Saturday, September 22, 2007

نظره على برنامج حزب الأخوان

انهم يريدونها دينيه

تحديث

تم اضافة برنامج حزب الأخوان فى نهاية المقال





لم اكن املك موقف محدد من جماعة الأخوان المسلمين


كنت دائما على الحياد بل و احيانا متعاطفه


و كان يلح على بالى دوما لما لا تفكر الجماعه تأسيس حزب سياسى لتمارس حياتها السياسيه دون شبح الأتهامات بالأنتماء لجماعه محظوره


ربما لأنى كنت اظن ان رأى الجماعه انه لا احزاب فى الأسلام


و من فتره قريبه اعلنت الجماعه عن نيتها تأسيس حزب سياسى و قامت بتوزيع برنامج الحزب على بعض المثقفين ثم عرضته على العامه فى الحقيقه اعجبت جدا بتلك الخطوه و تفائلت كثيرا


و لكن صدمت فيما بعد


ينص البرنامج على انهم يؤيدوا الدوله المدنيه و ان الدوله الأسلاميه هى دوله مدنيه
و ده مكتوب فى البرنامج
جميل جدا و لا مشكله


ثم نجد فيما بعد انهم يريدوا تكوين هيئة من كبار علماء الدين لتكون رقيبه على
تشريعات مجلس الشعب و قرارات الرئيس


اى مدنيه هنا


هل يعرفوا اولا معنى المدنيه


اعتقد انى لو سألت اى شخص يعنى ايه دوله مدنيه هيرد يعنى فصل الدين عن السياسه


ان مراقبة التشريعات السياسيه عن عن طريق لجنه دينيه هو قمة الدوله الدينيه
و لا ادرى لم يتم التلاعب بالألفاظ و لما كل تلك المراوغات


فليكتب الأخوان انهم يريدونها دوله دينيه


لا احد سيعترض حينها فلهم الحق فى اختيار منهجهم و لكن لنا الحق ان نعرف ما يريدوا


تلك ابسط قواعد الشفافيه


فليس من المقبول مثلا ان اقتنع بجماعه تريد دوله مدنيه ثم اجدها تطبق الدوله الدينيه


كفى تناقضات و تلاعب بالألفاظ


الأخوان يريدونها دينيه

و لا بأس فى ما يريدوا
و لكن فليعلنوا بكل وضوح


طلب منى البعض برنامج الحزب للأطلاع عليه و طلب البعض الآخر التأكد مما كتبت بخصوص هيئة كبار العلماء
للأطلاع على البرنامج
و النقطه الخاصه بهيئة كبار العلماء هى فى الباب الأول الفصل التالت النقطة التالته

58 Comments:

At 22/9/07 7:56 AM, Anonymous Ahmed Almuslim said...

السلام عليكم ورحمة الله وبركاته
أنا مش هتكلم عن لسان الإخوان لأني مش موكل بالكلام عنهم ولا أنا منهم من الأساس بس خليني اتكلم بالشيء اللي أنا شايفه قدامي
الإخوان لو قالوا احنا عايزنها دولة دينية هيتعرضوا لهجوم قوي جدا من الجهات في البلد وهيقولولهم لا انتوا كده مخالفين للدستور وانتوا كده مش هتحققوا مبدأ المواطنة وانتوا كده هتعملوا فتنة وهيتمنعوا من انهم يعملوا حزب بالحجج الفارغة اللي انا قلتلك عليها إضافة إلا أن البلد وهي مصر توجهاتها علمانية في الأصل فهي دولة إسلامية إسما علمانية حقا
الإخوان عايزين دولة إسلامية بمعنى الكلمة وبيحاولوا يجوا يمين وشمال علشان يوصلوا لكده وأعتقد إنهم بيقولوا إنه مش مهم مين اللي بيحكم المهم يطبق الدين وأحكامه علينا
طبعا ده مش هيحصل حاليا لأن الدول الغربية كمان هتلاقيها واقفه ضد حاجة زي دي وعلى رأسهم أمريكا طبعا وانتي عارفه ايه أمريكا بالنسبة للعالم العربي بل والإسلامي كله
أقدر أقول إن الاخوان معذورين إلى حد ما على شغل التحايل ده علشان يقدروا يتنفسوا شوية في البلد دي بس أعتقد برضو في النهاية إنهم مش هينجحوا في إنهم يعملوا حزب وربنا يجعله عامر
والسلام ختام

 
At 22/9/07 12:04 PM, Blogger No Fear said...

السلام عليكم
أزيك يا مانو
أنا بصراحة نفسي نكون دولة إسلامية بجد مشكلتي إني مش عارف إزاي ممكن نكون كده
أكيد في معادلة توفق للموضوع ده
بس بمناسبة هيئة العلماء اللي أنت بتقولي عليها من الأخوان بالمناسبة أنا مقريتش البرنامج انا بتكلم علي كلامك
مين اللي هيختار الهيئة دي و أية هي صلاحيتها
ده شئ مهم نعرفه يعني
و ياريت تبعتي لي البرنامج لو عندك
سلام

 
At 22/9/07 1:28 PM, Blogger Human said...

كل سنة وانت طيبة يامريم
فينك ..حمدالله على السلامة
ده أولا
....
ثانيا
أنا مع استاذ أحمد اللي بيقول ان لو أعلنوها دينية ..هايلاقوا هجوم كبير ..سواء من الخارج أو من الداخل ولكن أنا مع الصراحة .كن صريحا وتحمل مسئولية كلامك وتطبيقه ..هاتكون دينية ..يبقى يقول ويوضح للجميع كل شئ
.....
ثالثا
دعوة ..للإشتراك في إقتراحات لتدوينة في حب الرسول صلى الله عليه وعلى أله وسلم..للرد على الإهانة بكل اللغتين العربية والإنجليزية

 
At 22/9/07 7:24 PM, Blogger Darsh said...

عاوزين يعملوا هيئة من علماء الدين؟
و ياترى هيسموها إيه الهيئة ديه؟
أكيد هيئة تشخيص مصلحة النظام و رئيسها هيكون الشيخ حبيب رفسنجاني و سعادة الـ ( جايِّد ) هيكون على عاكف إي.
اللي فاكر الدولة الدينية هتكون دولة حرية و تقدم يبقى مايعرفش حاجة و اللي يقارن الإخوان بتوع مصر بإخوان تركيا لازم يعرف إن المقارنة مستحيلة و غير منصفة.
اللي عاوز بشوف الدول الدينية بتعمل إيه في شعبها يشوف الدول ديه " اسرائيل ، السعودية و إيران " و يدرسها كويس هيلاقي إنها دول معزولةلإنها ماشية بمبدأ " نحن حق و هم باطل ".
اسرائيل لا يقال عنها سوى إنها قلعة محاصرة .. كل فكرها في السلاح و القتال. و شعبها يمارس العنف و العنصرية ضد كل ما هو غير يهودي ( مش بس العرب المسلمين ، هما بيمارسوا العنصرية ضد المسيحيين ، الدروز والسود ).و دا كله بسبب التعليم الديني العنصري اللي بيشرف عليه حاخامات اسرائيل ( شعب الله المختار ).
أما السعودية و إيران .. ما أظنش إنه من المروة إني إتكلم عنهم، كفاية قوي اللي بيتكتب عنهم في كل حتة.

 
At 22/9/07 9:31 PM, Anonymous Anonymous said...

Dear mariam,

I told you before do not trust this people, only what they wnt is power and forcing us to accept their opinion, they think that they have the complete truth and do not accept other opinies, i am wondering why they are gonna to make a political party now, what have they done all the years, second a civiel state is the only garante for a peaceful egypt, kaaep religion out of the political game. people who show you that they are verey reliogus do not trus them, in fact they say to you look we are religious you are not we are beter than you, if they are rely reliigius they must keep it betwee them and their god, but they have a birde they have a pakstani dres, they build alot of moskee everwhere not cause of they do it for god no just tp tell their message to manuplate the simpel people , who are not able to have humian live in egypt. anyway have a nice day, Iftaran shian we sawman makbolan

Sherif

 
At 22/9/07 9:56 PM, Anonymous واحد من الشعب said...

طبعا انا مش هادافع عنهم لانهم اقدر على دلك لكن هادافع عن حريتهم فى ابداء رئيهم لمادا هدا الهجوم على الاقل دول ناس قالوا حاجه انتم قلتوا ايه ولاحاجه ولا حاجه كلام ليس له معنى واعتقد كده والله اعلم انكم لا فاهمين يعنى ايه مدنية ولا يعنى ايه دينية طيب احنا دولتنا ايه دلوقتى

 
At 22/9/07 10:20 PM, Blogger ياسمين said...

الإخوان ينادون بدولة اسلامية منذ الازل

انت لسة عارف ولا ايه؟؟

تحياتى

 
At 23/9/07 12:37 PM, Blogger Mirage said...

الله يفتح عليكى

اريد انا مصر بلا اى آثار للأخوان

 
At 23/9/07 12:41 PM, Blogger The Alien said...

بصي أنا عندي كلام كتير
هقلك منه الخلاصة

رأي الجماعة إنه لا أحزاب ف الإسلام
ومش معني إنهم عايزين يأسسوا حزب إن الرأي دا إتغير
وهي دي الخدعة
هما بس عايزين يوصلوا للحكم وبعدين يتكلموا بصراح الإخوان عايزين الديمقراطية مرة واحدة بس

بتطلبي من مين الوضوح والشفافية
الإخوان أسلوبهم معروف وواضح
هما عارفين كويس جدا إن الوضوح والصراحة معناهم الفشل
والبرنامج بتاعهم هو الدليل
كمية غريبة من التناقضات .. م اﻷخر إستهبال
عمرهم ما بيتكلموا ف القضايا اللي بجد
ولما تسأليهم تلاقيهم يردوا ردود مبهمة ملهاش لزمة
يعني مثلا السياحة .. هيعملوا فيها إيه!
المرأة .. شغلها وحقوقها وتوليها القضاء والرئاسة!
الأقليات .. دخولهم الجيش ودفعهم الضرايب (الجزية) وتوليهم المناصب !
العلاقات الخارجية .. إسرائيل اللي بينا معاهدة سلام وأمريكا اللي سايقة العالم كله!
هيعملوا إيه ف كل دا؟ .. عمرهم ما بيقولوا
بس إحنا مش محتاجين نعرف منهم لإن الحقيقة باينة
وكل أفكارهم موجودة في كتبهم
والتاريخ شاهد عليهم وعلي أفعالهم

تفتكري جماعة اسمها الإخوان المسلمين تكون يتؤيد دولة مدنية؟
مش فاهم هما عايزين يشتغلوا مين

تحياتي

 
At 24/9/07 3:38 AM, Anonymous Anonymous said...

