شفت العشوائيات؟؟؟؟؟؟؟؟؟؟.........انا بقى شفتها

لم أكن أدرك المعنى الحقيقي لكلمة عشوائيات، مع أنى كنت ارددها كثيرا. و كنت أتحدث دائما عن ساكنى العشوائيات متعاطفة راسمة صورة نمطية في بالى.
حتى يومين فقط كنت ذاهبة مشوار وضللت الطريق لأجد نفسي في مكان شديد الغرابة. حتى أنى ظننت اننى دخلت إلى قرية ما. ولولا أنى واثقة اننى في قلب القاهرة لاعتقدت اننى في محافظة أخرى.
الشوارع ضيقة جدا و تمر فيها السيارات بصعوبة شديدة، البيوت متهالكة تكاد تكون ملاصقة لبعض و الحيوانات ترعى في الشارع. ايوة الخرفان زى ما تكون في الغيط بالظبط. حتى إن المواصلات الأساسية هي التوك توك..... ظللت أتلفت حولي حتى عرفت أنى في صفتاللبن
وقتها عرفت إن الصورة السيئة اللي كنت راسماها عن العشوائيات أجمل مليون مرة من الحقيقة.
حقيقي الناس دول صعبانين علية. عايشين في ظروف غير آدمية بس عمرهم ما اشتكوا. المهم أنى لما حكيت الموضوع دة لناس, قالوا لي بمنتهى البساطة دة شيء بسيط جدا.
فمحاولتش أتخيل أية ممكن يكون اكتر من كدة لأني عندي اكتئاب من غير حاجة.
و لما حد يتكلم عن العشوائيات يتكلم عن كيفية إزالتها و التخلص منها مش كيفية تطويرها و إدخال المرافق الأساسية. حسبي الله و نعم الوكيل.