Monday, September 25, 2006

انتظرت رمضان

منذ مدة و أنا أفكر في الكتابة عن رمضان.......كان يفترض أن اكتب قبل الآن ولكن كنت انتظر..........كنت انتظر ذلك الشعور المبهج الرائع بحلول هذا الشهر الكريم
انتظرت طويلا، في البداية قلت لازال هناك وقت فباقي من الزمن أسبوع......و لكن لا شيء ينذر باقتراب الشهر المبارك
ظل هذا الشعور يلازمني حتى اكتشفت إن رمضان غدا................و لكن أين الزينة التي كانت تملأ الشوارع........ربما بعضها موجود ولكن بدون روح...............أين الفوانيس في الشوارع والعمارات وفى يد الأطفال..............بعضها موجود أيضا ولكن كتأدية واجب أو كعادة ليس أكثر
قلت إذن أول يوم سيعطيني الشعور الذي انتظره ذلك الشعور الذي يصعب وصفه لكنه رائع الإحساس....... ثم انقضى اليوم الأول حتى اننى لم اشعر انه رمضان، أين البهجة..........أتذكر أن أول يوم على وجه الخصوص كان له وقع آخر. حتى إن كل من كان يسافر خارج مصر يعود ويؤكد رمضان في مصر شيء آخر
ربما هذا بسبب تزامن رمضان مع المدارس والجامعات..............ربما بسبب الظروف المعيشية.........لا اعرف
أتمنى أن يكون هذا شعوري وحدى، و ألا يكون شعور عام.
كل عام و انتم بخير..........رمضان كريم

12 Comments:

At 25/9/06 11:03 PM, Blogger الوردة السوداء said...

السلامو عليكم الاول
بص بقى يامانو
عمر ماكان رمضان فوانيس وزينة ولمة
رمضان ده شهر ربنا فرضه علينا عشان التقوى
بسم الله الرحمن الرحيم
كتب عليكم الصيام كما كتب على الزين من قبلكم لعلكم تتقون
صدق الله العظيم
مش عشان نعلق زينا ولا نجيب فوانيس
كل حاجة بنعملها فى الدنيا دى لنفسنا
الا الصيام لربنا
المفروض ان رمضان ده شهر بتقضيه فى سبيل الله
وصدقنى ساعتها هتحس بطعم رمضان بجد
معلش انا طولت عليك
لكنى كنت زيك كدة من فترة
مكنتش بحس برمضان لحد مابتديت افهم
سلام

 
At 26/9/06 3:48 AM, Blogger مفلس افندى الرايق said...

كلامك صحيح فى روح ناقصه فى جو لرمضان بيختفى سنه ورا سنه

بس فيه برضه حاجات زى ماهى قراءه القران الظهر وصلاة التراويح دى بتدى جو جميل وروحانيات

بس كل حاجه بتضيع معناها مع ضغوط الحياه حتى ف العيد كان زمان له احساس جميل مع الايام اختفى

كل سنه وانتى طيبه وتشريفك لمدونتى شرف ليه كبير وسرى انى مابدخلش كتير فى رمضان

 
At 26/9/06 6:07 PM, Blogger mano said...

الوردة السودة
كلامك صحيح بص انا كان قصدى اقول ان شكرا ليكىالفوانيس والزينة تعبير عن الفرحه . لكن طبعا رمضان اعظم شهر فى الدنيا
مفلس افندى الرايق
شكرا ليك وكل سنه وانت طيب و الشرف لى انا

 
At 26/9/06 9:37 PM, Blogger mano said...

الوردة السودة
معلش الكومنت دخل فى بعضه
اولا شكرا ليكى، ثانيا كلامك صحيح
لكن انا كنت عايزه اقول ان الفوانيس والزينة مظهر من مظاهر حبنا للشهر الكريم و احتفالنا بيه كان ليه طعم تانى
كل سنه و انت طيبة

 
At 27/9/06 12:44 AM, Blogger رانية said...