ما احنا جربنا كل حاجة
ما نشوف بقي الاسلاميه هتعمل معانا ايه
ولا الموضوع بقي فوبيا
علي الاقل هما قالوا عايزين ايه ومش نصبوا علينا
تحياتي

دكتور/احمد محمود

 
At 24/9/07 9:13 AM, Blogger mariam said...

Ahmed Almuslim
و عليكم السلام و رحمة الله
اسمح لى اختلف معاك
الأخوان كده كده من الصعب ان يحصلوا على موافقة انشاء حزب
و بالتالى البرنامج بيوضح توجهاتهم الفعليه
اكتر ما بيوضح توجهات حزبهم
انا مش شايفه انى ابرر لهم التحايل
المفروض ان هما هدفهم الناس
يبقى مش من المفروض يخادعوا اشخاص مطلوب انهم يؤمنوا بيهم
مصر مش اسلاميه بس مش مدنيه و لا علمانيه
هى بدون ملامح الحقيقه
الأخوان زيهم زى اى جماعه سياسيه هدفهم الحكم
لكن قارن مثلا بينهم و بين حزب العداله و التنميه
علشان تعرف ازاى العداله احترم الناس و احترم عقلهم و تفكيرهم
فى حين ان الأخوان فى مراوغتهم لا يفرقوا عن الحزب الوطنى
شكرا ليك و لرأيك



---------------------------------
No Fear
و عليكم السلام يا محمد
بالنسبه لهيئة العلماء فتبعا للبرنامج هتكون بالأنتخاب
للأسف البرنامج مش عندى دلوقتى
انا قريته من فتره
لو لقيته تانى هبعته ليك

 
At 24/9/07 9:18 AM, Blogger mariam said...

Human
اهلااااا
انت اللى فينك مختفى من فتره
ثانيا
انا متفقه معاك لا بديل عن الشفافيه فى كل الأحوال
ثالثا شكرا للدعوه الجميله دى
و هشترك ان شاء الله


--------------------------------
Darsh
اهلا بيك
انا متفقه معاك
صعب جدا نقارن العداله و التنميه بالأخوان
حقيقى حزب العداله احترم الناس و احترم عقولهم
و يكفى احترامه لعلمانية تركيا
رغم انى مش بحب التطرف العلمانى اللى فيها
لكن على الأقل احترم دستور بلده
انا شايفه ان مصطلح الدوله الدينيه هو متاجره بالناس
و ده اللى بيحصل دلوقتى
شكرا لرأيك

 
At 24/9/07 9:24 AM, Blogger mariam said...

Sherif
i really hate trading with relegion.
they are trying to decieve people.
and they seem to be contradicting themselves.
kol sana w enta tayb
thanks alot.


---------------------------------
واحد من الشعب
يا افندم قالوا رأيهم ازاى
دول ناقضوا نفسهم
انا مش ضد حريتهم
عايزين دوله دينيه يقولوا عايزين دوله دينيه
لكن يقولوا عايزين دوله مدنيه و يضعوا شروط دوله دينيه
ده يبقى ايه؟
احنا لا دوله دينيه و لا مدنيه
احنا مش باين لنا ملامح
بس فى رأيى احنا دوله امنيه

 
At 24/9/07 9:26 AM, Blogger mariam said...

ياسمين
اهلا ياسمين منورانى
مفيش شك عندى انهم عايزين دوله اسلاميه
بس الحقيقه كلامهم كله مش كده
و ده اللى استفزنى
بيتكلموا عن الشفافيه و الوضوح
و مش بيطبقوا ده
نورتينى بجد


-------------------------------
Mirage
ياااه ده انت شايل منهم قوى
بس بلاش تتفائل صعب قوى الأخوان يختفوا من مصر
نورتنى

 
At 24/9/07 9:38 AM, Blogger mariam said...

The Alien
بجد بجد هى الخدعه دى
اللى قصدى عليها
بس مش معقول يستخفوا بعقول الناس بالشكل ده
انا اساسا مش كنت ناويه اكتب عن برنامجهم
بس و انا بقرا استفزيت جدا من التناقض الواضح و المكشوف ده
يعنى الكلمه و عكسها بالبساطه دى
و لا كأنهم بيكلموا اطفال
ايه الفرق بقى بينهم و بين نظيف اللى فال اننا شعب غير ناضج سياسيا
نظيف قال و هما طبقوا
عمرى ما تصورت انهم بيأيدوا الدوله المدنيه
بس المشكله انهم بيقولوا كده
و الناس بتصدق
منورنى





---------------------------------
دكتور/احمد محمود
اهلا بيك
اولا شكرا لزيارتك
اسمح لى اختلف مع حضرتك
انت بتقول اننا جربنا كل حاجه
الحقيقه احنا عمرنا ما كنا دوله ديمقراطيه علشان نجرب
احنا اتجرب فينا
مثلا الحقبه الأشتراكيه فى عهد ناصر كان ليها ايجابيات كتير و سلبيات ايضا
ليه لم تستمر؟
لأن السادات لم يحب المشى على خطى عبد الناصر مش لأن الشعب اختار
فبدأ السادات فى التخلص من الأشتراكيين
و بدأت حقبة الأنفتاح اللى كان ليها سلبيات و ايجابيات
ليه لم تستمر لأن الحقبه الجديده ماشيه بالبركه
يبقى احنا لم نختار شىء بعد
و يمكن لو اى حقبه من اللى فاتوا كان خطط لها صح كانت كللت التجربه بالنجاح

مفيش فوبيا من الأسلاميين و لا حاجه
انا معجبه جدا بتجربة حزب العداله و التنميه
حزب بيخاطب عقول الناس

حضرتك بتقول ان الأخوان قالوا هما عايزين ايه و لم ينصبوا علينا
الحقيقه الكلام ده غير صحيح
هما قالوا عايزين دوله مدنيه
ثم طالبوا بشروط دوله دينيه
يبقى انا كده فهمت ايه؟
مش عارفه دلوقتى اصدق اى نقطه
هما قالو الأتنين
اعرف انا ازاى بقى هما قصدهم ايه
شكرا جدا لزيارتك
سعدت بها جدا

 
At 24/9/07 11:49 AM, Blogger يَحيى المِصري said...

طبعا الإخوان عايزينها دولة دينية
و برنامجهم وضح ده تماما
رقابة من هيئة دينية على السياسة و المنشورات الثقافية و و و

 
At 24/9/07 5:43 PM, Blogger امام الجيل said...

السلام عليكم
اولا انا مش هدافع عن الاخوان لانهم مش قفص الاتهام بس عشان اكون صريح بس انا مطلعتش على الجزء اللى حضرتك ذكرتيه ان هيكون فيه شيوخ يراقبوا مجلس الشعب حقيقة عمرى ما سمعته
بس يمكننى ان اقول من خلال معرفتى بالاخوان ومن خلال تاريخهم وهذا هو خير دليل فى استقراء المستقبل
ايام الامام البنا رحمه الله
كان فيه اخوان فى اليمن وفى هذه الايام وصل هؤلاء الاخوة الى الحكم
فارسلوا للامام البنا يسئلونه
على تطبيق احكام الشرع واقامة الحدود
فقالهم كلمة واحدة بس
اكلوهم الاول
ممكن حد يقول ازاى يعنى اهتم برزق الناس وقتهم عن تطبيق حدود الاسلام
بس ده عمره ما هيطبق فى وسط ناس مش لاقيه تاكل حتى سيدنا عمر نفسه فى عام المادة لما انتشرت السرقة
اوقف حد قطع اليد لانه الجوع كان شديد
والحمد لله ده فكر الاخوان
واصل حكاية الدولة الدينية مش ناجحة اصلا وكان هذا واضحا لما ارتبط رجال الكنيسة بالحكم وكانوا يجهضون كل الافكار وكل النظريات العلمية اللى يرونها انها ضد الدين
فكان نصيبهم كما الفشل بل القتل
ولان الرسول صلى الله عليه وسلم
قال انتم اعلم بامور دنياكم
ففيه امور فى الدنيا تسمى فى الدين المصالح المرسلة
يعنى مينفعش اقول العربيات حرام لان الرسول مكنش بيركبها وهكذا
وفيه كلام كتير بس لعدم الاطالة
بس ارجو من حضرتك ان تتاكدى من مصدر المعلوة هذه
انا لا انفيها انا بقول معرفهاش
وياريت حضرتك تتابعى معانا
المدونة اللى فى طور الانشاء
حاول تفهمنى
وهى من شباب وبنات الاخوان
اللى بيتكلموا باسمهم مش باسم الجماعة
وبيحاولوا يتواصلوا مع الناس
ويعرفوهم على جماعتهم
ويبينوا ها ليه بقوا افراد منها
رغم الاعتقالات والسجون وكل هذا
وان شاء الله هتاكدى ان الاخوان عمرهم ما صرحوا بشئ وابطنوا شئ اخر
ونسيت اذكر صحيح فى رد الامام البنا
للاخوة فى اليمن قالهم ان الشعب اول شئ هيعمله ان هيثور عليكم ويطالب بعزلكم فاعتقد الاخوان اذكى من ان يقعوا فى هذا وهم من اكثر الناس حرصا واتصالا بالشعب ومعروفين من الحزب الوطنى قبل الناس العادية حتى اتصالهم واعمالهم الخيرية يبقى ازاى اول شئ يعملوه انهم يقيدوا الناس بالدين
حتى يعنى لو بيفكروا لمصلحتهم
حتى يعنى
يبقى بكده هيفقدوا مكانهم
ده لو يعنى فكرنا بعقل اهل الدنيا
اللى شايفين ان المنصب ده تشريف
ومش عارفين ان تبعة ثقيلة
سيسألون عنها

 
At 25/9/07 1:15 AM, Blogger الأستاذ said...

