Tuesday, September 04, 2007

ابراهيم عيسى مره اخرى

هل ستنهى محاكمة صحفى تساؤل الناس عن صحة الرئيس؟





استدعت نيابة امن الدوله العليا ابراهيم عيسى رئيس تحرير جريدة الدستور للمثول امامها يوم الأربعاء المقبل
و التهم الموجهة اليه هى نشره لشائعة مرض الرئيس حسنى مبارك
و تلك التهم حسب تأكيدات البعض اخطر مئة مره من التهمه السابقه التى حوكم بسببها و هى اهانة الرئيس
الملفت هنا ان جميع الصحف تقريبا قد تناولت هذا الموضوع
و ذلك الأستدعاء يكشف الغباء الأمنى الشديد. خاصة و ان جريدة الدستور لم تعد تجذب العديد من القراء بعد المستوى الأقل من العادى للأصدار اليومى للجريده
فى حين تصور البعض ان التحقيق مع احد الصحفيين سينهى بشكل جذرى تلك الشائعات المتعلقه بالرئيس و يخيف من يحاول الأقتراب من تلك المنطقه لاحقا
تلك الحلول الأمنيه شديدة السطحيه تعالج المشكله من السطح
فى حين تترك الجذور بدون علاج


كان من الأجدر تفنيد تلك الشائعه و معرفة ان الحل هو طمأنة الناس على المستقبل المجهول الذى ينتظرهم حيال غياب الرئيس لأى سبب
و نفى الشائعه كان من الأفضل ان يتم بشكل عملى من خلال ظهور الرئيس فور ظهور الشائعه. فمن المنطقى ان يتسائل الناس عن عدم حضور الرئيس لمؤتمر شباب الجامعات
فأذا استطاعوا التخلص من صحفى كيف يمكن التخلص من سبعين مليون متسائل عن المستقبل؟

ما يحدث عجيب حقا فرغم اتهام الأخوان المسلمين و حركة حماس بترويج الشائعه ستتم محاكمة ابراهيم عيسى
هل هى محاكمة بالوكاله
ام انهم يريدوا استغلال الموضوع لضرب الجميع مره واحده
نصيحه للأخوه فى امن الدوله وحدوا الهدف بدلا من ذلك التخبط الذى يكشف المستور اكتر ما هو مكشوف

المعاملة بالمثل

فلنطالب ان تكون المعامله بالمثل
و ان يحاكم كل مروجو الشائعات الحقيقيين
بمعنى ان يتم محاكمة كل الصحفيين الذين يشيدوا ليلا نهارا بحرية الصحافه بتهمة ترويج اشاعات كاذبه
و قياسا على ذلك يتم محاكمة المسئولين الذين يظهروا يوميا للأعلان عن توافر آلاف فرص العمل
و التحقيق مع من يؤكدون ان التعذيب فى أقسام البوليس تهم فرديه
فتلك كلها شائعات هدفها التضليل المتعمد

42 Comments:

At 4/9/07 12:28 AM, Blogger أحمد العربي said...

هههههههههههههه
ما يحدث لابراهيم عيسي شي فعلا يدعوا للسخرية
احيانا
ويدعوا للشفقة علي نظام بدا السوس ينخر عظامة
كل الجرايد اتكلمت عن شائعة موت حسني
اينعم الدستور كانت واخدة الموضوع بشكل اكبر شوية
لكن دي طبيعة الدستور
بس مش دي المشكلة
المشكلة في ان ابراهيم عيسي نفسة بيشكل خطر صحافي علي النظام
بسبب جراءتة الواضحة في تناول المواضيع والتحقيقات الصحفيية
او بسبب لغة الاحتقار الواضحة التي يتعامل بها مع كبار رجال الدولة بداية من جدو حسني لاصغر فراش مساعد في الحزب الوطني

