حزب الجبهه اهلا بيك جنب اخواتك
لأ دى مش مظاهره ضد الحزب الوطنى
دى وقفه احتجاجيه لأعضاء حزب الجبهه الديمقراطيه
احجاجا على فصل النائب انور السادات من الحزب بسبب الشكوى المقدمه من د. اسامه الغزالى حرب يتهم فيها السادات بأهانته و التطاول عليه
القرار المفاجىء الذى صدر بحق انور السادات الذى يقر بفصله من حزب الجبهه الديمقراطيه يشوبه - تبعا للائحة الحزب- العديد من الأخطاء
و على الجبهاويين الرجوع للماده 85 بالفصل السابع المتعلق بالمكتب التنفيذى و الهيئه العليا
و لغير الجبهاويين اقول ان تلك الماده تنص على فصل عضو الهيئه العليا بقرار من الهيئه العليا
و بموافقة ثلثى اعضاء الهيئه العليا
بينما القرار صدر من المكتب التنفيذى للحزب
و تلك مخالفه واضحه
و قبل ان اتلقى سهام النقد
اوضح انى لا انتمى لأى من الجبهات التى تتبع د. اسامه الغزالى و لا التى تتبع السادات
فأنا انتمى فقط للجبهه الديمقراطيه و يوم تصنيفى فى جبهة احد سيكون يوم خروجى من الحزب
و لكن اصبح بعض الأعضاء فى الحزب يتعاملون مع المتعاطفين مع السادات كالمتعاطفين مع السفير الأسرائيلى
و كل من يتحدث بخير عن السادات يشعر بأنه مهدد بالفصل من الحزب
لا نعرف نحن شيئا - و لا اقصد احد معين بكلمة نحن- عن العمل الجماعى
فلابد من شيطان و لابد من ملاك
هكذا يتعامل الجبهاويين مع د. اسامه و السادات
و كأنهما ليسو بشر كل منهما يخطىء و يصيب
فيتعامل البعض ان احدهم صواب طول الخط و الآخر مخطىء على طول الخط و العكس صحيح
الآن اشعر بالخجل من نقد الحزب الوطنى
و كما يقول المثل اللى بيته من ازاز
....
و الى كل الأخوه فى الجبهه ارجو منكم العمل على توحيد الصف و الكف عن التقسيم و توجيه طاقاتكم خارجيا بدلا من تدميرها و اهدارها داخليا
لا تساهموا ان يلحق حزب الجبهه الذى تمنيتم يوما ان يكون حزب ال77
بحزب الوفد و الغد
posted by mariam @ 8:17 PM
33 comments
33 Comments:
كما قلت من قبل ما هي الااحزاب كرتونيه
لا تقدر علي حل مشاكلها الا بنزعات غريبه
مسلسل هزلي اعتادنا عليه من جميع الاحزاب
وهنيئاً للحزب الفاشل السيطره علي مقاليد الحكم
حزب الجبهة أهلاً بيك جنب أخواتك
أحلي عنوان للموضوع
----
هناك مشكلة رئيسية تتعلق بالقيود على تأسيس الأحزاب , و هذه القيود هي التي تجعل من الأحزاب القائمة التي حصلت على تصريح مسرحا للصراعات التي تتطور لدرجة الابتذال . بينما في الدول التي تتمتع بحرية حقيقة في التنظيم لا تتصاعد الخلافات بهذه الطريقة , لو كان الخلاف سياسيا ينسحب الطرف الأقل أو الأضعف و يؤسس حزبا آخر .
هناك بالطبع جوانب أخرى , مثل الصراعات الشخصية و الصراعات على المكاسب وراء الوجود في حزب , مثل حق إصدار الصحف .