أنا نفسي أشوف نظام الوسطية اللي كلنا مستنيينه ويارب يجي بسرعة والقيامة تقوم وندخل الجنة إن شاء الله
هو كده ده الكلام في جملتين خلصت الحياة
كل سنة وحضرتك طيبة

 
At 25/9/07 11:13 AM, Blogger امام الجيل said...

السلام عليكم
اشكر لحضرتك وضع البرنامج فكنت اود الاطلاع عليه
ولكن عايزين نتفق اولا حضرتك مع المنادين بتطبيق الشرع ولا ايه
وافضل مثل نتمثل بيه هو الرسول صلى الله عليه وسلم
فكان نبيا وفى نفس الوقت كان حاكما
اذا وجود هيئة لكبار العلماء امر لا خطر فيه اذا كان كما اتى به الرسول صلى الله عليه وسلم
كما اشرت سابقا انتم اعلم بشئون دنياكم اذا هناك امور يكون فيها دور الشرع موافقا طالما لم يصتدم قانون ما بالشرع وماذا نريد غير ذلك
المشكلة صحيح اذا كان هذه الهيئة لها الكلمة العليا ولكن كما اشير فى نفس النقطة ان هذه الهيئة ستكون مع متخصيين فى جميع النواحى اى ليس علماء دين وفقط
وهذا مكا كان يحدث ايام الصحابة والتابعين وهذا ليس بجديد
طالما ان الراى سوف يصدر من هيئة متخصصة تضم كافة النواحى وعندها يفصل الدين
مثال فى موضوع الاستنساخ مثلا كيف لعالم دين ان يقول رايه وهو يجهل ما هو الاستنساخ يجب عليه ان يستعين بطبيب لكى يعرفه كل شئ عن الاستنساخ وضرره وهكذا ومن بعد ذلك ياتى حكم هذا العالم بعد راى الطبيب
واذا افتى الطبيب بانه لا ضرر منه احله العالم
اعتقد وجهة نظرى وصلت
ازاى هنبقى عايزين حكم اسلامى وميكنش للعلماء ولا للشرع ولا حتى مجرد راى وميكنوش حتى فى هذه الهيئة التى تضم مختلف التخصصات
يعنى تكون تضم مختلف التخصصات وميكنش فيها راى للدين
كل كلامى هذا بافتراض ان حضرتك متفقة على الحكم الاسلامى ولكن متخوفة من الدولة الدينية
ولكن اذا كان حضرتك ترفضى حكم الاسلام بشكل عام فده شئ تانى
اعتقد انه من ابسط الامور ان يكون لعلماء الدين راى فى الامور الكبار
طالما ان لديهم مستشارين
يعنى مش هنقع فى نفس اخطاء القساوسة
اللى كانوا يجهلوا العلم
واذا راوا ان فيه شئ مخالف لدين من وجهة نظرهم هما كانوا بيعتبروه كفر
ولكن اذا كان فيه متخصصين فى كافة المجالات ولن يؤذخ راى الا بعد رايهم
يبقى فين المشكلة دلوقتى
رمضان كريم

 
At 25/9/07 7:20 PM, Blogger Darsh said...

الناس بتتكلم عن الدولة الدينية و هما مش عارفينها.
الدولة الدينية يعني إن قائد هذه الدولة هو ممثل الله على كوكب الأرض ( زي ما كانوا بيقولوا على الخلفاء ظل الله على الأرض ).
يعني إيه؟ يعني ممنوع إنتقاد .. يعني ممنوع مناقشة .. كل اللي بيقول عليه هو الحق المبين !

يعنى مثلاً لو جورنال فكر إنه ينتقد القائد أو الخليفة أو الرئيس .. معناه إنه بيهينه يبقى الجورنال يتقفل خالص و الصحفي يتسجن و يمكن ما يرجعش يكتب تاني.

و طالما الإخوان عاوزين يعملوا مجلس خبراء زي بتاع إيران .. يبقى لازم الكل يعرف يا ترى إيه مهام المجلس دا هناك.

و بلاش حد يتكلم عن حاجة ما يعرفهاش .. يعني بلاش " أنا ما أعرفش هما قالوا ولا لأ " أو " مش متأكد أكيد ماحصلش " اللي مش عارف يعرف و اللي مش متأكد يتأكد.

 
At 25/9/07 8:25 PM, Blogger mariam said...

يَحيى المِصري
برنامجهم وضح ده
لكن هما مازالوا مصرين على التلاعب بالألفاظ و التناقض
شكرا لرأيك


---------------------------------
امام الجيل
و عليكم السلام و رحمة الله
حضرتك كتبت التعليق ده قبل الأطلاع على البرنامج
انا هرد على تغليقك التانى بعد الأطلاع على البرنامج

 
At 25/9/07 8:43 PM, Blogger mariam said...

الأستاذ
يااه كل ده بسرعه كده
ده احنا بقالنا 26 فى نقطه واحده
يا ريت كل ده يحصل بسرعه
منورنى



----------------------------------
امام الجيل
و عليكم السلام و رحمة الله
لا داعى للشكر
نحن هدفنا مناقشه مثمره
اولا حضرتك بتسألنى ان كنت مع تطبيق شرع الله ام لا
اسمح لى اجزم لحضرتك انه لا يوجد شخص واحد ضد تطبيق شرع الله
بس ايه هو شرع الله فى السياسه؟
انا اعرف شرع الله فى الأحوال الشخصيه مثلا من زواج و طلاق و نسب و ميراث و حدود
هو ده شرع الله
طبقه فى قوانين الأحوال الشخصيه و هو مطبق بالفعل

اسمح لى صعب جدا تقول لى مثل ان الرسول
صلى الله عليه و سلم
الرسول كان بيوحى اليه
و ما كان ينطق عن الهوى
و ده من المستحيل ان ينطبق على اى شخص فى الدنيا

الى جانب ان نموذج الدوله الحديثه لم يكن موجودا ايام الرسول عليه الصلاة و السلام
و بالتالى انتم اعلم بشئون دنياكم
لأن لا يوجد قياس نقيس عليه

اسمح لى حضرتك بتقول ان اللجنه مش بس علماء دين
لأ اقرا النقطه دى تانى
مكتوب لجنه منتخبه من علماء الدين بالنص
ثم يعاونها لجان و مستشارين ذوى خبره
ده كلام؟

ارجوك بلاش لغة ترفضى حكم الأسلام و ما شابه
انا مش هدخل فى مزايده على دينى

انا مش فاهمه ايه دخل الشرع اللى حضرتك بتتكلم عنه بالسياسه
يعنى
هل الشرع مع النظام الأشتراكى و لا الرأسمالى؟
ايه رأى الشرع فى علاقة مصر بألمانيا مثلا؟

انا مش شايفه علاقه بين الشرع و السياسه

الغريبه ان حضرتك بتقول انى قد اكون متخوفه من الدوله الدينيه
يعنى اعتراف ضمنى ان البرنامج متبنى الدوله الدينيه
الا ان البرنامج يؤكد انهم يريدون دوله مدنيه
و ده مكتوب بالنص فى الباب التانى الفصل الأول
الفقره ه

انا امامى مجموعه من التناقضات

شكرا لأهتمامك

 
At 25/9/07 8:46 PM, Blogger mariam said...

Darsh
انت بتتكلم بلسانى
هو ده اللى انا عايزه اقوله
يعنى ايه دوله دينيه؟
ايه علاقة الدين بالسياسه
لا يوجد احد ضد تطبيق شرع الله
بس شرع الله مثلا فى الزواج و الطلاق و النسب و الميراث
لكن شرع الله ازاى فى السياسه؟
شكرا لتواجدك
و مناقشتك

 
At 26/9/07 1:01 AM, Blogger امام الجيل said...