هي دي مشكلة ابراهيم عيسي
اما بخصوص ان الامن تعامل يغباء
وهو من امتي كان بيتعامل بغباء ما هو طول عمرة غبي ومتخلف
ومش بيعرف يقدر الامور بشكل طبيعي
بصراحة اقترحك بالمعاملة بالمثل ده شي جميل جدا جدا
بس للاسف اصابني وانا اقرا نفس الشعور الذي اصابني عندما قرات ان السيد مجدي احمد حسين امين عام حزب العمل ينوي التقدم ببلاغ يتهم فية الرئيس مبارك بتهمة الخيانة العظمي
!!!!!!!!!!!
ضعي من علامات الاستعجاب ما يحلو لكي

وتحياتي

 
At 4/9/07 1:37 AM, Blogger R.O.U.R.O.U. said...

ana mn ra2y 2n dh zoulm we 2etehtar we ba3deen ibrahem 3esa mn 2a5er 2l nas 2ly 2etkalemou 3n se7et 2l ra2ees we besra7a houma low 3ayzeen ye7akmou yb2a kan 2l mafroud ye7akmou nafsohoum
we 2l mou7amy 2ly rafa3 2l 2adeya we 3aml fiha shater moot,yero7 yerfa3 2adiya 3ala 2l nas 2ly btesra2 2l balad msh wa7ed fade7ohoum wa7ed wa7ed...

 
At 4/9/07 10:07 AM, Blogger The Alien said...

واضح إن الموضوع تصفية حسابات قديمة
بس المشكلة الحقيقية ف اللي حصل هي إن البلد من غير ريس محدش عارف إيه اللي هيحصل فيها
عندنا مفيش مسؤل يقدر ياخد قرار أو يمارس سلطاته
لو تبصي علي أريكا مثلا
لو شلتي الريس لمدة سنة .. هتلاقي البلد ماشية زي الفل
لكن عندنا لو إتشال ساعة واحدة البلد هتخرب
يعني زي ما إنتي قلتي .. مفيش أمان
كله خايف من بكرة

تحياتي

 
At 4/9/07 10:14 AM, Blogger مـحـمـد مـفـيـد said...

دائما ما يبحث النظام عن أحد الافراد ليمحل عبء اخطاءه الساذجه المتتاليه
بدلا من الخروج الي الشعب لنفي كل الاقاويل لا نبحث في الدفاتر علي احد يشيل الليله
وطبعا تهمه الاساءه الي الرئيس بدله نتفصله وعلي الشماعه لكل واحد مش عارفين يعملوا معاه ايه
مثله مثل تهم الاخوان البهلوانيه
رغم الاختلافات مع ابراهيم عيسي ولكن اذا كان مصيره هذا

فمابالك بحيوان مثل كرم جبر أو تمثال زي عبد الله كمال

فنحن في مصر نجيد جيدا سياسه النعامه لانهاا اقصر الطرق للمشكله
علي الرغم من العواقب الوخيمه لها

أسف يا مريم لاستخدامي الفاظ جارحه ولكن الموضوع بجد يستفز وينرفز
أسف مره أخري

 
At 4/9/07 10:19 AM, Anonymous Anonymous said...

Dear Mariam,

It is unbelivebale that such a things stil happen in the 21 century in a country that pretending to be democratis. What does mean, is the presiden a king or something like that, egypt looks like a new sovjet repablic Kazakhstan where the president is something above humanbeing untouchbale, invisabble man, Anyway have a nice day my dear and take care of your self

Sherif

 
At 4/9/07 12:01 PM, Blogger Mirage said...

هو كل اللى عايزينه انهم ياخدوا كبش فدا للاشاعة دى

ومالقوش غير ابراهيم عيسى

بس هو لا ليه دعوة بالاشاعة ولا نيلة

بس هنعمل ايه بفى

ياما فى الحبس مظاليم

 
At 4/9/07 1:12 PM, Blogger أحمد المصري said...

ياااه الواحد بقالو كتير مبيقراش حاجة ولا بيعرف حاجة..يلا يا ستي ماهم عايزين أي حاجة يخلصو بيها منه...غبية بقى ذكية اهو يخلصو وخلاص
يعني هما مش عارفين انه غباء مثلا..بيستغبو بس0

 
At 4/9/07 7:22 PM, Blogger Amr Ahmed said...

هههههههههههههههه

غباء

بيقولوا للناس ان ابراهيم عيسي

محطوط في الدماغ من زمااان

وسلميلي علي الديموقراطية

 
At 5/9/07 1:05 AM, Blogger Dr. Tantawy said...