أتمني التوفيق لحزب الجبهة الديمقراطية , و أتمنى أن يتجاوز مشكلاته , فالمجتمع المصري لن يبدأ في التعافي إلا بالخروج من حالة " الفرط " و البدء في تنظيم قواه و إعادة مفهوم " الاجتماع " في النظر لمشكلاتنا, بعدما سادت ثقافة الاعتصام بالنفوذ و الثروة و القرابة و الخلاص الفردي أو العصبوي و صراع الكل ضد الكل .
الأحزاب كرتونية لو اخترنا نحن ذلك أو استسلمنا له , و ستكون حقيقة لو كنا حقيقيين و اتخذناها و سيلة جدية للمشاركة السياسية .
بجد يا مريم انا مش عارف اعمل اية انا لما صدقت لقيت حزب ليبرالى ديمقراطى وقولت دة الحل الوحيد للخروج من الازمة لكن ما حدث شىء مؤسف وانا مش مع السادات لكن مع الديمقراطية اللى بتقول انة مش ممكن فصل العضو لاغراض شخصية وكمان فصل غير قانونى بالمرة الواحد بقى فى نص هدومة من الحزب الوطنى ومش عارف يعمل اية طبعا احنا وشنا فى الارض من الحزب الوطنى لاننا مش ممكن ننادى بالديمقراطية وحنا نفسنا مش ديمقراطيين ولا اية
ويا فرحة الوطنى فينا
ومننساش ان اصلا الدكتور اسامة حرب جاى من هناك يعنى اصولة الحزب الوطنى والاصل غلاب
بلا نيلة على دا حزب
الفترة اللى فاتت اجريت حوار مع احد اعضاء الحزب !!! اصابتنى حالة من الانهيار النفسى من كتر الغباء الذى كان يتميز به العضو المحترم
عموما أنا كنت حاسس أن إداره الجبهه مش هاتفرق كتير عن أداره أيمن نور للغد ألى كان شعاره أنا ثم أنا ثم أنا ثم أى حاجه تانيه بعد كده تحقق مصالحى أنا علشانان كده قصرت على نفسى المشوار و سبت الحزب
المناخ كله لا يسمح بوجود حزب بجد
إيه يخلي حزب الجبهة مختلف عن غيره؟
إيه اللي يخليه يصمد ف كل الظروف دي؟
عشان كدا أنا من اﻷول مكنتش متوقع أي فايدة أو تغيير منه .. مع اﻷسف
إحنا محتاجين حاجات كتير قبل ما يكون عندنا أحزاب وإنتخابات
الديمقراطية مش بس حزب أو صندوق إنتخاب
تحياتي
السلام عليكم
أنا تعبت بجد مش عارف الحل أية؟
متهيقلي لسه بدري علينا عبل ما نمارس حياة سياسية سليمة
إزيك يا مريم...
فعلاً حاجة تحزن... و أنا كنت عارف إنه حزب ضمن بقية أصفار الأحزاب على الشمال من يوم واحد وحيد روحت و مروحتش تاني بعده...
أنا أحمد زيدان اللي حضرت معاكي ورش الليبرالية و الدولة المدنية من 3 شهور... لو فكراني... و أنا لقيت مدونتك بالصدفة أساساً...
Welcome back b2a, lol!