اولا بس قبل اى حاجة
انا اسف لو كلامى وصل لحضرتك انه هجوم
انا بس كنت بسأل والله اذا كنتى حضرتك مع تطبيق الشرع عشان بس اعرف اتكلم ازاى بس مش بهاجم خالص
ثانيا لما قلت تتخوفى من الدولة الدينية ممكن بس اكون غلطت من غير ما اقصد مجرد خطأ
بس والله عايز حضرتك تتاكدى من شئ الاخوان عمرهم ما ابدوا شئ للناس وابطنوا شئ اخر
هما اشجع من انهم يخبوا امر زى ده
وبالنسبة لعدم دخول الشرع فى السياسة فده امر تانى خالص
ازاى والرسول صلى الله عليه وسلم كان قائد فى المعارك بنفسه وبيعمل معاهدات واتفاقيات وهدن وتنظيمه للحياة داخل البلاد وعلاقته بالمحكومين وتنظيم الامور الاقتصادية بالبلاد
اعتقد ان كل ده يدخل داخل نطاق السياسة واما ان الرسول معصوم فده اكيد بس ربنا ما انزل الينا الرسول الا لنقتدى به ممكن احنا بقى نقصر فى اداؤنا كبشر بس المهم نقتدى بيه ونمشى على هديه كما فعل الخلفاء الراشدين والتابعين من بعده
اما ان هيئة العلماء هيبقى ليها مستشارين فى كل مناحى العلوم
وحضرتك قلتى ده كلام
واعتقد ده مربط الفرس
يعنى النقطة اللى فيها حل كل كلامى ده
حضرتك انكرتيها
(انا اسف بس اذا كان كلامى باين انه شديد بس والله انا بتكلم بهدوء مجرد نقاش وبس)
نكمممممممممل
اعتقد انه من الظلم اننا نحكم على نوايا حد اذا حد قال هاعمل شئ نقول ده كلام واعتقد حضرتك ممكن تراجعى نفسك فى النقطة دى
لان من الظلم الشديد اننا نحكم على ما فى القلوب وده على الاقل مش كلام علمى
تعرفى حضرتك انا والله بقبل الراى الاخر جدا وممكن اوى اذا لقيت فيه الحق اتبعه واغير رايى بمنتهى السهولة وارجو من الله اذا حضرتك اقتنعتى بكلامى ان حضرتك تذكرى ده عشان بس ميكنش كلامنا جدال لا طائل منه كل واحد عايز يبين ان رايه هو اللى صح
يعنى حضرتك لما قلتى فى الاول قبل ما تنزلى البرنامج انا ما انكرتش كلام حضرتك لو كنت متعصب وخلاص كنت انكرت وقلت لا الاخوان ميعملوش كده بس قلت انا مقرتش البرنامج بالفعل ولكن تكلمت عن الاخوان كما اعرفهم وكما تربيت بينهم فانا عارف فكرهم او فكرنا
بس والله تاكدى ان الاخوان وانا منهم عمرنا ما اظهرنا ولا قلنا كلام وابطنا راى اخر يعنى الاخوان اللى مخافوش من الحكومة ومن الاعتقالات ومن كل ده هيخافوا يقولوا رايهم بصراحة وحتى اذا ممكن نقول ده فى سبيل الوصول الى الحكم فزى ما قلت قبل كده الشعب اول من سينقلب على الاخوان
اخيرا بقول لحضرتك ان كلامى مش بعصبية واسف اذا حضرتك فهمتى انى بهاجمك والله ابدا اعتقد ان كلامى محترم ومفيهوش حاجة وحشة بس اسف اذا وصل بطريقة غلط وانا لما قلت وسالت حضرتك مع تطبيق الشرع مجرد سؤال عشان اعرف ارتب كلامى اصل لو حضرتك مكنتيش مع تطبيق الشرع مكنتش دخلت فى جدال لا طائل منه انتظر من حضرتك الرد

 
At 26/9/07 2:03 AM, Blogger mariam said...

امام الجيل
كلامك لم يصل لى انه هجوم و لا حاجه
انا احييك على لغة خطابك الراقيه
و للحق فكثير من الأخوان لديهم آداب حوار عاليه
زى مثلا د. عبد المنعم ابو الفتوح اللى بحترمه كثيرا
لكن فى خطابات اخرى مراوغه زى خطابات مهدى عاكف
المهم بدون الدخول فى مهاترات

حضرتك بتقول
وبالنسبة لعدم دخول الشرع فى السياسة فده امر تانى خالص
ازاى والرسول صلى الله عليه وسلم كان قائد فى المعارك بنفسه وبيعمل معاهدات واتفاقيات وهدن وتنظيمه للحياة داخل البلاد وعلاقته بالمحكومين وتنظيم الامور الاقتصادية بالبلاد


اسمح لى انا قلت قبل كده ان الرسول كان بيوحى اليه
هل الشخص الذى هيحكم بأسم الدين هيوحى اليه؟
بالطبع لأ
فى نقطه تانيه
نموذج الدوله الحديثه لم يكن موجود على عصر الرسول عليه الصلاه و السلام
بل كان هناك نظام القبائل
حتى عندما ذهب الرسول من مكه الى المدينه اعتبرت هجره
لكن لو شخص سافر من مكه للمدينه الآن لن تعتبر هجره لأنه فى السعوديه فى الحالتين
اذن نموذج الدوله الحديثه لا يوجد قياس عليه
تنظيم الحياه الذى قام به الرسول
هل كان قائم على شىء معين؟
قصدى هل كان قائم على نظام خاص بالأسلام؟
و بمعنى آخر هل يوجد فى الشريعه
ما ينظم الأتفاقيات و الهدن و الحروب مثلا
ام ان الرسول عليه الصلاه و السلام كان يحدد ذلك تبعا للصالح العام؟

الحقيقه اسمح لى انت غيرت بعض كلامك
ففى تعليقك الأول كنت متحفظ على موضوع هيئة كبار العلماء و طلبت منى ان تتأكد من الأمر و هذا حقك
ثم بعد ان اتطلعت و تأكدت
انحزت للجنه و بدأت فى الدفاع عنها

الغريب حقا اننى لم اتكلم او احكم على اى نوايا
البرنامج موجود و انا بتكلم على اساسه
مكتوب دوله مدنيه
ثم مواصفات دوله دينيه
انا فهمت ايه دلوقتى؟

طيب افرض حضرتك الرئيس مثلا اصدر قرار بالأستيراد من دوله ما
ايه دخل هيئة علماء الدين بحاجه زى كده
و بعدين انا سألت حضرتك
الشريعه تفضل النظام الأشتراكى و لا الرأسمالى؟

فى الحقيقه لا دخل للشريعه بهذه الأنظمه الحياتيه
و لا تؤثم احدها ضد الآخر
لأن كما قال الرسول عليه الصلاه و السلام انتم اعلم بشئون دنياكم

لعلمك انا مش هدفى اثبت انك غلط
لأن لكل شخص قناعاته
و مش معنى انى مش مؤمنه بفكرك يبقى انت غلط
بالعكس ربنا خلق الكون و سمته الأختلاف
من المستحيل ان نكون نسخ من بعض
و احنا مش اهلى و زمالك
مش معنى انى من حزب آخر غير الأخوان
ان الأخوان على خطأ

من الطبيعى وجود افكار متغايره
و كما قال الأمام الغزالى رأيى صواب يحتمل الخطأ و رأى غيرى خطأ يحتمل الصواب

و سعيده جدا بهذه المناقشه
و اؤكد انى ايضا لم اقصد الهجوم ابدا

 
At 26/9/07 11:20 PM, Blogger امام الجيل said...

الله اكبر
طيب الحمد لله كنت مشغول من ابمارح من ساعة ما قريت تعليق حضرتك من لغة الحوار وكنت متضايق انها اتفهمت بالشكل ده وعلى اساها رد حضرتك كان جامد اوى من ناحية الشدة بس الحمد لله طلعنا براءة ومفيش مشكلة
حكاية الدولة الحديثة فانا قلت لحضرتك ان الرسول صلى الله عليه وسلم
قدوة واسوة لينا ومش لازم ان الحياة تبقى ماشية زى الوقت ده عشان تمشى بنفس النظام ده يعنى اقصد ان الثوابت واحدة لا تتغير ولا تتبدل بس الاسماء والاشكال والمسميات ممكن تختلف وده مش مشكلة بس الاصول زى ما هيا لان النظام الاسلامى صالح للحكم زى ما حكم فى عصور البغال والحمير صالح ان يحكم فى عصر الطائرات والصورايخ واعتقد حضرتك موفقانى بس عايز اقول ان اختلاف المعيشة ونظام الحياة معناه ان المنهج مش هيبقى هو هو
وده مش كلامى زى ما قلت لحضرتك كان فيه خلفاء راشدين وتابعين جاءوا بعد الرسول بمئات السنين وساروا على نهجه مع اختلاف شكل ومسمى الدولة ونجحوا فى ذلك بدون الدخول فى تفاصيل انا مش متخصص عشان اقول لحضرتك الاسلام هيعمل ايه فى النظام الاقتصادى والبطالة مثلا
تعرفى حضرتك انا احترمت المرشد اوى اوى لما سألوه عن برنامج الاخوان الاصلاحى اللى اصدره من قبل وكانوا بيسألوه عن جزئيات فكان يقول يا جكماعة احنا عايزين مساعدة اى حد فى انجاح هذا البرنامج يعنى اذا شفتوا فيه خلل او قلة خبرة تعالوا ساعدونا عشان يبقى اقوى ده المهم عندنا بجد اذا كنا حرصين على البلد بجد اننا نقدم اللى نقدر عليه مش نقف بس فى صف النقاد
وياريت كلنا نفكر بهذا الفكر زى ما حضرتك قلتى يعنى انا اعرف ناس مختلفين مع غير الاخوان فى نقط بس بيساعدوهم ويشاركوهم فى اعمال اخرى
كما قال الامام البنا
نتعاون فيما اتفقنا عليه ويعذر بعضنا بعضا فيما اختلفنا فيه
اما بخصوص انى قلت فى اول تعليق كلام وبعد ما قريت البرنامج دافعت عن النقطة دى فده يبين بجد اد ايه مدى حيادى تعرفى من غير ما احلف اول ما قريت كلام حضرتك مشكتش فيه لحظة واقعدت افكر هما الناس هيعملوا ليه كده وده كلام وازاى يبقى فكرهم ومنهجهم بيقول شئ ولما يفكروا يعملوا حزب ينزلوا فيه نقظة زى دى كلامى ده كله مكنش استنكار لحضرتك لا كان استنكار للجماعة اذا كانت عملت كما ذكرتى بس لما قريته ولقيت ان فيه لجنة من المستشارين فى جميع المجالات فقلت طيب احنا عايزين ايه احسن من كده واذا كان الروسل بيوحى اليه ومن حقه يحكم بعض استشاره الخبراء فالخلفاء والصحابة وكبار القادة المسلمين مكنش بيوحى اليهم برضه يعنى المسالة نظام من عند الله صالح لكل زمن وكل مكان ولا يتغير ولا يتبدل ولكن الذى يتبدل الظروف حوله ومن مرونة الاسلام انه يستطيع ان يتعامل مع كل هذه الظروف وهذا ما جعله متماسكا حتى الان لان الله تعالى تعهد بحفظه ولله الحمد
يبقى انا كلامى اتغير من النقد للاخوان على الاقل فى فكرى انا ساعتها ويعلم الله صدق قولى الى الاتفاق معهم لما رايت انهم لم يخطئوا واعتقد اذا حضرتك صدقتينى فى النقطة دى هتوفر عليا كلام كتير اوى عشان تعرفى فكر الاخوان والله بجد عامل ازاى ومدى مرونته
يعنى والله عمرى ما هدافع عن باطل وانا بحاول اشوف كل الاراء المختلفة واستشف منها الراى الصائب بعد تفكير عميق
وجميل اوى ان فعلا مش معنى انى صح ان يبقى حضرتك خطأ والموضوع ده شاغلنى جدا لدرجة ان عملت فيه تدوينتين بعنوان حاورنى وحاورك
و الحقيقة المطلقة
وممكن حضرتك تقريهم وتعرفى انا رايى فى النقطة دى زى رايك بالظبط
وكلامى اول تعليق اذا كان فيه دفاع عن الاخوان فانا مدافعتش عنهم فى النقطة دى لانى مكنتش اعرفها فمتكلمتش فيها بس دفاعى عن تاريخ الاخوان وما اعرفه منهم وتاكدى ان النقطة دى مش هتظهر منهم بالشكل اللى حضرتك فهمتيه واعتقد عشان نحكم على حد ونجهله نشوف تاريخه وحاضره هنعرف هو مين كويس فانا مدافعتش دفاع اعمى
بالعكس ده لانى اعرف الاخوان من الداخل
حاجات كتير محدش يعرفها ولو عرفوها هيحبوا الاخوان اكتر واحنا كتير اوى وانا شخصصيا ما بنقد الاخوان بس وجها لوجه يعنى احنا الحمد لله عندا فكرنا ومخنا ومش منساقين ولا بتحركنا عاطفة ولا امير جماعة هههههههههه
زى ما بيصور الاعلام اللذيذ
بس انا زعلت من حضرتك لما قلتى عن ان المستشارين ان ده كلام لان الحكم ده بيقضى على كل الحوار اللى فات ده اننا نحكم على نوايا ناس ونقول ان ده كلام بيقولوه وهينفذوا حاجة تانية على ما فهمت يعنى ممكن حضرتك كنتى تقصدى شئ تانى وهذا ما اظنه
وجميل الحوار المحترم البناء ده يا ريت الناس تتعلم بجد الواحد زهق من اللى بينقدوا او بيشتموا وخلاص
بس الحمد لله حوارى مع حضرتك هادئ ومفيد