والله عندك حق
طبعا انا مش بدافع عن ابراهيم عيسى تحديدا .. لكن بتكلم عن الموقف بشكل عام
اكيد ان صحه الرئيس ده خبر استراتيجي و مهواش لعبه عشان الناس تقول عليها اقاويل و اشاعات
لكن الحل كان في ايديهم زي ما قلتي و همه معملوهوووووش

عموما .. بدون ما كتبت الدستور .. الناس عارفه اللى مستنيها ايه .. لأنها ببساطه هيه المسؤوله عنه

 
At 5/9/07 4:48 AM, Blogger صاحب البوابــة said...

كل نظام تقترب نهايته

يشتد بطشه

ويعلو زأيره

ابشروا فالفجر آت

والنصر قريب

 
At 5/9/07 8:34 AM, Blogger bluesky said...

موضوع ابراهيم عيسى دة بصراحة محير ما تعرفيش ان كان المقصود منه محاولة لانكار الشائعة بطريقة غبية
ام ان ذلك مجرد فرصة سنحت لتصفية حسابات قديمة
موضوع ساخن عادتك ميرو
تحياتــي

 
At 5/9/07 6:30 PM, Blogger Samir said...

يسلم فمك انت قلتي المفيد
بخصوص ابراهيم عيسى فدي تلكيكة. فرصة يخلصوا منه
اما بخصوص المعاملة بالمثل فهذا مبدأ انساني، يعني للبني ادمين اللي بتحس. اما الناس اللي بتكيل بمكيالين، اللي عندهم ازدواجية في المعايير. اللي بيحلوا لنفسهم ما يحرموه علينا، فثبت فشل موضوع المعاملة بالمثل وخصوصا لما يكون الشعب راضي بالذل، شعب خنوع يعني

ربك يعدلها

 
At 5/9/07 7:41 PM, Blogger يا مصر اكتب إليكي رسائلي said...

يسرني ان اتقدم بخالص التهاني وأطيب التمنيات
لكم والأسرة الكريمة والأصدقاء
بمناسبة حلول شهر رمضان المبارك ،
أعاده الله علينا وعليكم وعلى مصرنا الحبيبة
بالخير واليمن والبركات
تقبل الله وكل عام وانتم بخير

 
At 6/9/07 8:37 AM, Blogger Ahmed AL-Hussany said...

الموضوع في رأيي لا يتعدى مسألة التهديد والتوعيد
ولكن دون المساس عملا بالمثل المشهور
اضرب المربوط يخاف السايب
في رأيي دي رسالة للكل سواء كانت الاشاعة طالعة
من الحكومة او من المعارضة او من اي جهة
فهة فرصة ذهبية للنظام للبطش بمن يريد تحت مسمى
ان التهمه نشر البلبلة والذعر وعدم الاستقرار الى اخره
بيضه مقشره وجاتلهم لحد عندهم
ابراهيم عيسى خرج منها امبارح
بس لسه مش عارفين مين اللي عليه الدور
تحياتي

 
At 6/9/07 3:18 PM, Blogger يا مراكبي said...

هذه هي بداية النهاية يا عزيزتي كما علمتنا كتب التاريخ الذي دائما يعيد نفسه

ففي نهايات عصور الطغاة يحدث ذلك البطش العشوائي والغير منظم في دلالة على ترهل النظام وقرب نهايته

مش أنا اللي بأقول .. ده كتب التاريخ

 
At 6/9/07 7:03 PM, Blogger micheal said...

و دي نهايه تانيه لواحد من النحترمين اللي فاضليين في البلد

 
At 6/9/07 7:56 PM, Blogger jinja said...

شكرا يا عزيزتي مريم علي موضوعاتك الجميله وانا رايي بدل ما يحكموا ابراهيم عيسي ينزلوا يشوفوا الناس كانت فرحانه ازاي لما عرفت انه هايموت وان في فرصه للتغيير

 
At 7/9/07 2:06 PM, Blogger frozen love said...