أحمد زيدان
http://ahmedzidan.spaces.live.com
ان فعلا حزنت جدا لما سمعت بالخبر
مش عارفة الاحزاب في مصر بتنشغل بمعاركها الداخلية و تدي فرصة لانتقاد المعارضة ككل دون تمييز
برضه لسه مش قادرين نتحكم في مصالحنا عشان خاطر مصلحة البلد دي
مقالة هايلة يا مريم
اللى انا مستغربلة هو التعليقات لقيتها يا اما شماتة فى الحزب وكل واحد عامل نفسة ابو العريف وبيقول انة كان متوقع كدة من زمان( على اساس ان بيضرب الودع) هههههه
والنوع التانى مكتئب من الاحزاب والسياسة
بس انا شايف ان الموضوع مش اسود للدرجاتى وان لسة فى امل فى الحزب وفرصة كبيرة انة يقوم من كبوتة وان الفترة اللى جاية محتاجة محاسبة من نفسنا ان مشكلة الاحزاب هى احنا اللى فاكرين ان الموضوع هيتحل فى يوم وليلة وان تغير مصرعلى ايدينا هيجى بسهولة وبسرعة
وفى مثل بيقول ما ضاقت الا لما فرجت
محمد مفيد بيقول هنيئا للحزب الفاشل
طب دلنا من فضلك ع الحزب الناجح
؟؟؟
للاسف هو ده حال الاحزاب في مصر و شكلها كده مفيش فايده
تحياتي
بصراحه شديده ( جبهويتك ) شجعتني اقرأ اكتر عن حزب الجبهة الديمقراطي اللى اسمع عنه من فتره لكن مفكرتش ادخل على موقعه و اقلب فيه .. لكنه حصل دلوقتي .. و اعتقد انه بمتابعه دقيقه للحزب الفتره الجايه للتأكد من بعض النقاط :) قد اصبح جبهاوي جديد
يلا خليهم يحصلوا اخواتهم ...وده مقصود إثارة الخلافات داخل الأحزاب حتى ينشغلوا عن القضايا الأساسية
محمد مفيد
فعلا زى ما كتبت قبل كده عن الأحزاب الكرتونيه
بس انهيار الأحزاب بنفس السيناريو اكيد بيطرح سؤال
-------------------------------
على باب الله
هو فعلا شرف جنب اخواته من الأحزاب المدمره
نورتنىجدا
عمرو عزت
اصبت كبد الحقيقه
علشان كده لجنة شئون الأحزاب مش بتصرح غير للأحزاب التى تضمن عدم استمراريتها
اتمنى ايضا ان يتجاوز الجبهه مشكلاته
حقيقى سعدت جدا بزيارتك
------------------------------------
سقراط
للأسف يا حسن
مفيش حدكان يتوقع ان يصدر قرار بالأخطاء دى
و مش ممكن نتصور ان الأستبعاد مقصود لأنه لو مقصود يبقى كارثه علشان كده لازم نتوقع حسن النيه لفتره محدوده حتى تتضح الرؤيه كامله
ahmed_h
اهلا بالفنان
طيب ما انا موجوده تعالى اعمل معايا حوار
هههههههههههه
قولى انت مين اللى فضحنا و انا اتصرف معاه
ههههههههههههه
------------------------------------
m.abd el hai
انت سبت الحزب يا محمد؟
تصدق اول مره اعرف
خساره احنا كده بنخسر الأعضاء الجادين يوم بعد يوم
the alien
مش معقول نستنى من غير ما نعمل حاجه و نقول المناخ لا يسمح يا بشوى
احنا كده هنستنى كتيير جدا فى حين ان ناس تانيه بتشتغل فى الشارع
و بعد كده نقول الناس مش حاسه بالتيار الليبرالى ليه
على الأقل نقول حاولنا
---------------------------------------
no fear
العزيز جدا محمد
انا كمان تعبت جدا
بس لو عرفت الحل هقولك
قليل من التفكير
اعتقد لسه بدرى جدا
نورتنى
---------------------------------------
احمد زيدان
ياااااه طبعا فاكراك
ازيك يا احمد؟
كنت متوقعه اشوفك تانى فى الحزب بس واضح انك عرفت اللى فيها بدرى
سعيده جدا بزيارتك
sarah la tulipe rose
ساره اولا وحشانى جدا
لا استبعد وجود لعب امنى لأن الأحزاب كلها بتنهار بنفس الطريقه
---------------------------------
هانى الخياط
بجد المدونه نوررت
ملاحظه فعلا ان فى تحامل على الحزب
بس لأن الناس كانت عندها امل كبير فينا كحزب
انا متفقه معاك ان لسه فى امل و ده دورنا ان شاء الله
ربنا يعدى الأزمه دى على خير
بجد سعيده جدا بزيارتك
This comment has been removed by the author.