 
At 27/9/07 12:05 AM, Blogger mariam said...

امام الجيل
اهلا بيك مره تانيه
اعتذر لك لو شعرت بأى شده فى كلامى
هى غير مقصوده بالمره
لكن الكلام الكتوب لا يوضح ردالفعل كامل
انا بس مش بحب ازايد على دينى

لا شك ان الرسول عليه الصلاه و السلام قدوه و اسوه لينا
و سيظل كذلك الى يوم الدين
بس انا سألت حضرتك سؤال و هعيده تانى لأنى اتمنى اجد رد عليه
تنظيم الحياه السياسيه الذى قام به الرسول
هل كان قائم على شىء معين؟
قصدى هل كان قائم على نظام خاص بالأسلام؟
و بمعنى آخر هل يوجد فى الشريعه
ما ينظم الأتفاقيات و الهدن و الحروب مثلا
ام ان الرسول عليه الصلاه و السلام كان يحدد ذلك تبعا للصالح العام؟
و الخلفاء الراشدين ايضا هل كانوا يحكموا تبعا لما يروه من الصالح العام فى السياسه ام لا؟
فانهم كانوا بشر يصيبوا و يخطئوا
و الا لما كانت حدثت الفتنه الكبرى و التحكيم
و الا لما قسم العالم الأسلامى الى سنه وشيعه
و لعلك تعرف ان ذلك حدث بسبب خلافات سياسيه فى المقام الأول
و لو كانت الشريعه تحدد قرارات السياسه فأن الخلفاء رضى الله عنهم ما كانوا ليخطئوا و هم افضل من يطبق شرع الله
اذن الخلفاء رضى الله عنهم كانوا يحددوا الصالح العام تبعا لوجهة نظرهم و هم بشر
و كما قال ابو بكر الصديق رضى الله عنه عندما تولى الخلافه اذا اخطأت فقومونى

حضرتك بتتكلم على انى ضد الأخوان ككل و ده غير صحيح بالمره
فنا اعرف انهم اكثر من يدفع الثمن
و اتعاطف معهم و بشده فى محاكاماتهم العسكريه
و حضرت بعض ندوات كان يشارك فيها د. عبد المنعم ابو الفتوح


انا عمرى ما تصورت ان الأخوان بالشكل الذى يقدم فى افلام وحيد حامد
و لعلمك لا احد يصدق ذلك


على فكره انا لم اقل على المستشارين ده كلام من قبيل الأنكار
و لكن من قبيل الأستنكار
و فى فرق بين الأتنين
لأنى مش مقتنعه ان رجل دين يقرر شئون سياسيه

قد نكون مختلفين ايديولوجيا او فكريا
و لا مشكله فى هذا

لا توجد فكره واحده تمتلك الصواب المطلق

يعنى مثلا النظام الأشتراكى مطبق بنجاح فى فنزويلا
فى حين مطبق النظام الرأسمالى بنجاح فى امريكا
و ده يعنى ان كل فكره تحتمل النجاح اذا طبقت بشكل صحيح و مدروس

مازلت اؤكد انى لا اهدف الى تصوير انك مخطىء
و لو تلاحظ انا لم اعترض على برنامج الأخوان ككل
بل حددت ما اريد نقده

و لو كان هدفى الهجوم لمجرد الهجوم كنت تحدثت عن برنامج الأخوان فى المطلق

مازلت اشكرك على خطابك المحترم
و اتمنى ان تكون جميع الحوارات على هذا المستوى الذى تقدمه

 
At 27/9/07 1:55 AM, Blogger علي الالفي said...

يا اخوااننا
انا عندى حفلة
اه و الله حفلة
لا و مش اي حفلة
انا هاغنى مع ايامنا الحلوة
المرة دى كعضو في الفرقة
عارفين هاغني ايه
انا هاغنى تلات سلامات
و هانغنى الليلة الكبيرة
و اغاني تانية
يا جماعة
انا مستنيكم كلكم تيجوا تنورونا في مسرح البالون بالعجوزة ان شاء الله يوم الجمعة الجاية الساعة 8و نص مساءا

 
At 27/9/07 8:12 PM, Blogger Mohamed_sobhy84 said...

جميل انها تكون دوله دينيه حكم على اساس ديني بس ميبقاش من بره حكم مدني و من جوه حكم الدين

 
At 28/9/07 8:12 AM, Blogger shams said...

بصراحة ان ابايد رايك ازم يكون في مبدا
ثم ان انا مش بحب الاخوان اساسا

 
At 28/9/07 12:54 PM, Blogger يا مراكبي said...

الديالوج اللي بعد البوست ممتع جدا

وأنا قريت البرنامج كله وبأشكرك عليه بجد

لكن أنا دايما بأحب إني أشوف كل حاجة بالأرقام .. أحب أشوف البرنامج ده وهو مبني على قاعدة بيانات وإحصائيات وبعد كده يعرضوا كل الحلول اللي إتقالت كنماذج حسابية تورينا إزاي فعلا الأوضاع ممكن تتحسن
Data base } Statistics } Forecast

أغبل الحاجات اللي ذكرت في البرنامج ممكن تتحول لنماذج حسابية
Mathematical models

الكلام فعلا أغلبه جميل ومنظم و مغطية كل المجالات في الحياة .. لكن المهم القدرة على التحكم والتنفيذ الفعلي عند الوصول للحكم

وساعتها هتكون كل الناس في سعادة ورخاء وحب جارف لنظام الدولة حتى لو كانت الدولة إسلامية مش مدنية .. الناس بيعنيها قوت يومها أهم من أي شيء آخر

 
At 28/9/07 2:55 PM, Blogger shams said...

و الله معاكي حق
انا من الاول قللت مش بحب الاخوان

 
At 28/9/07 6:34 PM, Blogger david santos said...

Today nobody if can forget:

جمال عبد الناصر,

15/1/1918/ - 28/9/1970

The Great, Gamal Abdel Nasser

 
At 28/9/07 11:03 PM, Blogger امام الجيل said...