حفلة الصحبجيةالرابعة وعيد ميلادها يوم الاتنين الجاي 10 \9 \2007
بجد يا جماعة نفسي كلنا نتجمع اليوم ده..بقالنا كتير قوي متجمعناش وكل واحد مشغول في حاجة...مستنيكم يومها الساعة 8 بساقية الصاوي"قاعة الحكمة...

 
At 7/9/07 10:17 PM, Blogger شـــــهــــروزة said...

لما حكومة بحالها يتهز وسطها على كلمة من صحفى
وتقبض عليه وتحقق معاه بتهمة زعزعة الأمن المستقر قال

يبقا احب ابشرك


لقد اوشكت النهاية

 
At 8/9/07 1:14 AM, Blogger الجحيم هو الحقيقه said...

السلا م عليكم

كل سنه وانت طيبه يا مر يم
بوستاتك لا ينفع معها المر ور العابر
او اثبات المر ور بمجرد تعليق وخلاص

البوست الى فات ودا دخلت عليهم اول ما نزوا بس المشكله انهم كانوا عا وزين مساحه من التامل والتا نى لانها موضوعات عميقه لا يكفى معها التعامل ا السريع

متفق معكى فى ضر ورة التعام با المثل

واضحك لان صحفى هز البلد وحزبها وحكما ئها
ههههههههههههههههههه

عيكى يا بلد وعليك يا حسنى

سلا م

 
At 8/9/07 4:26 AM, Blogger mariam said...

أحمد العربي
رغم ان ابراهيم عيسى اصبح بيكرر نفسه بشكل ممل فى الفتره الأخيره
الا انه اجرأ حد بيكتب و بينقد
و طبعا لأنه ملوش حدود فى النقد ده مسبب لهم رعب
المعامله بالمثل عمرها ما هتحصل انا عارفه
علامات التعجب مش هتكفى
منورنى


-----------------------------
R.O.U.R.O.U
انتى عايزه المحامى يرفع قضيه على الناس اللى سارقه البلد
لأ حرام عليكى
طيب حتى دول يا دوب بيسرقوها و ده اقل واجب يعنى
لكن هو بيفضحهم و كده عيب و لا ايه
منورانى

 
At 8/9/07 4:31 AM, Blogger mariam said...

The Alien
المصيبه فعلا هى المصير المجهول
يعنى لما شارون تعب اولمرت مسك رئاسة الوزراء و لا كأن حاجه حصلت
لكن عندنا مجرد اشاعه قلبت البلد
ربنا يستر
منور على طول


--------------------------------
مـحـمـد مـفـيـد
عندك حق طبعا
سياسة النعامه هى
اللى جايبانا لورا
و حل المشاكل من السطح فقط
كل دى اسباب للوضع المزرى
مافيش الفاظ خارجه و لا حاجه
دى مدونتك و قول اللى انت عايزه

 
At 8/9/07 4:36 AM, Blogger mariam said...

Sherif
welcome sherif
yes it still happening till now.
are doubting about being a kingdom?
egypt actually is not a repuplic.
it is very difficult to predict the future in egypt.
thank you


------------------------------
Mirage
يمكن يكونوا مش عايزين ياخدوه علشان الأشاعه
يمكن عايزين ياخدوه لأنه ابراهيم عيسى
فى مصر كل شىء جايز
شكرا للمشاركه
نورتنى

 
At 8/9/07 4:38 AM, Blogger mariam said...

أحمد المصري
مش هتفرق عارفين انه غباء و لا بيستغبوا
المهم ينفذوا المهمه بنجاح


-----------------------------------
Amr Ahmed
الغباء ده الشىء المميز
للتعامل الأمنى
على فكره يا عمرو
الديمقراطيه بتسلم عليك
تحب اقولها حاجه تانيه؟
ههههههههه
منورنى بجد

 
At 8/9/07 4:47 AM, Blogger mariam said...