أولا كل عام و انت بخير
من الملاحظ فعلا إن مظاهر الابتهاج بشهر رمضان بدأت تقل كتيرو دة نتيجة إن الناس ما بقتش هى الناس و كل واحد همه نفسه و بس أنا فاكرة زمان و احنا صغيرين كنا كل عيال الجيران نتلم و نقعد نقصص زينة رمضان و نشبكها فى حبل طويل و بعد كدة الولاد يطلعوا يخبطوا على الشقق علشان يربطوا الزينة دى فى البلاكونات
و كنت تحسى إن الناس كلها بتساعد بعض فى تزيين الشوارع و البيوت

تعالى دلوقتى شوفى عندنا فى المنطقة مثلا نزلت اشتريت فرع زينة من الموسكى و رجعت البيت طلبت من البواب يعلقه و أول ما بدأ فى التعليق قلت للعيال انزله يا عيال اتفرجه على عم سيد و هو بيعلق الزينة على اعتبار انى أحاول أحسس العيال بفرحة رمضان اللى كنا بنعيشها

تصدقى ايه اللى حصل بعد عشر دقائق فقط طلعت واحدة فاضلة من الجيران و قالت : امشى يا ولد انت و هو من هنا روحوا العبوا فى حتة تانية علشان حنرش مية !!!

أحاول أفهمها ان العيال فرحانة برمضان و انهم حيقفوا بس مسافة ما عم سيد يعلق الزينة بس ما فيش فايدة

طفت الفرحة فى قلوبنا و قلوب العيال الله يسامحها

يعنى خلاصة القول الناس اتغيرت و روح المشاركة ما بقيتش موجودة زى زمان
بس أنا لسة برضه عندى أمل و خلى انت كمان عندك أمل

و أشكرك للزيارة الكريمة اللى عرفتنى بيكى و إن شاء الله أكون من المتابعين لمدونتك
و كل عام و انت بصحة و سلامة

 
At 27/9/06 6:04 PM, Blogger mano said...

رانيه
شكرا ليكى وكل سنة وانت طيبة و بجد نورتينى

 
At 2/10/06 5:34 AM, Blogger مفلس افندى الرايق said...

كل سنه وانت طيب يا باشا

تحياتى

 
At 5/10/06 3:39 AM, Blogger No Fear said...

السلام عليكم
الواحد حاسس أنه خلاص مش بيقدر يستمتع بحاجة مش عارف من أية الشعور القاتل ده

 
At 5/10/06 5:13 PM, Blogger mano said...

no fear
تمام عندك حق كل حاجة مبقتش زى زمان

 
At 6/10/06 8:41 AM, Blogger we2am said...

yah ya mano..elnharda bta3 10 ramdan..w lessa nafs el e7sas 3ande..w kan 3ande 2ablha bbta3 kaman 10 ayam..ente fakra enna lwa7dena ele keda?..la da e7na kter awe :D

 
At 7/10/06 2:39 AM, Blogger mano said...

we2am
للأسف انا اكتشفت فعلا ان احنا كتير بعد ما كنت فاكرة ان دة شعورى لوحدى.
شكرا ليكى و شكرا على تشريفك ليا و نورتينى

 
At 14/7/16 10:43 AM, Blogger Fangyaya said...

coach outlet store online
celine outlet
jordan 13
michael kors purses
michael kors outlet
christian louboutin outlet
rolex submariner
coach outlet store online clearances
nike trainers
celine handbags
toms outlet
ray bans
louis vuitton handbags
louis vuitton handbags
oakley sunglasses wholesale
abercrombie
nike air max
michael kors outlet
polo shirts
oakley sunglasses
coach outlet
kate spade
juicy couture
louis vuitton outlet stores
cheap oakleys
tiffany outlet
nike air force 1
adidas originals
rolex watches
timberland outlet
michael kors outlet
oakley sunglasses
coach outlet store online clearances
adidas outlet
ralph lauren polo
air jordan 13
coach outlet store online
adidas uk
nike running shoes
coach outlet
20167.14chenjinyan

 

Post a Comment

Links to this post:

Create a Link

<< Home