السلام عليكم
اولا بس انا متأكد ان حضرتك مش عايزة تصورينى خطأ وخلاص وثانيا انا مقلتش ان حضرتك ضد الاخوان ككل ازاى وحضرتك قلتى انك متعاطفة معاهم فى اول البوست
ثالثا وهو المهم بصى حضرتك هو مصادر التشريع فى الاسلام مش بس القران الكريم والسنة المطهرة بل هناك مصادر اخرى كالقياس والاجماع والمقصود بهما القياس على شئ معين شبيه له وان لم يرد ذكره صراحة فى القران او السنة ولكن ضرره كضرر شئ ذكر فى القران فيمكن للعلماء الثقات ان يقيسوا هذا بهذا واجماع العلماء ايضا على شئ معين
يعنى اذا مكنش فيه نص صريح على تنظيم الاتفاقيات والهدن بين المسلمين وبين الاخرين فد بيتم وفقا لحدود الاسلام على الايكون فى هذا الاتفاق شئ يخالف الاسلام سواء مثلا ان يأتى هذا الاتفاق بالسوء عليهم او مثلا نقض هذه الاتفاقيات اما المدة والشكل المنظم لها فهذه تقدر بقدرها ولا يوجد بالطبع شكل واحد نمطى
الله سبحانه وتعالى هو من خلقنا وهو من وضع لنا النظام فى الكون وشرعه هو القادر على تسيير هذا الكون
ولا يوجد فى الاسلام لفظة رجل دين هذه اللفظة خاصة بالنصارى ولكن عالم الدين فى الاسلام نجده بين الناس وغير معصوم ويتكلم كما يتكلم الناس ويهتم بامورهم لانه منهم فاذا تكلم فى السياسة فهذا غير معيب عليه بل الى من يسلم هذه الامور ان لم تسلم الى اناس عرفوا ربهم وعرفوا ان هذه المسئولية ثقيلة عليهم وليست بتشريف وكما قلت فرسولنا الكريم كان نبيا وكان قائدا وكان الله قادرا على ان يبعث رسولا ويكون للامة قائدا وحاكما غيره ولكن كما قلت فما الرسول لنا برمز ننظر اليه وفقط بل هو لنقتدى به وكما ذكرتى حضرتك ان الخلفاء قد طبقول الاسلام وحدثت فتن ومعارك بين المسلمين انفسهم ومن قال ان الحكم بالاسلام يحول الناس الى ملائكة على الارض فكما تعرفى ان العيب ليس فى الاسلام وانه قادر على الحكم واتاكد بموافقة حضرتك ولكن من يحكمون بالاسلام قد لا يكونون متقبلين له او قد يحدث اخطاء من الخلفاء فهم بشر ولكن اثبت النظام الاسلامى نجاحه الكبير وان حدثت بعض الاحداث فى التاريخ فهذا قليل من كثير وقد يكون قد طبق الاسلام فى نقطة تطبيقا على غير مراد الله فكما ذكرت ان من يطبقه بشر
اما عن الصالح العام فهذا ايضا مقترنا بالشرع كما ذكرت فلا ينبغى ان يكون هذا الصالح مضادا للشرع الا فى الضرورات كما فعل سيدنا عمر فى عام الرمادة بتوقيف تنفيذ حكم قطع يد السارق فالاسلام دين مرن وليس بجامد
واختلف مع حضرتك انه لايوجد فكرة واحدة تمتلك الصواب المطلق لا بالطبع فكيف نقارن فكرة ابتكرها انسان بفكرة من صنع البشر فكيف نقارن النظام الاسلامى كما طبقه رسول الله بالنظام الرأسمالى والاشتراكى شتان وقد اثبتت هذه النظم فشلها الان وتركها اصحابها ومعتنقيها كفروا بها
انا اعرف ان حضرتك لا تختلفى على تطبيق الشرع ولكن يهمك الية التطبيق وهذا من الممكن ان تحدث فيه اخطاء واخبرك اخيرا ان الاخوان لا يطمحون فى السلطة على الاقل فى الامد القريب وهذا اولا لان الشعب الان لن يتقبل فكرة حكم الاسلام اصلا قد يتعاطفون مع الاخوان ولكن لن يتقبلوهم كحكام ففكرة الاسلام عندهم بعيدة ويظهر هذا من الابتعاد عن تعاليم الدين وانتشار المفاسد فلن يأتى الاخوان بعصا سحرية لتحول ذلك فى يوم وليلة وكل من تعود على هذا لن يتحمل ان يأتى يوما ويجد فيه ان تلكم المفاسد قد ازيلت
وثانيا ان وضع البلد الاقتصادى والثقافى ووووو
سئ للغاية وهو يمثل درجة كبيرة لفشل اى احد يأتى للحكم مهما كان فكره فان الاصلاح لن يأتى فى يوم او يومين بل سيأخذ سنوات ولن يتحمل الناس هذا بل سينتظروا من يأتى ويخلصهم من كل العنت والتعب فى يومين ولن يصبروا عليهم كثيرا اذا حكم مصر ليس بالكعكة التى من اجلها يضيع كثير من الشباب اوقاتهم ودمائهم وارواحهم ولكنهم يعلم الله انهم ارادوا لاخوانهم وابائهم واهليهم الخير حتى اذا نظر اليهم هؤلاء انهم كذا وكذا فما اقسى اختى ان تبذلى وتجهدى فى سبيل احد ولا تجدى منه الا كل سخرية واتهامات باطلة
اعتقد ان حضرتك تشاركينى هذه الهموم وتقدرينها تماما كما ذكرتى
فلن يطلب الاخوان ويسعوا الى الحكم الا عندما يتأكدون تماما ان هذا الشعب قابلا للاسلام كحاكم والاخوان لم يخدعوا بنتائج الانتخابات الاخيرة ولم تغررهم هذه النتائج انهم قوة كبيرة بشكل كهذا بل هم يعرفون تماما ان هناك فرق بين عاطفة شعب ايس ممن يحكموه واراد اخر منهم من يعرفه ويثق به ومنهم من مل من من استولوا على الحكم فاراد وجوها اخرى ولكن هذا شئ وان يتقبل هذا الشعب الاسلام واقول الاسلام وليس الاخوان فمشكلة الناس مع الاسلام حكاكم وليس مع الاخوان فاذا جاء الرسول صلى الله عليه وسلم بنفسه الى دنيانا هذه لوجد من المسلمون للاسف هذا العنت وانا اتكلم بالمنطق وليس العاطفة فممكن ان تقولى من يجد رسول الله ولا يطيعه ولكن من تعود على حياة بعيدة عن الاسلام من الصعب ان يتغير فى يوم هكذا وان تغير فسيعود للاسف الاعلام نجح نجاحا بارعا فى تخويف الشعب البسيط من الاسلام واظهر انه لا يوجد مسلم معتدل فى الوجود يجب ان يكون متجهما ولا يتكلم الا الفصحى وهكذا
وان لم يصدق الناس هذا فان هذا له اثر لا شعوريا فى وجدانهم يؤثر عليهم واؤكد لك هذا مثلا فى الافلام القديمة لم يكون يظهر اسم عائشة او زينب او فاطمة الا على الخادمات او الفقراء والخادمين كلهم عثماااااان سبحان الله :)
فبالله عليكى الا تجدى ان هذه الاسماء من الصعب ان تسميها لاولادك رزقك الله
وان تعودنا على ان هذه الاسماء للدون من القوم اقول لكى انى انا اشعر بهذا الشعور وكثير جدا للاسف طبعا
وكان هذا مثلا فقط على دور الاعلام لا شعوريا علينا وانصح حضرتك بسماع شريط الشيخ وجدى غنيم التضليل الفنى جميل جدا وفيه يشرح نماذج من الافلام القديمة ويفسر هذه المشاهد وهى واضحة اصلا ولكنا لا نتبينها
طووووووووولت اوى سلام عليكم

 
At 29/9/07 2:06 AM, Blogger mariam said...

علي الالفي
الف الف مبروك يا على
ربنا يوفقك و تنجح ان شاء الله
يا ريتك كنت قلت بدرى شويه
بس المهم ان ربنا يوفقك


-----------------------------------
Mohamed_sobhy84
شكرا جدا لرأيك
بس انا مش فاهمه يعنى ايه من بره مدنيه و من جوه حكم الدين
يا ريت لو يمكنك التوضيح

 
At 29/9/07 2:10 AM, Blogger mariam said...

shams
المهم انهم يكتبون الكلمه و نقيضها
ثم يصوروا اننا لا نفهم قصدهم
لا اعرف هل الهدف هو التشتيت ام لا
شكرا لرأيك




----------------------------------
يا مراكبي
اهلا بيك
طبعا حضرتك مهندس فبالتالى تهتم بلغة الأرقام
على فكره برامج الأحزاب كلها مثاليه
حتى برنامج الحزب الوطنى
لو قريته هتشعر اننا فى الجنه
المشكله زى ما قلت حضرتك التطبيق
شكرا لمشارمتك القيمه

 
At 29/9/07 2:12 AM, Blogger mariam said...

shams
شكرا لمتابعتك
و شكرا لرأيك


----------------------------------
david santos
شكرا جدا انك تفتكر زكرى زعيم مصرى
thank you so much for your care

 
At 29/9/07 2:38 AM, Blogger mariam said...

امام الجيل
و عليكم السلام و رحمة الله

اقتباس من كلام حضرتك
بالنسبه لتنظيم الأتفاقيات و الهدن
على الا يكون الاتفاق شئ يخالف الاسلام سواء مثلا ان يأتى هذا الاتفاق بالسوء عليهم او مثلا نقض هذه الاتفاقيات اما المدة والشكل المنظم لها فهذه تقدر بقدرها

اسمح لى ده كلام غريب شويه
لأنى لا اعتقد انه يوجد اى نظام فى العالم ممكن يأتى باتفاق يضر الشعب و الصالح العام
الا لو كان الحاكم خائن و ده شىء تانى

اقتباس تانى
ان العيب ليس فى الاسلام وانه قادر على الحكم واتاكد بموافقة حضرتك ولكن من يحكمون

ده شىء اكيد انا واثقه انه لا يوجد عيب فى الأسلام
و لكن العيب فى من يستغلون الأسلام لتحقيق غايتهم
و دى خطورة الحكم بأسم الدين
و انا هنا لا اتحدث عن الخلفاء الراشدين بالطبع و لكن عن الحاكمين فى العصور الحديثه


ولكن اثبت النظام الاسلامى نجاحه الكبير وان حدثت بعض الاحداث فى التاريخ فهذا قليل من كثير

لا اعتقد ان هناك دول تطلق على نفسها ان نظام حكمها اسلامى ناجحه الآن
يعنى مثلا السعوديه حدث و لا حرج
ايران اعتقد انك تعرف مستوى الحريات بها رغم نجاحها فى مآرب اخرى اعترف

تركيا هى الدوله الوحيده التى يعجبنى فيها حزب اسلامى و العداله والتنميه
لأنهم احترموا دستور بلدهم
حتى انهم اكدوا على تعهدهم بأحترام علمانية تركيه
رغم اعتراضى على علمانيتها المتطرفه


اقتباس من كلام حضرتك
واختلف مع حضرتك انه لايوجد فكرة واحدة تمتلك الصواب المطلق لا بالطبع فكيف نقارن فكرة ابتكرها انسان بفكرة من صنع البشر فكيف نقارن النظام الاسلامى كما طبقه رسول الله بالنظام الرأسمالى والاشتراكى شتان وقد اثبتت هذه النظم فشلها الان وتركها اصحابها ومعتنقيها كفروا بها