Dr. Tantawy
اافكره انهم هملوا الموضوع لغاية ما انتشر بشده
و بعدين بدأوا يشوفوا الحل
و بالمره يخلصوا من صحفى تاعبهم
بس عندك حق الناس هى المسئوله
منورنى يا دكتور


------------------------------
صاحب البوابــة
يا رب
كلنا فى انتظار الأمل
بجد ضاقت حلقاتها
و هتفرج بأذن الله

 
At 8/9/07 4:52 AM, Blogger mariam said...

bluesky
ازيك يا جميل؟
عندك حق يا بنتى
هو موضوع محير
لكن اكيد فى نيه لأصطياد ابراهيم عيسى على وجه الخصوص
شكرا ليكى على كلامك الحلو اللى زيك


--------------------------------
Samir
انت اللى جبت من الآخر
المعامله بالمثل آخر حاجه ممكن تحصل فى مصر
كفايه ان الشعب له يد كبيره فيما آل اليه
ربنا يرحمنا
منورنى

 
At 8/9/07 4:55 AM, Blogger mariam said...

يا مصر اكتب إليكي رسائلي
كل سنه و انت طيب
و ربنا يعيده عليك بخير دايما
و شكرا جدا لزوقك بجد
شرفتنى بالزياره


--------------------------------
Ahmed AL-Hussany
كلام منطقى
بس صعب نتوقع اللى هيحصل بعد كده
هو مطلعش منها لسه
لأن الأهرام النهارده كاتبه ان التهمه ثبتت عليه
يعنى لسه الموضوع مستمر
منورنى

 
At 8/9/07 4:58 AM, Blogger mariam said...

يا مراكبي
كلنا فى انتظار النهايه
رغم انها طولت قوى
بس زى ما قلت التاريخ بيعيد نفسه
منورنى دايما


------------------------------
micheal
فعلا بعد ايمن نور ما اتسجن
و سعد الدين ابراهيم خرج من مصر
و الأخوان اتقبض عليهم
الدور على الصحافه
منورنى دايما

 
At 8/9/07 5:01 AM, Blogger mariam said...

jinja
شكرا على ذوقك و على كلامك ده
فعلا يا ريت يكونوا عرفوا اننا فى انتظار الخلاص
بس يا رب حد يحس
منور


-------------------------------
frozen love
الف مبروك يا محمد
و حفله ناجحه ان شاء الله
و بجد الصحبجيه نالت اعجاب كل اللى سمعوها
هحاول آجى ان شاء الله
و لو معرفتش آجى اتمنالك التوفيق

 
At 8/9/07 5:07 AM, Blogger mariam said...

شـــــهــــروزة
اتمنى يا شوشو
ادينا مستنيين النهايه
ورانا ايه
يا رب نكون قربنا نخلص
منوره



-------------------------------
الجحيم هو الحقيقه
و عليكم السلام و رحمة الله
كل سنه وانت طيب يا محمد
شكرا على ذوقك
و شكرا على الكلام الجميل ده
و بجد يكفينى انك قرأت الموضوع
المعامله بالمثل آخر حاجه ممكن تحصل فى مصر
المهم انت ليه قفلت المدونه تانى
بجد ليه كده
انا زعلت جدا
اعتقد انك تخطيت مشكلة المره السابقه
يا ريت تعيد فتح المدونه
انا طول الوقت اللى فات فى انتظار بوست جديد بعد بياع الأغانى
ادخل فجأه الاقيها مقفوله
يا ريت القفل يكون مؤقت
يا ريت يكون السبب خير

 
At 8/9/07 1:12 PM, Blogger مـحـمـد مـفـيـد said...

السلام عليكم
العزيزه مريم
كل عام وانت بخير
بمناسبه رمضان واللهم أجعلك من عتقاء هذا الشهر وان يتقبلك الله بقبول حسن
والاسره الكريمه بكل خير وصحه وسعاده
وان يجعل هذا الشهر شاهد لنا لا علينا

 
At 9/9/07 1:51 PM, Blogger Mohamed said...

انا دلوقتي كل اللي في دماغي, الرئيس فين, هو فين, لو يظهر اطمن ... لاني مش معجب بسيناريو ما بعد مبارك

 
At 9/9/07 8:44 PM, Blogger fares said...

ادخل المزاد علي بيع مدون مدون ييع نفسه علي النت لمن يهمه الامر

 
At 10/9/07 6:00 PM, Blogger شـــــهــــروزة said...