شادى فايد
مش معقوول
اهلااا بيك يا شادى
كل شويه تسيبنا كده
ادلك انا على الحزب الناجح
مفيش
ههههههههههههه
-----------------------------------
michael
مفيش فايده تقريبا
بس لسه فى امل
انا عارفه ان انت مكتئب يا مايكل بس مين عارف الخير فين
dr tantawy
اهلا طنطاوى
يا سلام ده شرف لينا تبقى جبهاوى
احنا نطول
يا ريت بجد انا هكون سعيده بس طبعا القرار ليك
----------------------------------
human
اعتقد فعلا انه مقصود و مرتب
نورتنى
بصرحة يا مريم
مليش ف السياسة خاااالص
بس حبيت اسجل حضوري
:)
هههههههههه
العنوان جميل جدا يا مريم
علا فكرة انا "غداوي قديم "
يالا
ليبرالية تعيش تعيش
الوفد
الغد
الجبهة
كل سنة والجميع بالف خير
آلام و آمال
اهلا بيك
تنور فى كل الأحوال طبعا
---------------------------------------
احمد العربى
اهلا بالغداويين
انتم السابقون
انا كنت ناويه على الغد قبل الجبهه بس الظروف
على العموم الليبراليين اجدع ناس برضو مش كده و لا ايه
منورنى جدا
السؤال الأهم هو لماذا تفشل الأحزاب في مصر قبل أن يبدأ نشاطها الفعلي
عيب أشخاص ام عيب سياسة عامة
ليه المشكلة مبتبقاش في برنامج الحزب وتوجهاته وده الجانب الأعمق
وبتبقي دايما في مناصبة ولجانه وسلطات أعضاءة وده الجانب الأضعف والأقل أهمية مادام بنتكلم عن عمل وطني
من وقت مالسادات ابتكر التعددية الحزبية بالإسم. كان ايه تأثير الأحزاب علي الحياة السياسية الحديثة؟ بينما أشهد ان كتير منهم قام علي أشخاص شرفاء ومبادئ واضحة وتمويل مناسب
ناقص ايه؟
حزب 24
والوحيد المستقر بجد ومستمر في جذب القيادات والشخصيات العامة هو الحزب الوطني للأسف
الحزب من مايو لفبراير لحق يعمل المشاكل دي
يبقي العيب ف مين
saso
ساسوووووووو
يا الف مرحب
العيب فينا يا ساسو
مش بنفكر غير بسطحيه و بس مناصب و هميه بنعمل لها اهميه
و بنطلع عقدنا الدفينه اول ما نمسك اى سلطه
انا لسه شايف المدونه دى النهارده مكنتش اعرف اصلا ان عندك مدونه يا مريم
واظن انه من السخافه او الحماقه انى اعلق على الموضوع ده بعد مرور كل هذه الفتره عليه
انا شايف ان الوضع دلوقتى اولى بأننا نتكلم عنه
اما عن الوضع حاليا فى حزب الجبهة فتعليقى هو انه لا تعليق
شركة كشف تسربات المياه بالرياض
افضل شركة كشف تسربات المياه بالرياض
2________________
شركة تنظيف مكيفات بالرياض
شركة غسيل مكيفات بالرياض
شركة تنظيف مكيفات سبليت بالرياض
شركة تنظيف مكيفات بشمال الرياض
3________________
شركة نقل اثاث بالرياض
شركة نقل عفش بالرياض
افضل شركات نقل اثاث بالرياض
4________________
شركة تنظيف منازل بالرياض
شركة تنظيف سجاد بالرياض
شركة تنظيف ستائربالرياض
شركة غسيل كنب بالرياض
شركة مكافحة حشرات بالدمام
شركة كشف تسربات المياة بالدمام
شركة تنظيف مجالس بالدمام
شركة تنظيف سجاد بالدمام
Post a Comment
<< Home