يمكن احتاج صفحتين افند فيهم الكلام ده
اولا معنى كلامك انك ضد الأختلاف من اساسه و ضد وجود افكار اخرى
هو ده اللى انا اقصده
فأن وصل الأخوان للحكم لا قدر الله
لا يمكن معارضتهم
فكيف نعارض امر الهى
رغم ان الفقهاء قد يختلفوا فى الأمر الواحد
و لعلك تعرف ان اختلاف الفقهاء رحمه
و لكن بالتالى لن يكون هناك معارضه فى عهد الأخوان
فكيف مثلا يكون هناك حزب اشتراكى و انتم تروا انه لا يرقى ان يقارن فكره بالفكر اللى بتعتقدوا انه اسلامى
رغم انى لا ارى مثلا تعارض بين تلك الأفكار و الأسلام
فهم لم يحضوا على الكفر مثلا
انها مجرد افكار لا دخل لها بالدين
ثم انت قلت بنفسك ان ليس كل شىء كان موجود على ايام الرسول و طلبت بالقياس
يعنى افرض اختلف العلماء فى القياس
هنا سيكون الأمر انسانى زى النظم الأخرى
فمثلا كيف سأقيس اتفاقيات الصلح و السلام و الأستيراد و التعاون المشترك

ثم من قال ان تلك التجارب فشلت
كل فكره قابله للفشل و النجاح حسب التطبيق
الرأسماليه ناجحه جدا فى امريكا
و الأشتراكيه ناجحه فى فنزويلا
و مازال هناك الكثيرين يؤمنوا بتلك الأفكار
و الا كيف تفسر وجود احزاب اشتراكيه و رأسماليه على مستوى العالم

سيدى ان كنتم لا تطمحون فى السلطه رغم ان ده حقكم
لما كل تلك المجادلات ما بين الأنتخابات و مشاريع الأحزاب
و الخ
فأن كنتم لا تطمحون للسلطه فلتعلنوا انكم جماعه دعويه
و يكفى
اكرر رغم ان حقكم التطلع للسلطه مثل كافة الحركات و الأحزاب

بالتأكيد كلنا نتشارك فى هموم الوطن
و اؤكد لك مره اخرى ان الشعب لا يتصوركم كما تظهركم افلام وحيد حامد فالشعب واعى جدا

لا طولت و لا حاجه المدونه مدونتك
و اشكرك على التواصل
و اؤكد لك انى اتقبل فكرك لأنى اعتدت على قبول الآخر
رغم انك اعلنت ضمنيا انك لا تتقبل الأفكار المخالفه

 
At 29/9/07 2:20 PM, Blogger الشنكوتي الكبير said...

انا قابلت من الناس دي انواع مختلفه منهم محترم وجيد جدا وتتمنى ان تكوني مثله ومنهم من يختبئ في عباءة الدين ويبغي الحكم فقط ومنهم كثيرون بأشكال مختلفه يبدو انهم في النهايه مجموعة من البشر زي اي مجموعه اخرى فيهم الجيد وفيهم السيء
ليسوا ملائكه
انا تعبت اتمنى نرزق بحد نمشي وراه ويكون من جواه انسان يحمي الدين والمدنيه والحريه ويحمي كرامتنا المباحه
تحياتي
سلاااااااااااااام

 
At 29/9/07 3:20 PM, Blogger Monzer said...

السلام عليكم ورحمة الله وبركاته
موضوع هم بجد
أنا فى رايى
مستحيل إقامة دولة مدنية فى دول المنطقة العربية
لسبب بسيط انا شعوب هذه المنطقة متديين بالفطرة سواء كانوا مسلمين او مسيحين
فاي تشريع هايتناقض مع عقائد هذا الشعب هايلفظه ويرفضه تلقائيا، لو كان مسلم أو مسيحى
ده حاجة شريعة الإسلام لن تفرضها تشريعها على غير المسلم
يعن مثلا الطلاق فى الإسلام مكفول فى المسيحية مافيش طلاق، فالاسلام يكفل تطبيق شريعة غير المسلم على نفسه
فده ضمانة لغير المسلم وطبعا ضمانة للمسلم
لم يبقى فيه شان لغير المسلم، الإسلام هايرجعه لمصدر الدين الآخر،
لكن دولة مدنية ، على شاكلة فرنسا او أي دولة اوروبية، فالشعوب نفهسا هاتستهجن مظاهر هذه الدولة، لان الدولة المدنية ليهامظهار، شعوبنا على اختلاف عقائدها مش هاتقبلها

وكمان فيه حاجة، لقد تم تجميد الإسلام كركن أساسى للحكم منذ عهد الخلافة، ولا أعنى هنا بالخلافة العثمانية، لا إطلاقا
لكن فين تطبيق الاقتصاد الإسلامى يمنع الاحتكار والغش والسرقة والنهب،
عقد اجتماعى إسلامى يكفل العدالة والحرية والمساواة والرحمة
فين إقامة شورى حقيقة لاخيتار حاكم ومحاسبته وتقويمه كما قال الخليفة الراشد عمر قومونى بسيوفكم
هذا ليس دفاعا عن الاخوانن ولا عن منهجهم، ولكن عن فكرة الدولة المدنية

وآسف ع جدا ع الإطالة، فى أول أو تانى زيارة :))
بس رمضان كريم باه :)

 
At 30/9/07 12:43 AM, Blogger mariam said...

الشنكوتي الكبير
اكيد طبعا كل جماعه فيها الكويس و الوحش
و انا اتمنى نلاقى الشخص اللى ان قلت عليه
علشان نستريح بقى
نورتنى جدا و شكرا لرأيك

 
At 30/9/07 12:55 AM, Blogger mariam said...

Monzer
و عليكم السلام و رحمة الله و بركاته
اولا اهلا بيك

بدايه احب اوضح ان البوست لم يكن للمقارنه بين الدوله المدنيه و الدينيه
بل كان للأستفسار عن ذلك التناقض فى برنامج حزب الأخوان
و عدم الوضوح و الشفافيه فى البرنامج
و لعل حضرتك قريت فى البوست انى لم انفى حقهم فى تحديد نوعية الدوله التى يريدونها
بل انى قلت بالحرف لا احد سيعترض اذا اعلنوا انهم يريدونها دينيه
و لكن مش يقولوا مدنيه
و يحددوا صفات دوله دينيه
هو ده التناقض اللى لفت نظرى


اسمح لى ارد على التعليق بتاع حضرتك
اقتباس من كلامك

مستحيل إقامة دولة مدنية فى دول المنطقة العربية
لسبب بسيط انا شعوب هذه المنطقة متديين بالفطرة سواء كانوا مسلمين او مسيحين

هو مين قال ان المدنيه ضد الدين؟
هل مثلا تدعو المدنيه للكفر
او هل تدعو الناس لترك صحيح دينهم
المدنيه بمنتهى الأختصار هى فصل الدين عن السياسه
و ليس فصله عن حياة الناس لأن هذا مستحيل و لن يقبله احد ابدا

يعنى حضرتك ضربت مثال بالطلاق مثلا


يعنى الزواج و الطلاق و الميراث و النسب
سيستمدوا من شريعتنا كما هم بدون تغيير
هى دى الشريعه و مش هتتغير لأن التطبيق مش ضد المدنيه احنا مطالبين بتطبيق الدين لا شك
و كل حسب دينه
بس مفيش شريعه فى السياسه


هل تعتقد ان لو دوله مدنيه هيكون الزواج بدون مأذون و الطلاق بدون شروط و هكذا

الحقيقه هذا كلام لا ينطبق على المدنيه ابدا بل هو تشويه لها
زى بالظبط الربط اللى كان بيحصل زمان بين الأشتراكيين و الشيوعيين
للقضاء على الأشتراكيه

اهلا بيك اول و تانى مره
و بالتأكيد سأسعد اذا اعدت الزياره
و مفيش اطاله و لا حاجه
كل سنه و انت طيب

 
At 30/9/07 3:51 PM, Blogger other_things said...

أنا كمان فوجئت بهيئة كبار العلماء...ومش لاقيلها أ] موقع من الإعراب.يللا ربنا يسامحهم
..
إخوان على فكرة
..

 
At 30/9/07 10:48 PM, Blogger بحلم said...

هي طبيعة الاخوان في المراوغة والتمويع
أنا ضد مبادئهم المائعة تماما، مثلما أنا ضد كل ما يتعرضون له من اضطهاد
--------------------------
وهذه الهيئة التي يتحدثون عنها، هل ستكون علي غرار "هيئة الأمر بالمعروف والنهي عن المنكر" السعودية
لك الله يا مصر اليوم وأمس وغدا

 
At 1/10/07 4:39 AM, Blogger علوة said...

بعد السلام

متأسف جدا عن عدم التعليق بطريقتي المعتادة والسبب

انا بصراحة خدت على دماغي كتير جدا من الاخوان بتوع الكلية وفي نفس الوقت مش شايف ان الاخوان قدموا حاجة تلفت انتباهي سوى انتشارهم

بصراحة أكثر
الاسلام هو الحل مش مجرد 3 كلمات
ده جملة عريضة جدا محتاجة توضيحات كتير أوي عشان أفمهم

صباح الفل

 
At 1/10/07 3:31 PM, Anonymous E7na said...

السلام عليكم. العدد الثاني من المجلة نزل, يا ريت تزورونا و نعرف رأيكم... http://trateeshkalam.blogspot.com/

 
At 2/10/07 12:02 AM, Blogger امام الجيل said...

