواطنه
و ارى ان الدين حاجه بيننا و بين ربنا و كل واحد هيتحاسب على افعاله مش افعال الآخرين
نورتنى بجد
micheal
اتفق معاك يا مايكل
لأن الدين علاقه بيننا و بين ربنا
و ده ليس له دخل فى السياسه
خصوصا ان خلط الأوراق لأن يؤدى الا الى المشاكل
نورت
---------------------------------
أحمد العربي
اشكرك جدا على كلامك ده
و اشكرك جدا على زيارة المدونه
رأيك عجبنى جدا
يمكن لأنه متفق مع رأيى
طبعا الدوله المدنيه ليست ضد الدين بأى حال
و فصل الدين عن السياسه ليس اهانه للدين بالطبع
فكلنا نقدس الأديان و يجدب ان نحترمها
انا كمان ليبراليه علشان كده متفقه تماما مع كل ما قلته
سعدت بزيارتك جدا
Abo El Fadl
اهلا بيك
صدقنى انا عارفه ان الحل مش هيكون من على المدونه
بس اعمل ايه مش لاقيه حد اناقشه غير هنا
انا فعلا نفسى اشوف الفيلم ده
ناس كتير قالوا انه حلو قوى
و بما انك رشحته لى هجيبه ان شاء الله
شكرا لزيارتك
-------------------------------
شـــــهــــروزة
تقريبا يا شوشو انتى قلتى اللى بحاول اقوله من الصبح
يعنى المفروض اشيل اللى انا كتبته و اسيب تعليقك
على فكره بجد انتى اتكلمتى بلسانى
هى دى مصر اللى كلنا بنتمناها
نورتينى
This comment has been removed by the author.
أحمد سلامــه
فعلا نريدها دوله اولا
السبب فيما وصلنا اليه
مش انا اللى هقدر احدده
يمكن خوف من الموت او من المجهول
بس مش عارفين اننا كده بنأذى نفسنا اكتر
نورتنى
أشكرك علي ردك الذي ذا اعجابي بثقافتك واتزانك وتقبلك للراي والراي الاخر
وما ذاد اعجابي كونك ليبرالية تشاركيني بعض ان لم يكن كل الافكار
والفلسفات السياسية
اتمني ان يتم التواصل بيننا
تحياتي
أحمد العربي
لا داعى للشكر
انت شرفتنى
و هكون سعيده بالتواصل اكيد
أنا عن نفسي أتمني إن مصر تبقى دولة مدنية فعلا .. بس مش عاوز المصريين يتحولوا لكائنات فضائية زي الأمريكان .. لازم يكون عندنا تقاليد خاصة بينا إحنا " مصر " و تكون هذه التقاليد مستمدة من تاريخ مصر و دين مصر و معتقدات مصر .. لأن فيه ناس للأسف بتروج للحرية على إنها تشجيع كل غريب و مناف لتقاليد المجتمع. لازم يكون فيه شعور عام لكل المصريين إنهم مش أقل من أي حد على هذا الكوكب !
Darsh
انا اريدها مدنيه ايضا
لكن الحريه فى الأول و الآخر مسئوليه
و تشجيع الأشياء الغريبه ليس حريه
الحريه احنا اللى شوهناها لكن هى بريئه من افعالنا
مش معنى المدنيه اننا نتخلى عن دينا او تقاليدنا
طبعا ده مش مطلوب ابدا
الدين جزء من حياتنا
المدنيه هى فصل الدين عن السياسه و ليس فصله عن حياتنا لأن ده مستحيل
نورتنى
This article will hopefully help and benefit us all
Cara Mengobati Penyakit Gagal Ginjal
Obat Penyakit Insomnia Paling Ampuh Tanpa Efek Samping
Cara Alami Untuk Mengobati Batuk Kronis
Cara Mengobati Mata Merah Berlendir
Obat Untuk Penyakit TBC
Cara Pemesanan QnC Jelly Gamat
Post a Comment
<< Home