مريوومة

كل سنة وانتى طيبة وبألف خير
ورمضان كريم عليكم يا رب

 
At 11/9/07 10:20 PM, Blogger sarah la tulipe rose said...

كل سنة و انتي طيبة يا مريومة
رمضان كريم
و توقيت شتوي كريم برده!

 
At 12/9/07 12:51 AM, Blogger mariam said...

مـحـمـد مـفـيـد
و عليكم السلام و رحمة الله
كل سنه و انت و الأسره و عبد الله بخير
و ربنا يتقبل منا جميعا
شكرا جدا لزوقك


--------------------------------
Mohamed
هو ده المطلوب اننا ننسى موضوع الرئيس و ننشغل بقضايا فرعيه
لكن فعلا مازال التساؤل عن صحة الرئيس قائم
نورتنى

 
At 12/9/07 12:51 AM, Blogger mariam said...

This comment has been removed by the author.

 
At 12/9/07 12:53 AM, Blogger mariam said...

fares
ارجو ان تكون قفلت المزاد
و تكوت اتراجعت عن رأيك
شكرا لأهتمامك


-------------------------------
شـــــهــــروزة
و انت طيبه يا شوشو
و ربنا يتقبل منك و تقضى رمضان سعيد و ايام كلها خير
شكرا لزوقك يا جميله

 
At 12/9/07 12:54 AM, Blogger mariam said...

sarah la tulipe rose
ساره العزيزه كل سنه و انت بألف خير
و رمضان كريم
و ان شاء الله ربنا يتقبل منك
شكرا لزوقك يا قمر

 
At 2/7/15 11:13 AM, Blogger Unknown said...

ray ban eyeglasses
michael kors uk
louis vuitton outlet
gucci handbags
michael kors handbags
chanel no 5
retro 11
soccer jerseys
pandora jewelry
coach outlet
coach outlet
cheap nfl jerseys
cheap ray bans
coach outlet
longchamp outlet
ray ban sunglasses
cheap oakleys
michael kors handbags
louis vuitton handbags
ghd flat iron
coach outlet
prada sunglasses
ray ban glasses
coach factory outlet
abercrombie kids
longchamp outlet
hollister
abercrombie outlet
www.louisvuitton.com
oakley sunglasses
louis vuitton handbags
tory burch handbags
coach factory outlet
ray ban outlet
michael kors outlet
20150702xiong

 
At 31/5/16 10:27 AM, Blogger 柯云 said...

2016-05-31keyun
toms shoes
michael kors outlet
rolex watches
true religion jeans
louis vuitton purses
adidas wings
jordan retro 4
jordan 11
concord 11
nike roshe run
hollister clothing store
instyler
coach outlet store online clearances
coach outlet canada
coach factory outlet
adidas outlet store
air jordan shoes
michael kors outlet
air jordan homme
cheap air jordans
christian louboutin sale
michael kors outlet online sale
adidas trainers
air max 95
air jordan shoes
tory burch sandals
cheap oakleys
tods sale
nike air max 90
coach outlet
tory burch flats
true religion outlet
hollister clearance
nike sb dunks
gucci handbags
michael kors outlet
timberlands
toms shoes outlet online
fitflop sandals

 
At 14/7/16 10:49 AM, Blogger Fangyaya said...

jeremy scott shoes
jordan shoes
giuseppe zanotti sneakers
ray ban sunglasses wholesale
nike outlet store
timberland shoes
pandora jewelry
coach outlet
cheap oakleys
tiffany outlet
nike air force 1
adidas originals
rolex watches
timberland outlet
michael kors outlet
oakley sunglasses
coach outlet store online clearances
adidas outlet
ralph lauren polo
air jordan 13
coach outlet store online
adidas uk
nike running shoes
coach outlet
ray bans
pandora jewelry
timberland boots
cheap oakley sunglasses
nike air jordan
michael kors handbags
michael kors outlet
jordan 3
coach factory outlet
kate spade
nike air max 90
air max 90
adidas nmd r1
christian louboutin
ray ban sunglasses
louis vuitton outlet
20167.14chenjinyan

 

Post a Comment

Links to this post:

Create a Link

<< Home