تعليقى الاخير عشان كده طولنا اوى
اولا بس انا مكنش قصدى مدام ان قولت ان المقارنة متصحش بين نظام وضعه ربنا ونظام بشرى ان الاخوان بيرفضوا الافكار المضادة ومش هيتيحوا لها فرصة ده اذا وصلوا للحكم اصلا ازاى والاخوان عايزين يعملوا حزب وهيتنافسوا مع احزاب تانية اللى يرفض الفكر الاخر يبقى يتنحى عن الدخول معه اصلا ويعتبره كأن لم يكن فالحمد لله الفكر ده مش موجود وكيف هذا والاسلام اوصانا باحترام غير المسلمين فى عبادتهم فكيف بمن يشاركونا الدين ويخالفونا الرأى
وبخصوص موضوع ان مفيش نظام يبقى عايز يضر شعبه الا كان عميل فطبعا كلام حضرتك صح وللاسف كتروا اوى الانظمة دى الايام دى
واكيد متفقين انه دوما وابدا العيب مش فى الاسلام بس المهم من يحكم بالاسلام ويعلم الله اذا حتى الاخوان خالفوا الدين فى حكمهم اذا وصلوا للحكم فساكون من المعارضين لهم فالله غايتنا ليست شعار نرفعه وحسب ولكن الله اغلى عندنا من كل شئ واى شئ
واذا كان بالفعل فيه انظمة كتير حكمت بلاسلام وفشلت فمش معنى كده اننا نحاول نجد نظام اسلامى قوى وده مش مستحيل بل هو قائم باذن الله اجلا ام عاجلا
شكرا للحوار مع حضرتك
استفدت منه
واحرصى على العشر الاواخر
بارك الله فيكى

 
At 2/10/07 5:01 PM, Blogger صاحب البوابــة said...

خبر عــــاجل

ألف ألف مبروك

تم فجر يوم الثلاثاء 2 أكتوبر 2007 م الافراج عن شيخ المجاهدين أبو الفتوح شوشة 86 عاماً

ومما هو جدير بالذكر أن الإفراج لم يتم إلا بعد تدهور حالة الشيخ الصحية تدهوراً خطيراً

بعد إصابته بجلطة قلبية مفاجئة وهو قيد الإعتقال في محبسه

جعله الله في ميزان حسناتك يا شيخي العزيز

------------

جاري التحديث

 
At 2/10/07 8:02 PM, Blogger Monzer said...

يا أستاذة مريم
اعى جيدا أن الدولة المدنية هي فصل الدين عن السياسة

ولا أطالب أنا أيضا ان نكون دولة دينية على شاكلة الدولة السعودية ان كانت دولة دينية او دولة مثل ايران
ولكن كل ما أريده هو ألا يتعارض قوانين الدولة الوضعية مع شرائع الدين
ولكنى أرى فى الدول الدنية
ان وجد فى شريعة أي دين وليس الإسلامى فقط، ان وجد فى شريعة الدين اي تناقض مع شريعة القانون الوضعى، سوف يتم الأخذ بشريعة القانون الوضعى
وترك التشريع الإلهى


بمعنى ان كان الدين يحرم الاحتكار أو الربا،
ووضع المشرعون قانونا وضعيا حاز على أغلبية سوف يتم تنفيذ القانون الوضعى، وان كان يتعارض مع الدين
خارج دول المتوسطالتمدينين على اختلاف عقائدهم لن يعوا ولن يقبلوا بهذه الفكر، وان جئت بمثال الطلاق والانساب والاحوال الشخصية، لأجعلها قريبة جدا من حياتنا جميعا
فدولة مثل تونس تجرم تعدد الزوجات، وتساوى فى الميراث بين الذكر والانثى
فالمشرع رأى ذلك وان تعارض مع أحكام الدين

فى الدول الأروروبية المدني حقا فصلوا الدين عن جميع مناحى الحياة الشخضية والسياسية والاقتصادية
لكن طبيعة شوعب هذه المنطقة على اختلاف دياناتها سوف تقع على أقلتقدير فى فخ التناقض التشرذم والاختلاف، وبعضا منها يقع فى الانحلال والآخر فى التعصب والعنف
أرجوا أن تكون وجهة نظرى وضحت، فانا أريد دولة مدنية ديمقراطية لا تتعارض تشريعاتها مع تشريعات الدين، واحكام الدين
ولا يعينى فى هذا اخوان أو غير اخوان

وكنت لازم أطول باه علشان انت مختارة مضوع لازم نرغى فيه
مع ان البوست بتاعك كلميتن وبس
ربنا يجعل بيت المحسنين عمار

 
At 5/10/07 5:58 AM, Blogger frozen love said...

bgd i missed ur blog belzat b2a....we kl elgheba de nsetha lama 2ret this post...kwayes eny leblog lsa mfto7 we klamk lessa khfef 3lehm...lol


iam back b2a to my blog we isa htab3 urs tany zy zmaan

 
At 8/10/07 4:40 AM, Blogger mariam said...

other_things
انا سعيده جدا انك اخوان
مش لأنك متفق مع رأيى
لكن لأنى تخوفت ان يكون كل الأخوان مؤمنين بذلك الفكر
شكرا جدا جدا لزيارتك


----------------------------------
بحلم
اهلا بيكى اولا
عندك حق انا متفقه معاكى احنا ضد القمع و ايضا ضد المراوغه
الله اعلم بقى قد تشبه هيئة الأمر بالمعروف و قد تشبه ولاية الفقيه فى ايران
احنا و حظنا
نورتينى

 
At 8/10/07 4:42 AM, Blogger mariam said...

علوة
اهلااااا على
و انا فاهمه اللى انت بتقوله
مش لازم تعلق كفايه انك نورتنى



---------------------------------
E7na
علم و ينفذ
ربنا يوفكم فى المجله ان شاء الله

 
At 8/10/07 4:48 AM, Blogger mariam said...

امام الجيل
رغم انى اشكرك على محاورتك الهادئه

بس بجد انا مش قادره اصدق ان كل ما اعترض على حاجه فى كلامك و تشعر بصوابها
تقنعنى انك لم تقصد ما فهمت

الحقيقه كلامك الضمنى بيؤكد انك مش مقتنع اساسا باحقية اى فكر آخر فى الوجود لأنه ينافس اوامر الهيه على حد تعبيرك
ثم عدت و كتبت عكس هذا الكلام فى التعليق اللى بعده
و الحقيقه انا طلبت من عدة اشخاص ان يقرأوا تعليقك لكى ارى ان كنت انا فهمت غلط و لكنهم فهموا نفس اللى انا فهمته
بصراحه اسمح لى البعض بيقول ان الأخوان بيقولوا كلام بالليل و ينفوه الصبح
لعل هذا الكلام صحيح

و ارجو الا يفهم كلامى بصيغة هجوم لأن ده مش هدفى اساسا


انا كمان سعدت بالحوار معك كثيرا

 
At 8/10/07 4:52 AM, Blogger mariam said...

صاحب البوابــة
الف الف مبروك
و ربنا يتم شفائه على خير




---------------------------------
Monzer
اتفق معك اننا يجب الا يخالف القانون الوضعى الدين
و الحقيقه قوانين الأحول الشخصيه من زواج و طلاق و نسب و ما الى ذلك مستمده كلها من الدين
و لا خلاف على ذلك
و لكن لا شريعه فى السياسه
بس خلاص
من الآخر لا احد ضد تطبيق الدين
و لكننا ضد ادخال الدين فى السياسه
و هذا هو فصل الخطاب

شكرا لرمحورتك و رأيك

 
At 8/10/07 4:54 AM, Blogger mariam said...

frozen love
ياااه حمد الله على السلامه
بجد سعيده جدا بعودتك
بقى كده تسيبنا طول الوقت ده

المهم ده مش هيتكرر تانى ان شاء الله

منور جدا جدا جدا

 
At 14/10/07 4:19 AM, Blogger إسلام الحساني said...

السسسسسسسسلام عليكم
( كل سنه ونتى طيبه الاول)
( عيد سعيد عليكى)
املهم يا ستى هوه الموضوع جميلقوى مقولناش حاجه
ورغم انى كرهت السياسه ومن مللى منها قررت اكتب شعر الا بينى وبين الجمهوريه تار بايت ونتى عارفه التار عند الصعيده ميموتش ابدا
ههههههههههههههههههه
المهم يا اختى انا هقولك حاجه تقلبيها كده تجيها كده هيه كده
جوع الشعب يفكر فى الاكل وينسا السلطات
ده القانون الجديد الى شغال فى الدستور المعدل
وششششششششششكرا لييييييييكى
اختى

 
At 19/2/08 10:18 PM, Blogger كريم عاطف said...

السلام عليكم ورحمة الله وبركاته
كلمة دولة مدنية بمرجعية إسلامية مذكورة عشان في ناس بتفتكر إن الدولة الإسلامية دولة دينية، ومافيهاش تورية ولا حاجة أما بخصوص هيئة العلماء فبما إن الدستور هيتكون مواده مستمدة من القرآن الكريم فيكونوا عاملين زي المحكمة الدستورية يعني لو فيه مثلا قانون أو تشريع متعارض مع الدستور يكون لهم الحق في الاعتراض عليه، هي لا مسألة وصاية احتكار للدين، يعني مش لما مجلس الشعب مثلا بياخد قرارات معينة بيحتاج ياخد رأي الأزهر

مصطلح الدولة الدينية ده مرتبط بالثقافة الأوروبية المسيحية ومحاولات سيطرة رجال الدين على الحكم، وقصة طويلة قوي لا مجال لذكرها فياريت ما نربطوش دايما بالإسلام ونعرف مفهموم الدولة في الإسلام عامل إزاي
تحياتي

 
At 2/7/15 11:13 AM, Blogger Unknown said...

ray ban eyeglasses
michael kors uk
louis vuitton outlet
gucci handbags
michael kors handbags
chanel no 5
retro 11
soccer jerseys
pandora jewelry
coach outlet
coach outlet
cheap nfl jerseys
cheap ray bans
coach outlet
longchamp outlet
ray ban sunglasses
cheap oakleys
michael kors handbags
louis vuitton handbags
ghd flat iron
coach outlet
prada sunglasses
ray ban glasses
coach factory outlet
abercrombie kids
longchamp outlet
hollister
abercrombie outlet
www.louisvuitton.com
oakley sunglasses
louis vuitton handbags
tory burch handbags
coach factory outlet
ray ban outlet
michael kors outlet
20150702xiong

 

Post a Comment

Links to this post:

Create a Link

<< Home