نحن.........و الآخر

.النهاردة أول يوم في الكلية و أول محاضرة في السنة. المدرج مليان على الآخر والدنيا حر
بصيت حولي وجدت الطلبة ثلاثة أنواع: نوع مركز قوى، و نوع بيكتب المحاضرة من غير ما يركز، و نوع مش مركز خالص ولا حتى بيكتب. و أنا بقى بلا فخر من النوع الثالث.
بصيت حواليا لقيت ناس كتيرة قوى بس مختلفين قوى. مختلفين في كل حاجة، في الملابس، في التفكير، في التركيز. و دة شيء طبيعي لأن الاختلاف سنة الحياة. أما بقى اللي مش طبيعي إن كل واحد شايف اللي مختلف عنه يبقى ضده. وهنا بقى مشكلة كبيرة قوى تتمثل في عدم قبول الآخر.
في ناس بترفض الآخر لأنة مختلف عنها في الدين، وفى ناس بترفضه لأنه مختلف عنها في نشأته وفى ناس بترفضه لأنه مختلف عنها في التفكير، إلى آخر أسباب الرفض. أنا اكتشفت إن الموضوع دة للأسف منتشر قوى، لدرجة إن في ناس مثقفين يرفضون الآخر.
أكيد مينفعش نتفق مع كل الناس بس أكيد دة لا يمنع وجود أشياء مشتركة بيننا وبين هذا الآخر، ليه منتعرفش على الأشياء المشتركة، أو لماذا لا يكون بيننا حوار، هل لأننا لم نعتد على ثقافة الحوار؟.
أنا نفسي نتعلم كيف نتقبل الآخر و نتحاور ونتناقش و نتفق و نختلف.
هل للنشأة دور في سبب رفضنا للآخر؟......... على حد علمي لقد كنا نقبل الآخر زمان. يعنى زمان كان تفكيرنا متطور أكثر من الآن؟. يعنى نحن بنتقدم للأمام ولا بنرجع للوراء؟.